*واش طيبتي اليوم الجزء*44* تفضلن * - الصفحة 4

عهد الله · 2013-12-08, 16:13

[QUOTE=بريق الامل&;1055113930][COLOR=Green]

[/COLOR]

باقة ورد

إلى الدافئة قلوبهم...
الصادقة مشاعرهم...
الراقية أخلاقهم...
العذبة كلماتهم...
الرائعة ابتساماتهم...
الزاهدة نفوسهم...
الشهية مأكولاتهم
أقول لكم :
أسعد الله قلوبكم و اراحها من كل غم وهم
مشكووورات على كل شيء
ربي يخليكم ويخليلكم كل عزيز وغالي إن شاء الله
و يحقق لكل وحدة فيكم واش في بالها
يومك مباآرك يجعله يوم خير و فرح وسعادة يا رب
حايرات ديما واش نطيب في لغدا وواش نطيب في لعشا
هذ الموضوع سهلنا بزاف نمدو افكار لبعضانا
نفتتح جزء جديد من واش طيبتي اليوم؟؟؟
كوزينتي الصغيرونة تفضلو

وشعارنا دوما نفيد ونستفيد واهم شيء أصبحنا عائلة واحدة يسودنا الحب والإخاء والمودة

[SIZE=4][COLOR=Green]الي تدخل تبارك افتتاح هذ الجزء ما تجيش يديها فارغين بلا ما نوصي على بالي بنات الكرم والجود هههههههه

وانا نحضرلكم تارت هذي بلاصتها غير نوجدها نحطها هنا ههههههه
مبرووووووك الكوزينة 44 وربي يعمرها صبيان وبنات يا رب

أم ياسين الزهراء · 2013-12-08, 16:18

مبروك الكوزينا الجديدة وربي يجعلها عامرة بالخيرات وان شاء الله يابروقتي يجيبلك ربي طفلة تشيبك وتنحيلك هدوك الفرشات راني مت عليهم قولو امين

هدي تارت البتقال والبراج تفضلو دخلت بالحلو وربي يحلي ايامنا

oum ibrahim · 2013-12-08, 16:20

مساء الخيرات حبيباتي
شكرا ام محمد و ام ماجد الطيوبات على التفقد الحمد لله راني لاباس
الف مبروك بروقة الكوزينة رائعة مثل صاحبتها ماعليش دخلت بيديا فارغين من بعد نجيب طياباتي

أم ياسين الزهراء · 2013-12-08, 16:20

ام ماجد بصحتكم وربي يعيشلك والدك وولادينا الكل رفيس يماك يسخف اسرقيلي شوي من عند ماجد وابعثيلي

العشاء بقاتلي البربوشة ونزيد الفريت والرخساس بنتي الصغيرة خرجتلي خرجة تشيب تنوض على 3 تاع الصباح تبكي وتقلب البلوك ونقلها واش بيك تقلي اعطيلي كسرة امالا ندير احتياطي ومسكينة ماتاكلها ماوالو تحكمها وترقد انا ضنيت تعدات من واش طيبتي وقيلة تبع فينا بتخبية ههههههههههههههههه

أم ياسين الزهراء · 2013-12-08, 16:21

اهلا حبوبة ام ابراهيم واش راكي

almazalina22 · 2013-12-08, 16:22

شكرا مونية الحبوبة يجعلو دائما عامر يارب
بروووووووقة لاتارت ولا الموسكوتشو ولا ما علاباليش المهم نشرب القهوة مور العصر خفي روحك ولا السنيوة ثقيلة ولا يهمك راني هنا خخخخخخخ

almazalina22 · 2013-12-08, 16:25

ام ياسو وصفة تارت البرتقال بليييييز
شكون جربت كيكة هشة وسهلة نتاع الامنيات درتها هبطت في النصف علاه واااااع

nihale89 · 2013-12-08, 16:33

اقتباس:

المشاركة الأصلية كتبت بواسطة almazalina22

ام ياسو وصفة تارت البرتقال بليييييز
شكون جربت كيكة هشة وسهلة نتاع الامنيات درتها هبطت في النصف علاه واااااع

المازة حنونة تعيشي هذاوين شفتو ربي يحفظك
والكيكة انتاع الامنيات جرتها جاتني روعة

أم ياسين الزهراء · 2013-12-08, 16:25

اهلا حبوبة ام ابراهيم واش راكي

أم ياسين الزهراء · 2013-12-08, 16:27

المازا تفضلي

3 بيض + 100 غ سكر ضربيهم مليح مليح + نص كاس زيت مع نص كاس حليب دافئ وضربي + زاست تاع البرتقال + 250 فرينة مع 1 خميرة وشوي ملح وخلطي الكل

والمول ديريلو الكراميل وتستفي البرتقال بعد ماتقطعيه دوائر ويفضل تنحي القشرة خير باش مايجيش مر وتلوحيهم في الشاربات شوي وتستفيهم في المول وتلوحي العجينة والى الفرن

بعد ماطيب تنحيها من المول وتشربيها الشربات طبعا تكون باردة وبالصحة

nihale89 · 2013-12-08, 16:29

بروقة الف مبروك الكوزينة الجديدة
ربي يجعلها فال مليح عليك ويرزقك بالذرية الصالحة
ماجبت والو معايا خاطر الكابل فسد كي ندبر واحد نحط

om mita · 2013-12-08, 16:32

بروقة حبيبتي ملقري معنديش بزاف ملي شاركت في المنتدى لكن اكثر وحدة حبيتها هي انت اقسم بالله دخلتي لقلبي
متغيروش؟؟؟؟؟؟؟؟؟؟؟
معندي حتا حاجة حلوة انا غير هدا وين بدات توجد كوزيني عندي عامين زواج وشهرين في كوزيني
درت حرب باه تحصلت على الاستقلال ههههههههههه كيما قاع الجزايريين
كي نكملها -راهي تتعمر غير بشوية -
راني نحطهالكم تشوفوها
لكن عندي كلمة حلوة نقولهالك ربي يرزقك الي فبالك انشاء الله
والله غير ديما ندعيلك بظهر الغيب
بيييييييييييزو

nihale89 · 2013-12-08, 16:36

سوسم حنونة شكرا على الاجابة

oum ibrahim · 2013-12-08, 16:39

اهلين يالغالية ام ياسين تارت البرتقال ماظهرتش لكن البراج شفتهم امممممم سخفتيني يعطيك الصحة و راني سرقت وصفة التارت كاش نهار نديرها و نجيبلك تشوفيها

ريتان · 2013-12-08, 16:57

مبروك لكوزينة لجديدة