تقدم لي شاب

[وليد1990]

يا اختي
نحكيلك معانتي باه متتصدميش بجدار الواقع
انا واحد من الناس عانيت كعشت في دار جدي 10 سنوات
وانا صغير كنت نشوف فيهم يظلمو في امي ويعيطوعليها ويخبوا عليها حوايجها وتقعد تدور عليهم ويخدمو فيها ويسيحولها في الماء الي رايحة تدوش بيه وياكلولها حقها من الطعام ويعايرو فيها قدام الضياف ويحشموا فيها قدام لناس الي يجونا ويضربوني قدامها ويحرشوا في أبي عليها باه يضربها واغلب الخصومات بينها وبين ابي كانت من نميمتهم وكانت إذا نوضتني لامها ولالختها يعني جداتي انا ولا خالتي يحكموني عند الباب ويفركتوني ويشوفو وش تبعثلهم وكنت مرة امتعنت ورفضت طلبهم ضربوني المهم عانيت انا وامي منهم وكانوا هوما سبايبها وفي الاخير داروا عليها اضراب حتى خرجوها ذليلة مهينة وزادو شيعوا عليها بلي هي الغالطة وهي الي هربت
وقالوا وش خذاها ها كانت في نعيم وجنة لاباس عليها
الصراحة انا امي قالت اذا تزوجت ماتجيبهاليش مانيش حابتها يصرالها وش صرالي منيش حابة نظلمها حتى عن غير قصد

الصراحة انا نشوف الراجل الي يقول ها انا ذا ويقول لباباه شوفني حتى انا نقدر ندير دار وعائلة وعش كيما انتا مش غير انتا برك الي تقدر دير دار

ونشوف الراجل الي يصر يسكن مع باباه خوووووووووووااااااااف مش يقدر يخرج يواجه الحياة ومش طايق للمسؤلية ومعندوش الشجاعة باه يبعد على امو
انا الصراحة منحملش المشاكل

[الجنة الجنة]

المشاركة الأصلية كتبت بواسطة رجل الخفاء

أهلا أختي الفاضلة، لا شكر على واجب
أختي المشكل التي لا تفهميه أنت والكثير من نساء اليوم، نعم كلنا نعرف أن السكن مع الأهل ليس بالامر السهل لكن أختي الفاضلة أنت ستتزوجين رجل ولدته أمه وتعب أبوه في تربيته وتربى بين إخوته في السراء والضراء وهذا الرجل لم تلده شجرة مثلا، يعني لديه عائلة وليس من الشهامة أنه ينكر جميل والديه ويغادرهم من أجل إمرأة، سامحيني على هذا الكلام لكنها الحقيقة أنت كزوجة يوجد مثلك الكثيرات ويمكنه أن يتزوج من يشاء لكن أمه لا يوجد مثلها وإن غادرها لن يجد غيرها ففكري قليلا تجدين أن طلبك غير إنساني ولا يمت للشهامة بصلة، أنت حينما تدخلين بيته ستدخلين كزوجة نعم محترمة لكن لا نكذب على بعضنا أنت جديدة في حياته فهل تظنين أنه من الشهامة أن يترك الرجل منا أهله من أجل زوجته ثم ربما قد تكون أمه محتاجة لزوجة إبنها تخدمها أم أنك ترين أن خدمة أم زوجك تعب؟؟؟ يا أختي أمرنا الله بالإحسان للوالدين وعلى الزوجة المطيعة المتخلقة أن تقف إلى صف زوجها في ابتغاء مرضاة والديه وبذلك مرضاة الله تعالى الذي سينعم عليك أنت وزوجك الخير كله فلماذا لا تصبري بعض السنين أو الاشهر وتسكني مع أهل زوجك في إنتظار أن يفتح الله عليكم وتجدون بيتا فهناك برامج كثيرة لدعم السكن من بناء ذاتي، عدل، إلخ، يلزمكم فقط الصبر وإن شاء الله سيكون لكم بيتكم الخاص
فقط أختي كلامك عن أن للمرأة الحق في طلب السكن الإنفرادي نعم أنت كمخطوبة لك الحق أن تطلبي حتى السكن على القمر لكن بكل صراحة ألا تجدي أن رفضك السكن مع أهل زوجك يعتبر إهانة لرجولة زوجك والتي هي في الأساس من ستحميك لأنك ستعيشين تحت مظلة زوجك كرجل فكيف تبحثن عن الرجل وفي نفس الوقت تطلبن منه أمور تحط من قيمته كرجل، بإختصار من يترك أهله من أجل زوجته خصوصا إن كان أهله في حاجة إليه يعتبر بالنسبة لي رجل ناقص ولتحيا أمي الغالية وكما قلت سابقا أنا في الغالب سأسكن وحدي لكن شرطي الاساسي هو أن تسكن مع أهلي

