عجينة بيتزا هايلة و خفيفة

[ام ورود]

هده وصفة لعجينة البيتزا هايلة جربوها و ردوا علي بنتيجة
3كيلات فرينة انا استعمل فرينة لابل اي حوالى غ600
ربع كيلة زيت
ملح
ملعقة كبيرة خميرة الخبز
ملعقة صغيرة خميرة الحلويات
ملعقة ونصف كبيرة سكر
1 علبة ياوورت طبيعي انا استعمل صومام(ممكن انك تبدلي الياوورث بزوج ملاععق كبار حليب غبرة معمرين مليح)
الطريقة
نخلط المكونات الجافة مع بعض(الفرينة وخميرة الخبز خميرة الحلويات والسكر)ثم نبسس الخليط بالزيت وبعدها نضيف الياوورت بعد تدفئته فوق النار وفي الاخير نلم بالماء الدافئ(العجينة تكون تلصق في اليد) ونتركها تخمرثم ننزع منها الغازات و ناتى بصينية مدهونة بالزيت ونصبطها عليها ونتركهاترتاح ثم نطيبها على نار عالية .
ملاحظة
هده الوصفة ممكن نعمل منها خبيزات
كما يمكن تحضير ها صباحا ووضعها في الصينية تم تطيبها مساءا لما ترجع من العمل
بالنسبة لطياب انا نديرها التحت ونشعل النار قاوية،متديش وقت في الطياب وتجي هايلة،ملاحظة انا دايرة صينيت التحت في الفرن ديالي باش ميحرقليش،وكل أخت والفرن ديالها

اما الحشو فلكم الاختيار
وللاخوات ليحبو البيتزا تكون مقرمشة يحلو البيتزا بالسميد....ثم رشي الصينية بالسميد ايضا وحطي العجينة هكدا متلصقش وتجيك مقرمشة و خفيفة في نفس الوقت....جربوها ومتندموش