قضية جد حساسة ارجو الدخول,,,ان سئلت عن فتاة تعرفها ؟؟ هل هي بنت حلال ام لا؟؟ - الصفحة 4

thorpe · 2010-09-13, 23:50

اقتباس:

المشاركة الأصلية كتبت بواسطة الحلم الجزائرية

فعلا قضي حساسة جدا مازال ماصراتليش نهار تصرالي نردلك الخبر ههههه وفي انتظار ردود الاعضاء لانها والله حيرتني وحابة نعرف راي الناس في هكا مواضيع مشكور اخ حسين وفقك الله في كل خير

ههههههههههههههه علابالي راني كوديت الجماعة كامل معاي والله قضية صعيبة صح ويقدر يحلها غير الانسان الي يتمتع بالعقل والحكمة نتاع الصح ويكون عندو قدرة اقناع كبيرة
لا عليك انا ثاني راني نستنا في بقية الاخوة ممكن شخص يقلقانا حل كلنا نرضاو بيه وبارك اله فيك على تواجدك

م.جواد · 2010-09-13, 20:56

السلام عليكم و رحمة الله تعالى و بركاته
اولا اسال الله ان تكون بتمام الصحة و العافية اخي حسين
اما عن موضوعك فالاجابة عليه جد صعبة فمن ناحية ان اصارحه عن الفتاة و اقول له انها ليست بنت فاميليا فانا ربما اكون قد ظلمتها ربما هي قد تابت و عرفت خطاها وبزوجها منه قد تعود الى الطريق الصحيح فانا اخاف من الله على مافعلت
و من ناحية اخرى ان لا اخبره و اتركه فيما قيل له و ابقيه في توهمه بانها بنت فاميليا فهذا كذب و افتراء على الله اولا و على نفسي ثانيا و عليه ثالثا
لذا ساأساله هل انت متعلق بها و لا يهمك ماضيها اذا قال لا اقول له بكل بساطة اسال غيري
عيدك مبارك اخي حسين تعيد و تزيد و العاقبة للعام القادم

~~~*نجم*الدين*~~~ · 2010-09-13, 21:00

السلام عليكم

أستر ما ستر ربي

thorpe · 2010-09-13, 23:54

اقتباس:

المشاركة الأصلية كتبت بواسطة ~*نجم*الدين*~

السلام عليكم

قل الحق و لو كان مُرّا

اقتباس:

المشاركة الأصلية كتبت بواسطة ~*نجم*الدين*~

السلام عليكم

أستر ما ستر ربي

ههههههههههههههههههههه
فهم روحك يا نجم الدين ولا راك تكوديت كيما انا هههههههههههه
ما عليش اقعد متتبع الموضوع وان شاء الله يلقونا الكود ههههه

thorpe · 2010-09-14, 00:10

اقتباس:

المشاركة الأصلية كتبت بواسطة م.جواد

السلام عليكم و رحمة الله تعالى و بركاته
اولا اسال الله ان تكون بتمام الصحة و العافية اخي حسين
اما عن موضوعك فالاجابة عليه جد صعبة فمن ناحية ان اصارحه عن الفتاة و اقول له انها ليست بنت فاميليا فانا ربما اكون قد ظلمتها ربما هي قد تابت و عرفت خطاها وبزوجها منه قد تعود الى الطريق الصحيح فانا اخاف من الله على مافعلت
و من ناحية اخرى ان لا اخبره و اتركه فيما قيل له و ابقيه في توهمه بانها بنت فاميليا فهذا كذب و افتراء على الله اولا و على نفسي ثانيا و عليه ثالثا
لذا ساأساله هل انت متعلق بها و لا يهمك ماضيها اذا قال لا اقول له بكل بساطة اسال غيري
عيدك مبارك اخي حسين تعيد و تزيد و العاقبة للعام القادم

وعليكم السلام والاكرام
اهلا بالاخ الحبيب والصديق الوفي جواد مرحبا بك هنا في صفحتي
كون ما جاتش الاجابة عليه صعيبة راني ما درتوش ههههههههههه