صح فطورك أختي الفاضلة والله ينور طريقك

شكرا على هذا الدعاء الجميل
اشاطرك في الكثير مما قلته لكن من قال بانني طلبت منه ان يتخلى عن امه؟ على حساب الكلام اللي راك تقول فيه كل واحد يعيش في سكن انفرادي ماشي راجل؟؟ وهذا ما لااشاطرك فيه
شكرا على مرورك واهتمامك

[الجنة الجنة]

المشاركة الأصلية كتبت بواسطة dalal batna

اختي الفاضلة اولا اسمحيلي ان اعقب على بعض ردود الأخوة من تجريح ،يعني المجتمع الجزائري بصفة عامة يفتقد عنصر الحوار هذا ما جعل كل واحد منا يكبت مشاكله حتى لا يسمع مثل هذا التجريح
من حقك الاستقلال ببيت خاص لكن لا تشترطي البيت اين يكون أر كيف يكون،هذا حسب مقدور الشخص لانه والله اصبحنا في زمن يخوف صح صح من كثرة ما نسمع عما يحدث ببيوت الجزائريين من اختلاط يعني وحدة عروسة في دار فيها شباب لازم تكون متحجبة طول اليوم وماتلقاش راحتها،أليس من الأحسن ان تستقل ببيت منفرد،لكن في حال ما اذا هذا الشخص عايش مع والديه واخواتو البنات فقط والبيت واسع تقدري اختي تعيشي معاهم عادي،اما بالنسبة للخدمة في البيت والمسؤولية تفدري تعتبري انك في بيت أبوك ،يعني اذا طبخت فاعتبري والديه مثل والديك
اما اختي اذا شفتي روحك ماراكيش قادرة تعيشي معاهم وهذه قناعتك الخاصة ،فلا أنصحك ان تقبلي نهائيا لانه رايحة تعيشي وضع ماراكيش مقتنعة به وهكذا راح تتفاقم عليك المشاكل
بالنسبة لرسالته فالشاب اضن انه يريد ان يوصل لك شيئ وهو انك ما زلت في باله اذا وافقت على شرطه
وزيد كاينة حاجة يااختي اذا اهله عندهم نفس عاداتكم وعقليتكم انا متأكدة انك رايحة توالفيهم عادي
على كل حال نصحتك واعتبرتك مثل نفسي والباقي عليك استخيري الله فما خاب من استخار
ما تنسايش اخبرينا واش قررتي وربي معاك*

شكرا لك اختي كلامك عجبني لانه منطقي وموضوعي

المشاركة الأصلية كتبت بواسطة dalal batna

نسيت نقولك حاجة اختي اذا الشخص مليح كينا راكي تقولي وفرصة لا تعوض فانا من رأيي السكن مع اهله ما راحش ينغص عيشتك لأنك انت رايحة لشخص مليح والباقي كله غير مهم.

