خياطة ....اللحاف عند بنات سيدي بلعباس.... - الصفحة 4

صمت الجزائر · 2010-04-22, 14:13

مرحبى بيك وببنات بلادي ...واذا ماشالتكمش الارض نشيلكم على راسي وتستاهلو القلب نمدهلكم .........وبارك الله فيك

تغرينية · 2010-04-22, 19:01

شكرا على التوضيح شرحتي ووفيتي بقا غير الرشمات كيفاش تتحصلوا على رشمات كبير ورشمات صغيره المشكل فيياانا منعرفش نرسم ماعنديش الموهبة تاع الرسم لو بفكرة تساعدني واكون جد شاكرا لكي

صمت الجزائر · 2010-04-22, 19:14

اقتباس:

المشاركة الأصلية كتبت بواسطة تغرينية

شكرا على التوضيح شرحتي ووفيتي بقا غير الرشمات كيفاش تتحصلوا على رشمات كبير ورشمات صغيره المشكل فيياانا منعرفش نرسم ماعنديش الموهبة تاع الرسم لو بفكرة تساعدني واكون جد شاكرا لكي

صبري عليا شوية ...وخلينا نتمشو غير بالحبة...باش الكل يفهم...وشكرا على المرور... وبارك الله فيك

بنت سكيكدة · 2010-04-22, 19:23

اقتباس:

المشاركة الأصلية كتبت بواسطة صمت الجزائر

السلام عليكن جميعا....اليوم راني حابة نوريلكم طريقة خياطة اللحاف اي البساط...اللي تعلمتها من امي ربي يحفضهالي ويشافيها ان شاءالله.....واقسم باله العلي العظيم ......اقسم باله ....اقسم ...اني نخيطهم بهذه الطريقة وبدون زيادة ولا نقصان ..المهم.....هادي الطريقة مافيها لا مسامير ولا لوح ولكن حاجة وحدة تشدي بيها ...هي هدا المساك من نوع الحجم الكبير يلزمك 4 مساسيك ....قد اصبع الشاهد....وبس

الطريقة سهلة .....فرشي حصيرة الدار عادي فوق الارض... ثم حطي الوجه الاول من الكتان.... ثم حطي فوقه اللي عندك من صوف او لواط اوقطعة من زاورة قديمة ...ثم البونجة او الاسفنجة ...ثم كيما حطيتي من اسفل البونجا حطي فوقها....وحطي واجهة الكتان ....هنا عادي بالنسبة لكم ...وهنا تبدا الطريقة ديالي ....وهي .........عند كل قنت من اللحاف مسكيه بالمساك في الحصيرة اي انك تحكمي بالمساك(بعدي على الحافة نتاع القنت بمقدار نصف اصبع الشاهد)....حكمي( الكتان 1 مع لاواط1+البونجا+لاواط2+الكتان 2)....ثم مسكيه في الحصيرة وجبدي مليح ....خلي الحافة ما تخدميهاش وخدمي الاطار والوسط عادي كيما تخدميه في العادة ولما تكملي فكي اللحاف من الحصيرة وخيطي الحافة......ومبروك عليك ...اذا ما فهمتوش راني هنا ...ولازم تعطوني رايكم باش نكملكم الموضوع مشي تقرو وتخلوه....لازم يكون تفاعل باش ندعم بعضنا بعض ...وبالتوفيق لكن جميعا....ومااحلانا لاما نكونو متاحدين ومتفاهمين......

طريقة سهلة غاليتي بارك الله فيك

هذا ارحم من الالواح...الوالدة نتاعي تجري موراي كون نديرهم في الدار

صمت الجزائر · 2010-04-22, 19:31

اقتباس:

المشاركة الأصلية كتبت بواسطة بنت سكيكدة

طريقة سهلة غاليتي بارك الله فيك

هذا ارحم من الالواح...الوالدة نتاعي تجري موراي كون نديرهم في الدار

راني هنيتك من هذي المشكلة...وسهلت على الوالدة ربي يحفضهالك ويطول في عمرها...فقط قوليلها تدعيلي بدعوة الخير...وربي يجازيك ويوفقك...وشكرا لمرورك واهتمامك

بنت سكيكدة · 2010-04-22, 19:43

اقتباس:

المشاركة الأصلية كتبت بواسطة صمت الجزائر

راني هنيتك من هذي المشكلة...وسهلت على الوالدة ربي يحفضهالك ويطول في عمرها...فقط قوليلها تدعيلي بدعوة الخير...وربي يجازيك ويوفقك...وشكرا لمرورك واهتمامك

