الجزء 85 من واش طيبتي اليوم يامولات الكوزينة - الصفحة 4

idron0 · 2014-08-15, 15:53

اقتباس:

المشاركة الأصلية كتبت بواسطة monalis

بشرى تبالي نسيتيني قتلك اذا تقدري حطيلي ر ابط نتاع قاطو القوفريط ولا اكتبيلي المقادير نتاعو الكرز لي لصقتيه من فوق باش لصقتيه راني حابة نديرو هاذي ليمات

https://www.djelfa.info/vb/showthread.php?t=1328311

ام سراج وملاك · 2014-08-15, 16:39

اقتباس:

المشاركة الأصلية كتبت بواسطة idron0

https://www.djelfa.info/vb/showthread.php?t=1328311

يعطيك الصحة ربي يخليك يانحلة نشيطة

idron0 · 2014-08-15, 17:13

اقتباس:

المشاركة الأصلية كتبت بواسطة monalis

يعطيك الصحة ربي يخليك يانحلة نشيطة

بلا مزية اختي و لك بالمثل

malek nour hane · 2014-08-15, 15:35

مبروووووووك الكوزينة بشورتي ان شاء الله يجعلها فال خير فالجمعة المباركة هذي
الف شكر على دعواتكن لاحتي عطر
هاو ليكم السفنج سخووووووون من مطبخي هذا وين كملتو اممممم وصفة اختي الصوامعية ربي يفرحها و ترجع معانا كي زمان .... و اياكن تضحكو عالاشكال الهندسية تاعي

Simassim · 2014-08-15, 15:48

مبروك الكوزينة يجعلها ربي مربوحة عليك وعلينا
راني صورت فطوري البارح وعجزت باش نحطه
كي ندير الكوارج راني نحط لكم السردين
ليزا هداك اتاي اذا قاطع صبي لي كاس نفطن بيه راني عاد في بلاصتي

البرد تاع جانفي راه عندنا اليوم حليت الدار شوي صباح ولات فريجيدار وخلصتها فالبلاص ظهري حسيتيه مقصوم

ملك نورهان يادرا واش راكي وبصحتك الإسفنج للي يضرك في المصران يا لآلا ديري رجيم وحسبي القليان والعجين واشربي تيزانة سيمانة تبدي تشوفي النتيجة
أيا حبيبتي مادام هداك الإسفنج يضرك ابعث يلي الطبسي سمعت مليح للوجع تاع الظهر هههههههلول

malek nour hane · 2014-08-15, 15:57

ههههههههههههههههههههههه سيماسيم ربي يحفظك يالعزيزة والله ماكليت منو ذقت عضة برك شفتو كيفاه جا راني درتو على جال راجلي هو يموووت عالسفنج...انا راني فحالة والله من صباح كليت غير شوي قوفريط مالقري مانحبوش لاخاطر خفيف و خفت نتوشي اي حاجة....هزي كولي نتي برديلي قلبي....نموت عليك سيماسيم بالاك يقراها خخخخ
لايدي اهلا بيك شفتي مش غير انا نعيطلك البطبوطة ههه بشرى عماتها خلاص قالتلك السمينة خخخخ....توحشاتك الكشرودة بزاااف
ايه بشرى و ليزا وين كنتو مخبييين فالخير هذا
انا راني نحمل فالصور باه نحطلكم موضوووع بنين هههه ان شاء الله ليوم الاكملتو ولا غدوة

malek nour hane · 2014-08-15, 16:03

ايييييييييي حنان على هذيك الشاورما هيا قوليلي كيفاه درتيها والله كيما قالت ليزا تقول مشريا
ليزا حبوبتي الف شكر راكي طلعيلي فالمورال ههههه لافيلم لا مسلسل ماتلعبيليش....حنا السفنج فدارنا نديرو تاني معاه دقيق ...وهنا خي قلتلك عندي غير دقيق غليظ ان شاء الله نلقا رقيق نزيد ندير اتاعنا.....اممممممممممم حتى هذا جا مليح مراني غير عضيت منو تووووبة من المصران
لايدي الصور تاعك ماحبوش يخرجولي راهم هاربين مني ههه

yasmalak · 2014-08-15, 16:18

ليزاتي امممممممممم على الحلوى تاع الدزااير شعال شاابة هههههههههههههههه
بصحتكم حبيبتييييي و صح الحلوى تاعك قعدت تبان كي شغل هدا وين درتيها
و الشوارما راني معتمدة الوصفة تاع ام اماني اللي في فطيرة الشورماا بنيييييييييييييينة
دهنتالخبز بالمايونيز ودرت البطاطا و طوماطيش مقطعة والشوارما وفرماش وبريسيتهم
اييه بالصح ماجيت نكملها حتى شبت
نضت على روحي عجنت الخبز ايا papa حلاتلو ينقي الجنان قالي ارواحي تعاونيني و تغسلي الفوارة عشيت يد من ويد من ماجيت نكمل حتى بالسييييييييييف قتلو ماشي قاع وقت الجنان هه