كيفاش الباقي غير مهم فهميني بالاك راني مكبرتها في راسي

المشاركة الأصلية كتبت بواسطة أم جهاد الجزائرية

وعليكم السّلام ورحمة الله وبركاته
أختي الفاضلة لا نستطيع معرفة ما قصده من إرسال رسالة
ولكن إذا رضيت دين وخلق هذا الشّخص فأنصحك أن تستخيري الله تعالى،، كما ان العيش مع أهله ليس أمرا صعبا
إذا كانت تتوفّر بعض الشّروط، وهي الإحترام المتبادل بين العروس وام الزّوج و كذلك الإحترام بين أخواته و زوجات أخيه إن وجدن، واعني بهذا عدم التّدخل في خصوصيات بعضكن البعض، كما لا أغفل أهم شرط و هو تحرّك المرأة بحريّة حيث لا يدخل عليك غريب ولا يراك في زينتك، إذا كنت تعرفين أن هؤلاء النّاس الذّين ستعيشين معهم لطفاء وأنك تستطيعين الحفاظ على حجابك فأنصحك بالتّوكل على الله والإستخارة
صحيح يا أختي أنّه من حقّك طلب سكن منفرد و لكن تعرفين غلاء كل شيء في وقتنا الحالي
يعني بإمكانك أن تبدئي حياتك مع الأهل ثم تسكنين وحدك مع وجود أولادك و تحسّن ظروف زوجك
وأنتِ أدرى بهذا الأمر و لا تنسي الإستخارة وإستشارة من حولك ممن تثقين فيهنّ
وفّقك الله ورزقك زوجا صالحا تقيّا نقيّا يخاف الله فيك
آمين

والسّلام عليكم ورحمة الله وبركاته

[/color]

[COLOR="red"]شكرا على الدعاء اللطيف
كلامك صحيح لو ان اهلو ناس محترمين التعامل معاهم راح يكون سهل وبسيط

المشاركة الأصلية كتبت بواسطة مريم الصابرة

السلام عليكم أختي
احترم رايك لكن لو تسمحين لي بكلمة فقط
لما انت لا تقبلين اهله لو هو مثلا شرطلك اهلك هل ستقبلين به ؟ بعني لما توجعك توجعو وراه نبيل وبعث يهنأك برمضان صراحة لو آخر شرطتلو دارهم ما يشوفش فيك وإنت كي رفضت ما تخميش علاه بعثها كان تقبلي بيه اقبلي بدارهم لانو ماكانش واحد جا وحدو للدنيا
صحا فطورك

شكرا لنصيحتك

المشاركة الأصلية كتبت بواسطة Firasbenyahia

عندك الحق اختي متعيشيش مع دارهم عمبالي ميش علا جال السكنة بصح اهل الزوج يبداو يمعنيووا عليك بلي كسولة و ما تصلحيش و ا متسيقييش و يحمولك مسؤوليات لا طاقة لك بها

المشكل يا اختي انك تبقاي تعسي في روحك في كل وقت وحين على اي غلطة وعلى اي صغيرة وكبيرة ويلا راني غاطة قولولي

المشاركة الأصلية كتبت بواسطة فاطمة الزهراء.

انت الله يوفقك وربي يعطيك واش في بالك

ماتزعفوش مني
بصح اللي تحوس تعيش وحدها ومن النهار الاول رافضة الام والاخت روحي تزوجي واحد من الميتم وخلاص
يتيم وماعندو لا ام لا اب
اما واحد بامه وخواتاتو ترفضوهم؟؟ماجاياش خلااااص اوموا العام الاول اسكني معاهم اعرفي عقليتهم بلاك تتفاهمو وعلاش لالا؟؟
كيما راكي عايشة في داركم امه هي امك واختو هي اختك
ياك رانا مع ماما والخواتات ونتزاعفو ونتراضاو وين راه المشكل
والله ياختي ماتزعفيش مني بصح والله نستغرب اللي تشرط امه واخته
انا لوكان راجل ومرتي تشرط عليا يما ام انا نشرط عليها يماها تشوفها مرة في العام عقوبة هههه

اسمحيلي مقصديش نتدخل في خصوصياتك بصح حكيت على العموم
شكرا على نصيحتك بسح كل واحدة وكيفاش كاين اللي تقدر على المشاكل وكاين اللي ماتقدرش انا من النوع اللي يخاف المشاكل واذا راني غاطة قوليلي
سلااااااااااام

[الجنة الجنة]

المشاركة الأصلية كتبت بواسطة lynoor

الحقيقة لم افهم سبب هذا الهجوم على من تطلب السكن الانفرادي و الاغلبية فهمته على انه رفض لاهل الزوج انا لا ارى علاقة بين الموضوعين و اعتقد ان السبب يعود ان جرت العادة ان كل من استقلت بسكن انفرادي كان بعد وجود مشاكل لذا بالضرورة كل من طالبت بذلك في البداية ينظر اليها انها هادي جات تبعدني عى والديا ............
انتي يا اختي خمي و استخيري الله و ديري اللي يخرج عليك
صح رمضانكم

