باذنجال محشي على طريقتي وبلمستي تفظلن

[أم محمد تاج]

اللهم صلي وسلم على الحبيب المصطفى وسلمه تسليما

حبيباتي نشالله تكونو بالف خير موضوعي ساهل وبسيط وكامل تعرفوه وشفتوه من قبل بصح هاذ المرة غيييير بلمستي وعلى طريقتي اللذيذة جدا جدا تفظلن بسم الله



المقادير والطريقة بالصور



المقادير: ثلاث حبات باذنجال كبار وثلاث حبات طماطم متوسطين و250 غ لحم مرحي وكريمة الجبن
اولا ننقطع الباذنجال طوليا ونرمدو في الفرينة ونقليه ونشفو مليح مليح على الورق الماص

ثانيا نحضر الصوص الحمراء تاعنا نرابي الطماطم ونحطها في مقلاة مع زوج مغارف زيت زيتون وزوج ورقات رند ورشة ملح ورشة فلفل اسود ومغرف صغيرة كمون نطيبها حتان ترجع صوص خفيفة كي نطفي عليها نظيفلها اربع سنينات ثوم مرابيين ونخليها بجيهة

ثالثا نداوي اللحم تاعنا مليح نرابيلو ثلاث سنات ثوم ورشة فلفل اسود وملح ورشة فلفل احمر حار وكمية من المعدنوس مقطع ومغرف كبيرة زبدة باش يبقى اللحم تاعنا طري

رابعا كريمة الجبن على طريقتي في كاسرونة نحط بيضة وثلاث فناجل تاي حليب وملح وفلفل اسود وزوج مغارف فرينة نخبط كلش حتان تذوب اللفرينة وتتخبط البيضة ونحطها على النار حتان تعقد كي تعقد نحيها ونضيفلها خمس فرماجات ونضربها بالباتور حتان كلش يتجانس ونخليها بجيهة

نجيو لطريقة التحضير
نجيب بلا تاع الفور نفرش عليه طبقة مليحة من صوص الطماطم وفوقها طبقة من كريمة الجبن هنا الكريمة خليتها بردت بزاف وانتم كي تجيو تستعملوها سخنوها برك ولا حطوها في الميكرواوند تعاود تطرا المهم فرشوها ونجيب الباذنجال ونحشيه بالطريقة هاذي ونروليه ونحطهم بجبنب بعضهم كي نكمل كل الحبات نزيد نحط عليهم طبقة من صوص الطماطم وكريمة الجبن ونحطها طيب حتان تخثار الصوص ونتاكدو بلي اللحم مرحي طاب وفقط.















ونقدمو حبيباتي هاو ليكم الشكل النهائي والصراحة روووعة روووووعة جربو وماراح تندمو





الف الف شكر لكل وحدة زارت موضوعي بارك الله فيكن
حبيباتي دعوة بالترحم على روح امي الغالية