نطمع نشري خبز الدار من لبرا نطلق مرتي ....ماتخلعوش - الصفحة 4

catia · 2014-09-30, 06:38

انا شاوية ابا عن جد او عندنا خبز الدار يوم العيد خط احمر يعني لازم ايكون او عمرنا لاشريناه ولا فكرنا حتى نعملوه ليلة العيد او عند الفجر صباح العيد وانا شخصيا لوكان ماتكونش ريحتو في الدار ما يعجبنيش العيد راني انشوف النساء الجزائريات كلهم ولاو قاوريات يوقفوا في المخابز يستناو باه ايجيبو الخبز العادي فما بالك بخبز الدار او يتحججوا بالخدمة انا خدامة بصح ندير الكسرة بانواعها واذا تحتمت الظروف انكونجلي الكسرة اوما نشريش الخبز طازج ولا مكونجلي واللي تنظم وقتها تعمل لعجب فما بالك بالكسرة

الحركاتية · 2014-09-30, 07:17

اقتباس:

المشاركة الأصلية كتبت بواسطة ولد حمد الباتني

السلام عليكم ورحمة الله وبركاته
واش راكم ان شاء الله بخير

في كل موسم عيد وقبل يومين تبدا تظهر لاشان والطوابير أمام المخبزات لأجل شراء خبز الدار ...

وكم اتعجب ونحير كيفاه في مناسبة ويوم في العام حتى خبز الدار يشريوه ؟؟؟؟؟ ثم نترحم على الوالدة بالخير الله يحفظها
ماكانش قد يطيب فالدار والريحة تاعو تضرب فالدار ويديوه يطيب فالبلاطو وو هاذي هيا بنة العيد وبنة خبز الدار ، ماوش تشريه طيبهولك سماعيل الكواش وتروح فرحان تكونجليه ....
حتى إسمو خبز الدار الدار الدار
ولكن هذا كامل ومازال المشكل المحير، وهي البعض يشريو الخبز العادي تاع ألف فرنك نهار العيد ؟؟؟؟
انا نحير والله، حتى نهار العيد تضربو الخبز ؟؟ ماكانش حجة مقنعة تشري الخبز نهار العيد، واليوم والأطم قالك راهم استوردو الخبز من الإمارات مكونجلي في حاويات لتفادي الندرة ؟؟
يعني عيد عيد ونشري خبز من الإمارات جاي في حاويات مكونجلي ؟؟ كاريثة مانتخيلهاش تصرا
لا أدري المشكل في الرجال ألي مايزيروش نساهم يطيبولهم خبز الدار ؟؟ ولا لمرا ألي ماتعرفش ؟؟؟؟، ولا تاع سماعيل المخبزة بنين ؟؟ ولا ماكانش الصوارد ؟؟؟

العام لي فات كان واحد مداير لاشان يشري خبز الدار وكي لقا الغاشي خرج من لاشان وقالي لوكان نطمع مرتي نشريلها خبز الدار من برا نطلقها ، قتلو صحيت صح كنت مداير لاشان تشري لحليب ....

اذا عندكم أجوبة وأراء اتفضلوا
ملاحظة:
المقصود من الموضوع ماوش على الكسرة ولا الرخساس كيفاه يسميوه البعض هذاك الحمد لله يومي يطيب فالدار
الموضوع على خبز الدار تاع المناسبات ولا رمضانات ولا مانعرف ...
صورة خبز الدار

أخي ولد حمد الباتني ، أعجبني موضوعك جدا وفي نفس الوقت ضحكني وضحكتني بعض التعليقات من الإخوة الأفاضل ـ نحيتو علينا الغمة عالصباح ـ
خبز الدار نعملوه من وقت لوقت وفي العيد الكبير عندنا سنة ومستحيل نتخلاو عليها وريحتو لازم عشية العيد تكون معبية الحومة ..
هذه عادة جداتنا وأمهاتنا والحمد لله مازلنا محافظين عليها ..
زمان جداتنا كانوا يقولولنا طيبو خبز الدار نهار عرفة ومع المغرب لازم يدخل للدار لأنه كانو يطيبوه في الكوشة برا يقولو يجيب معاه البركة للدار ـ
وحتى قبل ما تكون المخبزة العامة كانوا يطيبوه على النار ويجي أرووووووووع من الي يطيب في الكوشة .
اليوم كل بيت فيه كويزينيار ولا فور ونطيبو الخبز في الدار ... ومازالنا نحافظو على معتقدات زمان ونطيبوه نهار عرفة ويفطرو منو الصايمين ونهار العيد محتم يتصدر المايدة .
صح عيد الجميع وكل عام وأنتم بخير

ولد حمد الباتني · 2014-09-30, 12:24

اقتباس:

المشاركة الأصلية كتبت بواسطة زهرة لرضوان

شكرا على الموضوع

شكرا على الرد الجميل ....

