الزواج عن طريق التعارف على الإنترنت

[ahmed 31]

المشاركة الأصلية كتبت بواسطة الپرنسيسة^_^

اخي نحن هنا لا نتهرب من الموضوع و كما قلت لو صح لها شخص بكل المواصفات ماتراطيهش لكن لامان ماكانش الله غالب الحالة صعبة ترسليلو صورتك يقول بالاك راها رسلتها لالف واحد قبلي تمديلو رقمك تخافي يزيد يوزعو على صحابو و لهذا صارو يتهربو كما ان اغلب الاحيان صارو الشباب يتلاعبون فقط لهذا تتجن اغلبنا هذه المواضيع
اليوم تفاجئت بوالدتي تقول جهزو لخطوبة اخيكم سالتها من اين قالت البويرة قلتلها اين قابلها قالت عرفها بالفايسبوك (هذه في منزلي و أظن ستنجح العلاقة مادام قرر خطبتها و لقد ارسلت لي طلب صداقة و بدأت تحدثني )

في الاخير كل شخص و اهتماماتو و رغباتو و مش قضية دين و اخلاق لو نحمو عليهم راح نلقاو انفسنا مقصرين في الكثير من الامور اعظم بكثير من هذا وفقط تبقى قناعة شخصيةلامكانية الموافقة على ههذا ام لا

الله يتمم بالخير و يوفق بينهم لما فيه الخير.
نعم صدقت، إختلط الحابل بالنابل،
تبقى مسألة ثقة متبادلة بين الزوجين المتعارفين عبر النت، إن هما نجحا في تخطي هذه العثرة فسيكونان في بر الأمان بإذن الله.
شكرا على صراحتك و تفاعلك مع الموضوع.
تقبلي تحياتي.
سلام.

[أثيلة]

كاينة نكتة تقول بان فتاة تبرعت لشخص لاتعرفه في اوروبا بكليتها فوقع بحبها. تزوجها في المقابل حبيبة شاك جزائري قررت التضحية بكليتها لاجل من تعنبره حلم حياتها و فعلت لما فطن قالها واش يضمنلي بلي ماراحش تتبرعي بالزاوجة لشاب اخر
هههههههههههههه هذا مثال فقط على انعدام الثقة

[ahmed 31]

المشاركة الأصلية كتبت بواسطة الپرنسيسة^_^

كاينة نكتة تقول بان فتاة تبرعت لشخص لاتعرفه في اوروبا بكليتها فوقع بحبها. تزوجها في المقابل حبيبة شاك جزائري قررت التضحية بكليتها لاجل من تعنبره حلم حياتها و فعلت لما فطن قالها واش يضمنلي بلي ماراحش تتبرعي بالزاوجة لشاب اخر
هههههههههههههه هذا مثال فقط على انعدام الثقة

ضحكتينا،
ماكانش نكتة أخرى على فتاة ؟

[أثيلة]

المشاركة الأصلية كتبت بواسطة ahmed 31

ضحكتينا،
ماكانش نكتة أخرى على فتاة ؟

هههههههههه دوم الضحكة
حاليا لا توجد ان وجدت واحدة فلا تحرمنا من ثواني ضحك

[ahmed 31]

المشاركة الأصلية كتبت بواسطة الپرنسيسة^_^

هههههههههه دوم الضحكة
حاليا لا توجد ان وجدت واحدة فلا تحرمنا من ثواني ضحك

شكرا،
إن هي وجدت، ستكون في هذا الموضوع،
بارك الله فيك.
سلام.

[karimo322]

السلام عليكم انا جديد معاكم انا من هادو الناس تعرفت على بنت في الفايس بوك ذروك راهي معايا في دارنا عندنا توام ٢ولاد في عمرهم ٢.٥ سنة رانا نحمدوا ربي يا خوتي لي ماشي مجرب ما يحكيش اتقوا الله تلقاو ناس كيما هاذو عاونوهم طلعولهم المورال علاش قاعدين تكرهو الناس في بعضها البعض اتقوا الله قولتلكم راني في اربع سنين متزوج و كان السبب هو f b الحمد لله و ادامها نعمة و اسمحولي

[minaflower]

السلام عليكم اخي احمد
في انتظار موقف صاحب الموضوع من هذا الزواج
هو الفضول

[ahmed 31]

المشاركة الأصلية كتبت بواسطة minaflower

السلام عليكم اخي احمد
في انتظار موقف صاحب الموضوع من هذا الزواج
هو الفضول

و عليكم السلام،
بالطبع، من وجهة نظري الخاصة و بدون الدخول في حكم التعارف عبر النت بين الجنسين، فالزواج بهذه الطريقة عواقبه غير محمودة و وخيمة، نظرا لوجود ثغرة لتكون منبع للشك و عدم الثقة، مع عدم مصارحة الطرف الآخر و إرتداء الأقنعة التي تزول بإعلان هذا الزواج،
كيما قالوا بعض الإخوة "في الواقع و ماسلكناهاش"، مع أنه يوجد حالات قليلة لزيجات من هذا النوع ناجحة، مع أني لا أزكيها، فمن الأحسن و الأنسب للزوجين يبدؤون حياتهم بطريق حلال حتى يباركه الله.
لما ذكرت في رد سابق، لي زميلان تزوجا بنفس هذه الطريقة، أحدهما وهو مطلق من قبل لدى مناقشتنا حول طريقة زواجه، قال لي أنا لا أعرف أي فتاة، و لا أهلي يعرفون و ليس لدي الوقت الكافي للبحث نظرا لعمره كما أنني لا أستطيع التكلم مع فتاة في الخارج و لا يمكنني اللحاق بفتاة خارجا لأعرف مكان سكناها (مدينة كبيرة و يوجد العديد من وسائل النقل)، لذلك لجأت لهذا الزواج،
و هو لحد الآن و الحمد لله يعيش في سعادة (ربي يدومها إن شاء الله).
في الأخير وجب إتقاء الله و الإبتعاد عن الشبهات في إختيار الزوجة و الله أعلم.
هذا رأيي الخاص حول الموضوع.
سلام.

