[ لمة الأحباب ] ......... الليلة الثانية

[*سندوسة*]

المشاركة الأصلية كتبت بواسطة zaidoun24

والله فاتتني ليلة حافلة اجابات رائعة سندوسة ياسمين و دائما متألقة أختي مريم ربي يدوم العشرة بيناتكم و يخلينا كامل على خير

مرورك الاروع اخي زيدون
مريم الغالية راهي مغرقتنا بطيبتها الله يحفظها

اللهم امين على الدعاءالجميل

[مريم الصابرة]

المشاركة الأصلية كتبت بواسطة zaidoun24

والله فاتتني ليلة حافلة اجابات رائعة سندوسة ياسمين و دائما متألقة أختي مريم ربي يدوم العشرة بيناتكم و يخلينا كامل على خير

السلام عليكم اخي زيدون
أهلا وسهلا نورت الصفحة نعم كانت ليلة رائعة كليلة ضيافتك شكرا لانك إفتتحت الموضوع وشكرا لانكم لبيتم دعوتي بارك الله فيكم جميعا

[ام براء عبيدة]

تشرفت بمعرفتك يا سندس وبارك الله فيكي يامريومة على هذا الموضوع

[مريم الصابرة]

المشاركة الأصلية كتبت بواسطة ام براء عبيدة

تشرفت بمعرفتك يا سندس وبارك الله فيكي يامريومة على هذا الموضوع

السلام عليكم أختي اهلا وسهلا
العفو اختي شكرا لك نورت الموضوع

[*سندوسة*]

المشاركة الأصلية كتبت بواسطة ام براء عبيدة

تشرفت بمعرفتك يا سندس وبارك الله فيكي يامريومة على هذا الموضوع

فرحتوني بردودكم وغرقتوني بطيبة قلبك
والله حشمتوني
ربي يفرحكم

[*سندوسة*]

نظرا لاهتمامكم بالموضوع ولتعم الفائدة سأذكر سبب فسخ للخطوبة

اولا انا من النوع لي كي تظهرلي القليل من محبة نظهرلك الكثيرة تعطيني حفنة من الاهتماما نعطيك اكثر واكثر واي حاجة صغيرة تأثر فيا وانا مرانيش متطلبة
يعني نبغي ناس تحترمني وتعرف قيمتي

جا نهار لي تعرفت فيه على خطيبي
جاب اهله وبقينا نتواصلو فالهاتف انا ضد لي يقول الكلام فالهاتف في فترة الخطوبة ماشي مليح بالعكس طريقة الشخص في كلامه هي لي تخلي لواحد يحترمك ولا يقلل ادب معاك فالكلام ولي يعرف يتصرف يتعرف اكثر على شريك حياته من خلال الهاتف
الحمد لله كنت فارضة احترامي
المهم اول حاجة بما انه عرف حالتنا المادية مليحة داه الطمع كان كي يدخل لدارهم يقولي نسيت باش نفليكسي عيطيلي نسحقك هو موظف وداير شركة مع ولد خالته مرة ماعيطش وكي استفسرت قالي عندي مشكل وخصني دراهم
هو كان شوية تقيل من جهة تيليفون يعني مرة على مرة يعط ويتحجج بالخدمة ومرة بعتلي مساج قالي درت حادث انا حسبت صح

بقينا يامات قالي خاصني دراهم باش نخدم لوطو انا هادي لحاجة لي ماعجبتنيش المهم بقيت نتهرب مالهدرة معاه
وحتى لمن بعد اكتشفت انها كذبة على خاطرش هو كان في وسع ربي وماكانش يعيط كيفاش نهار دار حادث بعتلي مساج
المهم كي عرف انا مانقدرش نعطيه دراهم بقا يدوموندي مني نخرج معاه انا رفضت الفكرة حتى يكمل اجراءات الخطبة يعني حتى بعد الفاتحة
هو ماعجبهش الحال وبغاني نعيش معاه كيما المتزوجين اسفة ولكن هذه هي الحقيقة لي اغلبية الشباب يفكرو هكا
بقا يفورصي عليا بصح انا كلمت الوالدة وصارحتا واش كان يقولي المهم هو ماقعدش يتصل بيا بحجة انه مشغول كي كثر عليا بعتله مساج وقتله لواحد كي يختار شريك حياته باش يهني راسه ماشي يزيد لروحه وجع الراس
لوالدة قاتلي نعرفك كيفاش تخمي راي لي ديريه راني معاك
المهم هو تجاهل هذاك المساج قعدنا حوالي 4 اشهر مرة شافني برا قعد يبيبيلي تجاهلت الموضوع

