شرطنا الوحيد "الهنا"

[salim.salim]

المشاركة الأصلية كتبت بواسطة *الأمين أحمد*

شارطين الهنا

وبيناتنا وكي يعود مع الهنا

+


+



يكون أفضل
---
ولا تنسى وليدي باش تجيب معاك ما تيسر من


وكذلك مجموعة من هاذو جيبهم من الجلفة



والباقي نقولوهلك بالتيليفون ... وماتنساش شارطين غير الهنا

-----------------

احنا في جيهتنا كي يروح الولي يخطب لابنو بقولولو اهل البنت احسبها بنتك هههههه
بصح كاينة حاجة ما فهمتهاش ؟؟ السكوتش هاذاك خدمهالي ههههه

و بيناتنا انا و الله المخيرة فيهم كون تجيبلي معاها الشي كامل لي حطيتو فالصور ما نقبل بيها باستثناء السكوتش طبعا الذي لم اجد له تفسيرا هههه

[staifia]

المشاركة الأصلية كتبت بواسطة *الأمين أحمد*

شارطين الهنا

وبيناتنا وكي يعود مع الهنا

+


+



يكون أفضل
---
ولا تنسى وليدي باش تجيب معاك ما تيسر من


وكذلك مجموعة من هاذو جيبهم من الجلفة



والباقي نقولوهلك بالتيليفون ... وماتنساش شارطين غير الهنا

-----------------

ضحكتني
هنا كيما هذا ولا خليني

[عين الصقر]

انا شخصيا تبانلي الهنا ليس شرط بل حق
يعني كيفاش إمرأة ورجل حابين يتزوجو إذا لم يكن مبتغاهم الإستقرار والهناء والحياة السعيدة
اما الشروط المادية فكما قال الأخ معظم العائلات عندنا في مستغانم تطلب شروط مثل بقية الناس
طقم ذهب أو بارير بالعامية وبعض الأحيان غورمات ومبلع من المال تشتري به العروس ما يلزمها يتراوح بين 6 و 10 ملايين
والعادات تختلف من منطقة لمنطقة
والأحسن تسهيل الأمور

[ام نهوله]

انا ما قلقتني غير السكوتش خوفتني بصح بعد التفكير المعمق نظن باش كي جي لمرا للدار مين ما يقلقها الزوج المصون تغلقلو فمو بيها كاين هنا خير من هدا هههههههههههه
مجرد مزحه

[أَحمــد]

المشاركة الأصلية كتبت بواسطة ام نهوله

انا ما قلقتني غير السكوتش خوفتني بصح بعد التفكير المعمق نظن باش كي جي لمرا للدار مين ما يقلقها الزوج المصون تغلقلو فمو بيها كاين هنا خير من هدا هههههههههههه
مجرد مزحه

العكس هو الصحيح ... جابها بكل تلك الخيرات التي تعب من أجلها المسكين تعبا مضنيا وتزيد تقلقوا ؟؟؟
اذن يعطيلها السكوتش مع الشرط باه تفهم روحها قبل ماتجي
---

[jiji17]

المشاركة الأصلية كتبت بواسطة *الأمين أحمد*

شارطين الهنا

وبيناتنا وكي يعود مع الهنا

+


+



يكون أفضل
---
ولا تنسى وليدي باش تجيب معاك ما تيسر من


وكذلك مجموعة من هاذو جيبهم من الجلفة



والباقي نقولوهلك بالتيليفون ... وماتنساش شارطين غير الهنا

-----------------

خويا الشرط مش مقياس الهنا
كاين مشرطوش كامل غير مليون ومهنواش المراة والديها ندموا خفنا فيه ربي كي شفناه زوالي وزيد ميهنيش بنتنا
شوف لطايق يهني يبان من النهار الاول والطفلة تشرط كما البنات معناها الشباب في المنطقة وحدة يدفع نفس الشرط باه واحد ما يقول غلاو علينا والطفلة تقول انا كي البنات والهنا نخلوه على ربي
ونشكرك على الموضوع

[chouchou w]

المشاركة الأصلية كتبت بواسطة anfal10

حنا لقبايل نشرطو لهنا يا اخي صح ماشي اكاذيب بمعنى يسهلوا الامور ماشي باطل بعدا مي نعاونوا بزاف الخاطب يعني خاتم الشوفة او بروماس هادي مانشرطوهاش كاين لي يمد الدراهم كي يشوف الطفلة كاين لالا ماشي مشروطة عدنا في الدين كاين المهر و حنا مهرنا جد رمزي لكن هناك ما يسمى بالجهازالعروس اللباس تاني ماشي غالي بزاف او ما نشرطوش حاجة تاع التصديرة كيما بعض المدن .انت او مقدورك و حتى هادا ما نشرطوش المبلغ على حساب الراجل و الذهب اذا عندو ايجيب و اذا ما عندوش خاتم واحد برك
انا زوج خياتي ما جابولهمش ذهب نورمال راهوم عايشين الحمد لله دارولهم الذهب كي افتح عليهم ربي .
ربي يرزقكم كامل .

