معايير اختياركم لأزواج المستقبل - الصفحة 4

أم البراء السلفية · 2012-01-25, 15:07

اضحك الله سنك
ماتخميش قاع اختى
روحي ترقدى بلاك تلقايه في المنام
تفكيرك غريب صراحة
اسمحيلى على التدخل

اقتباس:

المشاركة الأصلية كتبت بواسطة hadjer.m

المواصفات : دين ، خلق ، مستوى علمي ممتاز ، مثقف ، وسيم ، أنيق ، هادئ ، شخصية قوية ، رزين ، حنون ، طموح ، متجدد ( يبحث دائم على التجديد ، بصحححححح اكيد مش زوجة ثانية ههه) ، من عائلة محترمة
و من جهة اخرى تكون عندو وظيفة ثابتة ، سكن مستقل ( حتى ايجار معليش) ، اذا ما عندوش اخوة ذكور في البيت و ما هندهومش الداخل و الخارج استغني عن هذا الشرط ، يوافق على اكمالي دراستي ، ثم العمل بعد ذلك ( الا اذا قصرت في حقه و في حق بيته بعد ذلك) فله ان يلغي هذا البند

خوله فاشن · 2012-01-25, 15:08

ايتو ان شاء الله فيها هذه المواصفات ليش لا فكل واحد يحب حاجه في شخص اللي يحوس يديه تكون له جزء من هذه الصفات طبعا في علم النفس كل واحد يدي على وش يشوف في شخصيته
اوكي
ماعنباليش علاه الرجاله يتقلقوا من طلبات البنات ؟؟ ماتدوش غير اللي تليق لكم
الطيور تقع على اشكالها فما تتقلقوش

وعليكم السلام ورحمة الله وبركاته زينب

ito · 2012-01-25, 15:09

صلوا على النبي المصطفى

خوله فاشن · 2012-01-25, 15:09

ام البراء وش الغريب
وش بيكم نحوس نفهم ؟
تحوسونا ننزلوا لمستوا اللي وصل له المجتمع معن كانت هذه المتطلبات من الاشياء العاديه في كل رجل ؟؟ والا تغيرت الرجله وتغيرت كلش
تلقاه ان شاء الله ياأم البراء والا مالقاتوش في ولاد البلاد تلقاه بره وين المشكل ماكانش حاجه غير ممكنه

خوله فاشن · 2012-01-25, 15:10

صل الله عليه وسلم

خوله فاشن · 2012-01-25, 15:13

ضوء الخيال علاه تبررريلهم وش قصدك اللي يفهمك مليح مايحتاجش انك تبرريله انتي صح وهم اللي ماعنباليش وش يحوسوا استغربت ردودهم في حين المفروض يحطوا معاييرهم ويخرجوا لكن علقوا

مكيش ملزومه في التبرير هما صغروا تفكيرهم قولي لهم ايه نحوسوا هك واللي ماعندوش هذه الشروط مايهدرش يشوف اللي تحب الصباط المغبر

خوله فاشن · 2012-01-25, 15:16

اوكي حلمي ندخل الجنه ان شاء الله ............. هيا عارضوني قولوا لي ماتامليش
نفس الشئ هيا حطت حلمها وان شاء الله يتحقق علاه تعارضوا ؟
لاكانت خيرات ربي كيما انتم خلات علينا الحمدلله لينا رب يلبي لنا

أم البراء السلفية · 2012-01-25, 15:18

الغريب فيما ذكرته الاخت
+
مابيا والو
+
هو كل واحد ورايو ياختى انا ماقتلك انزلى ماقتلك اطلعى ضننت اننى اقتبست رد الاخت هاجر والله اعلم
هو صح كل واحد وواش يحب في شريك حياتو لكن الاخلاق هي اهم شيء
وانا نقول علاه العنوسة راهى 99/100 في الجزائر
هادا كلو من طلبات النساء التى لا معنى لها
لازم يكون صباطو يشعل وشعرو مطلعو بالجال
انا مانيش انقول المهم يكون نضيف وخلاص اما الامور الاخرى كلها شكليا هذا رايي
ونقطة .