[minaflower]

المشاركة الأصلية كتبت بواسطة ahmed 31

و عليكم السلام،
بالطبع، من وجهة نظري الخاصة و بدون الدخول في حكم التعارف عبر النت بين الجنسين، فالزواج بهذه الطريقة عواقبه غير محمودة و وخيمة، نظرا لوجود ثغرة لتكون منبع للشك و عدم الثقة، مع عدم مصارحة الطرف الآخر و إرتداء الأقنعة التي تزول بإعلان هذا الزواج،
كيما قالوا بعض الإخوة "في الواقع و ماسلكناهاش"، مع أنه يوجد حالات قليلة لزيجات من هذا النوع ناجحة، مع أني لا أزكيها، فمن الأحسن و الأنسب للزوجين يبدؤون حياتهم بطريق حلال حتى يباركه الله.
لما ذكرت في رد سابق، لي زميلان تزوجا بنفس هذه الطريقة، أحدهما وهو مطلق من قبل لدى مناقشتنا حول طريقة زواجه، قال لي أنا لا أعرف أي فتاة، و لا أهلي يعرفون و ليس لدي الوقت الكافي للبحث نظرا لعمره كما أنني لا أستطيع التكلم مع فتاة في الخارج و لا يمكنني اللحاق بفتاة خارجا لأعرف مكان سكناها (مدينة كبيرة و يوجد العديد من وسائل النقل)، لذلك لجأت لهذا الزواج،
و هو لحد الآن و الحمد لله يعيش في سعادة (ربي يدومها إن شاء الله).
في الأخير وجب إتقاء الله و الإبتعاد عن الشبهات في إختيار الزوجة و الله أعلم.
هذا رأيي الخاص حول الموضوع.
سلام.

بارك الله فيك اخي أحمد و شكرا
كلامك صواب
الحالات النادرة لي تكلمت عليهم ربي يهنيهم و يدوم العشرة بينهم
ربي يعطيك ماتتمنى في حياتك

[ahmed 31]

و فيك بارك الله،
اللهم آمين، الله يهني كل مسلم و مسلمة.
آمين يا رب العالمين، لنا و لجميع المسلمين و المسلمات،
شكرا على مناقشتك القيمة للموضوع.
سلام.

[mrmilano1984]

انا عمري ماندي وحدة في النت هدا فناعة شخصية وحدة لي تكلمت مع الف راجل او اقل او اكثر وانا متاكد كاين لي فعلو اكثر وسمعت دلك من اشخاص يتحدثو في النت والليل وووو يسهرون وتقولك انا نتزوج طبعا انسان لي يعرف مليح مليح يتجنب تاع النت بلاك منكم صح نية وحدة تتكلم معاك في النت وتقولك انا سيريو ياو رجعو لعقلكم هدا رايي ومانغيروش

[همس مشاعر]

ههههه انا بالنسبة ليا انترنت ولا هاتف ولا الحمام الزاجل هي مجرد وسيلة تعارف تقرب المسافات ,,,,,,و اللي يحب يخفي شخصيتو ولا وجهو الحقيقي يقدر يخفيه حتى وهو عايش معاك, انا شخصيا تعرفت على خطيبي عن طريق الفيس بوك هو من ولاية اخرى, حكينا لأشهر و نهار عجبو تفكيري و شخصي صارحني و كان يعرف كل شيء عني, جا سقسى على العائلة تاعي و الحمد لله عملنا رؤية شرعية و عجبني و عجبتو و تمت الخطبة و قريب العرس ان شاء الله مع العلم اني مانيش الوحيدة فالعائلة بزااف الي تعرفو عن طريق النت و مزوجين و بولادهم الحمد لله, انا نفضل واحد يخيرني على اساس تفكيري و شخصيتي ماشي اللي يشوفني و نعجبو فالمظهر و يجي يخطب مباشرة ,

[karimo322]

السلام عليكم خاوتي و خياتي كي نحكيو على التعارف في الانترنت هي راهي في دارهم و هو راه في داره واش نقولو على التعارف في الهاتف الجوال و صعيب في وقتنا العيش بدونه ديرو في حسابكم عشرين بالمئة في الجزائر فبما يخص الزواج عن طريق الهاتف المحمول اعطونا رايكم بديتو تخدموهالي كنت نورمال دروك راني موسوس غي شوفولنا حل و بارك الله فيكم

[karimo322]

بارك الله فيك خويا kaza100 هدرتك صح و سمحولنا نتوما تاني

[ahlem 05]

ما بدأ في النت ينتهي في النت وحتى ان تم الزوااج فسيبقى هناك شك و ريبة من طرف الزوج