وبعد 7اشهر كنت مع لوالدة تلاقيته صدفة فتنا على بعضانا كأننا ولا كأنه كانت بينانتا حاجة بالرغم من انني كنت نحوس على واش درتله بالرغم من معاملتي الطيبة معاه يعني خلاني معلقة المهم لحقنا بالوطو وبقا يعيط لماما برقم خاص تجاهلنا الموضوع

بعد مدة اتصل بالوالدة وقالها راني باغي نطلب سماح من عيشة ومنك وبقى يترجاها قالها راني باغي نشرحلها ونطلب منها سماح انا خممت مليح وترددت بصح الفضول قتلني وبغيت نعرف علاه خلانيبلا حتى سبب

المهم حكا معايا قعد يبكي وطلب مني سماح وقالي ظروفه كانت صعيبة قتله انا علاه ماصارحتنيش راه مدة 10 شهر ماحوستش عليا

كي قتله سامحتك قالي علابالي قلبك كبيرة وعمرك ماضريتيني قالي انا لي معرفتش قيمتك وضريتك بزاف قالي يلا مراكيش مرتبطة نتمنى توليلي قتله ربي فيه لخير والزواج مكتوب

قالي ليوم من بعد كي تخمي جاوبيني

انا تخذت قرار لي مايعرف قيمتي كي نكون معاه مكان علاه يحوسعليا كي نبعد عليه

بعدها مارديتش عليه بقا غير يعيط بصح انا تخذت قراري

[daygle]

لاحول ولاقوة الا بالله ....مكان والوا شوفي لا أدري لكن حين يبكي

الرجال تتحرك الجبال على اختلاف ...أنا أنصحك بالعودة الى خطيبك

بشروط مسبقة .... تحدت هده الخلافات عادي خاصة في فترة الخطوبة

طبعا وانا ضد الهاتف كما تفضلت لأنه هو من يفتح الباب لمتل هدا ..

....................... لا اريد ان اسهب أخاف ان افسد الموضوع ..

المهم .......بكل صراحة القصة ناقصة لم أرى اختلاف بين زوجين

أو خطيبين .......الا وهناك طرف تالت .......هل يا ترى يا أختي

في قصة الخطوبة كان الطرف التالت هدا ؟؟

شكرا مسبقا .......وأنا آسف يامريم الصابرة مجرد تفاعل عفوي .

[*سندوسة*]

اخي ذكرت الاسباب لي خلاتني نراجع حساباتي طلباتو لي ماشي في بلاصتها اغلبية حكاياتنا غير على المال ويحوس نخرج معاه بزاف
يقول غير راه خاصني راهم يسالوني دبري كيفاش تعاونيني

انا والله بالرغم من اني عايشة في دارنا عيشة الملوك والله رضيت بيه ماعنده والو ساكن مع دارهم وعنده خوته بنات واولاد يعني عايلة كبيرة وعمري ما نقصت من قيمته ولا قتله مانعيشش مع داركم

قتله حنا مانشرطوش المهم راجل يكون نتاع كلمته قتله مانحوس على ذهب ولا حتى حاجة المهم لهنا قتله حتى لعرس راني راضية نديروه فدار يعني هادوك البروتوكولات نقدر نستغنى عليها

اخي انا لحاجة لي تقتلني هي الاهمال مانقدرش نعيش مع واحد مايستشيرني ماياخذ برايي مايقولي وين راه رايح ونظن هذا من حق كل مرا تعرف زوجها كيفاش راه يخمموواش راه يدير

[ماريـام]

اختي "سندوسة يسمين" باينا ماشاء الله رزينا و بنت اصل وهاذا فاق لقيمتك بعد فوات الاوان ربي يعوضك من جهة اخرى ان شاء الله
تستهلي كل خير
في اسرتي بنت خالة ابي ماشاء الله عائلة معروفة و عندهم رزق و مصانع و عائلة محترمة جدااا و بنتهم ماشاء الله في كل شيئ كيما سندوسة تاعنا هههه
خطبها واحد و قبلت بيه رغم انو لا يملك شئ كما قلتي و قبلت كل شئ من جهتو

نتفاجؤو بيه مرة يروح لاخي و يعرفو اخي لكن هو ميعرفش انو اخي هو ايقربلها لخطيبتو تصوري واش يقول لاخي يقولو خطيبتي عندها دراهم و انا خاطبها لدارهمها و الطفلة زين و ضرافة و عقل ,,,اخي يعرف انو خاطبها لكن الخاطب ميعرفش اخي واش يكونلها

هنا بعدها بأيام فسخت بعدما تكشف حقيقتو

بعدها ادات واحد من عائلة اخرى تلمك اموال و شرطت شروط كثيرة و عايشة حياتها
صراحة مجتمع يخلي المرأة تولي هكذاك منبعد يقلك علاش ,,,,
ان شاء الله تلقاي واحد يوالمك من اصل و راجل و عندو كلمة و فحل و يعطيك على حساب قلبك (وليت ندعي كي عجايز هههه ربي يزين سعدك هههههه) وانساي الي فات

