سمعوووني برك

[ماريا للنجاح]

المشاركة الأصلية كتبت بواسطة amira36

انا مع اعادتها وخصوصا لشعبتنا شعبة العلوم التجريبية

انا ايضا مع اعادتها...........بكل تاكيد

[sousoi285]

المشاركة الأصلية كتبت بواسطة ino sweet

الحل الوحيد هو اجراء امتحان القبول في الجامعة ككل البلدان و البطاقة التركيبية

انا اشاطرك الراي

[جمال6]

ان شاء الله تعاد ونريحو من كل هذا التخمام

[Hika Hika]

تكلمو بمنطقية
الباكالوريا و بكل اسف لا يمكن ان تعاد
يصححو عادي لان ورقة التلميذ الحافظ للحل و اللي يكتبو من فهامتو بااااااينة
خصوصا فالوضعيات الادماجية انجليزية فرنسية تاريخ جغرافيا
و باقي المواضيع معظمها الحلول اللي سربوها معاها خاطئة
و العديد من المؤشرات الاخرى اللي تبين المجتهد و الغشاش من اجابتو
+ الاخذ بعين الاعتبار معدلات الفصول الثلاث و هذا اللي قالوه من العام اللي فات باقي فقط يطبقوه
هذا هو الحل العادل و الاوسط

[amira bac 12]

المشاركة الأصلية كتبت بواسطة aymen.sekhri

ايواه
كاين لي جرب المراجعة في درجة حرارة 56 ؟ وفي رمضان ايضا ؟ وتعدي الباك في عز اوت ؟ عارفين واش معناها اوت في الصحراء ؟
لا اريد يجي واحد يقولي الصحابة كانة يجاهدو في رمضان لانكم لم تعانو مثل ما نعاني

عندكم حــــق

[دنيا♥]

الخير فيما اختاره الله
وكيفما كان القرار الاخير سيُنفّذ بالطول ولا بالعرض

[bac2016]

لمذا كل هذه السلبية ؟
واحد يقولك انا بعيد و الاخر يقولك انا نقرا في 56 درجة ايه صح صعيبة و فهمنا بصح كاين حاجات راح يكونوا اصعب لو كان الباك ما يتعاودش و يزيروا في التصحيح تطفر فالي ما غشوش علاش بكل بساطة اللي غشوا في الحالة العادية يدوا 18-19 بصح كي يزيروهم 16-17 اما اللي مستواه تاع 11-12 كي يزيروه يلقا روحوا ما يجيبش الباك
كامل عدات علينا حاجات صعيبة و انا بالرغم اني انهيت دراستي و انا الان اعمل و الحمد لله و حبيت دبلوم اضافي معناها ممكن 10.00 تكفيني ندخل احد التخصصات اللي حابتها و كاين في الولاية تاعي باعتبار الرياضيات عندهم اولوية بصح المنطق يقول ما هوش مقبول الغشاشين يتحصلوا على اعلى المعدلات خصوصا مثلا في شعبة العلوم التجريبية شكون اللي غادي ينجحوا بتفوق الممتازين + الغشاشين تع 3g
انا نقولكم التعب يهون صح صعيبة شوية بصح هذي هي كل عام تصرا تبهديلة في الباك و حنا زرنا جا في حاجة كيما هذه
و اللي غش الفايدة كي راهم فرحانين لو كان ربي ينزعلهم البركة من رزقهم يبانلهم
المهم انا نقولكم ما تهدروش طاقتكم في هذا الموضوع غدوة ان شاء الله يبان و نديروا ربي في قلوبنا و اللي توكل على ربي و ما غشش ربي ما يخليهش الا الا ما يفرج ربي وراه جاي رمضان ادعوا ربي في الحاجة اللي راهي تبانلكم صعيبة ما كاين لا بن غبريت لا سلال لا غيرهم ربي انهار يحب هذيك الحاجة تكون تكون
- بالتوفيق لي و لكل الذين لم يغشوا -

[NASACORT]

المشاركة الأصلية كتبت بواسطة hika hika

تكلمو بمنطقية
الباكالوريا و بكل اسف لا يمكن ان تعاد
يصححو عادي لان ورقة التلميذ الحافظ للحل و اللي يكتبو من فهامتو بااااااينة
خصوصا فالوضعيات الادماجية انجليزية فرنسية تاريخ جغرافيا
و باقي المواضيع معظمها الحلول اللي سربوها معاها خاطئة
و العديد من المؤشرات الاخرى اللي تبين المجتهد و الغشاش من اجابتو
+ الاخذ بعين الاعتبار معدلات الفصول الثلاث و هذا اللي قالوه من العام اللي فات باقي فقط يطبقوه
هذا هو الحل العادل و الاوسط

لقد سرّبت بالحلول النموذجية!