مهر الزواج ......في الجزائر فقط

[سدرةالمنتهى]

المشاركة الأصلية كتبت بواسطة im mimi nano

الله يسترنا ما عندناش هاد الطبيعه في سطيف الرجل يكرم ويوجد حوالو مليح كي يزوجو راه ييرحمها ربي

السلام عليكم ورحمة الله وبركاته

ماتقولش معدناش هذه خطة سرية بين الخطيبين

لا تستطيع ان تفرق بين مهر الزوج او مهر الزوجة

اي من دفع لمن هذه هي زبدة الموضوع

سلام

[thawizat10]

المشاركة الأصلية كتبت بواسطة سدر المنتهى

وعليكم السلام ورحمة الله وربركاته اختي ثاويزات

للاسف هذا هو بيت القصيد انها ترميه في قاع البحر...... ثم تاتي تعلمه السباحة

موضوعي لم يكن من الخيال بل من وقائع حقيقية خاصة من كانا على علاقة غرامية سابقة

يتفاهموا ان يتقاسمو مبلغ المهر حتى وان كان هو مبلغه ميسور فهي لا تقبل خوفا من صديقاتها و بنات اهلها
ان يضحكوا عليها ...... اكبر الضحايا هن العاملات
نحكيلك قصة واقعية وقعت لقرببة صديقتي حكاتهالي
هذه الفتاة كانت تحب شابا حبا جنونيا هو بطال و هي تخدم عقود ماقبل التشغيل فقط
قالت له تعالى لتخطبني قال لها ماعنديش فرنك نقابل به باباك قاتلو معليش انا نعاونك
قلها كيفاش تعاونيني وانا راس مالي قع 3 ملاين قاتلو راني مخبية شوية دراهم حوالي 12 مليون
نعطيهالك تجي تحطها عليا في المهر ياخي راني جاية ليك و دراهمي هوما دراهمك
قبل الرجل الشهم و جا بشلاغمو يخطب في بنت فلان و في جيبو دراهما ؟؟
قبل ابوها و تمت الخطبة و الزواج
وسي السيد ضاق البنة من عند زوجته المخلصة قالها اعطيلي الدراهم باش نشرو قش
زادت عطاتلو 6 ملاين شارو لاكترو مناجي و خلاوهم في بيت الكراء قيسما يخرجوا من عند اهلو
.................................................. ...............................................

هذه عينة من خطبات اخر زمان فقط لا تنسي نحن مجتمع نسمته 40 مليون و قيسي عليه مستوى التفسخ الفكري
والانحطاط الاخلاقي الذي وصلت ايه بعض الاسر الجزائرية ....

من خلال هذه القصة اردت ان اكتب هذا الموضوع العجاب كما تفضلت

تقبلي احتراماتي

سلام

شكرا أختي سدر على ردك الجميل و على القصة
أكيد أختي هكذا بزاف
لوكان زادتلو 3 ملاين لكان شيء مقبول لكن تعطيه كل المبلغ
راني نماجيني فيها تشري حتى لملاك أو المهيبات يعني تشري كادوات لروحها
هذه قامت بخطأ ستندم عليه فهي تعلمه عدم المسؤولية و التواكل
و هذا جاع pré-emploi لوكان خدمة صحيحة مانك
و في الأخير أقول لهنا ييف لغنا و البركة في القليل

[أم نرجس حياتي]

اقلهم مهرا اكثرهن بركة

[om hind]

نورماااااال

[om hind]

واش فيها يخي يتعاونو

[adillo]

