~¤ô¦¦§¦¦ô¤~ بيتك جنتك و رضاء ربك مبتغاك 6 ~¤ô¦¦§¦¦ô¤~

[ام امجد14]

السلام عليكم انا يومى يفوت يجرى و نحس عندى اخطاء بزاف والله اعلم
الصباح صلات الفجر و دودودو مع الراجل الله غالب نحكمو غير مع الصباح ههههههه حتى لسبعة نجرى نوض الاولاد و لبس هيبة للمدرسة والله نحسها تدى كامل الوقت لانها اغلبها تنوض مشمخا و لازم نغسللها لازم نلقى حل لهته المشكلة انا ندور بهيبة و الاولاد يشربو القهوة ليه ليه حتى نلقاها 8 غير ربع نحس الفورة حكمتنى هههههه
يروحو الاولاد نرفد قهوتى الله غالب نموت عليها نشربها 2 مرات الاولى مع الراجل 2 كى يروحو الاولاد نطل على غرفة الاولاد طبعا نهرب ندى قهوتى و نقعد عند الميكرو ربع ساعة
نوض نبدا بغرفة الاولاد نخملها و من بعد نروح لغرفة البنات و نخلى رهف راقدة فى بلاصتها و نروح لشومبرتى نخملها نلم ما يجب ان نلمو من الهول راكم تعرفو الاولاد
ديراكت للكوزينة نغسل المواعن و ندير الفطور و نبدا التسياق انا عندى المشكلة تسياق كل يوم نشوفها 11 نهود نجرى للطابق الاول نفوت عليه النشاف الصالة و غرفة الشوابين و الاول و القراج نلقى هيبة خرجت نطلع معاها ندحى فى رجلى نحس روحى تعبااااانة نحط للشوابين يفطرو 12 غير ربع باش كى يجو الاولاد نفطرهم كى يفطرو الاولاد نتفكر روحى و نفطر نلم المواعن و نديرهم فى الحوض نطيب قهوة للراجل باش يقعد راسو و نروح نحبو لبلاصتى حتى لثانية زولا نوض نغسل الماعن و نطيب لاتاى للشوابين و ندير تعشوى للاولاد و من بعد نعجن المطلوع و ندير العشا و ندرس الاولاد و نعاود نغسل الماعن و ونروح نحبو لبلاصتى هههههههههههههههه


طبعا نهار نسيق الطابق الاول و نهار نقعد غير الفوق باش نغسل الملابس و ما نهبطش التحت غير ادا كانو ضياف

[شوشو 11]

السلام عليكم
ماشاء الله والله يبارك فيك سمراء محبوبة الجماهير وربي يحفظك لينا رديتي الروح فينا ورجعتي اللمة كما بكري واحنا في امس الحاجة اليها....ودورة مباركة
ربي يحفظكم البنات على البصمات اللي حطيتوها ....وربي يعين الجميع
الحق انا سبقتكم بشوية حوايج مثلا المطبخ نظفتو في العطلة وتاني غرفة الاولاد وخزانتهم اما الروتين اليومي هدا اللي فيه مشاكل و ان شاء يدا بيد للخروج بنتيجة
سامحوني انا ابقى متابعة ومتدخلة احيانا حسب الضروف لانه عندي مشاكل في النت
شككككككككككككككرا لكن يااحلى واغلى صحبة

[سمراء الدنيا]

المشاركة الأصلية كتبت بواسطة oum radja

السلام عليكم
يعطيكم الصحة راكم ناشطين
حراير واصلي في طريقتك تاع النشاف هايلة حتى انا اختي الكبيرة هاكا وماتملش ابدا
وانا تمنيت نكون كيما هي
جبت ليكم باش تتقهو