واخيرا جات اللي تفهمني واللي تحامي عليا انا طرحت سؤال واضح لكن راني نشوف الجماعة هجمو عليا وحولو الموضوع الى امر اخر
شكرا لك اخية

المشاركة الأصلية كتبت بواسطة sarl02

اولا الى صاحبة الموضوع ..اظن ان هذا الشاب راه في قلبك وعقلك ومازلتي اتفكري فيه ولا تريدين تضييعه لعدة اسباب انت الادرى بها...ثانيا لماذا لا ترين الى الجزءالمملوء من الكاس ...يعني ربي ابعثلك شاب متخلق ومتربي وذو دخل قار وولد عائلة ولنفرض انه خصو غير السكن فقط الا يستحق هذا منك التغاضي عن هذا الشرط لحين ايجاد حل مستقبلا لهذا الامر؟؟ما لازمش اتخمي عند اصابع رجليك وفقط يا اختي....ثالثا وهذا رايي ولا الزم به احدا...الحمد لله لا يوجد لدي مشكل من ناحية السكن الخاص وهو متوفر لكن راني حالف اي وحدة تشرط لي فيه من الاول والله لن تتبعني كزوجة ولو كانت اخر نساء هذا الكون ووفق الله الجميع.

وهنا لقيتني حابسة يا اخي كنت نفكر في التنازل والسكن مع الاهل لان الشاب ذات خلق لكن مارانيش نشوف في روحي قادرة لاني نخاف المشاكل واذا الحكاية بسيطة وانا اللي راني مكبرتها قولولي

المشاركة الأصلية كتبت بواسطة سلسبيل الخير

من حق المرأة أن يكون لها بيت مستقل
وهذا لتكوين أسرة جديدة مستقلة تماما
وهذا لا يتعارض مع ديننا
فتكون الزوجة في بيتها ملكة
من جهة أخرى من الواجب مراعاة الظروف، فكل وظروفه
ولنتساءل: لماذا ترغب والدة العروس ببيت مستقل لابنتها، بينما ترغب أن يبقى ابنها تحت ظلها

أنا شخصيا أتمنى أن يعيش إخوتي مع زوجاتهم في منازل مستقلة
لا مشكلة ولا هم يحزنون

والله أعلم

سؤالك هذا مهم نطرحوه على الناس اللي راهي تتهجم علينا شكرا على مرورك

المشاركة الأصلية كتبت بواسطة mira mira02

و كي تعيشي مع اهلو رايحين ياكلوك باختي انت جرحتيه و الراجل كل شي الا اهلو لو كان قبلتي بشرطو و عشتي ثم حكمتي
واش من واحد كمل حياتو مع والديه يجي نهار و تخرجي و تروحي لسكن وحدك واش نقلك ربي يهديك
انت تقبلي وحدا تقول لخوك هكدا

انا لوكان وحدة قالت لاخي هكذا نقول هذا رايها ونحترمو
بالنسبة لكلامك عشتي ثم حكمتي : كيفاش هذا الزواج لعبة يعني نجرب امبعد نشوف؟ كي يطيح الفاس في الراس خلاص

[eBusiness]

المشاركة الأصلية كتبت بواسطة وليد1990

إيـــــــاك ايــــــــاك تتنازلي على شرطك رااااااااااااااااااااه من حقك تسكني وحدك

[إيمان احمد]

المشاركة الأصلية كتبت بواسطة وليد1990

يا اختي
نحكيلك معانتي باه متتصدميش بجدار الواقع
انا واحد من الناس عانيت كعشت في دار جدي 10 سنوات
وانا صغير كنت نشوف فيهم يظلمو في امي ويعيطوعليها ويخبوا عليها حوايجها وتقعد تدور عليهم ويخدمو فيها ويسيحولها في الماء الي رايحة تدوش بيه وياكلولها حقها من الطعام ويعايرو فيها قدام الضياف ويحشموا فيها قدام لناس الي يجونا ويضربوني قدامها ويحرشوا في أبي عليها باه يضربها واغلب الخصومات بينها وبين ابي كانت من نميمتهم وكانت إذا نوضتني لامها ولالختها يعني جداتي انا ولا خالتي يحكموني عند الباب ويفركتوني ويشوفو وش تبعثلهم وكنت مرة امتعنت ورفضت طلبهم ضربوني المهم عانيت انا وامي منهم وكانوا هوما سبايبها وفي الاخير داروا عليها اضراب حتى خرجوها ذليلة مهينة وزادو شيعوا عليها بلي هي الغالطة وهي الي هربت
وقالوا وش خذاها ها كانت في نعيم وجنة لاباس عليها
الصراحة انا امي قالت اذا تزوجت ماتجيبهاليش مانيش حابتها يصرالها وش صرالي منيش حابة نظلمها حتى عن غير قصد

