اللي عندو مشكل مع خطيبه يتفضل هنا

[imane1]

المشاركة الأصلية كتبت بواسطة bibicha

salam akhi w nchalah tatkabal ijabati ana makhtouba 3andi 1an w t3araft 3la khatibi moudat 4ans mais el hadra binatna f tel makanch bezaf w hata w nahkiw ma ndepasiwch 5minute apar khatrat win nahkiw bezaf li haba nawsal lih ano ida katarto el hadra taktar dsara w yroh el 9dar w defoi nahkiw m3a nas swaaaaaaaaaaya3 mais nhar na§3rfouhom f sah nalkawhom kano dayrini tamthiliya w ma baynolnach hakikathom et donc hna nabniw soura 3lihom mais nansadmo ki na3rfouhom 3la hakikathom chi li nakdar nkolo ahdar m3aha 5minute f nhar w ab3talha des msg defoi w ida 3ndha internet kolha tmadlak adressha w haka tkouno 3la 3laka w tat3rfo b chwiya mais telefone marahch ykhalik ta3raf kol haja w fima yata3lak bil macha3ir wra zwaj hna li nahyiwhom w njadouhom w kayn alf tarika tkhali macha3irna w hobna yabka dima cha3al salam

بالنسبة ليا

الشخص اللي كي نهدر معاه بزاف

يولي يخسرلي في الهدرة



شخص ما نستحقوش !!


وفراقو اليوم خيرمن غدوه





اليوم راني في دارنا نقدر نستغنى عليه ونتكى على بابا وخاوتي

غدوه ان شاء الله راني في دارو مانولي نحوس على حتى واحد غيرو

أخلاقه تهمني اذاً



الهدرة بزاف اجيب الدصارة بالاك نسمعلك

بصح واش نعنيو بالهدرة بزاف ؟

كي يكون اتصال واحد كل يوم ؟





لالا

الهدرة بزاف كي منين يلقى الفراغ يعيط

هنا هي ما تلقاش واش تزيد تقولو وهو نفس الشيء

وبما ان النفس لا تقبل الفراغ

تسعى لسده بخلق المشاكل من لا شيء



انا نعرف واحد ما لقاش واش يهدر

يسكت خير !!



بزاف ناس يقولو بلي نعانيو من مشكل الصمت اثناء التحدث في الهاتف

انا نقول بلي الصمت ماراهوش مشكل

اذا كان البديل الوحيد له هو " خلق المشاكل "

الصمت رحمة ..



واللي مربي مربي ..

[imane1]

المشاركة الأصلية كتبت بواسطة عبد الحميد؟

السلام عليكم...........شكرا اختي الكريمة ....انا اقول في بالي ربما تغضب مني عندما لا اتصل بها ....ربما تقول لا يهتم بي ....

انت وما ولفتها

اذا ولفتها تعيطلها كل يوم , غير ابقى عيطلها كل يوم

اذا ولفتها تعيط كي تنفحلك (كيما خطيبي :d ) , عيطلها كي تنفحلك




وفي بداية الخطوبة ,,

الاهتمام تاعك بيها راح تحوس عليه في اتصالاتك بها

اذا عيطتلها وسقسيت عليها وعلى شؤونها وعلى دارهم

تحكم عليك بلي راك مهتم بيها

واذا ما عيطتش

ولا عيطت وما سقسيتش على دارهم مثلا

راح تحكم عليك بلي ماشي مهتم بيها




أجيبك بصفتي امرأة

فاعتبر

[imane1]

المشاركة الأصلية كتبت بواسطة عبد الحميد؟

السلام عليكم...............شكرا أخيتي لكن لم افهم معنى الاحترام التبادل ؟؟؟؟


أتقصدين عدم الحديث في الامور الخاصة .

معليش تسمحلي سمية نتدخل

نعم تحترمها يعني ماتهدرش قدامها وخلاص

تحترمها يعني تسمعلها كي تكون تهدر

تحترمها يعني كي تزعفك تحاول تمسك أعصابك امامها

تحترمها يعني ما اديرش الحاجة اللي قاتلك مسبقا بلي تزعفها

تحترمها يعني اديرلها قيمة قدام اهلك واهلها وما تستهزأش بيها



وتبع الفطرة تاعك برك تعرف معنى الاحترام المتبادل ..




