اقتراح ادخلوا شاركوني

[نزهة الربيع]

لسكان الشمال كى طيبى الشاى ضعى درات من الملح فى الماء باه يجيك طعمه مثل شاى الصحراء وهدا سرى الخاص فى اختلاف شايى عن جاراتى

[ام محمد ميدو]

اذا درتي اي وصفة فيها صفار بيض وما لقيتيش واش ديري بالبياض ساهلة ديريه في صاشي و حطيه في المجمد (الكونجيلاتور) نهار لي تستحقي ديري ميرانغ او اي وصفة فيها بياض بيض برك اجبديه

[مقدسية]

سلااااااااااااااااا م
ادا حبيتي اللوبياء او الحمص خاثرة خدي لوش منهما بعد ما يطيبو ورحيها ورجعيها للمرق ورا ح تلاحظي الفرق.

[** موحدة 02 **]

ثبتوا الموضوع ؟؟ الله يبارك هذا وين راني شفتوا كنت نحوس عليه التحت ما لقيتوش.
المهم ماراه حاضرني والو ذرك حتى نتفكر كاش حاجة راني نكتبلكم آآآآآآآآآآآآآآآآآآآ تفكرت حاجة
يلا بعيتي تروحي للعرس و خفتي ولادك الصغار يهبلوك ديريلهم تارموس تع كمون و اعطيهم يشربوا حتي يسيخوا ينصرعوا و يطيحو كااااو ههههههههه

[ام محمد ميدو]

سلام بنات
كي تكوني رايحة ديري كريم باتيسير الكسرونة لي راح طيبيها فيها ديري فيها اولا مكعبات ثلج او ماء بارد جدا
وفي هذه الاثناء وجدي المكونات نتاعك ثم فرغي الكسرونةمن الثلج وبلا ما تشليها او تغسليها حطي فيها مباشرة الحليب وكملي الكريمة هكذا مش راح تلصقلك الكريمة في الكسرونة

[ام محمد ميدو]

باش ما يلصقش في يديك اللون الاحمر نتاع البيتراف ادهنيهم بشوية زيت

[miri_27]

السلام عليكم عجبني الموضوع كثير و حبيت اشاركم بهذه الفكرة
إذا حبيتو المرق ايجيك ثقيل و مافيهش ليدام قلي في الاول مع البصل و الخضار ملعقة كبيرة نشاء

[ام محمد ميدو]

كي تقسمي حبة القارص و يبقالك نصف كي تخليه في الثلاجة راح يتغير طعمه باش ما يصرالكش هاك اقلبي النصف في صحن صغير و ديري فوقه كاس راح تبقى كيما هي

[هفين]

اذا حبيتي اتطيبي دجاجة محمرة وخفتي اتجيك ناشفة ما عليك الا ان تضعي داخل الفرن في الاسفل اناء فيه الماء وهكذا كي يبدا الماء يسخن البخار يطلع والدجاجة تتحمر وتجيك طرية

[مقدسية]

تحيااااااااتي اخواتي الكريمات ....
ادا حبيتي ورق البوراك (الديول) ناجحين ومايتعبوكش لازم ديريلهم مقلة سبيسيال لاتستعمل استعمالات اخرى،انا شخصيا عندي مقلة تيفال نوعية مليحة مخصصتها غير للورق ولغرايف.

[hiba betty]

الى الاخت تقوى والله يا اختى غير ضحكتينى ضحكة خرجت من قلبى صادقة الله يخليك

[/زهرة عصفور الجنة/]

للقضاء على رائحة الشيفلور لما تغليه اضيفي سنة ثوة وملعقتين عصير الليمون.للحفاظ على نكهة التوابل احفظيها في علب زجاجية.للحصول على طلية لامعة اضيفي ملعقة زيت للطلية للقضاء على رائحة الكرنب عند تغليته اضيفي ملعقة بيكربونات

[loubna2]

سلام للاخوات كامل عجبني الموضوع بزاف شوفوا انا واش نعرف
كي تحطي الزيت في المقلاة ويعود يطرطش في الزيت بسبب وجود الماء لوحي فيه شوية ملح بين زوج صباعك يعني كمية قليلة راح يمتص هذاك الماء والمقلاة تسكت

كي ما يجيكش البغرير مثقب يعني حطيلوا الخميرة تاع الحلوى يتطلق ويجي خفيف حوالي مغرف قهوة

كي ما تحبش الحمص تطيبلك حطيلها الخميرة تاع القاطو


باه تسرعي وتحلي الكوكوط حطيها في الافابو وحلي عليها الماء البارد تبرد بسرعة وبلا ما تديرلك البخار في الكوزينة كي نتحيلها الصفارة


مممم هذا واش متفكرة كي نزيد كانس ما نتفكر نخبركم ومارسي كامل على نصائحكم المفيدة جدا جدا انا شخصيا درك ندونها كامل في المفكرة ربي يجازيكم خير

[majda archi]

لاعطاء سباقيتي ولا النعكرونة طعم مميز ولتخلص من حموضة الطماطم ولفائدة اكثر
اطبخو حبة جزر داخل لاصوص وارحوها فيها راح تعطيها لون ودوق وفائدة
مجربة خاصة مع الاطفال لي ميحبوش الجزر المطبوخ هدي حيلة باه يكلوه وميفيقوش

[majda archi]

لبطاطا مقلية مقرمشة من برا وطرية من داخل
غلي قدرة نتاع الماء فيها ملعقة اكل خل+ملح
قطعي بطاطا ورميها فالماء المغلي لمدة5د
صفيها وقطريها واقليها