علم و سينفذ باذن الله بارك الله فيك و الوالدة تسلم عليك

في انتظار الطريقة بالصور ان امكن

و جزاك الله خيرا

-رودينا- · 2012-03-26, 10:03

بارك الله فيك اختى صمت الجزائر ويعطيك الصحة على الموضوع القيم وجعله الله في ميزان حسناتك
حابة نستفسر على بعض الامور
1- قنت تقصدي بيه الحافة
2-المساك ديال الخمارات بصح يكون كبير
3- كي نتبعو الرسم يكون العمل صعب لاخطرش مكاش لتساع والفراغ الكافي
من فضلك حبيبتى حطي صور باش يتضح العمل اكثر
رنا نستناو في موضوعك بفارغ الصبر لانو سهل وبسيط مايسحق لا الواح ولامسامير خاصة لي عندها الضيق هادي طريقة تساعد اكثر
ملاحظة: الصور لي حطيتيهم من قبل لا تظهر لانو تبعت موضوعك من الصفحة 1 حتى 9

nejoude · 2010-04-22, 20:22

ممكن تعطينا الرشم وكيفية عمل ه فى البساط

wafaa22 · 2010-04-22, 22:07

طهور ان شاء الله.راكي ناشطة 22

صمت الجزائر · 2010-04-23, 08:35

صباح الخير...راني عارفة كل وحدة فيكم راهي حابة تتعلم وتستفاد ...كيما انا لما استفت من بساطاتكم....المهم خلونا نمشو غير بالحبة ...باش يبقى الموضوع له اهمية.....واحنا رانا نتعلمو من بعضنا البعض ماراناش نديرو في الاشهار....ونتمنى كل وحة فيكم تحط افكارها ورايها...ونشكر الجميع على المرور...وبدونكم موضوعي ماعندوش حتى فايدة...وشكرا

شقراء · 2010-04-23, 11:06

صباح النور على الكل
حبيت نسقسيك هذيك الحاشية تاع الطرف باه اتجي منتفخة واش تحشي فيها ولا وحدها تنتفخ

صمت الجزائر · 2010-04-23, 12:29

اقتباس:

المشاركة الأصلية كتبت بواسطة شقراء

صباح النور على الكل
حبيت نسقسيك هذيك الحاشية تاع الطرف باه اتجي منتفخة واش تحشي فيها ولا وحدها تنتفخ

السلام...ياختي الكريمة ..راكي سالتي سؤال مهم ...وانا كنت حابة نخليه....حتى نوريلكم الخدمة نتاعي ولكن لعيونك وعلى خاطرك نعطيك الجواب...هو انك لما تخدمي الاطار الاول والثاني ...ثم الوسط....فكي اللحاف من على الحصيرة ...وبدي تبلعي في الاطراف...فاذا كنتي تخدمي بالصوف ...بلعي شوية وحشي شوية ثم بلعي شوية وحشي شوية .....ونفس الشي بالنسبة للواط...قسي قطعة من لاواط وتكون على الطول او قطع صغيرة ..ويكون زيادة عندك....مشي من اللحاف اللي راكي تخدمي فيه .وهكذا وانتي تتمشي حتى تكملي كل الدور وبالتوفيق انشاء الله...وشكرا لاهتمامك والمرور ديالك....

شقراء · 2010-04-23, 12:37

اقتباس:

المشاركة الأصلية كتبت بواسطة صمت الجزائر

السلام...ياختي الكريمة ..راكي سالتي سؤال مهم ...وانا كنت حابة نخليه....حتى نوريلكم الخدمة نتاعي ولكن لعيونك وعلى خاطرك نعطيك الجواب...هو انك لما تخدمي الاطار الاول والثاني ...ثم الوسط....فكي اللحاف من على الحصيرة ...وبدي تبلعي في الاطراف...فاذا كنتي تخدمي بالصوف ...بلعي شوية وحشي شوية ثم بلعي شوية وحشي شوية .....ونفس الشي بالنسبة للواط...قسي قطعة من لاواط وتكون على الطول او قطع صغيرة ..ويكون زيادة عندك....مشي من اللحاف اللي راكي تخدمي فيه .وهكذا وانتي تتمشي حتى تكملي كل الدور وبالتوفيق انشاء الله...وشكرا لاهتمامك والمرور ديالك....

يعطيك الصحة اختي على الرد وربي ايخليك ويخليلك يماك ويشافيهالك كملي خيرك او فهميني كيفاه نبلع ونا راني رايحة انجرب وحدة البونج وجزاكي الله خيرا

صمت الجزائر · 2010-04-23, 12:47

باش نوريلك خياطة الاطراف ...راهي عندي مشكلة في رفع الصورة ...ماراهيش حابة تخدملي ايقونة رفع الصور في النتتدى ...وين راهي المشكلة

شقراء · 2010-04-23, 13:13

شوفى اختي ماعلاباليش اعلاه بصح كي ايكون الضغط على المنتدى تصعب شوية هذي موالفة تصرالي عاودي وعاودي حتى تخدملك