انا مثلا نشوف بلي خطيبي يحترمني بزاف وهذا الشي مكبرو بزاف في عينيا

تقولي من اين التمست ذلك ؟

نقولك من طريقة كلامه معايا

كي يغلط يعتذر , كي يكون يتكلم معايا ويجيه اتصال اخر يستأذن , كي نحب نمد رايي يسمعو

كي يمد رايو في امر معين ونحب اناقشو يعطيني فرصتي , ,,,,



وعلابالك الاحترام عندو أسبقية على الحب

يقدرو زوج يحترمو بعضاهم وما يحبوش بعضاهم

يقدرو يعيشو مهنيين

لكن العكس , مستحيل الحدوث


الاحترام يجيب الحب

بصح الحب ماشي دايما يجيب الاحترام

[imane1]

[QUOTE=source de vie;6746907]

المشاركة الأصلية كتبت بواسطة imane1

3an 3mois makhtoubine w khatibi architecte 3andou bureau d'etudes donc rahou el hamdoulah la basse 3lih w tfehmna kbel enou bine el khotba w el 3ersse 2ans w hwa hab 4ans ou plus

يعني خطيبك من الناحية المادية لاباس بيه

إذا لماذا التاخير وخير البر عاجله كما قال النبي صلى الله عليه وسلم ؟


ديجا كي تفاهمتو على عامين باش اديرو العرس بزاف

وهو باغي يزيد يأخر اكثر ..



4 سنين او اكثر من ذلك ستؤدي الى المشاكل حتماً

والملل أيضا

احنا عندنا 8 شهور ونشوف بلي الفترة هاذي طولت

حلاوتها 6 اشهر كي يكونو موجدين مادياً





المهم انتي كلميه وحاولي تقنعيه

سقسيه وعلاش راك حاب اطولها اكثر ؟

وقوليلو بلي لازم يوقف على كلمتو اللي قالها في المرة الاولى

وبلي اهلك مارايحينش يقبلو بالشي هذا


ممكن يراجع حساباتو بعد ذلك

[imane1]

المشاركة الأصلية كتبت بواسطة nouna-12

المشكل عندي انا في عدم التحدث ابدا
و الله امره غريبب
راه حاب يهبلني من دوك
حابة نخطيه و نهني راسي انا الوضع هذا ماتحملتوش
راه حتي احد ما فهمني
راني نتعذب وحدي
كرهت و مليت و راني هايباته فبل ما نوصل عنده

واش بيك نونا ؟

احكيلنا اختي , فرغي قلبك رانا نسمعو فيك

قريت كلامك لكن ما فهمتش المشكل تاعك بالضبط



ايا نونا احكيلنا

نحن بانتظاركِ

[kamel76]

المشاركة الأصلية كتبت بواسطة imane1

السلام عليكم ورحمة الله وبركاته


فكرة الموضوع قديمة الى حد ما ولكني عجزت عن اخراجها قبل اليوم

أريد فتح مجال لنا (للمخطوبين خاصة) كي نتعاون على حل مشاكلنا

وضيقت قليلا على المتزوجين بحكم أن المنتدى بأكمله مخصص لمثل هذه الاطروحات

فكان لابد من التخصيص حتى لا نُغفل دور المنتدى ..





