خاص بالرجال

[ميكا]

المشاركة الأصلية كتبت بواسطة كمال الاسلام

وعليكم السلام

وكيد النساء اعظم

حتى هناك من النساء من دمرت قلوبا وخربت بيوتا

ليس الوفاء بذكر او انثي ولكن الوفاء للصادق ومن لديه قلب صافي

صح واش راك تقول بصح الخطأ في أنه كي نلقاو الصدق من جهة علاه ما نحاولوش نحافظ عليه ميش نخربو بأسوء الطرق مشكور

[ميكا]

رسالة إلى كل من رد على هذا الموصوع
مشكوريين كتير كلكم
من ردودكم فهمت أنكم عرفتو نوع العلاقة على أنها كانت تخرج معاه و تحكي معاه في التليفون العكس تماما
هو كان تقدم كأي تقدم و عرفو بعضاهم أنهم مرتاحين لبعضاهم و يحبو بعضاهم و حابين يكملو الحياة مع بعض و في زوج ما حبوش يديرو حاجة حرام و يخرجو مع بعض و تفاهمو أنه يستناو بعضاهم حتى هو يكون مستقبلو بصح مش معنى أنهم كانو ما يحكوش حكاو باه يتفاهمو علي كل شى و العايلات يعرفو بكلش لكن وقت ماهي كانت تستنى فيه بعثولها ناس ما تستانيهش إذا خطبك واحد أتزوجي و هو تصرف هكذا بدون أي تبرير أو أي سبب

[khirour]

المشاركة الأصلية كتبت بواسطة ميكا

رسالة إلى كل من رد على هذا الموصوع
مشكوريين كتير كلكم
من ردودكم فهمت أنكم عرفتو نوع العلاقة على أنها كانت تخرج معاه و تحكي معاه في التليفون العكس تماما
هو كان تقدم كأي تقدم و عرفو بعضاهم أنهم مرتاحين لبعضاهم و يحبو بعضاهم و حابين يكملو الحياة مع بعض و في زوج ما حبوش يديرو حاجة حرام و يخرجو مع بعض و تفاهمو أنه يستناو بعضاهم حتى هو يكون مستقبلو بصح مش معنى أنهم كانو ما يحكوش حكاو باه يتفاهمو علي كل شى و العايلات يعرفو بكلش لكن وقت ماهي كانت تستنى فيه بعثلها ما تستانيش إذا خطبك واحد أتزوجي بدون أي تبرير أو أي سبب

من حقوا باه يختار الي تعجبوا ماهيش ماكلة يديها لدارو ومن بعد يقيسها راه مليح الي قالها قبل ما يتزوج بيها ويرميها مطلقة

[ميكا]

المشاركة الأصلية كتبت بواسطة khirour

من حقوا باه يختار الي تعجبوا ماهيش ماكلة يديها لدارو ومن بعد يقيسها راه مليح الي قالها قبل ما يتزوج بيها ويرميها مطلقة

أسفة لي ما قدرتش نوصلك الفكرة أنه هو ما قلهاش الناس نصحوها وصلولها الهدرة هو مازادش هدر معاها خلاص أنا في رأيي جرحها بزاف لأنه ما قلهاش السبة علاه و ميش من حقو أن يشد بنت الناس و مبعد يروح و هي ما دارتلو والو العكس كانو عايشين نورمال حتى و صار و ما عاودش رجع خلاص

[thorpe]

يا جماعة يا ناس يا اخوتي واخواتي كفانا لوما يجب الا نبكي على الاطلال الي صار راهو صار لازم علينا ندعيو لكل انسان في كرب باش يفرج عليه ربي لانو اكرر واعيد الكرة والله ممكن اي انسانة ولا انسانة تصرالو ويحس

[ميكا]

المشاركة الأصلية كتبت بواسطة ;2288555

يا جماعة يا ناس يا اخوتي واخواتي كفانا لوما يجب الا نبكي على الاطلال الي صار راهو صار لازم علينا ندعيو لكل انسان في كرب باش يفرج عليه ربي لانو اكرر واعيد الكرة والله ممكن اي انسانة ولا انسانة تصرالو ويحس

واله يا أخي كلامك جواهر لازم الكل نتعلمو كيفاه نواجهو الحياة و نساعدو اللي محتاج مساعدة مش نلوموه أنا نظن لي فيه يكفية هي محتاجة المساعدة نحن نتمنى من كل قلوبنا أنه ولا واحد يتعرض لهذا الموقف لأنه صعب بزاف و ما يحس بالجمرة غير اللي عافس عليهالأنه كل واحد يقول مستحيل ندير هذي الحاجة أيا كانت وإحتمال كبير يجي الوقت لي يديرها
مشكورررررررررررررررررررررررررررررررررررررررررررررر رررررررررررررررررررررررررررر أخي thorpe

[rachod]

السلام عليكم يا اخي نحن لانعيش في عالم المثل و الراجل كان منخدعش ميخدعش و انا ضد فكرة الحب قبل الزواج

[ميكا]

المشاركة الأصلية كتبت بواسطة rachod

السلام عليكم يا اخي نحن لانعيش في عالم المثل و الراجل كان منخدعش ميخدعش و انا ضد فكرة الحب قبل الزواج

متقبلين رأيك في فكرة الحب قبل لزواج بصح ما نوافقكش في انه الراجل يخدع لي تخدعه لأني أنا لى عايشة مع صاحبتي و هي عمرها لا خدعاتو هي كانت تستنى فيه و ترفض كل خطاب بصح هو بعثلها قالها ما تستانايش

[ميكا]

المشاركة الأصلية كتبت بواسطة rachod

السلام عليكم يا اخي نحن لانعيش في عالم المثل و الراجل كان منخدعش ميخدعش و انا ضد فكرة الحب قبل الزواج

