لكل من تقلق عليا - الصفحة 4

tamara31 · 2011-09-21, 19:27

الحمد الله لي فات كلشي بصح حبيبك ومايفوتكش وانتي كي قبلتي بشروط صعيبة هادي كيوالو زيدي صبري ياك صابر ينال
وانا فرحتلك كي رجعتو مع بعض ربي يجمع شملكم على محبة ان شاء الله

mama43 · 2011-09-22, 09:59

kelly krit hkaytak w ghedhtini wach djouwezti besah a3la hsab choufa yhebek bezaf ala hadhik yeta3mel ma3k haka en plus bach yhes k rahou radjlek w lazem tesem3lou klamou a3ndou chwiya ezat nafs mais hna les jeunes nta3na hadik hiya rodjla nta3hhom khami mlih w msaysih bela3kal rabi ydjib li fih el khir

kelly2929 · 2011-09-22, 10:44

انا كون جات الزعاف على وقت برك راني نفوت ونصبر بصح كون نخليه نكملو ديما حك وانا هادا الللي يحبني ومايسقسيش عليا ويكون قاعد مايخرجنيش ومايخلينيش نخرج لا مع دارنا ولا مع خواتاتي ماعندي ماندير بيه

kelly2929 · 2011-09-22, 10:46

انا ادا سمعت رايكم وعلى جالكم نويد نصبر سمانة حتان الخميس الجاي نتلاقاه ونشوف بصح ادا ماتبدل والو
راني نقولهالو ديراكت ياتتعدل نرجعو كيما كنا ياكل واحد في جيهة كيما هو قالي ياتحبسي خدمة ياكل واحد في جيهة

kelly2929 · 2011-09-22, 10:48

وهو من النوع اللي يحب يمشي هدرتو وزيد علابالي وش قصتو هو درك يخمم يقول
مالف ديما يقولي كون نحكم عليك غلطة والله ماتعدي وكل واحد يحكم طريق وانا كي لقاني عيطتلو هاديك لعشية ماهزش عليا وزيد عيط في العيد ماهزش عليا ملتما ماعيطش حتان عيطلي وحدو
وقلي راني وليت نبكي كي لمرا

kelly2929 · 2011-09-22, 10:50

درك يخمم يقول
باللي انا نقول مادامو ماسبلش فيا وهو لي عيط يعني مايقدرش يسبل فيا ونعود نعمل راي بصح انا والله ماخممت هك
بالعكس على بالي باللي واحد مهما يحب وحدة كون يكره منها ومن المشاكل راهو يبعد عليها مهما يكون يحبها

kelly2929 · 2011-09-22, 10:52

الحل وين مانعرف
نزيد على وجه البنات نصبر سمانة وحدة والله على وجهكم نتومة نتلاقاه الخميس ونشوف وعلى بالي ماهوش حيعيط السمانة كاملة المهم نتلاقاه الخميس الجاي ادا ماتبدل والو نجي نقوللكم بصح لتما وحدة ماتزيد تقولي اصبري

kelly2929 · 2011-09-22, 10:53

بنات زعما عدم المبالات هادي يعني مايعيط ماوالو ودا ليبيس وحتان نعيط انا باه نتلاقاو
زعما مايكونش يستنا فيا نكره ونجبد وحدي باه نقول انا لي بطلت وماتجيش من عندو