نزوجو ولا لا ادخلو ونصحوني تعيشو

[دنيا55]

المشاركة الأصلية كتبت بواسطة chou_int

واش من بنة بقات تاع زواج هدا مع احتراماتي ندل و مخادع كيفاه يسجل مكالماتك و يهددك إدا ديتيه واش راح يتبل فيه هدا ادا صح حاب يديك لازم تشوفي طريقة باه تخبري باباك و الأحسن عن طريق الأم و هدا راي خاص صح فطوركم

صح مابقات حتى بنه
اخبار الاب قد يسبب خراب للبيت
لانه اصلا توجد مشاكل عليها لم أتطرق اليها في الموضوع
شكرا على الاهتمام والافاده
بارك الله فيك
ادعيلي

[دنيا55]

المشاركة الأصلية كتبت بواسطة chocho2020

تقريبا نفس المشكلة نتاعي ولكن من نوع اخر...المهم ردي بالك تقبلي تتزوجي بيه ردي بالك أنا ننصحك تداومي على صلاتك و الدعاء الى الله عزوجل يغفرلك...

راني ديما ندعي
ربي يفرج علي وعليك وعلى كامل المومنين والمومنات
بارك الله فيك

[دنيا55]

المشاركة الأصلية كتبت بواسطة وردة أمل

.............بصح اسمحيلي الغلطة بدات من عندك انت و لازم تتحملي المسؤولية كاملة..................

إياك ثم إياك تقبلي تزوجي بيه هذا إنسان مخادع و ماراهوش تاع ثقة خصوصا و راه بين روحو من الأول ...............و ادعي ربي يفرج عليك و يبعدوا عليك لأنو رايح يدمرك يلا قبلتي بيه و رايح يجبدلك قاع واش درت ........صور......محادثات........لقاء.......و رايح يقولك بلي ما كيش انسانة تاع ثقة و قادرة تخونوني ..............

ربي ييسر أمرك و يهون عليك إن شاء الله

أكثري من الإستغفار و الدعاء

اعلم ان الغلطه كانت من عندي كنت صغيره ونيه وكانو عندي مشاكل فالدار معرفتش صلاحي
حتى انا منيش قابلاتو بصح خايفه كاش مايدير
ادعيلي وشكرا على الرد

[دنيا55]

المشاركة الأصلية كتبت بواسطة rynad

لالالا لا لا تقبللللللللللللللللللللللللللللللللللللللللللى بيه مراهوش اهل الثقة

يعني نخليه يخرب البيت؟
شكرا

[دنيا55]

المشاركة الأصلية كتبت بواسطة *الفتى الصغير*

كمّلي قرايتك


كي شغل ما عرفتيهش

و كي يقرب ليك

عندك ابوك او خاوتك يربّوه

بالطريقة المناسبة ( بالدبزة)

ملاحظة قلتي السيد اخينا

االاخ مايديرش هكذا

يعني هو واحد من الحثالة و ليس أخ

صح فطوركم

ابي لوكان يعرف راح يتقابض معاه ويوقع فيها ضرب
ومبعد يجي يزيدلي انا
والخطوه الاخيره يطلق امي
وربما يحبس اختي من القرايه
شكرا لك
ادعيلي

[دنيا55]

المشاركة الأصلية كتبت بواسطة big_hammer

غيري رقم الهاتف و لا تراسليه على النت ..

بعد مدة سيتركك لحالك ...

ياحسراه
جربتها وكي جا عند بابا باه يحكيلو كيعاد غيرت الرقم وماحكيتش معاه طول
يعني طريقه غير صالحه
شكرا على الرد
ادعيلي

[دنيا55]

المشاركة الأصلية كتبت بواسطة adel04

لا مجال للتفكير فيه كزوج لك...هذا الذي يعتبر نفسه"أخينا" هو أخوالشيطان لا أكثر...حذاري أن تتزوجيه فالخراب سيكون نصيب بيتك..اقطعي علاقتك به تماما..غيري رقم الهاتف ولا تكلميه على النت...سيمل ويرحل باذن الله...ربي معاك

لا مايملش
كي درت هاذ الطريقه جا عند ابي
شكرا على الرد
ادعيلي

[دنيا55]