[ام فيفي]

سلام عزيزتي ياسمين...هنّاك ربي منو ...من يومو طامع في دراهم باباك...كون جا راجل صح...وعندو النيف ما يطلبش من زوجتو المستقبلية دراهم و يقولها افليكسيلي هذا طماع كبير...كون تتزوجي بيه يقولك روحي لداركم يكسيوك في العيد وووووووووووووووووو...........والامثلة نتاعو كثيرة في مجتمعنا....إلاّ من رحم ربي......الله يخلف عليك بأحسن منو خاطر راه يشوف فيك صوارد...كيما نقولوا حنا ناس العلمة و بالتوفيق

[*سندوسة*]

المشاركة الأصلية كتبت بواسطة ماريـام

اختي "سندوسة يسمين" باينا ماشاء الله رزينا و بنت اصل وهاذا فاق لقيمتك بعد فوات الاوان ربي يعوضك من جهة اخرى ان شاء الله
تستهلي كل خير
في اسرتي بنت خالة ابي ماشاء الله عائلة معروفة و عندهم رزق و مصانع و عائلة محترمة جدااا و بنتهم ماشاء الله في كل شيئ كيما سندوسة تاعنا هههه
خطبها واحد و قبلت بيه رغم انو لا يملك شئ كما قلتي و قبلت كل شئ من جهتو

نتفاجؤو بيه مرة يروح لاخي و يعرفو اخي لكن هو ميعرفش انو اخي هو ايقربلها لخطيبتو تصوري واش يقول لاخي يقولو خطيبتي عندها دراهم و انا خاطبها لدارهمها و الطفلة زين و ضرافة و عقل ,,,اخي يعرف انو خاطبها لكن الخاطب ميعرفش اخي واش يكونلها

هنا بعدها بأيام فسخت بعدما تكشف حقيقتو

بعدها ادات واحد من عائلة اخرى تلمك اموال و شرطت شروط كثيرة و عايشة حياتها
صراحة مجتمع يخلي المرأة تولي هكذاك منبعد يقلك علاش ,,,,
ان شاء الله تلقاي واحد يوالمك من اصل و راجل و عندو كلمة و فحل و يعطيك على حساب قلبك (وليت ندعي كي عجايز هههه ربي يزين سعدك هههههه) وانساي الي فات

الله يسلمك اختي
والله حشمتيني
ختي والله العظيم زيني نية وكوني طيبة قلب ربي يكون معاك ولي قال مول النية يربح ماغلطش

سبحان الله عباد كيفاش ولات تخمم بصح ربي يفضحهم ولي يتوكل على ربي جامي يخيبه
مشكورة على دعواتك زينة والله رانا كيف كيف انا فدار والله الوالد نتاعي يقولي ارضاي عليا ويقولي دعليلي والله مرات نقوله بابا بالعكس نتا لي تدعيلي يقولي انا ولدك ربي يخليه ليا

[*سندوسة*]

المشاركة الأصلية كتبت بواسطة ام فيفي

سلام عزيزتي ياسمين...هنّاك ربي منو ...من يومو طامع في دراهم باباك...كون جا راجل صح...وعندو النيف ما يطلبش من زوجتو المستقبلية دراهم و يقولها افليكسيلي هذا طماع كبير...كون تتزوجي بيه يقولك روحي لداركم يكسيوك في العيد وووووووووووووووووو...........والامثلة نتاعو كثيرة في مجتمعنا....إلاّ من رحم ربي......الله يخلف عليك بأحسن منو خاطر راه يشوف فيك صوارد...كيما نقولوا حنا ناس العلمة و بالتوفيق

اهلا اختي

والله صح مرات كان يقولي افليكسيلي وانا حشمت باش نقولها
قلت بلاك ربي يهديه وماعليش راه في ازمة
كان يقولي راني دخلت لشانطي ومافليكسيتش

وشحال من مرة قلت لوكان ديته لوكان كان يقولي روحي لداركم يشرولك انا ماعنديش وللعلم عنده كلام حار وقاسي انا قلت ماعليش نهار لي بكى انا ماأمنتش قتله نتا راك تبكي قالي هاي هي دنيا قالي تبكي على جال حاجة تستاهل ماعليش

مشكورة حبيبتي
انا والله مابغيت نهدر عليه هاد لكلام بصح كاين ناس لي تسمع حكايتنا ربما تستفيد على خاطرش لوكان نقعدو غير نخبوا على بعضانا تصرا كوارث وحتى واحد مايستفيد من تجارب الاخر

نورت الموضوع

[مريم الصابرة]

