من منكم يعمل نصف يوم فقط - الصفحة 4

vive csc · 2011-10-01, 14:19

ياأختي ليكن في علمك بأن العقد بين لانام و مديرية التربية هو العمل نصف يوم والأجر 15000 دج ولكن أغلبية المؤسسات لاتطبق هذا القرار لماذا؟
باش يخدمو علا سراهم برك
أنا أعمل نصف يوم منذ العام الماضي وأسجل أسبوع من 8.00 الى 12.00 وأسبوع من 13.00 الى 17.00 ولكن هاذ العام طلبو مني العمل نصف يوم وتسجيل اليوم كامل أي صباحا ومساءا

Mahboub_222 · 2011-10-01, 18:34

احنا يا خوتي...في الاول كنا نخدم 8 ساعات ..و لكن من بعد اصبح العدد كبير..تضاعف كثيرا...يعني و لينا كي انجيوا قاع..الواحد منا ميلقاش وين يقعد...لهذا المدير قسمنا نص يجي الصبح و النص الاخر يجي في المسا.....و قضية البوانتاج احنا ندعوه قلوبال..يعني ليست بتاع قاع الخدامة و في الاخير المدير ايسنيي....و ندفعوه...يعني منحددوش الصبح و لا لعشية .......و الله أعلم بصح مداك البليزير العظيم اللي راهي ديراتها الدولة تاعنا الحكيمة في الشباب خريج الجامعات ...والوا قاع الموظفين تابعين لانام و لا داس.....وال بزاف بنا..الخدمة تاع واحد يديرها 5 تاع الناس...بطالة مقنعة...

pato68 · 2011-10-01, 21:32

بالنسبة لهادو الناس لي قاعدين يقولو بلي نورمااال ما نحضروش و نسلكو و المرسمين يسلكو بلا ما يحضرو...شوف صحانية الوجه و مبعد يقولولك البلاد سرقوها و نهبوها
لي تجيه الفرصة باش يسرق 3000 دينار و يصتصغرها نهار تجيه الفرصة باش يسرق مليار مش موحال يديرها
أما بالنسبة لك أختي أعتقد أن عدم عملك اليوم كله بأمر من المسؤول و ليس غياب .حيث يدخل في إطار العمل التناوبي . فأقترح أن تضعي ملاحضة أمام ورقة الحضور بأنه عمل تناوبي و بدون غياب.
و الأفضل أن تسألي أهل العلم و تطمئني

omar algeria · 2011-10-02, 17:30

الله اعلم اختاه

عاشقة السكـون · 2011-10-18, 00:05

اقتباس:

28-09-2011, 23:00
السلام عليكم
نقدر نرجع لك الخبر الشهر الجاي كي نخلص
لاني شخصيا انا وواحدة كنا نخدموا نهار كامل ونعمروا البوانتاج عادي لكن ها العام ثرنا وقررنا التغيير خاصة بعدما اتى اصحاب المعارف يخدموا زوج سوايع ويعمروا البوانتاج عادي حتى النهار مايجيوش كامل مع اننا احنا كنا نتحاسبوا من طرف المراقب العام قبل المديرة
هذا العام طلبنا من المديرة نخدموا نص نهار انا عمرت شهر سبتمبر من وقت بديت نخدم 09/11 وعمرتوا نص نهار ولااعلم كيفاه رايحين يحسبولي نستناو للشهرية الجاية ونرجع لك الخبر
مع انه جاب لي ربي والله اعلم ماينقصوش

-*
السلام عليكم
حــتى أكون عند وعدي واني مانسيتكش لكن التاخر راجع لدفع الراتب
وبما أنه اليوم دخلت المنحة فأردت أن اعلمك أن الشهرية هي هي لم تنقص ولله الحمد
اللي يمشي بنيته ربي يخرج للخير ان شاء الله
والسلام عليكم

عروبتي · 2011-10-18, 16:12

اختي البوانتاج اكتبيه نورمال من 8:00 الى17:00 كاين مديرين هم ليقولوا للعاملين في اطار الادماج نص يخدم الصباح ونص يخدم لعشية كاين ليسي عندنا المراقبين لي يخدمو في اطار الادماج بزاف قالهم المدير مجموهة تخدم الصباح ولاخرة لعشية والبونتاج يتكتب نورمال من 8الى5

mizou02 · 2011-10-18, 16:42

يا خو كاين لي ميروحش او يخلص

حسينة 36 · 2011-10-18, 20:55

كنت نعمل عقود ادماج 3 ايام في الاسبوع ويومين ل ،ا بموافقة من الادارة واذا غبنا في ايام العمل يحطولنا غياب وفي البوانتاج نسنيو غير ايام الحضور والباقي لا وجامي نقصولنا كنت نستلم الراتب كامل

mitorh · 2011-10-18, 20:59

اقتباس:

المشاركة الأصلية كتبت بواسطة ياسمين11

من منكم يعمل نصف يوم فقط

عندي سؤال لكم من فضلكم

عندما اعمل نصف يوم فقط في مؤسسة تربوية
مثلا من 8الى12 او من 1الى5
كيف اكتب لبوانتاج نتاع الشهر
هل اكتب مثل مااعمل اي نصف يوم فقط ام اكتب من8الى 5

واذا كتبت نصف يوم فقط هل يؤثر ذلك على راتبي ام لايؤثر

فمن عنده المعلومة فلايبخل علينا
شكرا لمساعدتكم مسبقا

اتقي الله في الحلال و الحرام
خذي اجرك حسسب عملك
شكرا