المشاركة الأصلية كتبت بواسطة المتوكل محمد

إذا لك رغبة فيه فاعلمي انك سوف تكونين شبه مسجونة او محبوسة في دارهم ..
وإذا ليس لك رغبة فيه فاقطعي كل صلة به وابتعدي عن علاقات النت تماما ..
وأي شخص يهدد بنشر الصور هو عديم الاخلاق والانسانية ..
وعديم الرجولة تماما لانه لو رجل فعلا سوف يجد من تتزوجه كثيرات ولا يقف عند
واحدة يهددها ابدا فالرجل الحقيقي اذا رفضته واحدة تزوج أفضل منها .. معذرة لقسوتي
لكن هنا تكمن الرجولة وليس بالتهديد بالصور ..

الشي اللي يضحكني هو انو لما نقولو علاه دير هكا
يقولي ماقدرتش نبعد عليك
ومبعد ينوض يبكي ويقولي عذبتك وماقدرت نديك ماقدرت نخليك تعيشي حياتك
ومبعد كي قرر يتخطى مشكلتو معايا ويطلب يدي
قالي ضرك خلاص لازم نديك ولا نقتلك ونقتل روحي
يااخي علاقتي بيه قطعتها من عام ونص هو اللي ماحبش يخطيني
شكرا اخي بارك الله فيك
ادعيلي

[دنيا55]

المشاركة الأصلية كتبت بواسطة زهرة الدنيا

balllllllllllllllllllllllak tizawji bwahed khada3 kima hada ............ W khalih yhadad 3la rou7ou w win rayha tbani ntiya b hadik tassjilat w lrs photos yendib bihom psq rana kamel m3ardine bach yrou7olna manach 3arfine kifaach w chedi f rabi w 9raytek w khedimtik menb3ad hada sla7ek ya tofla w rabi m3ak

ليفوطو نورمال
بصح التسجيلات نقدر نبان انا لانو فيهم كلام واقعي وصرا صح
يعني ماتقدرش تقولو وحده اخرى بلا انا
شكرا اختي
ادعيلي

[دنيا55]

المشاركة الأصلية كتبت بواسطة نائب عضو

السلام عليكم

لقد اعترفت بأنك أخطأت لما تكلمت معه ، وهذا خطأ كبير لأنك خنتي ثقة أهلك فيك،

ولكن الخطأ الأكبر أن تواصلي في خداعهم، الآن استطاعت أمك أن تساعدك وربما

سامحتك أيضا ، لكن إذا استميتي هكذا فالنتيجة ستكون صعبة عليك وعلى أهلك،

أما عن الزوج فمنزلك عنده باب وأنت عندك والدك فإن أراد الخير فالطريق واحدة ،

والطرق الأخرى تعني انه يلعب بك فلا تفتحي له تلك الطرق وإلا خسرتي كل شيء.

يااخي انا اي طريق اخرى غلقتها
هو راه باغي يخطب وانا راني مخلطه
شكرا اخي
ادعيلي

[دنيا55]

المشاركة الأصلية كتبت بواسطة سارة29

خطيييييييييييييك منه وبعدي عليه وخطيك من الدردشة على النت جيب غير المشاكل والذنوب

ياساره خطيتها من عامين تقريبا
هو اللي مش خاطيني
شكرا اختي
ادعيلي

[دنيا55]

المشاركة الأصلية كتبت بواسطة نبيل الموحد

السلام عليكم و رحة الله و بركاته .

يا أختي ننصحك كيما خوك، هذا ماشي راجل و ما يستاهلش تتزوجيه، هذا انسان حقير و ما عندو لا دين لا أخلاق .

إياك تكلميه مرة أخرى لا في النت لا في الهاتف .

كلمي يماك و فهميها و روحي معاها انتي وهيا لعند الشرطة ( لا بوليس ) و حاولي تحلي المشكلة معا يماك بلاما يسمع لا خوك لا باباك، و إيلا ما قدرتوش تحلو المشكلة قولي ليماك ترفع المشكلة لباباك و خاوتك، صحيح ممكن يعاقبوك لكن هذا هو الحل المناسب، خلي خاوتك يربيو هذا النذل الحقير، و قولي ليماك توصي باباك و خاوتك باش يحلو المشكل بكل سرية هكذا باش ما تتشوهش السمعة تاعك .