و عليك السلام الشاف نتاعنا و شكرا جزيلا على التارت هايلة

المشاركة الأصلية كتبت بواسطة oum radja

وصفة وتدبيرة
هاذا وقت السفرجل راه متوفر بكثرة
كاين لي يدير مربى وكاين لي يدير بيه طاجين
كي تقشر السفرجل ماترموش القشور و البدور
ديريهم في قدر صغير مع الما وخلوهم يغلو مليح من بعد صفو هاذاك الما وزيدو عليه نفس الكيلة تاع سكر و شريحة رقيقة تاع ليمون وخلوه فوق النار حتى يعقد مليح
وبهاذا رايحين تتحصلو على كمية مليحة تاع لاجولي ديروها في علبة وخلوها في الثلاجة او حتى في المجمد وهي ماتجمدش تبقى كيما هي
رايحين تلقوها في اي وقت باش تزينو الطورطات وتلمعو الفواكه وتستعملوها حتى في سلادوفروي امممممممممممم

كيما عودتينا دايما افكارك و ووصفاتك في القمة .... ننتظر منك المزيد

المشاركة الأصلية كتبت بواسطة ام امجد14

السلام عليكم انا يومى يفوت يجرى و نحس عندى اخطاء بزاف والله اعلم
الصباح صلات الفجر و دودودو مع الراجل الله غالب نحكمو غير مع الصباح ههههههه حتى لسبعة نجرى نوض الاولاد و لبس هيبة للمدرسة والله نحسها تدى كامل الوقت لانها اغلبها تنوض مشمخا و لازم نغسللها لازم نلقى حل لهته المشكلة انا ندور بهيبة و الاولاد يشربو القهوة ليه ليه حتى نلقاها 8 غير ربع نحس الفورة حكمتنى هههههه
يروحو الاولاد نرفد قهوتى الله غالب نموت عليها نشربها 2 مرات الاولى مع الراجل 2 كى يروحو الاولاد نطل على غرفة الاولاد طبعا نهرب ندى قهوتى و نقعد عند الميكرو ربع ساعة
نوض نبدا بغرفة الاولاد نخملها و من بعد نروح لغرفة البنات و نخلى رهف راقدة فى بلاصتها و نروح لشومبرتى نخملها نلم ما يجب ان نلمو من الهول راكم تعرفو الاولاد
ديراكت للكوزينة نغسل المواعن و ندير الفطور و نبدا التسياق انا عندى المشكلة تسياق كل يوم نشوفها 11 نهود نجرى للطابق الاول نفوت عليه النشاف الصالة و غرفة الشوابين و الاول و القراج نلقى هيبة خرجت نطلع معاها ندحى فى رجلى نحس روحى تعبااااانة نحط للشوابين يفطرو 12 غير ربع باش كى يجو الاولاد نفطرهم كى يفطرو الاولاد نتفكر روحى و نفطر نلم المواعن و نديرهم فى الحوض نطيب قهوة للراجل باش يقعد راسو و نروح نحبو لبلاصتى حتى لثانية زولا نوض نغسل الماعن و نطيب لاتاى للشوابين و ندير تعشوى للاولاد و من بعد نعجن المطلوع و ندير العشا و ندرس الاولاد و نعاود نغسل الماعن و ونروح نحبو لبلاصتى هههههههههههههههه


طبعا نهار نسيق الطابق الاول و نهار نقعد غير الفوق باش نغسل الملابس و ما نهبطش التحت غير ادا كانو ضياف

و عليك السلام عزيزتي ام امجد ... عندك عدة عوامل متعباتك .......البيت كبير + الاولاد في سن صعبة + وجود الشوابين + الوحدة ............. لا زم ترتبي اولوياتك ... شوفي الحاجة الاهم في حياتك عطيها قدر كبير من الاهتمام و من بعد الاقل اهمية و هكذا ...... مثلا صحتك هي الاولى اذا كان تهدي كل يوم روحك في تسياق الدار كيفاه تقدري تكملي باقي النهار و توقفي مع قراية اولادك ... ما شي شرط تسيقي كل يوم .. خليها مرة في الويكاند و علمي الاولاد يعاونوك ... بالنسبة للغرف ركزي على الصالون و المطبخ و غرفة الجلوس و باقي الغرف غلقيهم و رتبيهم نهار ما يكونش عندك لغسيل ...
ربي يعاونك حنونة و حاولي من جديد ترتبي برنامج يناسب ظروفك