نسمع كثيرا عن مشاكل لا تعد ولا تحصى

تحصل بين خاطب وخطيبته

أو زوج وزوجته




هذا مجال للفضفصة افتحه امام الجميع

ونحن هنا كي نتعاون على حل هذه المشاكل

بلا تجريح

ولا انتقاص

بإذن الله




نسعى فقط لنتناصح بيننا من أجل الوصول بكم الى الاستقرار والتفاهم

ثم الى حياة زوجية يسودها الود والاحترام





وفكرة الموضوع مقتبسة من عدد من المنتديات التي كثيرا ما تخصص مواضيع بأكملها

للفضفضة ..وكثيرا ما تنجح هذه الزيجات عندهم وقلما تنجح عندنا




المهم الموضوع أمامكم , منكم واليكم

والسلام عليكم ورحمة الله وبركاته

المشاكل منذ الخطوبة الله يستر بعد الزواج وبعد انجاب الأولاد
المفروض فترة الخطوبة لا تكون فيها أية مشكلة و المشاكل تأتي عند تصادم الآراء والأفكار كل يريد فرض رأيه و منطقه على الآخر .فالخطوبة شرعت للتعارف فإذا وجدت أن الشخص لا يناسب أفكاري وطموحاتي .معناه أنه سيصير تصادم عاجلا أم آجلا ولهذا كما قال المصريون "بلاش مشاكل" كل واحد يذهب في حاله .المشكلة عندنا أننا نتعامل بالعاطفة و نمرعلى الإختلافات و لا أقول الخلافات الإختلافات دون أن نستفسر عنها و نفتش عليها فتبقى كالنار تحت الرماد فإذا جاء اليوم الموعود وتحركت الأمور تحركت الرياح معها لتكشف عن تلك النار وعندها نبدأ بالجري ونبحث عن حل لهذا المشكل الجديد.
هذا رأيي المتواضع والله أعلم

[imane1]

المشاركة الأصلية كتبت بواسطة kamel76

المشاكل منذ الخطوبة الله يستر بعد الزواج وبعد انجاب الأولاد
المفروض فترة الخطوبة لا تكون فيها أية مشكلة و المشاكل تأتي عند تصادم الآراء والأفكار كل يريد فرض رأيه و منطقه على الآخر .فالخطوبة شرعت للتعارف فإذا وجدت أن الشخص لا يناسب أفكاري وطموحاتي .معناه أنه سيصير تصادم عاجلا أم آجلا ولهذا كما قال المصريون "بلاش مشاكل" كل واحد يذهب في حاله .المشكلة عندنا أننا نتعامل بالعاطفة و نمرعلى الإختلافات و لا أقول الخلافات الإختلافات دون أن نستفسر عنها و نفتش عليها فتبقى كالنار تحت الرماد فإذا جاء اليوم الموعود وتحركت الأمور تحركت الرياح معها لتكشف عن تلك النار وعندها نبدأ بالجري ونبحث عن حل لهذا المشكل الجديد.
هذا رأيي المتواضع والله أعلم

شوف خويا كمال

المشاكل تكون تكون , بطريقة أو بأخرى

يالوكان اختلاف بسيط بيناتهم (ماشي منين نقولو مشكل نفهموه حاجة كبيييرة)

يالوكان يجي بسوء فهم



احنا مع الناس اللي نتعاملو معاهم كل يوم

لازم تصرا بيناتنا صدامات



البعض يحسن التعامل معها جيداً

ويديرها بكيفية ذكية ولا يُمدها بأجل طويل


والبعض الآخر يساهم في تنميتها

ويجعل منها مشكلاً مستعصي الحل

رغم أنه في أصله وحقيقته تافه لا يستحق الكلام



المشاكل تكون

لكن كل شخص وطريقته في التعاطي معها



ويبقى كلامي مجرد رأي

لا ألزم به أحداً

[nouna-12]

[QUOTE=imane1;6764738][b][center][size="5"][color="blue"]واش بيك نونا ؟

احكيلنا اختي , فرغي قلبك رانا نسمعو فيك

قريت كلامك لكن ما فهمتش المشكل تاعك بالضبط



ايا نونا احكيلنا

نحن بانتظاركِ


واش نقولك يا اختي ايمان
انا عندي 6 اشهر مخطوبة و مازال ما حكيتش معاه للن من نهار اللي جاء عندنا لدارنا
ما كلمنيش و لا مرة بالهاتف
و حتي مازادش رجع عندي
علي الاقل يكلمني هو والوا

[Hicham Ahmed]

السلام عليكم يا اهل الخير..