ملااك نورهااان بصحتتك الخفاااف وشراكي ريحتيي شويية ماتكتريييش لا تعشيي مباصية ههه
و الخبزساهل ماهل
5 كيسان فرينة و 2 مغارف كبار خميرة و 2 مغارف صغار ملج و2 سكر و 2 كيسان ماء دافي و تعجنيها 10 دقايق تولي طريية مي ما تلسسقش وخليها تخمر ربع ساعةاومباعد ديريهم كوايرات و غطيهم بطرشونة مندية وخليهم يخمروو
كي يخمرو شعلي الفور من فوق و تحت ديريه قاااااااااااااوي وحطي السنيوة و خليها تسحن معاهوابداي تحلي فيهم رقاق
و كل ما تحطي وحدة حطي فوقها بابيي ديري غير 3 فوق بعض ما تكتريش كي تكملي لوحي الخبزة الاولى اللي خليتها
و خليها تطلع وحدها و مالازمش تطيبيه بزاف باش ما ييبش قيسما ينشف دقيقة برك يوجد
ارفديهم بالبابيي اللي يكون تحتهم ماشي بيدك
بارسكو لي طراس تاع اليدين يخليهم ما يطلعوش

مرام 1987 · 2014-08-15, 16:24

السلام عليكم
مبروك عليك الكوزينة يا بشورتي ربي يجعلها فال خير علينا كاااااامل وربي يفرحنا ويسمعنا سماع الخير ويفرج همومنا وغمومنا يا رب
عرفتوني ولا نعرف بروحي
على بااااالي عرفتوني
ربي يشفي بنت أخت عطورة ويرجعها لميمتها سالمة معافاة ياااا رب
ربي يشفيني ويشفيلي ماما ويشفي جميع مرضى المسلمين
صح ليكم طيابكم كااااااامل راني نتفرج ومصارني يدابزو ههههههه ما عندي ما نديرلهم لي يغلب هو الرابح فيهم
صح قهوتكم كاااااامل
اللهم يا فارج الهم ويا كاشف الغم فرج همي ويسر أمري وارحم ضعفي وقلة حيلتي وارزقني من حيث لا أحتسب يا رب العالمين

بشرى2008 · 2014-08-15, 16:25

وااااااااااااااااااااااااااااااااااااااااااااااااا ااااو مشاااااااااااااااااااااااااااااااااااااااااااااااء الله طيابكم والله رووووووووووووووووووووووووووووووووووووووووووووووووو عة رووووووووووووووووووووووووووعة

Simassim · 2014-08-15, 16:26

هههه ليزا اتاي تاعك كيما نديروه في دارنا وانا ماكانش يعجبني كنت تشربه سيف لول مكنتش نعرف نديره منها. تزوجت علمني راجلي نديره قاطع وتكثر النعناع ههههه راه يخرج لي خير من لي يديره راجلي لول

malek nour hane · 2014-08-15, 16:28

ليزاااتي ربي يحفظك وان شاءئ الله نقدر نكمللو اليوم ....ههههههههههههه كثري الخير ربي يكثر الخير و يدومو ان شاء الله علينا و عليك....حبوبتي انا دوزيلي التعمير اممممممممممممم

بشرى2008 · 2014-08-15, 16:35

monalis راهي ايدرونو حطتلك رابط الوصفة فى الصفحة 3

yasmalak · 2014-08-15, 16:36

هههههههههههه بشرى والله نتيييييييييييي وحدك هههههههههههههههه ضحكت حتى شبعت زوجتيني قبل الوقت ههههه
نورررمال حبيبتي ياك ديك النهار قتلك ما نزعفففش خليها كيما قلتي دكرى هههههههههه مريضة

ليزااااتي والله لوكان نقدر برك كيفاه نبعتلك نخدمهلك و نبعتهملك واجدين ليك و لقااع الغاشي اللي عندك حتى لواساتك هههههههههههههه

Simassim · 2014-08-15, 16:37

هاني جئتكم وجبت لكم سرديني الصورة من قلب الحدث مباشرة بعد القليان

وهذا الروز وال كروفات زعما حقي راه داخل خارج وانا تتفرج فيه لول

وانا هادا واش طيبت ليا مايديرش الريحة كي يطيب لول مازال ماوجدتش صورته

هدي البطاطا حطيتيها مع السردين وبسبب كوزينة الجلفة فوت لها الطياب قريب تولي بيري لول