كم مهرك

[thawizat]

المشاركة الأصلية كتبت بواسطة jill

..سلام
سبعةملاين والعشا والكبش موجودة في كامل التراب الوطني. والهنا كل يشرطوه ..هههه صحبتي قبايلية من بجاية شرطت لهنا و 20 مليون !!! نظن قضية عائلات برك
حنا عدنا تقليد عائلي المهر 100000 و الكبش كيما قلتي فقططططط
وتجهزي بواش تقدري.

سلام أختي جيل هذا هو الغالب على العائلات القبايلية وغيره حالات خاصة
والشاذ يحفض و لا يقاس عليه
أنا أيضا أعرف البعض شرطوا لكن كما قلت لك الغالب هو ما قلت لا يشرطون ولا شيء ، إلا المصاريف الضرورية في كل الأعراس
وأنا لما قلت 5 _7 ملاين في حدود المعقول لكن الأصح تقريبا كل من اعرفهن اداو أقل من هذا و رغبة منهن وتيسيرا
بارك الله في العايلة نتاعك و إن شاء الله كل ميسر للمهر ربي يفتح عليه وينزل عليه البركات

[لحن الحياة.]

المشاركة الأصلية كتبت بواسطة thawizat

سلام أختي جيل هذا هو الغالب على العائلات القبايلية وغيره حالات خاصة
والشاذ يحفض و لا يقاس عليه
أنا أيضا أعرف البعض شرطوا لكن كما قلت لك الغالب هو ما قلت لا يشرطون ولا شيء ، إلا المصاريف الضرورية في كل الأعراس
وأنا لما قلت 5 _7 ملاين في حدود المعقول لكن الأصح تقريبا كل من اعرفهن اداو أقل من هذا و رغبة منهن وتيسيرا
بارك الله في العايلة نتاعك و إن شاء الله كل ميسر للمهر ربي يفتح عليه وينزل عليه البركات

شكرا الله يحفظك على التوضيح
والله اعلم
شكككككككككككككككرا

[لحن الحياة.]

هههه الفاليزة وحدها
بالتقشف و تاع واحد قليل تستقام 5 ملاين فيها عطر و حجاب واحد و زوج بيجامات و زوج روبات دار و صباط و بلغة و مشطة و زوج بوديات و جيبات ...كلها ضرورية
واكيييد الجزايريين يحشمو مستحيييييييييييييييل واحد يتقدم بيديه فارغين. ويقول المهم لهنا نتحداااااك وخاصة مع عرائس هاذ اليامات
هاذي متفق عليه مافيها لاعربي لا قبايلي

[لحن الحياة.]

العاااااملات اقل مهرا خطر يتهناو من الذهب يشروه من شهريتهم
و يجهزوا منها و يعرسو معناها لي يجيبلهم 2 ملاين تكفيهم دلال .... والله
وحدة معلمة ...... مدتلو 5 ملاين وقاتلو جيبهم لدارنا وقولهم المهر
وعرست من الرابال لي جاها ياك المتربصين يخلصو رابال
لانو زوالي ماعندوش....

[الواثق]

المشاركة الأصلية كتبت بواسطة jill

العاااااملات اقل مهرا خطر يتهناو من الذهب يشروه من شهريتهم
و يجهزوا منها و يعرسو معناها لي يجيبلهم 2 ملاين تكفيهم دلال .... والله
وحدة معلمة ...... مدتلو 5 ملاين وقاتلو جيبهم لدارنا وقولهم المهر
وعرست من الرابال لي جاها ياك المتربصين يخلصو رابال
لانو زوالي ماعندوش....

ايه صح واحنا ماناش بعاد عليكم وحدة استاذة خطبها سوري مانعرف منين جا وساعداتو المخلوق وهي اللي دفعت ماشي هو .........ووحدة اخرى جابت هندي ماشاء الله وراهو سكن عندنا ..........ووحدة اخرى ادها سوداني ماشاء الله عليه كي عرف بلي العاملات في الجزائر يساعدو بيهم البراني .................ايا ادي يالزوالي خير واختار واهلا بالبراني كمان راهم قابلين بكلش...............والله المستعان منكن

[LILA LAMIS]

المشاركة الأصلية كتبت بواسطة الواثق

ايه صح واحنا ماناش بعاد عليكم وحدة استاذة خطبها سوري مانعرف منين جا وساعداتو المخلوق وهي اللي دفعت ماشي هو .........ووحدة اخرى جابت هندي ماشاء الله وراهو سكن عندنا ..........ووحدة اخرى ادها سوداني ماشاء الله عليه كي عرف بلي العاملات في الجزائر يساعدو بيهم البراني .................ايا ادي يالزوالي خير واختار واهلا بالبراني كمان راهم قابلين بكلش...............والله المستعان منكن