في يوم من الأيام ونحن خارجين من الصلاة فإذا بشيخ كبير يوقفني سلام عليكم وعليكم السلام ربي يتقبل منا ومنكم اللهم امين منا ومنكم صالح الاعمال تبدلنا الحديث مطولنا ونحن نمشي فاجئني بي سؤاله قال هل انت متزوج ؟؟ هنا عرفته اين ينصب تفكيره من سؤاله عرفته ان له ابنة يريد تزويجها فصارحته بي امري والعمل الذي بي الكاد اعين اهلي ونفسي به المهم اوضحتو له اموري كلها فقال لي لا تقلق نحوسو على الهنا برك ويا لها من عبارة مفخخة فرحت فقلت الحمد لله ربي فرجها وفي اليوم الموالي اخبرت امي بعد ان عرفتو مكان اقامته ارسلت امي لهم لكي تقوم بي دورة استطلاعية على امور الفتاة وبعدها انا سوف اقوم بي يلزم وليتني لم ارسلها تخيلو لم سئلتهم عن مهر ابنتهم كم قالت دير كي الناس عمبالهم كاع الناس كيف كيف يحسبوني Oleg Deripaska
قالت 25 مليون+2 خاتم ملاح بي هاذي الكلمة +1كبش منقلولكش زوج ههههههههههه 25+8+8=41 يا للهول بي حسابي الشخصي تقريبا عامين وانا ندمر كي Tractors, made in Yugoslavia
امي قالت لي حسوة القهوة حبستلها في الرقبة قاتلي غيرشوي ويقول خلصي وش كليتي قاطو والبقلاوة وحق القعدة هههههه المهم قلتها الحمد لله بانت من لول هنا عرفت الشيخ ليس له اي راي او اي حكم الله يهديه فقررت اعتزال الزواج الى اجل غير مسمى ونبقى كما راني نربي في المقنين ومنين ذاك تبالي بلي تاني نربي المل هكا واحد ميلتهاش بهدا السوق
عذرا على الاطالة

[jiji17]

المشاركة الأصلية كتبت بواسطة عابد لله

رايح نكون متناقض في رايي اسمحولي
- 20 مليون راهي ضرك زوج شهريات برك. في رايكم راتب شهرين يعد مهر؟
- لي مش خدام ولا ما عندوش دار 10 ملاين راهم دراهم بالنسبة ليه
- المرا لي تحب دير لروحها قيمة وتساعدو باش قدام الناس ما تطيح بروحها مافهاش مشكلة المهم تكون راضية مش يستعمل معها اسلوب ضغط لانها خايفة من العنوسة او لانها متعلقة بيه
- اللي ما يبنيش عرسه على تقوى الله والخف من الله وليس من الناس يستاهل واش يصير فيه

عليك نور أخي
تقوى الله والخوف من الله

[jiji17]

المشاركة الأصلية كتبت بواسطة سدر المنتهى

ا

لسلام عليكم و رحمة الله وبركاته

اردت ان اتناقش معكم في ظاهرة حبستلي عقلي ....... وماحبتش تدخل مخي

الا وهي تقاسم قيمة المهر بين الخطيبين

نحن شعب مسلم و لنا عقيدة واضحة خالية من الاساطير و الخرافات

فالزواج سنة مؤكدة شروطه واضحة من بين شروطه

المهر او الصداق

وهذا ماورد في قوله تعالى
{وَآتُوا النِّسَاءَ صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِ‌يئًا} [النساء: 4]

فهو امر موجه للرجال لا للنساء

ايه يجهل تفسيرها الكثير و هناك من لم يسمع بها اصلا و يعتقد ان المهر من العادات والتقاليد

يتحكم فيه كيف مايحب

المهم ........... ظاهرة تفشت اليوم هي الخطيب يطلب من خطيبته مساعدته في قيمة المهر حتى يوصلوه 30 مليون مثلا
بحة انه شريكته و دراهمهم في جيب واحد ........... انه تساعده لكي يعجل في الزواج او تبقى 4 سنوات
............. يعني تهديدات و اغراءات لا معنى لها في ديننا الاسلامي
يقلها انا ندفع النصف وانت زيدي من عندك و كاين حتى باباها يحط دراهمو فوق دراهم المهر

