اهلا بكن في الجزء 146 من كوزينتنا .اهلا وسهلا بيكم - الصفحة 4

x ام رحاب x · 2015-09-28, 13:58

سماح شكرا حبيبتي عينك الي شابين عمري تسلمي وبصحتكم انت تاني فطوركم ايشهي والشاورمة تحفة حنونة
ام ساجد اكلك ايشهي تقول تاع المطاعم الفخمة بصحتكم حنونة وربي يخليك لوليداتك

x ام رحاب x · 2015-09-28, 14:02

ام امنية بصحتك الطعام هاداك ضعفي امممممممممممممممممممممممممممم
ام ماجد بصحتك الفطور يالشاطرة ايشهي
لينا يالينا اكلاتك تحغة وحلويات اكثر من رائعة تسلم ايدك حبيبتي
ام جوجو بصحتك الفطور حبيبتي

x ام رحاب x · 2015-09-28, 14:03

انا انروح انريح شوية وانعاود انولي سلالالالالالالالالالالالالالالالالالام وصحة قهوتكم

ام ساجد · 2015-09-28, 14:03

ام رحاب الله يبارك عليك مرا ونص وربي يشفيك امين يارب

البوزلوف خرجتيه قاوري بوقوص وابيض ههههههه

وبصحتكم الكبدة والشواء اممممممممم

x ام رحاب x · 2015-09-28, 14:06

اقتباس:

المشاركة الأصلية كتبت بواسطة ام ساجد

ام رحاب الله يبارك عليك مرا ونص وربي يشفيك امين يارب

البوزلوف خرجتيه قاوري بوقوص وابيض ههههههه

وبصحتكم الكبدة والشواء اممممممممم

ههههههه والله قالهالي راجلي قالي رجعتيه قاوري تقول اسمعتيه ربي يخليك حبيبتي وانت تاني مرة ونص يالفحلة وربي يخليك على الدعاء

Oum yousra · 2015-09-28, 14:44

. . .

Oum yousra · 2015-09-28, 14:46

.

Oum yousra · 2015-09-28, 14:48

.

Oum yousra · 2015-09-28, 14:53

و هاذا القصعة بعثتهالي جارتنا في باتنة اممممممم هوما يسميوها بومفور هوما من الصحراء و البنة نتاعها اممممممم .

zahra30 · 2015-09-28, 14:11

ماشاء الله عليكم وربي يبارك في النعم
الكل الكل بدون استثناء وبلا ما نذكر الاسماء يعطيكم الصحة وبصحتكم طياباتكم يشهيو و بانواعها

وهذي طريقة ساهلة للشواء واللحم يجي طايب يذوب في الفم

zahra30 · 2015-09-28, 14:32

الصور مخلطين ان شاء الله يخجبوكم

Oum Aness Bba · 2015-09-28, 14:37

السلام عليكم
مبروك الكوزينة عليكم كامل وربي يجعلها فال خير عليكم ياااا رب
يعطيكم الصحة على الصور يهبلو ماشاء الله فحلات الله يبارك ويعطيكم صحتكم كاااامل
حبيباتي نعيشو حابة معمل مقروط اللوز في عرس اختي ماشي المسكر تاع السميد والحشو لوز قولولي يخي اللوز ندير ثلاث كيلات بكيلة ولا كيفاش وثاني واش ندير معطر قرفة ولا زاست القارس
جاوبوني تعيشو رايحة نوجد الحشو الان
حقى العرس حتان 18 أكتوبر نقدر نخدم المقروط الان يخي ما يصرالو والو ؟؟؟
شكرًا مسبقا وبارك الله فيكم

ام سهام 02 · 2015-09-28, 15:22

اقتباس:

المشاركة الأصلية كتبت بواسطة oum aness bba

السلام عليكم
مبروك الكوزينة عليكم كامل وربي يجعلها فال خير عليكم ياااا رب
يعطيكم الصحة على الصور يهبلو ماشاء الله فحلات الله يبارك ويعطيكم صحتكم كاااامل
حبيباتي نعيشو حابة معمل مقروط اللوز في عرس اختي ماشي المسكر تاع السميد والحشو لوز قولولي يخي اللوز ندير ثلاث كيلات بكيلة ولا كيفاش وثاني واش ندير معطر قرفة ولا زاست القارس
جاوبوني تعيشو رايحة نوجد الحشو الان
حقى العرس حتان 18 أكتوبر نقدر نخدم المقروط الان يخي ما يصرالو والو ؟؟؟
شكرًا مسبقا وبارك الله فيكم

المقروط الركي اتحوسي عليه يسموه مقرط العسل لانو محشي باللوزوكاين مقرزط التمر و كاين مقروط غير باللوز بلا فرينة وايجي مسكر ايقولو مقروط اللوز
مازال الحال كيبقى اسبوع ديريه

العجينة تع السميد تعرفيها و الحشو ديري 3 كيلات مع نص كيلة سكر عادي شوي ماغرين ذايبة ولمي بماء الزهر ديري فانيلا احسن قشور الليمون ثاني امليح بصح انا ديرو في مقرظ اللوز اللوز المسكر كون فيه البيض ولك الاختيار

Oum yousra · 2015-09-28, 15:26

روضة شكرًا حنونة ربي يحفضك

ام و ابنة · 2015-09-28, 14:39

السلام عليكن
اختي ملك فردوس يعطيك الصحة كي فتحتيلنا الكوزينة بدا يبرد الحال برة
دارك ما شاء الله
يا رب تكون هاذ الكوزينة فال الخير بالصحة و التوفيق و الفرح للجميع
باروكي متواضع بصح جدييييد سخون خرج من الفور

اللي سقساو على بنتي و دعاولها ربي يجازيكم خير ما زالت مريضة و لكن الحمد لله تحسنت ربي يشفي وليداتكم جميعا و يقدركم عليهم

سماح لقيت كوزينتك مغلوقة بصح حبيت نشكرك عالاستضافة المميزة و نطلب ربي يحقق لك وش تتمناي و يوفقك

غذانا بقا من العشاء تع البارح لحم و بطاطا و طيبت للعشاء لاسوب تع العدس الاحمر و الخضار وكثرت فيها الثوم و البصل و الحشاوش بش تنفع وليداتي يقاومو المرض شويا حطيت فيها طرف واحد لحم بالعظم بصح نظن حتى واحد ما راح ياكلو خخخخخ
الصباح سيقت و درت شويا ميناج خفيف و درت هذيك الخبزة تع الموسكوتشو
منبعد كي ينوضو ولادي نبدللهم و نتحف روحي خخخ و نستناو الضياف عندهم طبيعة ما يجوش بكري