ايه ممكن عندك الحق لكن هو مرسول اليك من طرف شخص يعرف انك تعرف الفتاة ااكثر من غيرك بحكم الدراسة مثلا او بحكم الجوار ؟
وان قال لك نعم انا جد متعلق بها ماذا يتجيب ؟

الله يسلمك اخي الحبيب وعيدك مبارك انت ايضا وتعيد وتزيد

م.جواد · 2010-10-03, 16:25

اقتباس:

المشاركة الأصلية كتبت بواسطة thorpe

وعليكم السلام والاكرام
اهلا بالاخ الحبيب والصديق الوفي جواد مرحبا بك هنا في صفحتي
كون ما جاتش الاجابة عليه صعيبة راني ما درتوش ههههههههههه
ايه ممكن عندك الحق لكن هو مرسول اليك من طرف شخص يعرف انك تعرف الفتاة ااكثر من غيرك بحكم الدراسة مثلا او بحكم الجوار ؟
وان قال لك نعم انا جد متعلق بها ماذا يتجيب ؟

الله يسلمك اخي الحبيب وعيدك مبارك انت ايضا وتعيد وتزيد

السلام عليكم و رحمة الله تعالى و بركاته
مشكور اخي حسين لا اجد ما اقول لقد اثقلت علي لك بمثل ما قلت و اكثر موفق ان شاء الله في حياتك الدينية و الدنيوية
صح مافقتش لو مان ما جاش صعيب لوكان محطيتوش هذه راحتلي
ان قال لي نعم سارد له لما السؤال
دمت في رعاية الله و حفظه

رحيق القلوب · 2010-09-13, 21:44

فعلا قضي حساسة جدا مازال ماصراتليش نهار تصرالي نردلك الخبر ههههه وفي انتظار ردود الاعضاء لانها والله حيرتني وحابة نعرف راي الناس في هكا مواضيع مشكور اخ حسين وفقك الله في كل خير
و الصراحة نحب نعمل يالمقولة الي تقول

قل الحق و لو كان مُرّا

thorpe · 2010-09-14, 00:15

اقتباس:

المشاركة الأصلية كتبت بواسطة رحيق القلوب

فعلا قضي حساسة جدا مازال ماصراتليش نهار تصرالي نردلك الخبر ههههه وفي انتظار ردود الاعضاء لانها والله حيرتني وحابة نعرف راي الناس في هكا مواضيع مشكور اخ حسين وفقك الله في كل خير
و الصراحة نحب نعمل يالمقولة الي تقول

قل الحق و لو كان مُرّا

ههههههههههههههه علابالي راني كوديت الجماعة كامل معاي والله قضية صعيبة صح ويقدر يحلها غير الانسان الي يتمتع بالعقل والحكمة نتاع الصح ويكون عندو قدرة اقناع كبيرة جدا
لا عليك انا ثاني راني نستنا في بقية الاخوة ممكن شخص يقلقانا حل كلنا نرضاو بيه وبارك الله فيك على تواجدك
وكما قلتي قل الحق ولو كان مرا بصح ما تنسايش راهي تقابلها استر ما ستر الله
هههههههه يعني الكود ماكانش لحد الان

fatouma alg · 2010-09-13, 22:00

انا نظن تقول مانعرف عليها والو خير من تقول بنت فاميليا ولا تفضحها ولربما تكون تابت بعد ما فعلت اشياء فاسدة
شكرا اخي

thorpe · 2010-09-14, 00:19

اقتباس:

المشاركة الأصلية كتبت بواسطة fatouma alg

انا نظن تقول مانعرف عليها والو خير من تقول بنت فاميليا ولا تفضحها ولربما تكون تابت بعد ما فعلت اشياء فاسدة
شكرا اخي

فكرت في مثل هذا الحل لكن الا ترين اختي انني قد كذبت لاني اعرف
للاسف الشديد الامر جد صعب والله يعني سؤال كيما هذا تخميمتو عام او اكثر وصعب جدا ان ارضي نفسي و غيري في نفس الوقت