السلام عليكم
على حد علمي اخي الكريم الاستاذات بشر و ليست شيء و يحق لها اكمال نصف دينها مع من تراه هي و عائلتها مناسبا لها....جزائري اجنبي مسلم هذا شانها و في كل تدخلاتك يغلب عليها الطابع الساخر من المراة العاملة التي تقبل بكل شيء ....على حد تعبيرك اقول لك لا و الف لا فعندنا الاستاذات في منطقتي تفضل الموت على ان تتزوج بمن هب و دب ... و اني اسمع كثيرا عن هذه القصص التي تحدث في المناطق الجزائرية الجنوبية كالاغواط وتمنراست وووو حيث لا ادري لماذا النساء عندكم يفضلن الزواج بمن هب و دب على الارض و راهم قابلين بكلش’’’’’’’’؟؟؟؟؟؟؟ كما قلت فقد صدقت و لكن لماذا؟؟؟

[أم عبد الحكيم]

مهري مصحف
والحمدلله ديت وش قدرت والحق ربي رزقني خير من لي مدولهم عشرات الملايين
وانا لي طلبت اليسر في المهر لاكون مباركة عند زوجي ورزق الله خير وابقى
كما قلتم المراة لاتقدر بثمن ولم اجد اغلى من كتاب الله

[الواثق]

المشاركة الأصلية كتبت بواسطة lila lamis

السلام عليكم
على حد علمي اخي الكريم الاستاذات بشر و ليست شيء و يحق لها اكمال نصف دينها مع من تراه هي و عائلتها مناسبا لها....جزائري اجنبي مسلم هذا شانها و في كل تدخلاتك يغلب عليها الطابع الساخر من المراة العاملة التي تقبل بكل شيء ....على حد تعبيرك اقول لك لا و الف لا فعندنا الاستاذات في منطقتي تفضل الموت على ان تتزوج بمن هب و دب ... و اني اسمع كثيرا عن هذه القصص التي تحدث في المناطق الجزائرية الجنوبية كالاغواط وتمنراست وووو حيث لا ادري لماذا النساء عندكم يفضلن الزواج بمن هب و دب على الارض و راهم قابلين بكلش’’’’’’’’؟؟؟؟؟؟؟ كما قلت فقد صدقت و لكن لماذا؟؟؟

قضية من تراه هي وعائلتها قلبت كل شيء فالكثير من الاراء اخذناها من عقولنا وخالفنا فيها شريعتنا لدرجة اننا اقنعنا انفسنا بها وهذا من الجهل المركب ................فاصبح زواج الكاميكاز كما اسميه الغير محسوب هو ديدن الكثيرات والزواج المعروف وبالطرق الشرعية وحتى العرفية منبوذا بدعوى امور تعلمناها من الغرب وحتى هم ينبذونها ..................كما ان المادة طغت على العقول فالمال اصبح هو الدين والاخلاق ووووكل شيء .....................ومن الجانبين سواء كانت المرأة ذات مال او الرجل ...................والرجل الغير مبالي والذي نزع مبادئه وغيرته اصبح متفتحا والكثيرات تردن هذا الصنف لغاية معروفة المهم انه لايتدخل في امور اخرى فلهذا نجد اصحاب الاستقامة والخلق والمبادئ منبوذين من الكثيرات لا لشيء بل من اجل خوفهن على مادة قد يمنعهم منها والله المستعان.............

لست احتقر بقدر ما اشفق على هؤلاء فهم بناتنا وامهاتنا واخواتنا وووو...................وحتى التي تقول انا نعرف خلقي وديني وقائمة على بيتي وزجوي كذا وكذا اجد انها تقوله كاسطوانة تباع ويشغلنها كل العاملات .........ولكن لو رأينا الى المجتمع لم نجد شيئا الا القليل وكاننا في حلم ......................حتى من جانب الرجال الكثير منهم تعلو صيحاته هنا وهناك لكن واقعهم عكس ذلك والله المستعان

كما اني لست عدوا لهذه او تلك ولا اريد شيئا منهم فلو اردت مالا لتزوجت عاملة ولتفننت في اخذ الافضل .......ولو اردت مباهات لتزوجت ذات الرتب العالية وما اكثرهن ...............ولست سجانا او مالك عبيد حتى ابحث عن من استعبده او اجعله خادما .........نحن اردنا ان الحياة التي ارادها الله لنا واختبرنا فيها انذهب اليها ام نغير مسارنا ................