ولد حمد الباتني · 2014-09-30, 12:25

اقتباس:

المشاركة الأصلية كتبت بواسطة hilan

جميع انواع الخبز التي تباع ومن المفروض ان تصنع في المنزل لا تعجبني
افضل صنعها في المنزل

معك حق
الحمد لله كل يوم كسرة سخون فالدار ولفتنا يما بالكسرة مانعرف نلقاو نسا يطيبوها ول

ولد حمد الباتني · 2014-09-30, 12:27

اقتباس:

المشاركة الأصلية كتبت بواسطة ام مهدي 03

نصيحة لى مرتو ما تحبش الطياب و لا ما تعرفش يسجلها فى منتدى الجلفة ويدخلها لقسم الطبخ راهى تعود ما تخرجش من الكوزينة وينسى هو شراء اى حاجة جاهزة ويشبع خبز الدار. بريوش .كسرة....وحتى الحوايج لى مالف غير يشوفهم بالعين .راهو يولى عندها ادمان وكل يوم لازم دير حاجة جديدة
رانى جادة .شكرا على الموضوع وشكرا لكل الشافات فى المنتدى

نعم النصيحة أم مهدي
عندك الحق، خاصة كل مايعملوه الأمهات هنا حصري ومجرب وغير منقول ...

ولد حمد الباتني · 2014-09-30, 12:33

اقتباس:

المشاركة الأصلية كتبت بواسطة ام رملة حنين

مشكور على الموضوع اخي كنت باغية نطرح موضوع مشابه لاني

هاذو الايام ولات ظاهرة جديدة يدقوا عليك الباب ويقولك تشري

خبز الدار (كسرة كوشة)ولا تشري شخشوخة للعيد بكل انواعها

صراحة انا راسي حبس يعني ما بقاتش حاجة ماشي للبيع والسبب

بعض الزوجات الفنيانات مع احترامي لكن هذا هو الواقع المعاش

يعني هن من خلوا هذه الظواهر تزداد يوم بعد يوم والضحية هو

الزوج الي وين تروح تلقاه حاكم لاشان على الخبز ولا حتى

الحلويات ووووووو

راح اتكلم عن نفسي وليس مبالغة ولا تقولوا تشكر في روحها

(اعرف بعض العقليات )

بحكم البيئة الي عشت فيها كلش يتخدم في الدار وباليدين فتلان

البربوشة الكسرة العيش الشخشوخة كلش لازم خدمة اليدين الخبز

نشوفوه غير في الاعراس واحيانا الاعراس ويديروا النسوة الكسرة

كمية كبيرة

اما اليوم ساعات نشوف دراري صغار مشتاقين كسرة في كل

الفصول يعني ماش غير في العيد

والسبب يرجع للزوجات الي يشتغلوا بالمسلسلات والازياء والمكياج

وناسيين اهم حاجة وهي القيام بالدار وناسيين بلي عندهم اجر كبير

عند ربي وناسيين بلي خدمة الدار رياضة تحميهم من جميع

الامراض (ياا ختي اذا متعرفيش تعلمي من اجل نفسك وزوجك وولادك)

انا عن نفسي صح طول حياتي نقرى وماكانتش فرصة نريح في
الدار يعني من الجامعة لبيت الزوجية وقريت بزاف تخصصات

