حلويات نجاح ابني في البكالوريا

[ام حمزة22]

السلام عليكم ورحمة الله تعالى وبركاته
ان شاء الله تكونوا كااااامل بالف خير

اليوم حبيت نقدملكم صور حلويات نتاع العرضة لي درتها لوليدي بسلامتو كي جاب الباك لعقوبة لوليداتكم ولعقوبة لكل واحد يسعى للدراسة والنجاح
اول ما سبقت بيه وقدمتو لضيوفي هو علب المثلجات كنت حابة نحضرهم فالبيت ونشبحهم كيما نحب لاكن ما كفانيش الوقت
بعد المثلجات قدمت القهوة ومعاها سابلي ومعارك (مسمن) لي للاسف نسيت نصور كيفية تقديمهم في الصحون لان اختي وبنتي ربي يحفصهم زربو حطوهم بلا ما قالولي صوري وناكدلكم ان المدعويين عجبوهم وقالولي خدي الحلويات وخليلنا غير المعارك
من بعد حطينا الشاي مع المقروط والكورني
وفي الاخير قدمتلهم حلويات داخل الصحون الكرتونية
بلا ما ننسا الاطفال لي كانوا فرحانين بزاف بالحلويا ت والمشروبات والهداية لي قدمناهالهم

المثلجات

صحون الحلويات منها الكعيكعات مسكرين و مشوك و الباقلاوة و كفتة

هدا كورني كنت درتو فالعيد وخبيتوا فاامجمد

بقلاوة تان درتها فالعيج وخبيتها فالمجمد

مشوك بالعجينة ومرمد فاللوز افيلي



كفتة


كعيكعات مسكرين بعنفوق عنب


مجموعو من سابلي قدموهالي احبائي

من تفديم زوجة اخي حفضها الله

من تقديم اختي حفضها الله (حب ووصال)

من تقديم اختي حفضها الله(oum fedoua)

من تقديم مرت لوسي صغيرة حفضها الله (oum sabrin)

من تقديم مرت لوسي الكبيرة حفضها الله

هنا حلويات الاطفال حضرتها بالفلون والكاكاو وطليتها بالشكلاطة


هنا مشروبات الاطفال

هنا حلويات و هدايا للاطفال شراتهم اختي وعمرتهم فالساشيات لبنات شراتلهم بوزل والدكور شراتلهم حيونات صغار
وهادي فكرة مليحة باه يلتهاو دراري وما يديروش الشغب



هنا اختي راهي قايمة بتحضيرات خلويات الاطفال بمساعدة المازوزية نتاعي ربي يخفضهم
ان شاء الله تعجبكم تحضيراتي لهاد العرضة وتاخدو فكرة ولو بسيطة لافراحكم ونجحات ولادكم

تحياتي للجميع