اصابع القطايف من مطبخي بالصور روعة

[عازفة الناي]

[IMG][/IMG]

نتمنى تكونو بخير
جبتلكم وصفة سهلة ورائعة جدا هي
اصابع القطايف
[IMG][/IMG]

المقادير :
قطايف
سمن او زبدة مذوبين
الحشو:
2 كيلات لوز و كيلة جوز مرحيين خشين شوي +كيلة سكر عادي + قرفة +ملعقة زبدة + ماء الزهر و نلم الكل كما الباقلاوة
العسل للتسقية .
التحضير:
نحل القطايف حتة نتحصل على اشرطة نحاول نخليهم متباعدين شوي باه ماتتعجنش والباقي نغطيه باه ماينشفش
و ندهن الجزء اللي نستعمله بالزبدة ونحط القليل من الحشو و ندور 2 او 3 دورات مانكثروش والباقي نقصه ندور مليح وبعدها نحطه في السنيوة تاع الفور وهكذا حتى نكملوا كل الكمية تاع الحشو و القطايف ونزيد ندهنها مرة تانية بالزبد المذوبة ندخلها للفرن حتى تتحمر من تحت و من فوق نصب عليها العسل المخفف بشوي زهر .
[COLOR="rgb(139, 0, 0)"]ملاحظة"[/COLOR]
كي تشوفي بعد الطهي ان كمية الزبدة كثيرة صفيها بكل بساطة .
العسل اما الحلوة سخونة وهو بارد والا العكس مالازمش في زوج سخان والا باردين .
الحشو ممكن اي نوع مكسرات عندك .
خلي الحلوة تتشرب مليح العسل و بعدا قدميها ممكن نرشي عليها شوي جوز او فستق
حكيت بزاف ههههههههههههههههههههه نخليكم مع الصور :
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
وهذا من الداخل
[IMG][/IMG]

نعرف تعبتكم من الصور و الكلام ولكن حبيت نبسط الطريقة باه تجربوها وتنجحلكم لاني نموت على هذي الحلوة
[IMG][/IMG]

واي سؤال راني تحت امركم حبيباتي