اقتباس:

المشاركة الأصلية كتبت بواسطة خوله فاشن

ام البراء وش الغريب
وش بيكم نحوس نفهم ؟
تحوسونا ننزلوا لمستوا اللي وصل له المجتمع معن كانت هذه المتطلبات من الاشياء العاديه في كل رجل ؟؟ والا تغيرت الرجله وتغيرت كلش
تلقاه ان شاء الله ياأم البراء والا مالقاتوش في ولاد البلاد تلقاه بره وين المشكل ماكانش حاجه غير ممكنه

خوله فاشن · 2012-01-25, 15:27

لالا اختي العنوسه جات مهيش من طلبات البنات العنوسه جات لان كل واحد عنده صحبته ولان الأمور اختلفت حاليا ماجاتش من طلبات البنات شفتهم الله غالب عليهم يدوا اللي جات
الاخلاق وياربيييييييي اوما ندوها حاجات اخرين
لكن مش نحددوا مطالبنا اخلاق ونسكتوا زعما ناس ملاح بركاوناااااااااا

ضوء الخيال عادي جدا انتي مقلقه روحك ومباعد هما مادخلهمش في مطلباتك وماهمش رايحين يخطبوا لك اثبتي على رايك وماعنبالكش فيهم هما كان جات عليهم يبغاوك تدي الساهل اللي فنياين وماعنبالو وين ربي حاطه ربي هو اللي يدير ماشي هما

خوله فاشن · 2012-01-25, 15:29

العنوسه ثاني سببها العقليه كل مالها في الحضيد تلقايه كل ماهو الراجل يتفنين وماعنباليش وش يحوس وشاد الحيط ويتمنى ينزل عليه الخير
والعنوسه سببها يخلوا بنات الناس الله يبارك اللي ماتمشيش واللي ماتهدرش ويدوا اللي يبانوا واللي تهدر واللي واللي يشوفوا برك اللي على الواجهه مايشوفوش مليح بنات الناس

خوله فاشن · 2012-01-25, 15:40

عالعموم انا خارجه بنات اتمناو والله يرزقكم اللي تتمناوه وماتحقروش رواحكم
جامي شفت احد يدخل في احلام الناس وامنياتهم فعلا غرابه
وسلام للجميع
سبحانك اللهم وبحمدك اشهد ان لا اله الا انت استغفرك واتوب اليك

~~chamam~~ · 2012-01-25, 16:01

اقتباس:

المشاركة الأصلية كتبت بواسطة ضوء الخيال

اختي زينب

بلاط عفسة الصباط ماعجباتكش بصح العضوة الي مدت المواصفات قلتي عليها راهي مبالغة فيها

ارضاء الناس غاية لا تدرك

حتى افهمكم وجهة نظري نقولها بالعامية

اي شخص يكون حاب يخرج يستيكي روحو يسرح شعروا يسقم كول القميص وما الى ذلك بصح قليل وين تلقاي ليهتم بتقاشروا الا مقطعين ولا متسخين وكذلك بالنسبة لسباطو من هاذي الفكرة حبيت نقول الراجل الانيق يهتم بادق التفاصيل لان اغلبنا لايعير اهتماما لهذه النقطة نظن وضحت الفكرة

انا ماهدرتش على الدين والخلق لانو امر مفروغ منو نظن مكاش وحدة تتزوج بشخص مش يصلي ولا يدروقي

نظن اغلب الاعضاء مافهموش قصدي انا ماقلتش نشوف الصباط كصباط وفقط وانما قصدت منه شيء اخر