دون ان ننسى ارضا الله ا فلا يجب ان نكذب ولا يجب ان نفضح يضا

بنت الزيانين · 2010-09-13, 22:07

اندهشت من بعض ردود الاعضاء .....خير الخطائين التوابون....وجل من لا يخطئ.....كان الفتاة وحدها تحاسب على ماضيها
بينما الشاب لا يهم ان كانت له سوابق عدلية او كان مدممنا او به عادة سيئة او .....فلنتقي الله في انفسنا ولا نقف في وجه النصيب
واذا عكسنا الموضوع وجاءك شاب يسال عن شخص تقدم لخطبة اخته وله ماض هل ستقول الحقيقة ام تقول انه يتوب ويستعقل بعد الزواج ؟؟؟
تقبل مروري

thorpe · 2010-09-14, 00:49

اقتباس:

المشاركة الأصلية كتبت بواسطة بنت الزيانين

اندهشت من بعض ردود الاعضاء .....خير الخطائين التوابون....وجل من لا يخطئ.....كان الفتاة وحدها تحاسب على ماضيها
بينما الشاب لا يهم ان كانت له سوابق عدلية او كان مدممنا او به عادة سيئة او .....فلنتقي الله في انفسنا ولا نقف في وجه النصيب
واذا عكسنا الموضوع وجاءك شاب يسال عن شخص تقدم لخطبة اخته وله ماض هل ستقول الحقيقة ام تقول انه يتوب ويستعقل بعد الزواج ؟؟؟
تقبل مروري

بالطبع اختي خير الخطائين التوابون لكن الله غالب خطا الفتاة في مجتمعنا ليس كخطا الشاب وهذا ليس جديد علينا او اننا من اخترعه بل توارناه ابا عن جد وصار امر مسلم به
كلنا عارفين بلي الله يحاسبنا كيف كيف لكن اختي حبيت نفخمك فيحاجة
بعيد الشر كون يكون اخوك سكير وتجيك بنت وتضحك عليك وتقولك اييييييه والله عيب خوك سكير ونتاع بنات صارحيني واش تقولي في نفسك
ياك كون تصرا ناس بزاف يكون ردها ما يهمش المهم راهو راجل وما تخافش عليه يعيا ويتعدل ويخلص المشكل في مكانو
لكن كون يجي شاب ويضحك على صديقو ويقولو اييه والله اختك لقيناهاي في مكان مخل بالاخلاق او حتى يقولو لقيناها مع واحد في الطريق تاكدي انو تطيح الروح وموحال نمرو عليها مرور الكرام وممكن يولي مشكل نتاع عائلة ومقادر حتى نوصلو للحبس من اجل هذا الكلام
لهذا لا مجال للمقارنة
اما عن سؤالك ارى انك لو تطرحينه كموضوع احسن ليلقى حقه من الرد ونناقشه هناك
باكر الله فيك وجازاك كل خير اسعدني مرورك كثيرا وصح عيدك

B.Badis · 2010-09-13, 22:08

thorpe ...حسين....راك عطيت للموضوع أهمية أكثر من اللازم حتى خرج عن مساره ....و كانت نتائجه مرة ...كان يمكن حله بكلمة أو كلمتين....و راك عارف واش نقصد

thorpe · 2010-09-14, 00:57

اقتباس:

المشاركة الأصلية كتبت بواسطة b.badis

thorpe ...حسين....راك عطيت للموضوع أهمية أكثر من اللازم حتى خرج عن مساره ....و كانت نتائجه مرة ...كان يمكن حله بكلمة أو كلمتين....و راك عارف واش نقصد

اخي باديس ارجو الا تخرج عن مسار الموضوع وان شاء الله سنتناقش في اقرب الاجال شكرا جزيلا على كل شيء وبارك الله فيك

كريمة عضو جديد · 2010-09-13, 22:12

موضوع محير صح مي راهو ساري والكثير من الناس ميعرفوش واش يديرو الصح الصح انا معرفتش واش نقول راني نقرا الردود على الاقل نعرف وين توصلوا