السلام عليكم صح نسمع بطريقة الشرط تاعكم لدرجة عادو الرجل لي في جيهتنااقولو انروح انجيبها قبيلية متتشرطش عليا اfوق هذا زينة او قافزة ربي ايوفقنا انشاء الله

[أَحمــد]

الشرط لايساوي الهنا دائما

[habhouba88]

بابا شرط في زواجي الهنا هذه هي عادتنا في العاصمة مع العلم انه زوجي من قسنطينة وكنا قادرين نشرطو كيما يشرطو لقسنطينيات و لكن اكتفينا بالهنا و الحمد لله في 6 اشهر تمت الخطبة و الزواج و الان عندنا 3 سنوات زواج و رزقنا ربي بنوتة و عايشين هانيين.

[على المنهج]

الهناء والسعادة الحقيقيين في الالتزام بشرع الله وخشيته في السر والعلن اما الباقي ياتي مع العشرة الطيبه ولا اضن زوجا يبخل على زوجته بشيء ان كان يقدر عليه الناس لا يضعون ثقتهم بالله بل يثقون بالمادة يضنون بذلك انهم ضمنوا سعادة بناتهم

[soha1987]

كل واحد يدي من دنيتو قد نيتو ديما مول النية ربي بحفظو اخطب بنت الحلال وصفي النية وتوكل على ربي
المهر ضروري كل منطقة وكيفاش علاه تمد روحها باطل كيما هياكيما صحاباتها لاكانت مرا ونص ماشب خسارة
الهنا يجي بعد الزواج ويجي بالتضحية من كلا الطرفبن
كل النساء تضحي بعد الزواج فرفقا بهن سلام

[malikdz01]

في قاموس موسطاشة بنت ابي عتيقة ...الهناء كلمة معناها كيلو ذهب و15 مليون و ابيزا ودار وو .....ههه كاش قد هذا الهنا

[nihal159]

لي يشرط لهنا مش معناه أنو مش راح يشرط دراهم؛ كي يشرط لهنا معناه راه يقولو بطريقة غير مباشرة أتهلا في الطفلة؛ ساعفها و ما تقلقهاش؛ و زيد مافهمتش معشر الرجال واش قلقهم في الشرط؟؟ ياك الطفلة مسكينة تشري به لفراش و لي بونكات و الصالون باش تعمرلك دارك يعني الدراهم راجعين للراجل في الأخير، و غالبا تزيد الطفلة من عندها الدراهم باش تكمل؛ ياخوتي حنا مادابينا مانشرطوش ولكن في المقابل ماتسألوناش هذاك السؤال الإستفزازي: واش جبتي في الشورة؟؟؟؟؟؟ نجيب غير فاليزتي تاع قشي و نجي و أنت دبّر راسك عمّر دارك.

[loulou88]

السلام عليكم
ايه كل واحد واش يقصد بكلمةلهنا
واحد يقصدها شارطين هنا الماديات و الآخر شارطين هنا راحة البال

و كل واحد يخير واش من هنا حاب
ســـــــــــلام

[آسيا 25]

المشاركة الأصلية كتبت بواسطة malikdz01

في قاموس موسطاشة بنت ابي عتيقة ...الهناء كلمة معناها كيلو ذهب و15 مليون و ابيزا ودار وو .....ههه كاش قد هذا الهنا

و الله ????شكون هي الجزائرية اللي شرطت هاد الشي صح????و شكون هي مسكينة اللي تزوجت هكدا?????غير خلي البير بغطاه راكم وليتو نتوما اللي تطمعو في المرا باش تصرف عليكم حاشا اللي ما يستاهلهاش طبعا اما الشرط البنات كامل ضرك راهم يتزوجو باطل غير مسكينة اللي يبداو يخزيو فيها من النهار الاول و في المقابل تشراك الفم على الشورى و التصديرة وووووو قالك ايبيزا مسكين اللي يسمع من خارج الجزائر يقول صح الجزائريات ام يتزوجو بالابيزا.