صور حفل عيد ميلاد ابني ماسين

[ام ماسين]

المشاركة الأصلية كتبت بواسطة almazalina22

ربي يحفظو وكل عام وهو بالف خير وتشوفيه عريس وتخدمي لتارت لاولاده هههههههههههه درتلك خدمة

كيفاش خدمتي توم وجيري بالشكولا ملونة ولا كاش عفسة جديدة

ههههههههههه انشاء الله ياربي و شكرا

الشيكولا الملونة = ذوبت شيكولا بيضة فبي حمام مريم بدون اي اضافات ونحيتها من النار كي ذات خلطت معها الألوان كل لون درتو في حاجة وحدها ولازم تكون الشيكولا دايما سخونة باسكو الشيكولا تجمد ثم ثم والرسمة رسمتها فوق غلاف بلاستيكي وخليتها باتت ليلة كاملة والصباح درت جينواز حطيت هاديك الرسمة نحيتها من لغلاف البلاستيكي وحطيتها فوق لاتارت

[ام ماسين]

المشاركة الأصلية كتبت بواسطة idron0

بارك الله فيك

وفيكي بركة

[ام ماسين]

المشاركة الأصلية كتبت بواسطة oum anouar

كل شيء روعة ربي يحفظو ويبارك لك فيه

المشاركة الأصلية كتبت بواسطة أم ريمة*

ما لاشاء الله لتارت روعة انتاع وحدة محترفة يعطيك الصحة وعيد ميلاد سعيد

ربي يخليك ياريت نكون فنانة صح والله هاذي غير محاولات برك انشاء الله كي ندير حوايج جدد ماننساكمش ونقدملكم حوايج افضل بإذن الله

[أم لجين هيثم]

عيد ميلاد سعيد لماسيم و تارت444444444444444

[ام ماسين]

المشاركة الأصلية كتبت بواسطة أم لجين هيثم

عيد ميلاد سعيد لماسيم و تارت444444444444444

شكراااااااااااااااااااااااااااااا اختي

[fadilasor]

عيد ميلاد سعيد وعمر مديد ولعقوبة لالف سنة ربي يحفظو ويكبرو على طاعة ربي وطاعة والديه وبالنسبة للي تارت رائعين تسلم يداك

[لبنى 16]

ياأختي كاين تناقض متمنية وليدك يكون من حفظة كتاب الله و أنت نقلدي فالكفار و تحتفلي بعيد الميلاد و الله عجيب غريب

[oum sabrin]

مساء النور
اولا الف مبروووووك و كل عام و ابنك بالف خير
ربي يحفظهولك و يفرحك به
بالنسبة للحلوى صراحة عجبتني بزاف يعطيك الصحة

[fati 17]

ربي يحفظو ويتربى في عزك

[ouissamak]

الله يبارك وكل عام وهو بخير والعقوبة ل100 سنة

[om insaf]

rabi ytawal f omro nchallah

[mima190]

rabi y3aycho

[ام ماسين]

المشاركة الأصلية كتبت بواسطة لبنى 16

ياأختي كاين تناقض متمنية وليدك يكون من حفظة كتاب الله و أنت نقلدي فالكفار و تحتفلي بعيد الميلاد و الله عجيب غريب

هاذ ماهوش تقليد لوكان جا تقليد نديرو مرة في العام نهار لي زاد برك وندير غناء وشطيح انا مدرت حتى مظهر من مظاهر الفرحة وهدفي الوحيد اني نفرح ابني بقاطو فيه رسوم متحركة ودليل على ذلك اني نديرلو عيد ميلاد كل سمانة ليس من اجل الاحتفال كل يوم نديرلو رسمة زي نفرحو بيه وانا امراة كبيرة ناضجة ونعرف دين مليح ومنستناش من اي واحد مهما كان ينعتلي الصح من الخطأ خطراه الانسان السليم مينظرش للكأس من الجهة الفارغة لازم عينو تكون دايما من الجهة لمعمرة بصح نتي الاخت الكريمة مهتمتيش بالشكل نتاع القاطو تهتمي برك باي خطأ صغير باش تعتابريه نجاح ليك الحمد الله انا مربية اولادي احسن تربية وهذاك ابني لي شفتيه في صورة متربي احسن تربية ويعرف اصول الدين وملي كان صغير هو يقرا في الجامع وهو من حفظة القران وماشي نتي تنعتلي كيفاه نمشي الاسرة نتاعي لي هزيتها مدة 18 سنة ومزلت ان شاء الله نمشيها في طريق الصحيح مالا كي زدت درتلو لابيش مالا راني نقلد في لقور بصح انا درتها بغير مناسبة ونقلك فرد حاجة ربي يهديك وان شاء الله قبل ماتكتبي رد تعرفي تردي باسلوب مهذب تعطي في نصائح ونتي متعرفيش حتى تكتبي رد لائق والله يااختي نتي لي عجيبة وغريبة

[ام ماسين]

المشاركة الأصلية كتبت بواسطة fadilasor

عيد ميلاد سعيد وعمر مديد ولعقوبة لالف سنة ربي يحفظو ويكبرو على طاعة ربي وطاعة والديه وبالنسبة للي تارت رائعين تسلم يداك

المشاركة الأصلية كتبت بواسطة fati 17

ربي يحفظو ويتربى في عزك

المشاركة الأصلية كتبت بواسطة ouissamak

الله يبارك وكل عام وهو بخير والعقوبة ل100 سنة

المشاركة الأصلية كتبت بواسطة om insaf

rabi ytawal f omro nchallah

المشاركة الأصلية كتبت بواسطة mima190

rabi y3aycho

شكرااااااااااااااااااااااااااااامن اعماق قلبي لكل من زار موضوعي ودعالي والله يااخواتي صراحة ردودكم اسعدتني دليل على انكم تعرفو تقيمو الناس وتعطيوهم حقهم كي يحطو موضوع ويفرحو بيه و شكرااااااااااااااااااااااااااااامرة اخرى لكل من دعى لابني ماسين امين ربي يحفظ ابنائنا من كل شر وان شاء الله يكونو من حفظة القران الكريم

[foufamara]

رب ان شاء الله يحفظ و يحفظك ليه و لينا روعة لو برك تكرتي علينا و حطيتي الخطوات كيفاش درتي الرسم على الطورطة و شكرا