صاحبات الخبرة في بيع الحلوى

[خوخة02]

المشاركة الأصلية كتبت بواسطة salisirage

السلام عليكم اخواتي الكريمات جمعة مباركة على الجميع
اختي الكريمة ربي يفتح عليك ويرزقك من حيث لا تحتسبين انا عن نفسي خدمت لصاحبتي البقلاوةللحبة ب40دج وصابلي البيضة محشي و مزين بالتاتو ب30دج و الجلجلانية بالنسلي ب30دج و القريوش ب15دج للحبة ونخدم القريوش كيما قريوش ام اماني ب20دج منعرف لاراني مغليا ولا مرخسة صح خدمة القاطو تعب بزاف بزاف بصح عند الناس لتفهم نتمنى اني نكون افدتك الى اللقاء حبيبتي

شكرا ليك اختي بزاف
قوليلي البقلاوة بالكاوكاو ولا باللوز
صح القاطو يتعب بصح واش تديري كلشي راه غالي والواحد يعاون روحو وخلاص

[خوخة02]

المشاركة الأصلية كتبت بواسطة ساجده 82

هههههههههههههههنههههه نسيتيني في السلام فضيله .توحشتك .لبنات زيدو تفاعلو عيشكم ويولي مرجع .خوخه ربي يفتح عليك وتولي تخدمي .وتعاوني روحك .
فضيله .الله عندك الحق الزهرررررر.والله.غير جبتيها قدقد .

مرسي حبيبتي ان شاء الله يكون تفاعل والله غير استفاديت
كون غير يقولونا مثلا البقلاوة بلا كبير ولا متوسط شحال يدي من كيلو مكسرات وسكر وعسل
والحلويات الجافة من الاحسن تتباع بالحبة ولا بالكيلو

[salisirage]

اسعد الله مساءك اختي خوخة البقلاوة نخدمها بالكاوكاو اللوز راه غالي ربي يوفقك

[خوخة02]

شكرا ليك اختي

[fadila34]

المشاركة الأصلية كتبت بواسطة ساجده 82

هههههههههههههههنههههه نسيتيني في السلام فضيله .توحشتك .لبنات زيدو تفاعلو عيشكم ويولي مرجع .خوخه ربي يفتح عليك وتولي تخدمي .وتعاوني روحك .
فضيله .الله عندك الحق الزهرررررر.والله.غير جبتيها قدقد .

هههههههه ساجده ربي يخليك ويحفظك حتي انا توحشتك وتتوحشك الجنة ان شاء الله واحلا سلام لي ساجده
اختي خوخة راني بعت المقروط لي قتلك عليه بالكيلو حكم عليا بائع الحلويات قالي الكيلو ب45الف ام القروش حنا تتباع عندنا ثاني بالكيلو ب60الف ام الصابلي يتباع بالحبة خير لي يطلب الكموند يقول نسحق 50 100حبة انا تجيني مليحة خيرمن تخدمي وتوزني حق كيلو ويقعد الباقي انا هذا هو رائ

[خوخة02]

بصحتك فضيلة مليح اللي شدوا عليك كون خرج المقروط من الوذنين تاكليه صباح وعشية ههههه
صح انا تان تبانلي بالحبة خير
شكرااا

[afifa.19]

اختي كي ديري قاطو صوريه و حطي في منتدى ولا في صفحة للطبخ والحلويات في فيسبوك خير و قوليلهم ولايتك باش يجوك لي كليو

[afifa.19]

ننصحك اختي متغليش في لول ابداي بسعر بسيط و كي تمشيلك خدمة مليح ديري كيما كامل لي راهم يبيعو و ربي يفتح عليك ان شاء الله

[ام صفصف]

اختي ربي يوفقك،ويفتحلك بها باب رزق حلال ليك ولعايلتك
اختي ننصحك انتي اشري السلعة وحسبي بالحبة،احسن،هكذا يكون عندك محل تتعاملي معاه يساعدك، وزيد انتي تختاري السلعة الي تساعدك
وحتى لو راد ربي تحرقت سنيوة، او خذاو وليداتك حبيبات ،عادي.يعني ماتودريش غرام من شيء الناس، وتضمني مالك بالحلال
والسعر احسن شيء تتبعي منطقتك، وتنقصي حاجة صغيرة، باش تجبدي الزبائن
اختي نزيد نقلك اهم حاجة تجبد الزبونة ، العمل المتقن، والمعاملة الحسنة
وحاولي تعمل صفحة فايس او تصوري الحلويات الي تعمليهم، باش كي تجيك الزبونة تقدر تخير
وفي الاخير،ربي يوفقك واذا تفكرت حاجة راني نرجع هههه

[خوخة02]

المشاركة الأصلية كتبت بواسطة afifa.19

ننصحك اختي متغليش في لول ابداي بسعر بسيط و كي تمشيلك خدمة مليح ديري كيما كامل لي راهم يبيعو و ربي يفتح عليك ان شاء الله

شكرا ليك اختي
صح منغليش المهم نبدا

[خوخة02]

المشاركة الأصلية كتبت بواسطة ام صفصف

اختي ربي يوفقك،ويفتحلك بها باب رزق حلال ليك ولعايلتك
اختي ننصحك انتي اشري السلعة وحسبي بالحبة،احسن،هكذا يكون عندك محل تتعاملي معاه يساعدك، وزيد انتي تختاري السلعة الي تساعدك
وحتى لو راد ربي تحرقت سنيوة، او خذاو وليداتك حبيبات ،عادي.يعني ماتودريش غرام من شيء الناس، وتضمني مالك بالحلال
والسعر احسن شيء تتبعي منطقتك، وتنقصي حاجة صغيرة، باش تجبدي الزبائن
اختي نزيد نقلك اهم حاجة تجبد الزبونة ، العمل المتقن، والمعاملة الحسنة
وحاولي تعمل صفحة فايس او تصوري الحلويات الي تعمليهم، باش كي تجيك الزبونة تقدر تخير
وفي الاخير،ربي يوفقك واذا تفكرت حاجة راني نرجع هههه

صحيتي اختي ربي يهنيك
ان شاء الله ندي بنصيحتك

[سهام الحركاتية]

شكرا على الموضوع .....لدي صديقة تسال ما هي المسلتزمات الادوات المنزلية اللازمة لهذا المشروع المنزلي ارجو الرد فهيمحتاجة هذا المشروع ارجو المساعدة فكلكن خبيرات في القاطو

[ام حمزة22]

السلام عليكم

ربي يوفقك اختي وييسرلك امورك ويفتحلك ابواب الخير

[om farid]

ربي يعينك اختي و يرزقك من بابه الواسعة
شوفي القاطو يعيي بزاف خدمته ، طيابه ، و ديكورة ، لازم تاخدو حقك فيك و زيدي حق الغاز
و باش تلقاي اجوبة على كل اسئلتك ادخلي للفايسبوك تلقاي انواع و اشكال و كل واحدة و سومتها و كل الولايات هكذا تاخذي نظرة و تعرفي كيفاش راهم يخدموا

[wala]

الباراكا في القليل ربي يعوضها في الصحة كاين مسلكن ماعندهمش ويتحتمو باش يصنعو رفقا يااهل الخير حنا في بليدة قريوش مافيه والو 5000 للحبة وخلي