المشاركة الأصلية كتبت بواسطة شوشو 11

السلام عليكم
ماشاء الله والله يبارك فيك سمراء محبوبة الجماهير وربي يحفظك لينا رديتي الروح فينا ورجعتي اللمة كما بكري واحنا في امس الحاجة اليها....ودورة مباركة
ربي يحفظكم البنات على البصمات اللي حطيتوها ....وربي يعين الجميع
الحق انا سبقتكم بشوية حوايج مثلا المطبخ نظفتو في العطلة وتاني غرفة الاولاد وخزانتهم اما الروتين اليومي هدا اللي فيه مشاكل و ان شاء يدا بيد للخروج بنتيجة
سامحوني انا ابقى متابعة ومتدخلة احيانا حسب الضروف لانه عندي مشاكل في النت
شككككككككككككككرا لكن يااحلى واغلى صحبة

و عليك السلام حبيبتي شوشو .... ربي يبارك فيك و يخليك
بما انك عاملة ... مش راح ينفع معاك هاد البرنامج لانو معظم شغلك يكون في الويكاند او العطل ..... لكن تابعينا و رايحة تستفيدي من افكار باقي العضوات
و ما تبغليش علينا باي شيء ممكن يفيدنا خصوصا و انك خبيرة في التدابير

[نبض الفؤاد]

يا سلاااااااااااااااااااام....هلت الانوار....ودقت الطبول....
الكل موجود هنا.....الله يبارك فيك يا سمراء...وفي وليداتك....لميتي الشمل من جديد....
ما عندي ما نقول ...صح راني محتاجة هاذا الدورة ...جات في وقتها....سلامي لكل الحبيبات...راني نتبعكم بالفلاش ديسك...الى ان يحين اللقاء.....هههه
في امان الله.....

[الأمنيات]

السلام عليكم وجمعه مباركه
نصيحه لكم ما تخلوش المواعين تاع العشا للصباح حاولوا تغسلوهم في الليل احسن منها المطبخ الصباح تلقيه نظيف ويزيد ك همة ونشاط هههه
وتاني الزوج راه يلاحظ ان مطبخك ماشي مرتب ومعمر مواعين ما تخلوهمش يديروالكم ملاحظات هههههه
انا من راي الحراير الجمعه والسبت ما نحبش نظف خاصة الجمعه نديها عباده والترفيه مع زىجي واولادي نقعد معاهم نراجعوا ولا راني نلعب معاهم والزوج نتابع معاه حصصه المفضل ونتوانسوا هههههه خليه يوم. راحه لك ولعائلتك
ما تخلوش صلاة الفجر تفوتكم الحمد لله كاين وسائل الي تونضك البورتابل المنبه ،،،،،
اليوم نضت صليت الفجر وجدت قهوتي هي الاولى لانه زوجي سافر ربي يسهل له اموره من بعد قريت حزبين تاوعي مع اذكار الصباح وسورة اكهف
الغذا مرات نبرمجه في الليل ونكون عارفه واش ندير
عودي اولادك هما الي يعدلوا فراشهم وحوايجهم ويرتبوا غرفتهم حتى نتقصي على روحك شغل وعلميهم يساعدوك في التنظيف كل واحد اعطيه مهمه
انتي تبان لك راهم صغار بصح هما يعجبهم الحال ويحسوا انك مهتمه بيهم وراح تلاحظي الفرق اشغال حسب اعمارهم
هادا واش عندي اليوم
هاكا

[أم شيماءْ]

مساء الخيرات انا برنامجي
7...................... نوض ونطيي القهوة ونصلي ونوض لبنات يفطرو ويروحو يقراو
ومبعد نوض زوجي ونفطر معاه ويروح يخدم تكون الساعة 8 نبدا نسيق ثم ندير لغدا ونعجن نخلص على 11و30
المشكل تاعي اني عصبية بزاف مع بناتي هما صغيرين الكبيرة في عمرها 9 سنوات والصغيرة 5 نضل نعيط عليهم