لست مقتنع بكل الحجج التي تذكرها العاملات فوالله لو وجدت قناعة لارحت نفسي من هذا النقد ...................والقليل القليل من وجدت ان حججهن مقنعة كما ان لهم انكارا لحالهن ومتى وجدن الفرصة غيرو حالهن ..................والله المستعان

عندي وقت ماكتبتش رد طويل ههه......لربما هو ختام لكثير من الردود التي سأحذفها في المستقبل

[لحن الحياة.]

?????????!!!!!!!!!!!!!!!!!!!!!!!!!!!????????

[شيخة هيام]

المهر 70 مليون نحن حسب عمل الرجل

[بوسعادية2012]

احببت المشاركة واعطاء رايي المتواضع

والله لاحظت ان المهر كلما قل كان الزواج فيه سعادة وراحة وفرحة

وكلما زاد المال زاد معاه الهم والغم والعيشة مرة
وهاد مالاحظته بعينى
تحيتى للجميع

[أميرة المحبة]

أنا مهري 8ملاين والحمد لله مش الفايدة تغلية المهور بل في أخلاق الرجل

[اسرار43]

والله حنا عندنا المهر تاع المراة من 10 الى 15 مليون مع خاتم الخطبة وكل واحد ومقدورو لي يحب يزيد يزيد.

[النجمة القطبية]

شخصيا لا انصح بالسؤال عن قيمة المهر لان لا فائدة من الموضوع ومستحيل ان يعطيك فكرة عن المستقبل لان مستقبل كل واحد منا في علم الغيب فلا مهر فلانة البسيط راح يريحك ولا مهر فلانة الكبير راح يخيب املك وكل واحد ومكتوبو
لانو ببساطة كاين اللى متشرطش ولا شئ ولا تهتم بالامر اصلا وزوجها يكرمها ولا علاقة للثراء هنا
وكاين سبحان الله من تقول نشرط كذا وكذا وتبقى تطلب وتزيد ولما يحين الوقت ويكتب ربي يكون مهرها ايسر ما يكون وتقبل وعادى جداا
وكاين اللى يقعد يفكر في المهر منين يجيبو حتى ربي يرزقو بزوجة صالحة يخطبها من ويفتحلو ربي ابواب الرزق من عند المولى ويلقا روحو قام بالواجب واكثر من حيث لا يحتسب
وكاين اللى يقول انا نجيب اجمل بنت لانى عندى وعندى وسبحان الله مكانش البركة ميكتبلوش ربي
لذلك انا نشوف لا داعى للحسابات ولا للمقارنات ولا فائدة من السؤال كم يملك فلان وكم دفع فلان
لانو كاين اللى فتح عليها ربي وتجي تهدر تهبط المورال للباقي من حيث لا تدري
وانا نقول فقط انو ربي رزاق وكريم والحمد لله يعنى الواحد يشغل نفسو بالبحث عن الزوجة الصالحة والنفس الطيبة اللى يرتاحلها هذاك هو الاهم
وبالنسبة للبنات لما تلقى نفس مؤمنة الباقى كامل يتسهل من عند ربي
ولذلك الاعتماد على الله هو الحل الوحيد فلا جهاز البنت ساهل ولا تكاليف الزواج بسيطة ولا المهر ولكن بفضل الله كلش يتيسر
في دقيقة وربي يبارك للانسان وعلى قدر نياتكم ترزقون
وللمعلومة انا سبق وطرحت نفس فكرة الموضوع قبل فترة في قسم البنات وشاركت بنت وردت علي نفس ردي هذا انو الموضوع لا فائدة منه وانو يتسبب بفتنة خاصة انو البنات يقارنو بزاف فممكن واحدة تروح مثلا تقول لزوجها الناس راهي تدفع كذا كذا لانها شافت في منتدى او سمعت من هنا وهناك وهذا وارد
او حتى شاب مقبل على الزواج يكون ناوى يقدم على الزواج يوسوسوه هنا يتراجع بسبب قول فلانة او علانة
انا نقول الواحد يتكل على ربي وميسمع لحتى واحد وكل واحد ونصيبو وكل واحدة ومكتوبها
وشكرا

[mokhtaria1988]

10 ملايين + البرير+وكذلك يبعث الخروف والمأكل لبيت الزوجة يوم العرس،