لي سكنت مع اهل الزوج - الصفحة 4

~ السلطانة ~ · 2014-10-14, 17:10

مساء الخير ..

اذا انعدم عامل الدين ... و الأخلاق أسكتي .. انتحري ابكي واحد معلابالو بيك ...

الجنة الجنة · 2014-10-14, 21:55

شكرا على مروركم الذي عطر هذه الصفحة

ايوب ب · 2014-10-17, 12:19

انا مجربتش مي ختى مع العائلة مسكينة تتوحم في رمضان 3 ايام مطيبوش لفطور وهي صيمة الليل مع النهار

hodayena · 2014-10-17, 12:32

ايجابيات السكن مع اهل الزوج انو تفضح الزوج اذا كان راجل او غير تبلعيط تفضحو اذا كان ذو شخصية او عديم الشخصية
اذا كان ذو شخصية راكي رايحة تعيشي لانو عندك سند واذا كان ضعيف الشخصية راه ينتهي بيك الامر الى الطلاق مثل ما فعل بي ولله الحمد

hodahodahoda · 2014-10-17, 15:45

الصبر و التاكد ان كل شيئ سيمر

الجنة الجنة · 2014-11-04, 22:01

شكرا لكل من ادلى بدلوه

عائشة07 · 2014-11-05, 01:27

الله المستعاان
كل وحدة وكيفاش مانقولش لك ونيتها لانو النية وحدها ماتكفيش لازم معاها الدهاااء وقلب واااااااااااااااااااااااااااسع وزوج محترمينه عايلتو
الي تعرف قلبها ضيق وماتستحملش القزوة والاهانة الغير مباشرة وزوج مايحل ما يربط غير ماتكسرش راسها وراس اهلها بالمشاكل الي ماتحبسش ونهايتها اما كوزينة فالسطح او كرية او دارهم يعني تطلق
الي قادر زوجها يكري ولو بيت واحدة وماعليش تاكل كل يوم كيف كيف المهم تربح صحتها وتجنب نفسها ذنوب بزااف اهمها الغيبة والزعاف بزاف راه يجيب الضغط وامراض عصبية ونفسية وزييييد فوقهم ذنوووب والزوج الي تصبري على جاله ما يقدرش يجيبلك حقك ولو بكلمة حق خاطر يخاف يخسر اهله حتى وعارفهم ضالمينك
قالك البعد يجيب السلام والقرب يجيب الكلام
هي كون كل واحد مننا يوقف عند حدوده نعيشو كامل لاباس ولكن ..........
وربي يهدينا

الجنة الجنة · 2014-11-05, 21:00

شكرا على مرورك اختي عائشة باين قلبك معمر الله يكون في عونك

عائشة07 · 2014-11-05, 23:25

اقتباس:

المشاركة الأصلية كتبت بواسطة الجنة الجنة

شكرا على مرورك اختي عائشة باين قلبك معمر الله يكون في عونك

العفو اختي هههه لا انا الحمدلله عايشة وحدي وبعييييييدة لكن مرة على مرة نشوف لقطات وتاني من التجارب الي حولي وربي يكون في عونهم شكراا/ا

فيفي19 · 2014-11-06, 01:57

الحل في ان البنات قبل ما يتزوجوا يشرطو السكن بمفردهم ماشي النهار الاول تقبل وامبعد تبدا الحروب لان الزواج ليس لعبة

مؤمنة بالله · 2014-11-07, 11:12

اقتباس:

المشاركة الأصلية كتبت بواسطة ايوب ب

انا مجربتش مي ختى مع العائلة مسكينة تتوحم في رمضان 3 ايام مطيبوش لفطور وهي صيمة الليل مع النهار

3 أيام كاملين في رمضان وما طيبوش
مي هاذي كذبة كحلة يا أخي
تب إلى الله
كفاك كذبا وقذفا في الناس

مؤمنة بالله · 2014-11-07, 11:21

المشكل الرئيسي في الغريبين
يعني الكنة وأهل الزوج
كلاهما غريب على الأخر
ولا نلقي اللوم على احدهما لأنو
افعل خيرا تلقى خيرا
و وبلاكو تغلطو يا نسا
راكم تعموها مي ما تحسوش بواش راكم اديرو
واللي تحب ترتاح في مع أهل زوجها
نعطيها الحل
بكل سهولة
ديريهم كيما اهلك يعني امو هي امك وابوه هو ابوك وأختو هي اختك
يعني ديريهم في مقام أهلك
وشوفي اذا شفتي منهم حاجة مش مليحة قوليلي
يا أختي لا دخان بدون ناااار
مستحيل يضروك اذا ما ضريتيهمش انتي بأي حاجة
ديريها مليح في
بالك
حاجة اخرى كما تدين تدان
اذا كنت تعانين مع اهل زوجك
فراجعي نفسك وشوفي واش غلطت في حياتك
لأنو ربي يعطي على حساب القلوب
كفاكن قذفا
عاملو بالحسنى يعاملوكم بالحسنى
مستحيل نصدق واحدة تقولي ماهمسش ملاح معايا إلا اذا شافو منها المش مليح منها
حاسبن انفسكن
ثم حاسبن الأاخرين
تبن الى الله واتقينه قبل يوم الحساب
وتذكري انو الراجل اللي ديتيه عاش مع ناس قبلك ومستحيل يضروه
وقدري قيمة اللي اعطاولك هاداك الراجل
ولله العفو