ممكن تعاني معا باباك و خاوتك أيام أو أسابيع أو اشهر لكن أفضل من أن تتزوجي انسان حقير و تعاني طول حياتك .

للمرة الثانية نزيد نقولك إياك تتزوجي هذا النذل الحقير، هذا ما عندو لا دين لا أخلاق و الأساس في اختيار الزوج هو الدين و الأخلاق .

ما زالك صغيرة، توبي إلى الله، حافظي على الصلاة، أكثري من الدعاء و اسألي الله الستر في الدنيا و الآخرة .

حاولي تحلي المشكل معا يماك و إيلاما قدرتيش عندك باباك و خاوتك، راكي انسانة حرة كرمك الله ما تضعفيش و ما تخليش انسان حقير يلعب بيك و يهددك، اتغداي بيه قبل ما يتعشى بيك شاوري يماك كاين باباك كاين الشرطة ( لا بوليس ) لازم يتربى مليح .

و راكي قلتي بلي هاذ الحقير أخينا ( خوانجي ) أبدا هذا النذل ماشي أخينا أو خوانجي ليس كل من يرخي لحيته فهو خوانجي، المشكل أن الناس يظنو أن كل من عندو زوج شعرات في وجهو أخينا، لا، هناك اللي داير لحية و يشرب الخمر، و هناك اللي داير اللحية و يعمل مروج مخدرات، هناك اللي داير لحية و ما يصليش، هناك اللي داير لحية و يلعب ببنات الناس .

فكرتيني بحال واحد الشاب كان جارنا بكري، و ما زالني نتلاقى بيه، نصحتو سبعين مرة بدون فائدة، داير زوج شعرات في وجهو و جملة ما يعرفش يقراها، كل سبعة أشهر مع فتاة، يصيد الفتيات المغفلات في الشارع يعطيولو رقم الهاتف، يبدا يهدر معاهم بالدين يقولهم البسوا حجاب شرعي و جلباب يخرج معاهم يحوسو في مختلف المناطق زعما بش يعرف عقليتهم، و كيما يتعلقو بيه و يربطهم يتجرأ حتى يضربهم في الشارع، أحد الفتيات تمسخر بيها لبست الجلباب و النقاب ثم خلاها، وحدة لبست حجاب شرعي و القائمة طويلة، و هاذ الشاب مستحيل يتزوج لأن يماه اللي تحكم فيه مرة قالها نتزوج جرات موراه بالكليمونات و ما دخلش للدار بعد كم ساعة ، شحال من فتاة ضيعها و ما زالو، آخر مرة تلاقيتو كانت قبل شهر أو شهرين، نصحتو و كيما كثرت عليه قالي بلي راني قطعت العلاقة مع آخر فتاة وقع في غرامها كيما يقول، و علابالي بلي ما زالو في مراهقتو المتأخرة، و كيما تسمعيه يتكلم على الفتاة اللي راهو يتمسخر بيها تحسبيه عاشق ولهان، و كلو نفاق في نفاق . و أتعجب من لبنات اللي يخليو الذيوبة يتمسخروا بيهم . الله سبحانه و تعالى خلقهم عزيزات حرائر و هوما يذلو في رواحهم .

ذكرت هذه القصة فقط لتبيان أنه ليس كل من يدعي الدين متدين، و من ينزلق إلى مسالك نهانا عنها الشرع فإن عاقبته ستكون وخيمة، و على الشخص أن يسعى لاستدراك ما فاته و تصحيح الأخطاء ما استطاع و لا يهرب من شر ليقع في شر أكبر منه .

يا أختي تحاولين الهروب من شر الفضيحة الذي يهددك بها هذا الذئب لكن إن رضخت فستقعين في شر أكبر من الفضيحة و هو الارتباط مدى الحياة بشخص حقير يفسد عليك دينك و دنياك .

راكي صغيرة و الدنيا قدامك، شاوري يماك و شوفي كيفاش تأدبوه بالطريقة اللي تحفظ سمعتك و سمعة عائلتك، و حتى لو كان يجي يخطبك من باباك لازم ترفضيه لأنه لا دين لا خلق .

