الجزء 82من واش طيبتي اليوم**تحضيرات العيد** - الصفحة 4

Simassim · 2014-07-23, 08:33

نائلة عجبني المقروط تاعك راني نستى حقي نهار العيد
بصحتك البقلاوة ام ماجد ان شاء الله كيتطيب خليلي شوي أنا عجزت عليها هاد العام
دائمة راني ديت بيبرونة تاعي وتاع ولدي هههه
ليزابيل راكي تعذبي فينا بالسفة تاعك رآها تشهي امممممم
ام ساجد ماشاء الله القاطو حطة وهمة ربي يبارك لك
ام اسلام وأم إسهام كلشي يشهي بصحتكم

بصحتكم القاطو تأكل وهم بالهنا ان شاء الله
ربي يدومها نعمة

بشرى2008 · 2014-07-23, 08:51

صباح الخييييييييييييييييييييييييييييييير
ألف ألف مبروووووووووووووووك الكوزينة أم ساجد
ماشاء الله عليكم أنا القاطو غدوة نبدا فيه زدت شفت فى التلفزة العيد نهار الثلاثاء يعني يكفيني الوقت باش نخدم

أم فاطيمة · 2014-07-23, 10:28

صباح الخير نهاركم مبروك
ام ساجد مبروك الكوزينة الجديدة راهي معمرة بالحلويات انشاء الله تكون حلوة كي مولاتها
و لي عودة بالباروك

ام سهام 02 · 2014-07-23, 10:36

اللهم اني اصبحت اشهدك واشهد حملة عرشك و ملائكتك و انبيائك و جميع خلقك بانك انت الله لا اله الا انت و ان محمدا عبدك و رسولك

selma2013 · 2014-07-23, 10:40

صباح الخير ومبروك افتتاح الكوزينة أم ساجد هذي الكواليس تاع تحضيراتي للعيد بث مباشر هههه ليوم بديت بالمعمول

lyzzabel · 2014-07-23, 11:43

صباح الخيييير حبيباتي انشالله قاع راكم ملاح
ام سهاااام وااااااو المقروظ هبلنيييي يعطيك الصحة
ناءلة يعطيك الصحة على لي قاتو لي درتيهم و المقروظ روووعة
ام ماجد بصحتكم البحلاوة و ربي يخليلك الشيخ
ساندي مرحبا بيك وين كنتي خازنة ؟؟؟ هههههه ،،، كاش قاتو هاتي نشوفو
سلمى المعمول راه يشهي يعطيك الصحة
ام كاميليا ربي يشفيك و يعافيك حبيبتي ،، و وصفات المعمول تاع السميد كاين بزاف فالمنتدى

انا رونا العجينة تاع التشاراك بصح الشكل مازال ما قررتش واش ندير و غادي نوجد الحشو دروك ،،، سلااااااام

اللهم انك عفو تحب العفو فأعف عنا

أم ملك · 2014-07-23, 11:08

صباح الخير عليكم كامل و الله يعاونكم
مبروك الكوزينة الجديدة أما ساجد إن شاء نستفادو فيها و نفيدو يا رب
كملت القاطو مي باقي الزواق عجزت عليه خدمت تشاراك مسكر و بالقلاصاج و تشاراك الترك
زدت الصابلي و صابلي التاج و قاطو نص بنص و تارتولات بالكاوكاو و حلوة التاج و مانيش عارفة شانزيد
أم ساجد بغين نسقسيك شحال دارلك من حبة الصابلي في مول التاج ما يقطعش قاع بزاف

x ام رحاب x · 2014-07-23, 11:22

السلام عليكم ورحمة الله وبركاته
مبروك عليك الكوزينة ويجعلها مربوحة عليك وعلينا انجيب الباروك ونولي
الله يعطيكم الصحة يالحراير راكم فحلات بنات بلادي

ريتاج تيارتية · 2014-07-23, 11:31

السلام عليكم
مبروووووك الكوزينة الجديدة حبيبتي ام ساجد ويعطيك الصحة على القاطو
انا اليوم ان شاء الله راني بادية القاطو غادي كي نخدم نوريلكم

أم ياسين الزهراء · 2014-07-23, 11:37

صباح الانوار هدا وين نضت وصبحت على احلى بقلاوة واحلى طلى لساندي ومقروط ام سهام هايل هايل وسلمى المعمول روعة ونائلة يعطيك الصحة

الله يبارك فيكم

دائمة مابقاليش السنين الكل طاحو وديت 2 بيبروات لي ولزوجي ع هههههههههههههههههه الله يصلح الحفيدة ويعيشها يارب

البارح طيبت الغربية عجزت نطبعها بالطابع درتها باللمبوط واليوم وقيلة ندير ليصابلي باش نتفرغ للمقروط ربي يعيني

دائمة الحمد · 2014-07-23, 11:39

صباح الخيرت ونهاركم زين يا الزينات
ماشاء الله عليكم
ام ماجد يعطيك الصحة وربي يباركلك في شيخ الشباب
ساندي على سلامتك
ام اناس وينك رانا مانشوفوكش خلاص ربي يوصل بالسالم حنونة هذي دعوة العجايز تاعنا للحوامل
نائلة ماشاءالله يعطيك الصحة
بشرى لبارح برك وين قريت رسالك كي رجعت النت كلنا شوق لحلوياتك
ام فطيمة صباح الانوار
ام سهام المقروض راهو باين يذوب في الفم
سيماسيم ام ملك ام سلمى صباحكم عسل وربي يعاونكم
ام رحاب على سلامتك توحشنا باروكك حتى عندي مشكل في الميكرو راني مانجي ندرج صورة كان بحرب مع الفايسبوك

أم ياسين الزهراء · 2014-07-23, 11:40

نهال المحقن انتاعك روعة وجاك هايل يعطيك الصحة ارواحي ديريلي عجزت ههههههههههههههههههههه

ام كاميلا تسقسي على المقروط انا نطيبو كيما القواطو عادي ومنبعد نشعل من فوق ونحمرو ودوق يزيدو يفيدوك البنات وعاودي سوالك كاين اللي تعجز تروح طل ههههههههههههههههه

ام اناس اهلا بيك

أم ياسين الزهراء · 2014-07-23, 11:42

فدولة اهلا بيك واش راهي بروقة هدي مدة ماطلتش سلميلي عليها وقوليلها توحشنا طيابها وطلتها

fadoula fcb · 2014-07-23, 11:46

[quote=أم ياسين الزهراء;3991307891]فدولة اهلا بيك واش راهي بروقة هدي مدة ماطلتش سلميلي عليها وقوليلها توحشنا طيابها وطلته
راهي لاباس عليها بروقة والحمد الله وراني نبلغلها سلام ان شاء الله

دائمة الحمد · 2014-07-23, 11:44

ام كميليا وفضولة ورتاج صباح الخيرات
ام يس راني شفت التشارك باين هايل ربي يعاونك
والغريبية انا نموت عليها تاع اللمبوط
ربي يعاونكم لبنات نروح عندي نتواياج
حقة راكم ما تهدروش على الفطور خلاص واقيلا لتيتو في القاطو وراكم تسقدو في الغاشي
انا فطوري دجاجة محمرة وجاري ومرقة حلوة وسلاد وفواكه وعصائر والف حمد لله