[شموخ امرأة]

السلام عليكم
مبروك افتتاح الدورة

[شموخ امرأة]

الحمد لله واخيرا طلع رد بعد عناء طويل
ما قدرتش ندخل الغرفة جيت نبارك و نسلم ونعتذر و.......
نبارك لسمراء الافتتاح ونقولها ربي يخليك يا نحلة المنتدى
ونقول لجميع المشاركات بتوفيق شكرا على تشجيعنا على النضافة و النظام في حياتنا اليومية وبعث الهمة و العزيمة خصتا ان الروتين اليومي اصبح مملا و بهذه الطريقة نشجع بعض على كسر الروتين

[شموخ امرأة]

نقول لبنت الجزائر ...عودة ميمونة توحشناك ربي يقدرك على حمل الامان .......
نسلم على الجميع توحشتكم لكن ضروفي ما تسمحش ندخل كل وقت

[شموخ امرأة]

سلام الحار لحراير و نقولها اهلا بيك معانا صديقة و اخت عرفينا بنفسك هههههه
سألت على تربية البنات نعطيك فكرة بسيطة جربها و رديلي الخبر
نهار يكونون لبنات ما يقروش
قليليهم اليوم نبدلو الشخصيات انت دي دور البنت و البنت دير دور الام يوم كامل و روحي معاها في الدور و خليها تتصرف و كانك انت بهذ الطريقة تعرفي طريقة تفكير البنات و كيفا ش راهم يشوفوك الام الحنون او امنا الغولة هههه

[شموخ امرأة]

رجاء ا سمراء ما تحذفيش الردود
راني عارفة الصفحة لتطبيق ليست لدردش لكن الخاص ما حبش يرسلي و الغرفة ما قدرتش ندخل

[شموخ امرأة]

الكثير من الاخوات يسألو على تعطير المنزل بمواد طبيعية
انا جربت القرنفل او العود عند البعض و ضعت كمية من القرنفل مع كاس ماء في قرورة بخاخ مدة اسبوع و راني نستعملها ريحتها هايلة و طبيعية و نبخر بالخزامة تشيل الريحة الكريهة من الغرفة نتمى تجربوها

[سمراء الدنيا]

المشاركة الأصلية كتبت بواسطة نبض الفؤاد

يا سلاااااااااااااااااااام....هلت الانوار....ودقت الطبول....
الكل موجود هنا.....الله يبارك فيك يا سمراء...وفي وليداتك....لميتي الشمل من جديد....
ما عندي ما نقول ...صح راني محتاجة هاذا الدورة ...جات في وقتها....سلامي لكل الحبيبات...راني نتبعكم بالفلاش ديسك...الى ان يحين اللقاء.....هههه
في امان الله.....

يا الف اهلا و سهلا ... هلت الانوار بوجودك يا الغاليا
ان شاء الله ما طولش غيبتك محتاجين منك الرأي السديد

المشاركة الأصلية كتبت بواسطة شموخ امرأة

السلام عليكم
مبروك افتتاح الدورة

المشاركة الأصلية كتبت بواسطة شموخ امرأة

الحمد لله واخيرا طلع رد بعد عناء طويل
ما قدرتش ندخل الغرفة جيت نبارك و نسلم ونعتذر و.......
نبارك لسمراء الافتتاح ونقولها ربي يخليك يا نحلة المنتدى
ونقول لجميع المشاركات بتوفيق شكرا على تشجيعنا على النضافة و النظام في حياتنا اليومية وبعث الهمة و العزيمة خصتا ان الروتين اليومي اصبح مملا و بهذه الطريقة نشجع بعض على كسر الروتين