حتى وقتي ضيق لكن هذا ما منعش اني نتعلم الطبخ في العطل او

اوقات الفراغ وبالاخص التقليدي لانه المطلوب عند الجزائريين

وحتى طيلة دراستي الجامعية نطيب ما نكلش اكل المطعم الجامعي

وبمناسبة ولا بلا مناسبة الكسرة ما تخطيش الدار وزوجي عمرو ما

قال طيبيلي الكسرة ولا اكلة تقليدية بالعكس هم في ولاية خلاف على

خنشلة يعتمدوا على كلش من السوق الا في المناسبات يخدموا بيديهم

وديما يقولي علاه عليك كاين في السوق وانت قاتلة روحك بصح انا

نقولوا محال ناكل كسرة برا وخبز برا وبربوشة برا صراحة حتى لو

مريضة للموت ندير كسرة ولو مش متقنة بصح احسن من تاع برا

وزيد واش يدريني مولاتها الي دارتها ولا الكواش نظيف ولا.. لا

صراحة ما نقدرش ناكل كسرة بالذات بلا ما تشوف عيني كيفماه

يعني خويا انا نعطيك الحق والله الزوج الي تخليه زوجتوا يحكم

لاشان علا جالت خبزة كسرة ولا كيلوا شخشوخة حلال يحاوزها ولا

يتزوج عليها بوحدة فحلة

والي تقول نخدم ونقرا ما عنديش وقت ....ماشي عذر خدمتك

الاصلية هي الي فطرك ربي عليها لازم تكون من الاولويات

اعرف انو راي لن يعجب الكثير لكن يبقى راي الخاص وحرة في

رؤيتي الشخصية له

ومشكووووووووووور

أهلا بيك اختي أم رملة
يعطيك الصحة على ردك الباهي المفيد لمليح
عجبتني بعض الزوجات الفنيانات، عندك الصح لاخاطر كلش متوفر وكلش كاين والمنتديات والكتب وعجوزتها وسلفتها وماتتعلمش ؟؟ يعني هيا ألي ماحبتش وفنيانة كيما قلتي
وحكاية النظافة مانحكيوش كاريثة لانظافة لاهم يحزنونن وألي تقلقني نشوف مرا لبرا تاكل فالمحجوبة يطيبلها فيها راجل
ونقطة اخرى انو الراجل هو ألي يخلي مرتو تتفنين ولا هوا ألي يريقليها
وعطيتي حل مليح بزاااف وهو الصواب إما يحاوزها ولإما يجيب زوجة فحلة وما أكثرهن
كيما يقولو إضرب النسا بالنسا
الحمد لله الله يحفظ الوالدة وختي يومي الكسرة سخونة فالدار الحمد لله والبعض كي يجي رمضان يفرحو علاه لاخاطر يوليو ياكلو الكسرة
مغبونين ولكن هوما ألي بغاو

يعطيك الصحة اختي

ندى العيون · 2014-09-30, 12:35

السلام عليكم
بوركت اخي على مجهودك .
الحمد لله حنا كل عيد لازم نديروا خبز الدار و يكون جديد
و خبز برا مايدخلش دارنا لا في العيد و لا في الايام الاخرى
حنا الحمد لله مجتمعنا الشاوي الباتني يفوت رمضان بالمطلوع و العيد الكبير بخبز الدار و باقي الايام بين الكسرة و المطلوع و خبز الدار
و حنا رانا في عام مادخلش خبز برا لدارنا مع ان الخباز قريب علينا خطوة توصل تشري
و بارك الله فيك

ولد حمد الباتني · 2014-09-30, 12:36

اقتباس:

المشاركة الأصلية كتبت بواسطة catia

انا شاوية ابا عن جد او عندنا خبز الدار يوم العيد خط احمر يعني لازم ايكون او عمرنا لاشريناه ولا فكرنا حتى نعملوه ليلة العيد او عند الفجر صباح العيد وانا شخصيا لوكان ماتكونش ريحتو في الدار ما يعجبنيش العيد راني انشوف النساء الجزائريات كلهم ولاو قاوريات يوقفوا في المخابز يستناو باه ايجيبو الخبز العادي فما بالك بخبز الدار او يتحججوا بالخدمة انا خدامة بصح ندير الكسرة بانواعها واذا تحتمت الظروف انكونجلي الكسرة اوما نشريش الخبز طازج ولا مكونجلي واللي تنظم وقتها تعمل لعجب فما بالك بالكسرة

يعطيك الصحة بنت الأحرار
المشكل فالرجال هو ألي راضي يضرب خبز الكواش
حتى حنا بل العيد مقترن بخبز الدار والريحة تاعو والحمد لله
ربي يحفظنا والدينا ويرزقنا زوجات حرات فحلات

ولد حمد الباتني · 2014-09-30, 12:40

اقتباس:

المشاركة الأصلية كتبت بواسطة الحركاتية

أخي ولد حمد الباتني ، أعجبني موضوعك جدا وفي نفس الوقت ضحكني وضحكتني بعض التعليقات من الإخوة الأفاضل ـ نحيتو علينا الغمة عالصباح ـ
خبز الدار نعملوه من وقت لوقت وفي العيد الكبير عندنا سنة ومستحيل نتخلاو عليها وريحتو لازم عشية العيد تكون معبية الحومة ..
هذه عادة جداتنا وأمهاتنا والحمد لله مازلنا محافظين عليها ..
زمان جداتنا كانوا يقولولنا طيبو خبز الدار نهار عرفة ومع المغرب لازم يدخل للدار لأنه كانو يطيبوه في الكوشة برا يقولو يجيب معاه البركة للدار ـ
وحتى قبل ما تكون المخبزة العامة كانوا يطيبوه على النار ويجي أرووووووووع من الي يطيب في الكوشة .
اليوم كل بيت فيه كويزينيار ولا فور ونطيبو الخبز في الدار ... ومازالنا نحافظو على معتقدات زمان ونطيبوه نهار عرفة ويفطرو منو الصايمين ونهار العيد محتم يتصدر المايدة .
صح عيد الجميع وكل عام وأنتم بخير

أهلا بيك اختي الحركاتية
يعطيك الصحة على ردك الباهي
كيما قلتي حتى حنا خبز الدار مرة على مرة نطيبوه فالدار فالكوشة ولكن الأعياد لازم يطيب في بلاطوات كبار ونديوه للخباز ويطيب لبرا ويجي مع الريحة تاعو للدار هههههه
الله غالب البنة ها>ي والمعيشة ها>ي ولحلاوة ها>ي مايحسسولهاش ألي ماعاشوهاش ...