بين الزوج والزوج حبل، لا نستطيع شده يمينا ويسارا في نفس الوقت، انا ارى ان الزوج هو صاحب القبضة القوية.. يمكنه ارخاء الحبل قليلا(ارخاء الحبل قليلا: لا تفهموني غلط، الحياة الزوجية السعيدة الحبل فيها لا يكون مشدودا أبدا...)، كما يمكنه جذب اي شىء اليه..
اذن: الزوج هو مركز الدائرة، اقصى نقطة تبتعد عنها الزوجة هي محيط الدائرة فقط.... لماذا؟ لأن الحبل مثبت من جهة ما؟ عرفتموها؟

اذن: الحل دوما بيدك أخي: إذا أردت أن تكون زوجتك مثل خديجة فكن أنت مثل محمد .
مجرد رأي..


كن طبيبا قبل ان تكون قاضيا

[kamel76]

لا أدري لماذا المشاكل والحياة الزوجية لم تبدأ بعد . أنا أرى أنه لا يوجد أي مبرر للمشاكل .فكل شيء يكون بالتراضي في فترة الخطوبة التي هي تمهيد للعقد الشرعي والمدني وكما تقول القاعدة: العقد شريعة المتعاقدين.

[(الانسان الوفي)]

السلام عليكم........عني كنت في البداة أتبع طريقة أراها ذكية ولا اعرف ربما تكون هكذا ....كنت كل يوم نزعف عليها ...ندير المشاكل الي تبانلي بلي رايحا تصرا بيناتنا من بعد ونشوف واش تجاوب واش يكون ردة فعلها ...يعني كنت ندير المشاكل مسبقا

كأنني متزوج بها وأرى ماذا ستصنع ...فان كانت متمسكة بي تصبر وان كانت غير متمسكة بي تطلب فسخ الخطبة ...هكذا اقتنعت انها تريدني حقا ....شكرا والسلام عليكم

[hd_science]

احنا موش المشكل مع المرأء . أحنا لذرك مازال ماسهلش ربي باه نلقو المرأة خلاااااااص.... وربي يسهل

[أبو هشام 75]

اليكم رأيي:
أعتقد أن معظم المشاكل في فترة الخطوبة ناتجة عن رغبة أحد الطرفين أو كلاهما أن يستبق مرحلة الزواج, و يريد أن يعيشها في فترة الخطوبة,
أنصح كل الخاطبين و المخطوبات ألا يستعجلوا الامور, فمن أستعجل الامر قبل أوانه عوقب بحرمانه
كما أن الكلام في الهاتف قبل العقد الشرعي جزء من المشكلة, فعند حدوث أي سوء تفاهم في الهاتف, يفكر الطرفان في فسخ الخطبة, لأنه لا يوجد أي رباط يلزم الطرفين بالعلاقة, ولو كان وقتي يسمح, لناقشت الذين يفتون بجواز الكلام بين الخاطب و المخطوبة في الهاتف (قبل العقد), وذلك بحجة التعرف على العقلية و ما الى ذلك.

أبو هشام

[مختار الامين]

المشاركة الأصلية كتبت بواسطة عبد الحميد؟

السلام عليكم..............لم اقصد الفتوى فأنا أعرفها

..فالشيخ ابن باز أفتى بالجواز ....

انا اسأل عن الأمر النفسي هل كلامي معها أمر جيد أم اتجاهلها احسن حتى يوم الزفاف ؟؟؟

فتوى الشيخ ابن باز رحمه الله
سؤال : هل يحق أن أكلم مخطوبتي أو أن أتحدث معها، وما هي نصيحتكم لكل مخطوبين؟

الجواب : نعم لا حرج في التحدث مع المخطوبة عن طريق الهاتف، أو من طريق مباشرة مع وجود محرمها أو غيره على وجه ليس فيه تهمة، وليس فيه خلوة إذا كان الحديث في مصلحة الزواج، لا بأس بذلك أما إذا كان الحديث قد يجر إلى منكر أو إلى فاحشة فلا يجوز، لكن إذا كان في مصلحة الزواج وليس فيه خلوة بل من بعيد بالهاتف، أو بحضور أبيها أو أخيها أو أمها ونحو ذلك فلا حرج في ذلك.