مؤمنة بالله · 2014-11-07, 11:25

اقتباس:

المشاركة الأصلية كتبت بواسطة فيفي19

الحل في ان البنات قبل ما يتزوجوا يشرطو السكن بمفردهم ماشي النهار الاول تقبل وامبعد تبدا الحروب لان الزواج ليس لعبة

اللي تدي بنصيحتك اكيييد راح تقعد بايرة
لانو السكن ماراهش بااااطل
يا اختي
لا اظن أنو امك شرطت السكن
لكنها عاشت ودارت ولاد وجابت
طفلة راهي تشرط في السكنى قبل ما تدخل
اعرفي مليح انو اذا شرطت السكن
راح تكون نظرة زوجك ليك مش ملبيحة
وراح يدير في بالو انو ما تحبيش اهله
وحتى لو تعيشي وحدك مش راح تتهناي
لانو راح يشوفك ديما في صورة خايبة

مؤمنة بالله · 2014-11-07, 11:26

اقتباس:

المشاركة الأصلية كتبت بواسطة عائشة07

الله المستعاان
كل وحدة وكيفاش مانقولش لك ونيتها لانو النية وحدها ماتكفيش لازم معاها الدهاااء وقلب واااااااااااااااااااااااااااسع وزوج محترمينه عايلتو
الي تعرف قلبها ضيق وماتستحملش القزوة والاهانة الغير مباشرة وزوج مايحل ما يربط غير ماتكسرش راسها وراس اهلها بالمشاكل الي ماتحبسش ونهايتها اما كوزينة فالسطح او كرية او دارهم يعني تطلق
الي قادر زوجها يكري ولو بيت واحدة وماعليش تاكل كل يوم كيف كيف المهم تربح صحتها وتجنب نفسها ذنوب بزااف اهمها الغيبة والزعاف بزاف راه يجيب الضغط وامراض عصبية ونفسية وزييييد فوقهم ذنوووب والزوج الي تصبري على جاله ما يقدرش يجيبلك حقك ولو بكلمة حق خاطر يخاف يخسر اهله حتى وعارفهم ضالمينك
قالك البعد يجيب السلام والقرب يجيب الكلام
هي كون كل واحد مننا يوقف عند حدوده نعيشو كامل لاباس ولكن ..........
وربي يهدينا

عن اي حدود تتحدثين اختاه
كونكم هانية باللي أي زوجة مش راح تدير حدود لنفسها في بيت اهل زوجها
لانو تحب تبروفيتي
هاذ=ي هي بكل بساطة
وحتى واحد ما راح يرضى بهاذ الشيئ

الذاكر لربه · 2014-11-07, 23:42

السلام عليكم
حبيت نقول رأيي في سكن الزوجة مع أهله
لا شك أن الزوج للزوجة نعمة من جانب الدنيا أو الآخرة لا تعرفها حتى تفقده، لكن هل يستطيع هذا الزوج ان يترك والداه و يتمتع بهذ الزوجة بعيدا، مع انه سيتظايق مع أهله لأنو من حقه يتمتع بالنظر لزوجته طول النهار مثلا، فإن كان هو يجاهد و يتنازل عن حقه مدة ربما تزيد عن 30 أو 40 عاما برا بوالديه فأين إعانة الزوجة للزوج الذي يكون سببا لها في دخول الجنة، فالصبر مفتاح الفرج. كم من زوجة صبرت عن المشاكل مع أهله كترتيب الاعمال أو الزيارات و سمعت كلاماسيئافسكتت و تنازالت عن حقها و عفت فعوضها الله و بعد مدة أصبحت و كأنها بنت أمه. فلتعلم أن الدنيا كلهاصبر سواء خير أو شر، و الله رقيب على كل شيء و يعلم أن هذه الزوجة تعفو حفاظا على عائلتها.
الكثير من الأزواج يأتون لأزواجهن بالقوت من عمل لا يخلو من الاهانة و الحقرة و الترخاس من المسؤولين لكنهم يصبرون شفقة على زوجاتهم و أولادهم.
شكرا