المشاركة الأصلية كتبت بواسطة شموخ امرأة

سلام الحار لحراير و نقولها اهلا بيك معانا صديقة و اخت عرفينا بنفسك هههههه =ههههههه ما تقوليليش ما عرفتيش شكون حراير هههههه=؟؟؟؟
سألت على تربية البنات نعطيك فكرة بسيطة جربها و رديلي الخبر
نهار يكونون لبنات ما يقروش
قليليهم اليوم نبدلو الشخصيات انت دي دور البنت و البنت دير دور الام يوم كامل و روحي معاها في الدور و خليها تتصرف و كانك انت بهذ الطريقة تعرفي طريقة تفكير البنات و كيفا ش راهم يشوفوك الام الحنون او امنا الغولة هههه

المشاركة الأصلية كتبت بواسطة شموخ امرأة

الكثير من الاخوات يسألو على تعطير المنزل بمواد طبيعية
انا جربت القرنفل او العود عند البعض و ضعت كمية من القرنفل مع كاس ماء في قرورة بخاخ مدة اسبوع و راني نستعملها ريحتها هايلة و طبيعية و نبخر بالخزامة تشيل الريحة الكريهة من الغرفة نتمى تجربوها

و عليك السلام و الرحمة و الاكرام
اسعدني كثيرا تواجدك معانا ........ نعرفك مدبرة منزل شاطرة و ما نستغنوش على نصايحك ....
بارك الله فيك

[oum sabrin]

السلام عليكم حبيباتيي وجمعة مباركة
اليوم نضت على 7 صليت وطيبت قهوة. ثم حطيت الفطور يطيب درت طعام بللحم مرقة بيضاء ثم ناضو ولادي(بنتي5سنوات و إبني عامين) غسلتلهم و إعطيتهم لحليب ولميت الغرف ثم درت حوايج في المشينة و رحت للثلاجة نظفتها خفيف و رتبت القضيان لي جابو زوجي ونشرت لحوايج ثم جوزت نشاف خفيف، شمخت شويا معارك بطريقة الكيس المبلل باش نطيبهم للقهة تع العشية،فطرت أولادي ودوشت
صليت جا زوجي من المسجد فطرت معاه ومع عجوزتي. حبيت نقول أنه الجمعة هو لي نتعب فيه بزاف وليس يوم راحة لا أدري أين الخلل؟
و دوك جيت نطل على الأحبة نتمنى تكونو كامل بخير

[شوشو 11]

السلام عليكم
ماشاء الله بنات والدورة بدات تحلى بمداخلاتكم وافكاركم الى الاماااااااااااااااااااااااااااااااام
برنامجي
6..........................الصلاة.+نطيب القهوة
6.15......................بعد القهوة ننصب الغدا يطيب خاصة الحبوب طول شوية
6.30 ....................نوض الاولاد يلبسوا ويدورو على احوالهم ويفطروا وطبعا مع سنفونية الصباح تع العياط هههههه هدا ما عنوش قلم وهدا ماعرفش يعقد خيط الحداء ووووو
وفي هدا الاثناء راني نخمل الديار والفراش ونعيط على الاولاد يطبقو فراشهم وحوايجهم
7.40......................الانتشار كل واحد لوجهته الى المدارس
11.30.....................ندخل قبلهم ندور على الحالة والغدا
12..........................نتلموا على الغدا ونغسل المواعن ومرات نجد قهوة العشية ومرات لا على حساب التعب والوقت
1..........................الى المدارس والكبار يقعدو حتى2
4.........................الرجوع والقهوة وكاش ما معاها حاجة ونطيح دودة تعبانة نريح
5........................العشا واغلب الاحيان نعجن وعشايا يطول طبعا.+المواعن +مسيح خفيف+طلة على النت
الجمعة والسبت للتسياق العميق والتدواش والغسيل

السلبيات
1/فيا طبيعة مش مليحة....مانحبش نطيب الغدا مع العشا لازم نغير ونتعب ونطيب ...عظمي تع شقا هههههه
عاتبوني والقاولي الحل تربحوا فيا اجر
2/ حابة نعلم اولادي يتعلموا يخدمو حاجة وهم رافضين خاصة زوج الكبار يسكتوا ويخرجو عليا ..وانا نخدمها وننسى
اعطولي حل مناسب للعقاب باش يعاونوني في حوايجهم