الصراحة انا نشوف الراجل الي يقول ها انا ذا ويقول لباباه شوفني حتى انا نقدر ندير دار وعائلة وعش كيما انتا مش غير انتا برك الي تقدر دير دار

ونشوف الراجل الي يصر يسكن مع باباه خوووووووووووااااااااف مش يقدر يخرج يواجه الحياة ومش طايق للمسؤلية ومعندوش الشجاعة باه يبعد على امو
انا الصراحة منحملش المشاكل

الله اكبر امك سوفرات اخي وليد ربي يجازيها على صبرها و انت بالاك تتزوج و تخلي مرتك تحقرها راهي عاناة بما فيه الكفاية

[إيمان احمد]

اختي صاحبة الموضوع انت ايلا شفتي هد الانسان عندو شخضية قوية اقبلي تسكني مع دارهم و الا شتيه ما عندو شخصية اشرطي الدار وحدك

[الجنة الجنة]

المشاركة الأصلية كتبت بواسطة وليد1990

يا اختي حبيت ننصحك برك


إيـــــــاك ايــــــــاك تتنازلي على شرطك رااااااااااااااااااااه من حقك تسكني وحدك

اما هو كما بعثلك رسالة تهنئة برمضان ابعثيليو انتي ثاني رسالة تهنئة بالعيد يعني اصبري عليه شويا فوتويلو رمضان مزال الحال راه لسع ك تناصف رمضان وخمي بطريقة ذكية باه تعرفيه راه مزال ناويك ولالا
اذا كان شوفتيه راجل صح ويساتهل وصاحب دين وخلق عادي وشفتي روحك تقدري تصبري على السكن في عائلة فساعتها تنازلي لازم الحياة باه نعيشو ها بحلاوة لازم نضحوا منها مكان حتى واحد مسقمتلو الدنيا gاع رانا هاك اذا حاب الواحد فينا حاجة معينة لازم يتخلى عن الحاجة الاخرى وهذه هيا الدنيا سي لافي كيما يقول الشاعر الشاب خالد

اما بالنسبة للرجال للي لامو الاخت على شرطها نقللكم هذي طريقة تفكيرها كل وحدة كيفاه تفكر هر شايفة روحها لازم تسكن وحدها فاحترموا اختياراتها يخي حقها.... أي راجل يروح يتقدم لطفلة اكيد رايحة تشرط فيه شروط معينة اما يقبل واما لا بصح مانجةش حنا ولوموها على شروطها يخي كل واحد وظروفوا وكل كيفاه يفكر مناش ملزوميين باه نفكرو بطريقة واحدة

وزيد الراجل راه يروح يخدم وأغلب وقتو في الشارع راه مايفوقش للمشاكل الي في دارهم بين اهلو وزوجتو يعني بالعربية المراة هي تعاني منهم وحدها وطالمها انو مش حاس بيها مش راح يفهمها

أنا كرجل عن نفسي انا الي نشرط فيها السكن وحد ي مش هيا ]

شكرا لك اخي على مرورك ونصحك
قبل ما نقرا مشاركتك الموالية فهمت بلي كانت عندك تجربة في هذا الميدان
مدابيا اللي كانو يتهجمو عليا يقراو مشاركتك
شكرا على مرورك مرة اخرى

[الجنة الجنة]

المشاركة الأصلية كتبت بواسطة إيمان احمد

اختي صاحبة الموضوع انت ايلا شفتي هد الانسان عندو شخضية قوية اقبلي تسكني مع دارهم و الا شتيه ما عندو شخصية اشرطي الدار وحدك

