ياريت نفكر بعقل شويه ونتكلم بعقل شويه
المصريين لوحدهم الى خرجوا فى الشوارع
المصريين وحدهم الى بقالهم 8 ايام فى الشارع مفيش نوم من اصغر مصرى الى اكبر مصرى
نساء اطفال شيوخ شباب
عشنا 8ايام محدش فى العالم شفهم
شفنا شباب بيموت وببيضحى عشان بلده
ومش ضمن اى حزب شفنا مصر بتتهز 8ايام
محدش حس الاحساس ده ولاهيحسه
بس الى اكتشفته الفتره الى فاتت ان فى ناس كثير مبسوطه جدا فى الى حصل لمصر
شوفى حبيبتى انا بعترض على مبارك واخطاؤه وكله عارف ده من البدايه
لكن بحبه ويشهد ربنا على كلامى لو الحب جريمه بتمنى اتعاقب على جريمتى دى
انى بحب مصر اولا وبحب مبارك ثانيا
غلط ايوه ومحدش يقدر ينكر ده حتى انا
لكن حقنا عليه نديله فرصه تانيه احنا الى خرجنا للشوارع واحنا الى قررنا من جديد
احنا الى نمنا فى الشوارع 8ايام احنا الى اتحرمنا من الامن لمدة 8 ايام
احنا الى عشنا كل ده لوحدنا
حبى لمبارك مش لانه احسن رئيس مسك مصر او احسن رئيس عربى
حبى لمبارك حتى لو ساب الحكم هفضل احبه
لانى فتحت عيونى ملقتش غيره ريس لمصر
عشنا معاه 30 سنه مش كلها حلوه طبعا بس ربنا لوحده عاارف انا بحبه اد ايه وصدقينى لو سمعتى حديث مبارك يوم الثلاثاء بقلبك
هتبكى زى مامعظم الشباب الى كنا فى المظاهره بكينا
قسما بربى ابكانا مبارك فى حديثه
وعلى فكره عشان محدش يزود على كلامى
لكل انسان راى مهما كان معارض يجب احترامه مادام بيتناقش بالادب
لكن حتى بما انى كنت ضد بن على لكن لو رجعتى ردودوى فى مواضيعه هتلاقى انى كنت بطلب من الناس يرحموا عزيز قوم ذل
بالرغم انى مكنتش بحبه بن على الا ان لازم نسيب كل انسان حسابه عند ربنا
يمكن هتقولى كلامى عاطفى هقلك ايوه لانى للاسف معظم الشعب المصرى عاطفته بتغلب جميع حواسه
ربنا يهديه ويحميه
شكرا اختى
( تقرير عن مشاركة سيئة )، و الموجودة أسفل كل مشاركة .
2011-02-03, 11:35
العرض المتطور
