فراشات تنطلق من جديد نحو نفسية راضية مسترخية همتها من حديد

[ikhlasse25]

كلام ونصائح وتوجيهات في الصميم، جزاك الله كل خير وسدد خطاك، فعلا كلمة رائع قليلة في حق هذا الموضوع، اتمنى ان تقبيلني في هذه الدورة

[جيجلية]

موضوع رائع وشيق ونحتاجه جميعا في ضل هذي المغريات والفتن

اتمنى ان استفيد من هذه الدورة فانا لدي هدف في حياتي اسعى لتحقيقه لكني بطيئة في تنفيذه

انا زوجة في الاربعينات ليس لدي اولاد الحمد لله اعيش حياة سعيدة مع زوجي ولدي اوقات فراغ لدى اشعر اني مقصرة في استغلالها

ارجو ان تساعديني على تحقيق هدفي

تقبلي تحياتي

[حبيييبة]

مساء الخيرات على احلى فراشات

[amel amri]

شكرا ......... جزاك الله خيرا

[حبيييبة]

مساء الانوار يا الغاليات

واش حبيباتي
ان شاء الله لقيتوا ضالتكم في الفقرة الثانية
من معالجة نقص الالتزام في انفسنا و أدائنا؟؟

ان شاء الله تكونوا استفدتوا ولو القليل حبيباتي

[أم ريتاج زهرة]

أهلا عزيزتي الحبيبة واش الأحوال هذا اللي كان ناقصني الإلتزام بصح عاهدت نفسي كي نبداو الدورة مافيش تهاون و راكي تعرفيني كي نلبس لبسة الكاراتي كي نولي ؟؟

[غزالة1]

السلام عليكم

صباح الورد لكل الفراشات

[oum sabrin]

صباح الخير و الهمة و النشاط على احلى فراشات
جبتلكم الفال تاع بنتي كي دخلت للسنة اولى ابتدائي
تفضلوا الخفاف اشربوا به قهيوة

يومكن موفق

[مروة المبدعة]

حبيبتي حبيبة لا اعرف ما اقوله لك كلماتك تجعلنا بحق فراشات تحلق عاليا كلماتك تشفي قلوبنا وتترك بصمة قوية ربي يحفظك

[أمة الله 84]

السلام عليكم
صباحكن جميل إن شاء الله تكونو بألف خير يارب.

[أم عبد الله ياسين2]

السلام عليكم ، توحشتكم بزاف بزاف شكرا لكل وحدة سقسات عليا راني وليت لداري ، حبيت نشكر ب اف ام نسيبة حنونتي بارك الله فيك حنونة راحلي رقمك من فضلك ابعثويهولي ، احبكم في الله راني مهاكم في الدورة

[منال100]

ام ياسين على سلامتك حنونة هذه غيبة طويلة والله غ فرحت كلقيت اسمك حتى انا توحشتكم بزاف
الحمد لله كرب صفى القلوب واش راه ياسين ريح ان شاء الله احكيلنا رانا مشتاقين لك والعمل كيفاه وقيلة ديت لميز على كل حال الخيرة فيما اختاره الله
ام نسيبة تاني ماراهاش تبان ان شاء الله خير
يا سبحان الله ربي جمعنا على خير وزرع في قلوبنا محبة لا توصف
ام صابرين يا الفحلة مبارك على ابنتك وان شاء الله يكون راسها خفيف كما الخفاف لدرتيه سيلتيلي لعابي واش تساليني هذا الامسية دايراتو باذن الله ورب كبير
ام سلمى وينك طلي
كاش اخبار على ام مؤمن خفت عليها من هذيك الحملة بلاك رحلت البيتها الجديد ربما ما عندهم النت
بعيدة المنال عودة ميمونة للعمل
سلام

[amel...]

يعطيك الصحة اخت حبيبة ... في انتضار المزيد و ربي يقدرنا ان شاء الله

[أم عبد الله ياسين2]

منال حبيبتي توحشتك يا أختي واش صرا فيا قعدت في دارنا قريب هبلت سينييت البيفي و كي سمع سي سيد عيطلي قالي خلاص ولي لدار أنا نعلت الشيطان و ليت و راني دايرة ديسبونيبيليتي خممت مليح من دارنا للعمل التاعي بعيدة ) المدية ، الجزائر) و طريق معمرة مخاطر تخيلي كي رحت سينييت من 6 تاع الصبح لل5 تاع لعشية و زاد مديرية التربية مقبلوليش الترونسفار قالك عندهم نقص في الأساتذة اللغة الفرنسية إمالا ستخرت الله و يسرلي وليت الداري و راني الحمد لله ، كنت ندعيلكم لكل وحدة ، توحشتكم ربي عالم ، ياسين خرج سنينات 2 ااهو داير حالة ميحبنيش نبهد عليه دقيقة ،

عودة ميمونة للجميع

[oum sabrin]

مساء الخير حبيباتي
منال 100 هلت الأنوار واش راكي مع الدخول المدرسي يبارك فيك حبيبتي
شهيتك في الجنة حنونة و بصحتكم الخفاف اذا راكي ديري فيه
ام عبد الله ياسين على سلامتك و الحمد لله لي رجعت لدارك ربيينور دربك و يسهلك امورك امين يا رب و بصحتو ياسين السنينات
امال امري ام ريتاج غزالة1 مروة المبدعة امة الله 84 امال على سلامتكم جميعا تحياتي لكن
ربي يسمعنا اخبار الخير على ام مؤمن و ام سلمى ان شاء الله يكونو بخير
سلامي الحار لبعيدة المنال و ام نسيبة اتمنى تكوني ريحت من الام الأسنان و جميع الفراشات القديمات و الجديدات لي نسيت اسمها تسمحلي راكم كامل في قلبي
و طبعا لا يفوتني ان احيي حبيبتنا حبيبة و اشكرها على كل ما تقدمه لنا