شكرا اختي على كلامك هذا والله كي قريت مشاركتك حسيت واحدة واقفة معايا

[إيمان احمد]

المشاركة الأصلية كتبت بواسطة الجنة الجنة

شكرا اختي على كلامك هذا والله كي قريت مشاركتك حسيت واحدة واقفة معايا

شوفي اختي تخاافي المشااكل و هو يقعد يتفرج و بعدها بعيد الشر تولي لداركم هو ما يخسر والو مي انت راكي تعرفي نظرة المجتمع للمطلقة


و ايلا كان راجل يحل و يربط في دارهم ما تخافي والو لانو ماراح يظلمك و ماراح يظلم اهلو راح ايكون عادل بيناتكم لان الزواج ماشي ليلة و نهار راه

عمر كامل و ربي يديرلك تاويل الخير

[الجنة الجنة]

اخي الفاضل رجل الخفاء في مشاركة لك قلت كلاما لا يليق بمقامك الكريم ارجو منك حذفه

[الجنة الجنة]

المشاركة الأصلية كتبت بواسطة إيمان احمد

شوفي اختي تخاافي المشااكل و هو يقعد يتفرج و بعدها بعيد الشر تولي لداركم هو ما يخسر والو مي انت راكي تعرفي نظرة المجتمع للمطلقة


و ايلا كان راجل يحل و يربط في دارهم ما تخافي والو لانو ماراح يظلمك و ماراح يظلم اهلو راح ايكون عادل بيناتكم لان الزواج ماشي ليلة و نهار راه

عمر كامل و ربي يديرلك تاويل الخير

امين شكرا لك اخية

[aviare]

ساهلة ماهلة اريحي في دار باباك حتى يجيكاللي يسكنك وحذك.

[وليد1990]

المشاركة الأصلية كتبت بواسطة إيمان احمد

الله اكبر امك سوفرات اخي وليد ربي يجازيها على صبرها و انت بالاك تتزوج و تخلي مرتك تحقرها راهي عاناة بما فيه الكفاية

اكيد طبعا ما نخلي حتى واحد يحقر امي هيا ولا أي واحد هذا وش نسعى في الدنيا

شكرا إيمان :

[sirina_angel]

المشاركة الأصلية كتبت بواسطة فاطمة الزهراء.

ياأختي رانا كامل وليدات لالجيري وفاهمين العقلية
هذي من الاول رفضتهم وطلبت سكن مستقل حتى قبل ماتعرفهم
مافهمتش علاش من البداية تدوا نظرة مش مليحة على اهل الزوج وتتمناو تيفيتوهم !!!!! لاحظت بزاااف العرايس همها الوحيد كيفاش تيفيتي اهل الراجل نحسها داخلة في حرب

سبحان الله دوكا احنا كيفاش رانا عايشين عند اهلنا؟؟ مرة نتزاعفوا ومرة نتراضاو وهاهي ماشية
نفس الشي لاهل الراجل امه هي امها واخته هي اختها
هذي راها أم مش حاجة ساهلة واللي يفرط في أمه على جال مرتو والله مافيه ريحة الرجلة

أختي أنت متزوجة و لا لالا ؟؟؟؟؟
أكيد لالا ...... أختي أنت عندك خاوتك متزوجين و عايشين معاكم و لا لالا ؟؟؟؟

شوفي أختي أنا لا مزوجة و لا مخطوبة

لكن في الأول كنت عادي متقبلة جدا لفكرة السكن مع أهل الزوج و نقول عادي لتعاملو بالخير جامي يقابلك بالشر
لكن يا أختي لما تزوجو خاوتي و عاشو معانا بدلت الفكرة هادي كامل و لي يجي يخطبني نقولو أنا نسكن وحدي
و هذا ماشي كره لأمو و لا خاوتو و لا إنكار لفضلهم على الزوج .....
مي و الله راهو مرض ماش معيشة أنا راني وليت نجي نوفت الفاكونس برك و نروح نكره نكررررره حياتي و نكذب و كتاش نرجع للقراية
كل يوم مشاكل صباح وعشيا يا لطيييييييييييييييييييييف
ماما راهي تحاااااااااااااااول فيهم باه يروحو يخطيوها