أنا نوافقك في الفكرة الخاصة بالحب قبل الزواج لكن الفكرة أنه الراجل يخدع من خدعه لأنه انا لي عايش مع صاحبتي هي الوقت لي كانت تستنى فيه بعثلها و قالها ما تستانيش ما كلفش روحو حتى يقولها بروحو

[rachod]

المشاركة الأصلية كتبت بواسطة ميكا

أنا نوافقك في الفكرة الخاصة بالحب قبل الزواج لكن الفكرة أنه الراجل يخدع من خدعه لأنه انا لي عايش مع صاحبتي هي الوقت لي كانت تستنى فيه بعثلها و قالها ما تستانيش ما كلفش روحو حتى يقولها بروحو

انا قصدي الراجل اذا تخدع من المراه يخدع مش يخدع هذيك الي جرحاتوا اي وحده تصادفوا يخدعها لانه مجروح و هذا راي الخاص انشاء الله تفهمي القصد

[ميكا]

المشاركة الأصلية كتبت بواسطة rachod

انا قصدي الراجل اذا تخدع من المراه يخدع مش يخدع هذيك الي جرحاتوا اي وحده تصادفوا يخدعها لانه مجروح و هذا راي الخاص انشاء الله تفهمي القصد

أسفة على الخطأ الي حصل في فهمي ممكن تحصل راني معاك بصح في القصة اللي رانا نحكو فيها كان يقول هي الأولى و التالية

[miloud12000]

السلام عليكم و رحمة الله و يركاته

قالك سقسي المجرب و ماتسقسيش الطبيب ، أختي هذه المشكلة مريت بها أنا رحت و مرجعتش و ما سقسيتش أنا بدلت قاع الطريق ، و إذا قلتلك الغلطة مش مني الغلطة تاعنا حنا زوج أنا كنت نبغي بصح عمري ما قلت لواحد بلي عندي حبيبتي و لا حتى كلمة نبغيك تبالي ضعف مني، و هي كانت ترسلي صاحبتها و تخلي الوصاية عندها ،جاتني صاحبتها و قالتلي قالتلك ماتجيش عندى حتى تدبر الخدمة أرواح اهدر معايا ,غاضنتي الكلمة بزاف كون قالت أرواح أخطبني ماعليش و انا كانت عندي تجربة حب فاشلة من قبل أمنيني تخلطت عليا فكرتني بالجرح القديم ما بغيتش نواجهها ، و صراتلي كالصدمة كرهت قاع النساء أمنيني هربت منها بعد عامين لقاتني قالتلي وين راك حوست عليك و مالقيتكش قالتلي أرواح عندي كي نخرج من الخدمة كي لقيتها حكينا 10 دقائق عرفت بلي قالتها ، عاودت رحت من جديد مرت عامين لقيتها قالتلي أعطيني ساعة برك و فهمني ، هربت شحال من مرة بصح رحت و قلتلها قاع وش صرا قالتلي علاه ماجيتنيش قلتلها و علاه نتي ماقلتيلش ديك الكلمة و مارسلتيش صاحبتك الوقت فات ضروك قالتلي بلي مازالت تبغيني بصح أنا الله غالب عقلي وصاني ما نحب من جديد ،صارحتها بلي نبغيها بصح الزواج لا و نرجعوا من جديد من المستحيل لأني التجربة الي مريت بيها علمتني الحب عندو حدود و إسمحيلي على التدخل نتاعي في هذا الوقت كل واحد يخمم في المصلحة نتاعوا و يخلي جانب الحب ذكرى .
النصيحة هي عدم إرسال أي شخص عندما تكون العلاقة بين شخصين متوترة و المواجهة هي الحل الوحيد .
الشخص يجب معرفة ما يخرج من لسانه قبل أن يندم .
ربما هناك شخص أراد خيرا بينهما عند نقل الرسالة الى الشخص الثاني لكن حديثه غير من صيغتها و معناها .
و نقولك ضروك المشاكل بزاف الصح الواحد يقعد وحدو خير و كي يبغي يتزوج صح يخمم و كي يعرف وحدة و تعجبوا يسقسي عليها و من بعد يروح يخطب و على شهر و لا شهرين يتزوج. يهني راسو .

[miloud12000]

المشاركة الأصلية كتبت بواسطة ل.آمال

فلتحذروا من هذا الكلام و غيره ، مثل أن يقول لها أنا عرفت بزاف بنات بالصح انت الأولى لي حبيتها من قلبي ،........... إلخ
فكل الرجال يقولون هذا للبنات

عندك الصح في هذه الكلمة بصح ربما يبغيها كثر منهم و أنت تعلمين أن الفتيات لا يصدقن هذه الكلمة بسهولة شكرا

[ميكا]

المشاركة الأصلية كتبت بواسطة ل.آمال

فلتحذروا من هذا الكلام و غيره ، مثل أن يقول لها أنا عرفت بزاف بنات بالصح انت الأولى لي حبيتها من قلبي ،........... إلخ
فكل الرجال يقولون هذا للبنات

مشكورة أختي على النصيحة

[thorpe]

المشاركة الأصلية كتبت بواسطة rachod

السلام عليكم يا اخي نحن لانعيش في عالم المثل و الراجل كان منخدعش ميخدعش و انا ضد فكرة الحب قبل الزواج

السلام عليكم اخي الكريم ممكن راك تهدر في كلام صواب بصح راني متاكد بلي درك كون يعرضو عليك بنت ماتعرفهاش وتحبهاش راك ترفض الارتباط معها لانو مابقاتش الحكاية كيما بكري لكن علىالانسان ان يكون صادق مع نفسو ومع الانسان الي يحبو تقبل رايي واشكرك جزيل الشكر على ابداء راييك