ولد حمد الباتني · 2014-09-30, 12:57

اقتباس:

المشاركة الأصلية كتبت بواسطة ندى العيون

السلام عليكم
بوركت اخي على مجهودك .
الحمد لله حنا كل عيد لازم نديروا خبز الدار و يكون جديد
و خبز برا مايدخلش دارنا لا في العيد و لا في الايام الاخرى
حنا الحمد لله مجتمعنا الشاوي الباتني يفوت رمضان بالمطلوع و العيد الكبير بخبز الدار و باقي الايام بين الكسرة و المطلوع و خبز الدار
و حنا رانا في عام مادخلش خبز برا لدارنا مع ان الخباز قريب علينا خطوة توصل تشري
و بارك الله فيك

أهلا بيك ندى العيون
بصحتكم ، الحمد لله حنا خبز لبرا تاع ألف فرنك عندنا للحليب برك ههه
الله يحفظ والدينا ويرزقنا ببنات أصل
والفنا كسرة سخونة ...
يعطيك الصحة على ردك الباهي

salima14 · 2014-09-30, 15:18

موضوع مليح بالاك منو النسا يديرو لقلب ويحشمو على رواحهم
ويديرو خبز الدار هاذ العام
وخوفي من موضوعك يقلق شي رجال ويروحو لنساهم يدابزوهم على
خبز الدار ههههههه
حنا في تيارت نديرو لكسرة يعني لمطلوع ليلة العيد وإلا الصباح هاذي عادة
ورانا في فرنسا وموحال مانديروهاش
وفكرتني فهاذ الخبز نجربو حتى هو +المطلوع طبعا باش راجلي يفريمي بيا
نهار العيد هههه

catia · 2014-09-30, 18:44

خويا الباتني لو كان كل راجل ايدير اضراب على خبز البرا اوما ايروحش انهار كامل او هو امداير لاشان راح يربح كسرة سخونة انتاع الطاجين ويربح كرامتو او يتهنى من الميزيرية انتاع لا شان او تحمال القفة ربي ايهني كل الرجال الجزايريين او يرزقهم بنساء فحلات وصالحات امين

ولد حمد الباتني · 2014-09-30, 19:07

اقتباس:

المشاركة الأصلية كتبت بواسطة salima14

موضوع مليح بالاك منو النسا يديرو لقلب ويحشمو على رواحهم
ويديرو خبز الدار هاذ العام
وخوفي من موضوعك يقلق شي رجال ويروحو لنساهم يدابزوهم على
خبز الدار ههههههه
حنا في تيارت نديرو لكسرة يعني لمطلوع ليلة العيد وإلا الصباح هاذي عادة
ورانا في فرنسا وموحال مانديروهاش
وفكرتني فهاذ الخبز نجربو حتى هو +المطلوع طبعا باش راجلي يفريمي بيا
نهار العيد هههه

أهلا بيك سليمة
يعطيكم الصحة فالغربة يجيو لحوايج التقليدية ملاح بزاف
ماشكيتش ال>كورة يتحركو بالعكس يقولو واش بيه معقد مازال يحكي على خبز الدار ولمرا اطيب ههه

ولد حمد الباتني · 2014-09-30, 19:08

اقتباس:

المشاركة الأصلية كتبت بواسطة catia

خويا الباتني لو كان كل راجل ايدير اضراب على خبز البرا اوما ايروحش انهار كامل او هو امداير لاشان راح يربح كسرة سخونة انتاع الطاجين ويربح كرامتو او يتهنى من الميزيرية انتاع لا شان او تحمال القفة ربي ايهني كل الرجال الجزايريين او يرزقهم بنساء فحلات وصالحات امين

أولا اختي انا مانسميهمش رجال نسميهم ذكورة لأنو لوكان كانو رجال راهم ياكلو فالكسرة .....

كيكيو7 · 2014-09-30, 19:15

حنا نعيطولو لكسرة تاع الكوشة وساهل انا نطيبها لخاطرش نحبهاااااااا وعلمتني ماما ساهلة دالماء

بصح حنا منطيبوهش فلعيد بصح نديروه في اغلب الاوقات ومنديروهش غير فلمناسبات برك