السلام عليكم اختي يسمين
والله قريت قصتك مع اللي كان خاطبك هذا دخل على طمع اما التلفون وعلاه نكذبو الكل يقولو حرام وكذا ولكن أغلب الخطاب يطلبو الرقم هو الأاول ويبدا يجرب فزهرو وزيدي الشابة هو يهدر ويعبر وما يحشمش ويقتلك كي قولك إسمحيلي راح نصلي قيام الليل ههههههههههههههههههههههه ياخا على قيام الليل قبل نص ساعة كان يشبه للشاب حسني كوارث مرات يجيني الضحك نقول شبابنا سبيسيال ماكانش كسما هوما فالشعوب
والله يا اختي نستعرف بيك مازلت صغيرة وربي يعوضك باللي خير منو وصعيبة شوي لما يكون عندكم الرزق واعرة باه تختاري لانو تخافي كلهم طماعين
شوفي نقولك ذاك المهبول اللي جا خطبني عتريس الغفلة ههههههههه قالي انا اول ما نجيب دارنا ماكان حتى واحد يحكم فيك ووقت ساعة تنفحلي نجي نشوفك يقولي راسي على 3 نتاع الصباح نجي نشوفك قتلو على خاطر انا رومبوا اللي قدام داركم وقت تحب دور عليها دور وواحد ما يحكم فيا يعني امي ما عندهاش حكمة عليا حسبتو خويا وانا مان عرفوش ههههه واااااااااااااع كي نتفكرو تجيني الدوخة ندمت على اني ما عطيتوش كاش ضربة بمقلى او مهراس حتى يشفى عليا هههه
مهابل تشوفي العجب ربي يرزقك بغيرو وليد اصل يعرف قيمتك

[مريم الصابرة]

المشاركة الأصلية كتبت بواسطة daygle

لاحول ولاقوة الا بالله ....مكان والوا شوفي لا أدري لكن حين يبكي

الرجال تتحرك الجبال على اختلاف ...أنا أنصحك بالعودة الى خطيبك

بشروط مسبقة .... تحدت هده الخلافات عادي خاصة في فترة الخطوبة

طبعا وانا ضد الهاتف كما تفضلت لأنه هو من يفتح الباب لمتل هدا ..

....................... لا اريد ان اسهب أخاف ان افسد الموضوع ..

المهم .......بكل صراحة القصة ناقصة لم أرى اختلاف بين زوجين

أو خطيبين .......الا وهناك طرف تالت .......هل يا ترى يا أختي

في قصة الخطوبة كان الطرف التالت هدا ؟؟

شكرا مسبقا .......وأنا آسف يامريم الصابرة مجرد تفاعل عفوي .

السلام عليكم
لا مشكل اخي الموضوع موضوعكم وهاته ضيافة الاخت وإسألوهاما شئتم
شكرا لك

[مريم الصابرة]

المشاركة الأصلية كتبت بواسطة ماريـام

اختي "سندوسة يسمين" باينا ماشاء الله رزينا و بنت اصل وهاذا فاق لقيمتك بعد فوات الاوان ربي يعوضك من جهة اخرى ان شاء الله
تستهلي كل خير
في اسرتي بنت خالة ابي ماشاء الله عائلة معروفة و عندهم رزق و مصانع و عائلة محترمة جدااا و بنتهم ماشاء الله في كل شيئ كيما سندوسة تاعنا هههه
خطبها واحد و قبلت بيه رغم انو لا يملك شئ كما قلتي و قبلت كل شئ من جهتو

نتفاجؤو بيه مرة يروح لاخي و يعرفو اخي لكن هو ميعرفش انو اخي هو ايقربلها لخطيبتو تصوري واش يقول لاخي يقولو خطيبتي عندها دراهم و انا خاطبها لدارهمها و الطفلة زين و ضرافة و عقل ,,,اخي يعرف انو خاطبها لكن الخاطب ميعرفش اخي واش يكونلها

هنا بعدها بأيام فسخت بعدما تكشف حقيقتو

بعدها ادات واحد من عائلة اخرى تلمك اموال و شرطت شروط كثيرة و عايشة حياتها
صراحة مجتمع يخلي المرأة تولي هكذاك منبعد يقلك علاش ,,,,
ان شاء الله تلقاي واحد يوالمك من اصل و راجل و عندو كلمة و فحل و يعطيك على حساب قلبك (وليت ندعي كي عجايز هههه ربي يزين سعدك هههههه) وانساي الي
فات

السلام عليكم اختي اهلا وسهلا
عجبتني غير الدعوة آمين
قوليلي هذا وين تلقاه لما تجي تنومو وما تلقاهش
مرات نديرو بروقرام تنومي فارس الأحلام
تلقاي جيش نتاع حمير فايتة حاشاكم