الجزء 74 من واش طيبتي اليوم ؟ ديرو الصف وادخلو مرحبا بيكم - الصفحة 4

lyzzabel · 2014-05-12, 15:22

ام ميتا ماشاء الله كلشي رووووووووعة الله يعطيك الصحة
سمووووحة كي راكي ça va؟؟ عاش من شاف مشاركتك هههه ،، الله يباااارك لي تاغت و الصابلي و التيراميسو راهم

الأمنيات · 2014-05-12, 15:24

اهلا ليزابيل واش راكي مع ضيافك شفتي طيابي

lyzzabel · 2014-05-12, 15:25

اقتباس:

المشاركة الأصلية كتبت بواسطة lilouchaf

والله امنيني يا مريومة بسكوت +فرماج قريار

الكولون داير فيا حالة

ليلوشتي بصحتك السندويتش ،، مازال ما ريحتش مالكولون ؟؟؟؟

lyzzabel · 2014-05-12, 15:29

اقتباس:

المشاركة الأصلية كتبت بواسطة الأمنيات

اهلا ليزابيل واش راكي مع ضيافك شفتي طيابي

مساء النور حبيبتي هذا وين كنت نشوف فيه حتى شفت ردك قلت وينتا حطاته هههههه حتى وليت الرول لقيته ،،، ممممم كلشي يشهي كالعادة امنياتي الله يعطيك الف صحة و عافية

قوليلي المقروظ جاك يابس ولا طري :d:d

أم ياسين الزهراء · 2014-05-12, 15:30

مبروووووووووووووووووووووووك الكوزينا جيت بلا باروك المنتدى ماعرفتش واش بيه من الصباح وهما في الميناج وماكملوش كيتعدل نجيبلك حاجة

غدايا كان عدس ودرت كسرة تاع القمح سخفت وعاندت ام ماجد وزوجي ع جابلي جاج مروطي ماناكلش العدس وادا بيها انا كليت العدس والاكراد كالو الجاج شفتو العجب هههههههههههههههههه

الامنيات حاولت ندير وصفة بروقة ماعرفتش واش من فرماج دارت ويصلح واخبز عيت نلقاه منين شريتيه هههههههههههههههههههههههههه

الأمنيات · 2014-05-12, 15:32

ليزابيل يجي طري وبنته روعه خاصة ادا درتي جلجلان والكوكاو انا درت غير الكوكاو
ام ياسين شفتي شعال صعيبة الوصفه بصح نتي درك تلقي لها دبارة موالفه تنقصي ههههههههه

بريق الامل& · 2014-05-12, 15:36

الف الف مبروك الافتتاح و شكرا لانك دخلتينا لدارك بسم الله ماشاء الله
ان شاء الله دخلناها بالربح وتتعمر ذرية صالحة في اقرب وقت

lyzzabel · 2014-05-12, 15:36

ههههه ام يس بصحتك العدس و بصحتهم الأكراد الجاج ههههه
امنياتي راني موالفة نديره و ندير الجلجلان و الكوكاو و اللوز خطرة بخطرة على حساب مين يكونو عندي بصح الجلجلان لاااازم هههه أعطيني الوصفة تاعك نشوف لا كيما تاعي ولا لا
و الوصفة تاع بروقة خفت نجربها و ما تنجحليييييش هههههههه

الأمنيات · 2014-05-12, 15:38

تفضلي ليزابيل

https://www.djelfa.info/vb/showthread.php?t=1478939

lyzzabel · 2014-05-12, 15:44

شكرا امنياتي انا ندير غير الزيت و الباقي كيف كيف ممممم مين نستقل نديره انشالله بطريقتك ،، حقا راني خليتلك رد فالموضوع تستاهلي احلى شكر
بروقة مممممم على الحلويات هذاك ما نبغي لي قاتو ساك و لي بتي فوغ يعطيك الصحة

سميحة 01 · 2014-05-12, 15:45

lyzzabel و الله غير راني لباس الحمد لله حبيبتي

ليلو الله يبارك فيك حبيبتي

و الله توحشتكم كااااااااااااااااااااااامل و الله غير نحب ندخل و نشارك بصح اجيني ثقيلة ما علبليش علاش

أم ياسين الزهراء · 2014-05-12, 15:46

ههههههههههههههههههه الامنيات غلبتيني ههههههههههههههههههه انا هدي مانحرفش فيها نخاف تفسدلي هههههههههههههههه

ليزابيل ربي يعيشك واش قالت العودة ملي زادو ولادي لاشربت مايا ولا كليت علفي ههههههههههههههههه بصحتهم

الهام كنت نراجع واووووووووووووووووو الله يبارك وشكرا على التطبيق بصحتكم وراني معاك في حملة التكشريد اللي درتيه حطيه نجربو ماخسرت والو ههههههههههههه

قتلتيني بالفراز امممممممممممممممممممم وزيد من بلاد البحر يجي خير احنا خضرتنا اهنا تاع الصحراء ناقصة شوي والفت بخضرت المتيجة تهبل

lyzzabel · 2014-05-12, 15:57

ام يس فكرتيني بلهومة الله يفكرك بالشهادة ،، حقا حنايا نقولو انها تقول ما ناكل علفي وافي ما نشرب مايا صافي
الهاااام لاكان دخلتي نقولك الله يباااارك اطباقك كلها تحفة مهما كانت بسيطة الله يعطيك الف صحة و عافية و راني نستنى بفاااارغ الصبر موضوع العناية بالشعر ،، و تبغي تديريه موضوع واحد ولا عدة مواضيع انا نضمنلك بلي راح يلقى متابعة كبيييييرة راكي عارفة حنايا النسا يسمونا ما نراطوووووش ههههه

awladi · 2014-05-12, 16:09

مساء الخير عليكم كوزينة مربوحة على الجميع راني توحشتكم يعطيكم الصحة كامل واش حطيتو
هذو بعض طيبات الايام الي فاتو و الباروك

ام ياسو بصحتهم الاكراد هاكي حوتة كامل لك خرمن الدجاج عربون المحبة

بغرير ادرارية ربي يحفظها و يسترها دنيا واخرة يعطيها الصحة

sahima · 2014-05-12, 16:10

لبنات من فضلكم رابط وصفة بطاطا جريوات
وبالنسبة لصابلي الاخت فايزة قداش ممكن نحتفظ بيه
واللي هندخا وصفة شربك
وبارك الله فيكم