ماهي تجربتكم في الخدمة الوطنية ؟

[محمد صديق علي]

يا جماعة أنا راني مجرب وكي راني نجاوب نجاوبكم عن تجربة في بلعباس مدرسة الصحة مكاش الخرجة بأي طريقة والو حتى ول و متزوج و كبير قي السن كاين حتى أطباء متخصصون ورتهم يفوتوا معانا أكثر من 35 سنة وعادي و نفس الحياة العسكرية اليومية و كاين عباد معاقين و ملفاتهم طبية 10/10 وما خرجوش وراهم يفوتوا معنا

أما الأمور الداخلية أنت وإنضباطك وإحترامك ما توصلش روحك ما يوصلك حتى واحد عندك واجبات و حقوق أما من ناحية الذل و القدر إحكم روحك ما يدنالك حتى واحد وكل واحد كيفاش يخير هو

المهم تضياع الوقت برك مكان حاجة صعيبة تكمل خدمتك تروح ترقد و كي تبان لهم مرات يوقفوك حتى تكره

[سعيداني]

المشاركة الأصلية كتبت بواسطة محمد صديق علي

يا جماعة أنا راني مجرب وكي راني نجاوب نجاوبكم عن تجربة في بلعباس مدرسة الصحة مكاش الخرجة بأي طريقة والو حتى ول و متزوج و كبير قي السن كاين حتى أطباء متخصصون ورتهم يفوتوا معانا أكثر من 35 سنة وعادي و نفس الحياة العسكرية اليومية و كاين عباد معاقين و ملفاتهم طبية 10/10 وما خرجوش وراهم يفوتوا معنا

أما الأمور الداخلية أنت وإنضباطك وإحترامك ما توصلش روحك ما يوصلك حتى واحد عندك واجبات و حقوق أما من ناحية الذل و القدر إحكم روحك ما يدنالك حتى واحد وكل واحد كيفاش يخير هو

المهم تضياع الوقت برك مكان حاجة صعيبة تكمل خدمتك تروح ترقد و كي تبان لهم مرات يوقفوك حتى تكره

السلام عليكم
بارك الله فيك أخي محمد على هذه الشهادة
خطاك كاين وحد السيد هنا قالي راك تغلط في السيد او ما نعرف واش وانا جني او جن واحد إغالب

[algeriano2009]

المشاركة الأصلية كتبت بواسطة سعيداني

السلام عليكم
بارك الله فيك أخي محمد على هذه الشهادة
خطاك كاين وحد السيد هنا قالي راك تغلط في السيد او ما نعرف واش وانا جني او جن واحد إغالب

" لا أقــصد الطعن في مصداقية كلامك. لكن خشيت أن يعمم كلامك فيما يخص الملف الطبي على بقية المدارس فقط لا غيــر. "

أظن أن الجــمــلة مكتوبـــة بالعربية و ليست مكتوبـــة بالهيــروغــليفيــة يا الأخ ! سبـــحــان الله !

[nabil_lms]

قرات كل التعليقات هناك من يحفز لآدائها وهناك من ينفر منها المهم اني لا ازال ادرس ولم يبقى لي سوى عام واحد حتى انهي الدراسة واذهب لادائها مهما كانت الظروف

[forexdz]

المشاركة الأصلية كتبت بواسطة nabil_lms

قرات كل التعليقات هناك من يحفز لآدائها وهناك من ينفر منها المهم اني لا ازال ادرس ولم يبقى لي سوى عام واحد حتى انهي الدراسة واذهب لادائها مهما كانت الظروف

أنا 3 سنين وانا نكوفر في مركز الخدمة باش ندير سورسي ، عليها كرهت وراني رايح نجوزها دورك

[forexdz]

باش نظمن بلي يدفعولي الاستدعاء تاع سبتمبر 2014 ، نطلع عندهم ولا نسنا أوت ؟

[سعيداني]

السلام عليكم
الاخ الاستدعاء يلحقك من 20 اوت و اهبط ، اذا دخل عليك 5 سبتمبر او ماكان والوا ،روح مقر الدرك الوطني التابع لبلديتك و ابحث عن الاستدعاء هناك ، و ان لم تجده فقد اجلت للدفعة اللاحقة ، اذن يجب عليك التاكد من انك مسجل ضمن دفعة سبتمبر في مركز الخدمة الوطنية ،

[no name rix]

مشكورين راني قرأت كل الردود
ان شاء الله تخرج على خير

[eamon1050]

انا راني في المدرسة التطبيقية للنقل والمرور تلمسان 04 اشهر و 09 باه دينا permission

[forexdz]

اجتياز الخدمة الوطنية و رجوع والحمد اللهه لكن ششششششششششششششششوووماج

[miga]

موضوع مفيد يارك الله في من طرحه وفي الاخوة المشاركين بتجاربهم نتمنى قراءة تجارب اكثر للاحاطة اكثر بجو الخدمة بقالنا غير شهر ونهزو الكابة وبالتوفيق لي راهم رايحين

[ابن الاسلام 88]

والله يا إخواني عدات منام أنا جوزتها ملازم إحتياطي وكنت أعمل أكثر من الضباط لكن فاتت وبقات ذكرى، تعرفت على رجال ولحد الآن نتصل ببعضنا
أقول لك إخي ماكاين والو راك راجل واحد ما يخلعك، صح راح يتبدل عليك الجو شويا بصح توالف، وإن شاء الله قريبا نحكيلكم تجربتي بالتفصيل، تصبحون على خير

[fanan pc]

السلام عليكم اورحمة الله

أنا انتهيت من 45 يوم الاولى من الخدمة العسكرية وراني في لاكي الاولى

يا جماعة راه العسكر مهوش كيما بكري راه ما كاين والو شوي سبور زيادة برك

العسكر تعلمك التنظيم وتحرشك وتخرج تشوف ناس وأماكن

كيما قالو مكانش واحد مات من التعب

راه تعقب غير ظحك وتمسخير مع الجماعة أنا من رأعي وبعد ماشفت الــ45 يوم الأولى

من الأفضل أنك تعقبها منها تتريقل وتتعلم الجانب العسكري نتاع بلادنا ومنها تجيب الكارت وتكون رافع راسك

وبالتوفيق للأجيال للي جاية راه العسكر مكاين والوا متخلعوش منوا يكذب عليك اللي يقلك العسكر صعيب

[ابراهيم العادي]

احكولنا على التدريب كيفاه يكون هذا مكان

[impala887]

انا فوتتها في المدرسة التطبيقية للقوات الخاصة هي صح المرة الاولى ماتفهم والو هههههه و من بعد توالف هي في الستاج صح صعيبة شوية خصوصا مع الرياضة و التعب و البرد و ماتنساش النهوض باكرا على الساعة 04:00 صباحا الايام الاولى تكره حياتك مدة التربص كانت 04 اشهر تتعلم الصبر و تحمل المشاق و الصعاب و تتعرف بناس ملاح و ناس قباح بصح كي تكمل تتهنى