ربما أطلت و كان هناك تكرار في كلامي، لكنها إن صح التعبير حماسة النصح .

بالتوفيق .

بالفعل اخي
ليس كل ملتح متدين ولا كل متدين ملتحيا
يااخي لوكان جات غير فيا انا نورمال
بصح القصه كون تتكشف للوالد يتخرب البيت وانا محبيتهمش يسلكو غلطه تاعي
اما قضية الشرطه ماتصلحش لانو ابي راح يسمع لامحاله
شكرا اخي بارك الله فيك
ادعيلي

[دنيا55]

المشاركة الأصلية كتبت بواسطة نبيل الموحد

ما تخليهش يقول كلش لأهلك، تغداي بيه قبل ما يتعشى بيك، شاوري يماك و الحلول كثيرة، الشرطة، أو إيلا عندك خوك كبير و رزين قولي ليماك تكلمو بدون ما يسمع باباك، خوك يدي واحد من صحابو الثقة معاه و يروحو يشبعوه عصا بش يتربى .

ما تبقايش قاعدة و تقولي سوف يأتي و يفضحني، اقفزي على روحك و شاوري يماك مليح و اعقدي معاها جلسات متعددة و متكررة حتى توصلو لحل بش تربيو الذيب و تأدبوه، و ما كان لاه تخافي، انتي غلطتي وراكي تحاولي تصلحي الخطأ و ربي يوفقك إن شاء .

نحكي حكاية أخرى حدثني بها أحد أحد أصدقائي الذي يدرس في كلية من الكليات ، كانت هناك طالبة جميلة جدا و أخذ أحد الأساتذة في الجامعة يتغزل بجمالها أمام الطلبة و الطالبات بوقاحة، و كانت هذه الفتاة متجلببة، تعرفي وش دارت ؟ ؟ ؟ في الغد أحضرت أخاها إلى الجامعة أوجع ذلك الاستاذ ضربا داخل الجامعة و أمام مرأى الطلبة، يعني رباه لأنه لو كان كان مربي ما يتغزل ببنات الناس، هذي الفتاة المتجلببة طفلة حرة و لازم لبنات كامل يكونو مثلها .

اهلا اخي
الشرطه غير ممكنه لانو راح تترفع قضيه وراح يسمع الوالد
اخوتي الذكور معنديش
والله يااخي عقدنا جلسات وخرجنا زيروات وهاذ المشكل عندو عام
حكايتي زي على تاع هاذ الطالبه انا غلطت وهي ماغلطتش لامجال للمقارنه
شكرا لك
ادعيلي

[دنيا55]

المشاركة الأصلية كتبت بواسطة asma_53

salam 3alikoum ida takhdi bnasihti ghayri ra9m téléphonek wbima ena msarha mamak matkhafich khlas wzid wahed kima hada takdi enk rah tet3adbi f hyatk wtakrhi nhar li zedti fih habibti ansay enk 3raftih wghayri koul chi mt3ala9 bik wya3rfou wkamli fi mousaraht mamak wrabi y3awnk wyhdina ajma3ine

ياختي انا نسيتو وكرهتو وعفتو ولو كان جيت نحملو غير شوي راني زوجتو وقفلت على لحكايه
لكن خلاص موليتش نحملو طوووووووول ووليت نخافو ومنثيقش فيه
شكرا اختي
دعيلي

[دنيا55]

المشاركة الأصلية كتبت بواسطة nadjet45

السلام عليكم اختي ما تخافيش مدام راكي خبرتي يماك غيري رقم هاتفك وادا تقدري احكي لواحد من فاميلتك ولد خالك المهم تكوني دايرة ثقة فيه وهو يهدر معاه ويشوف واش يديرله خطيك منه وادا هدك انتي تاني هديه بينيله بلي وراءك رجال عظماء ما تبينيلهش بلي راكي خايفة كوني قوية وصلي واكثري من الدعاء في هدا الشهر وان شاء الله تتحل المشكلة وصح فطورك

ياختي عندي غير ربي سبحانو راني ندعيلو
شكرا لك
ادعيلي