اتمنى ان تفهموا وجهة نظري

بالنسبة الي قالوا بانهم تفاجئوا من ردودي وطحت من عينيهم اقول لهم

الحمد لله الحمد لله الحمد لله ان الجنة ليست في عيونهم والا لكنت من اشد النادمين

والله غير هايلة هادي ..تعجبينى كتزعفى هههههههههههههه
.....
شوفى يا الاخت باش نتكلموا بصراحة ..انا والله فى الحقيقة ..كنت نتبع فى الردود تاعك ديمة ومن اشد المعجبين ..خلينة نقولوا بالعقلية تاعك ..لهدا تفاجئت اليوم ..بالرد هداك ..ورانى علابالى ..واش تقصدي ..واش ما تقصديش ......
حبيت نقولك الديفوا برك وين راه ..المشكل هو ....
كاين فرق بين الراجل لمستيكى ..ومسيرج صباطوا ..اعزب
وفرق بين الراجل لمستيكى ..ومسيرج صباطوا ..متزوج ...
الاعزب هداك ..لوكان نحكيلك من هنا الى الغد ..ميكفيش ....
لمستيكى لمزوج ..كاين حالتين ..اما مرتوا متهليا فيه ..اما هو زير نساء ..خصوصا لعاد تانى يدير بارفا ...ههههههههههههه
وكلام الصح ييجى بضحكة ..

~~chamam~~ · 2012-01-25, 16:26

اقتباس:

المشاركة الأصلية كتبت بواسطة ضوء الخيال

لا داعي لتستفزني فلست بمزاج جيد

انا لا استفزك ..ولاكنه كلام صحيح ...اغلب الجزائريين يلبسوا من الشيفون ...والصبابط تانى من الشيفون ...

والله غير تعجبينى كتزعفى ههههههههههههههههههه

~~chamam~~ · 2012-01-25, 16:41

وشكون راه ليلبس اللبسة ماشى نقية ....وشكون قالك منعوا الشيفون ...لوكان تشوفى البارح فالسوق عندنا هنا فى ولاية ميلة
اكسى روحك ..يا الزوالى ...هههههه ..
والله طليت على الملف تاعك الشخصى لقيتك تسكنى فالجلفة ....
ادا كان صح ...انا عندي واحد فاميلا مزوج بوحدة من الجلفة ..
تعرفى احسن حاجة فبنات الجلفة هى انهم كيمة انتي هكدا ..مفيهمش التصنع ..يعنى التلقائية ..وعدم التصنع ..بنوع من السداجة التى تزيد من حلاوة المراة ..مع كامل التحفضات ....
انا اقول يا اختى انك انسانة رائعة وكل الحديت الدي قلته سابقا ..
فى حقك عبارة عن تسلية ..يعنى كنت نضحك برك ..وانا اعود بالله من كلمة انا كنضحك ..يخرج الصح من لسانى ..يعنى ديمة كلام الصح ييجى بضحكة ...واخيرا ...اسال الله لك باسمه الاعضم ان يهب لك من لدنه زوجا هينا ولينا ...دكره مرفوع فى السماء ..وان يرزقك درية طيبة ..عاجل غير اجل يارب .........
وشكرا ..........

z.abdo · 2012-01-25, 16:45

اقتباس:

المشاركة الأصلية كتبت بواسطة أم البراء السلفية

السلام عليكم ورحمة الله وبركاته
ولا تبرجن تبرج الجاهلية الأولى
اما بنسبة
الشروط
كيما قلت يكون مدين وحافظ لكتاب الله ادا ماكانش حافظ نحفضو مع بعض ان شاء الله
يكون ملتحى ركزلى عليها
يكون محترم
ويكون تقى
اذا احبنى اكرمنى واذا كرهنى لم يظلمنى

مجرد ملاحظة اختي
صح يكون متدين بصفة عامة لكن ان يكون ملتحي أظنها ليست من شروط الزواج أختي لكن كل واحدة واش تحب ان فاهمك تقصدي يكون يطبق السنة وراني فاهمك لأنك أنت سلفية وتحبي يكون زوجك سلفي لكن والله يا اختي المظاهر خداعة أعرف كم من شب من دون لحية واخلاق حميدة واعرف كم من شب ملتحي لكن لا يعرف التعامل مع والديه أو أقاربه أو المجتمع
الهم انت حرة في أختيارك أختي لاكن لا أحب أن تتفاجئي في زوجك يكون مثلا ملتحي لكن ربما تتفاجئي بخصلة لم تكوني دايرة حسابها
لكن أدعولك بالزوج الصالح اختي إنشاء اللله