بريانى باللحم روووووووووووعة

[حياتي نبع امل]

البسملة1

اليوم حضرت برياانى باللحم وجا رووووووووووووووعة بنة رهيبة كيما تقول حورية

قبل ان اضع الوصفة والطريقة المقادير تتحكمى فيها حسب عدد افراد الاسرة

نحتاج الى
*** حوالي 2الى 3 كاس روز
***بصلة كبيرة مقطعة مربعات صغار
***حبة متوسطة او 2 صغار بطاطا مقطعة مربعات متوسطة
*** واحد فلفل اخضر مقطع مربعات متوسطة
*** حبة كبيرة او 2 طماطم مقطعة مربعات
*** لحم مقطع مربعات كبار شوية

نحط اللحم في قدر ونزيدولو ماء ساخن وشوية ملح وفلف اسود ونص عود قرفة او 3الى 4 اعواد قرنفل او الاتنين معا
ونخليه يغلي لمدة 45 د يعنى حتى يطيب وماننساوش ننزعو مرة على مرة هادوك الرغاوى كيما تقول حورية الزنخة تاع اللحم ههههه

بعدما يطيب اللحم نحيه وادا فيه عظم نقيه واذا كبير نقطعو الى مربعات ماهى كبيرة ماهى صغيرة

***في طنجرة نقلي البصل مع الزيت كى يذبل نزيدلو اللحم ونضيف التوابل اللي هى

ملعقة راس الحانوت وقصبر مرحى وكركم وفلفل ابيض وفلفل احمر

ونزيد علبة ياوورت طبيعى او ملعقة كبيرة كرام فراش

ونقلب

نضيف الان الخضر الباقية بطاطا وفلفل وطماطم

نقلب ايضا برفق

ونغطيها ونخليها 5د ونزيدلها مغرف كبيرة طماطم مصبرة

نخليوها الان على نار متوسطة حتى تطيب الخضر
وفي هاد التناء نروحو للارز
نحكمو الارز نغسلو ونعاودو ونغسل ونعود حتان تروح هديك المادة النشوية وتشوفو الما صافي
نقطروه ونحطوه في اناء ونديرو فوقو ما سخون ونخليوه شوية تم نصفوه من هاداك الما
نحطوه في طنجرة مع 3 مغارف زيت او زبدة او سمن وشوية ملح مانكثروش لانو عندنا تان لاصوص فيها الملح ونديرو فوقو الما بحيت الما يكون مع مستوى الارز لانى هنا ماراحش نطيبو كامل انما نص طياب

شوفو بعد اقل من 10 د ديجا طاب وماطابش لاصق يبان مفور فقط كى تحطوه فوق النار تكون متوسطة الى هادئة وغطيوه وخلوه ماتحركوهش باه ما تتكسرش حبات الارز

نطفي عليه ونخليه

الان الارز طايب والخضر طابت
نحكم كمية من الارز يعنى نقسمو على 2 نحطها في اناء القسم الاول اللي في الطنجرة نحط فوقو اللحم والخضر ونزيد نحط فوق اللحم والخضر طبقة الارز يعنى عندنما 3 طبقات ارز +لحم وخضر + ارز

اللي عندها زعفران تدوبو في شوية ما واللي ماعندهاش كيما انا تدوب ملعقة صغيرة كركم في نص فنجال ماء ونخلطوها مليح ونفرغها فوق الارز بطريقة عشوائية باه كى يتخلط يجى نص اصفر ونص ابيض

هكذا

نغطيها الان بورق الالمنيوم تم بغطاء الطنجرة ونخليها على نار هادئة من 10 الى 15 د فقط يكمل الارز طيابو


الصوص الباردة اللي تتقدم معاها تزيد في بنة الطبق ويجى بنة على بنة روعة
نحتاج حبة طماطم 2 سنات توم وفلفل حار وشوية ملح وملعقة خل او عصير نص حبة قارص ونحتاج ايضا 2 ملاعق زيت ونص كاس ما او كاس كلش في الميكسور الخليط مايكون عاقد ما يكون خفيف

وهنا الرز واجد والبنة رهيبة وتاع الصح يستحق التجربة

نتمنى يعجبكم وردودكم تشجعنى اكثر بارك الله فيكم واسمحولي كثرت الصور والهدرة لكن حبيت انى نبسطو اكثر على ماهو بسيط ربما تتشجعو تجربوه لانو صح 444444444444444444444