في رايكم هل يعتبر هذا صداق شرعي كامل ؟

هل صادفتهم قصة كهذه ...... كيف كانت نتيجتها ؟ هل منته عليه مثلا بالتطاول و الاهانة ؟

تقبلوا احتراماتي

مساحة حرة للنقاش

واش نقلك أختي ربي يسهل على كل المؤمنين ولي فيها الخير ربي يقدمهلنا ويرزقنا القناعة في كلش
شكرا لك

[jiji17]

المشاركة الأصلية كتبت بواسطة salim.salim

عقدوك حتى انت.......لا حول و لا قوة الا بالله
كنت نحسب روحي الوحيد اللي وصلوه الى اعتاب الجنون لكن اظن ان الكثيرين مثلي.

الحل راهو فالقاورية يا بن العم تحكيلك التفاصيل تاع حياتها من الاليف الى اللام اليف

تعنا راهم يخلطوها gوش دروات و ممبعد كيما قلت انت تطلب عليك على الاقل خمسين مليون و كانها العذراء مريم عليها السلام

القاورية ثم القاورية هي املنا الوحيد و هي الرهان الذي لا خسارة فيه خاصة اذا حباتك تضحي بالنفيس و الغالي من اجلك.

خويا وجبيك يأس كما هاك و وين ربي ودعائك ليه
الدعاء ثم الدعاء لا ياس مع الدعاء أدعي ربي يرزقك الزوجة الصالحة و وكل أمرك لربي راح ترتاح باذن الله
لا ياس مع الحياة ... ولا الحياة مع الياس
وبالارادة تتحقق الامال

[eBusiness]

المشاركة الأصلية كتبت بواسطة سدر المنتهى

وعليكم السلام اخي عبد المجيد

ان شاء الله نسمع عليك خبر الزواج اولى من الشفاء ههههه
بارك الله فيك على ماخطت يمناك اخي الفاضل
لا تقنط اخي من رحمة الله مازالت الدنيا بخير ......و فيها بنات الخير
اعجبتني شخصية عمي الخير في ردك هذا والله تجسد لي انه صح انسان عزيز مفقود علينا ...... ونسينا انه موجود بيننا
نحن فقط غافلون و ميؤوسون من بني جلدتنا .... طغى الشر على الخير .....وراح المحرم في جرة المجرم
اللهم ارزق اخينا عبد المجيد بالزوجة الصالحة التي تقر به عينه و تصلح له بيته و تربي له بناته وبنينه ياااااااااارب

وعليكم السلام ورحمة الله تعالى وبركاته يا بنت الأصول
اللهم امين... بارك الله فيك على دعائك الطيب با بنت الطيبين ولك مثله أضعافا مضاعفة، رب يرزقك زوجا صالحا وقلبا خاشعا ومستقبلا زاهرا...كما أتمنى أن يزورك عمي الخير في القريب العاجل يحمل بشرى خير لك ولكل الشرفاء...

المشاركة الأصلية كتبت بواسطة سدر المنتهى

ان شاء الله نسمع عليك خبر الزواج اولى من الشفاء ههههه

أما في هذه فأضم صوتي لصوتك ونقول الشعب يريد من عبد المجيد أن يتزوج عاجلا، تزوج يا سي عبد المجيد وكفاك حسابات، مكتوبك تديه بالخاطر أو بالسف أنت كونك قافز وديه بالخاطر هههههه

[رندة نهاد]

المشاركة الأصلية كتبت بواسطة سدر المنتهى

السلام عليكم ورحمة الله وبركاته

ماتقولش معدناش هذه خطة سرية بين الخطيبين

لا تستطيع ان تفرق بين مهر الزوج او مهر الزوجة

اي من دفع لمن هذه هي زبدة الموضوع

سلام

اذا كان عاقد عليها ويتحملو مثلا مصاريف المسكن الجديد مع بعض احتمال