صور بعض حلوياتي - الصفحة 4

ام الاء وسدن · 2013-11-30, 10:43

اقتباس:

المشاركة الأصلية كتبت بواسطة ايمان ايمانو

يعطيك الصحة على الحلويات ممكن وصفة petit pain ,

يسلمك اختي راني حطيتها في الصفحة 2

djaouida dd · 2013-11-30, 15:36

الف شكر اختي ربي يجازيك خير انشاالله نجربها

ام الاء وسدن · 2013-11-30, 16:05

اقتباس:

المشاركة الأصلية كتبت بواسطة djaouida dd

الف شكر اختي ربي يجازيك خير انشاالله نجربها

يسلمك اختي وهي وصفة ناجحة ادا درتيها بنفس الطريقة
وماتنسايش رديلي الخبر

ام محمد 05 · 2013-11-30, 17:17

ممكم وصفة الصورة 5 لوسمحتي

ام الاء وسدن · 2013-11-30, 18:25

اقتباس:

المشاركة الأصلية كتبت بواسطة اامال

ممكم وصفة الصورة 5 لوسمحتي

ماكاش مشكل تفضلي

الكيك التجاري يعني اللي ينباع في المحلات
4عضمات كبار
قرصة ملح
1كاس ونصف سكر كريستاليزي
نصف كاس زيت يضاف بالتدريج مع الخلط المستمر بالباتور
نصف كاس حليب ونواصل الخلط حتى يصبح الخليط 4اضعاف الحجم الاول
نضيف 3كيسان فرينة معمرين مع 2 اكياس خمارة نوارة تخلط بلعقل برك
يوضع في فرن مسخن مسبقا لمدة ساعة على 180درجة
السر فيه هو في كيفية خلط المقادير باش ما يجيش يشبه الموسكوتشو
وبالتوفيق في التطبيق

didou89 · 2013-11-30, 18:26

ممطن وصفة الحلوة رقم2اذا ممكن.

ام الاء وسدن · 2013-11-30, 18:42

اقتباس:

المشاركة الأصلية كتبت بواسطة didou89

ممطن وصفة الحلوة رقم2اذا ممكن.

طبعا هاكي
تارتة اليمون
الجينواز
4عضمات كبار
150غ سكر كريستاليزي
150غ فرينة
باكي خمارة قرصة ملح
مغرف فاني

كريمة الليمون
عصير ومبشور 2 ليمونات
100غ سكر كريستاليزي
50غ زبدة 2بيضات كاملة
توضع المقادير في حمام مائي وتخلط حتى تثقل
تنزع لتصفى في صفاية وتترك لتبرد

كريمة الزبدة
بيضة تخلط جيدا
نضع 150غ سكر مع نصف كاس ماء فوق النار حتي يثقل تماما ثم يضاف للبيضة بالتدريج مع الخلط المستمر بالباتور
ثم بعد ما يبرد تضاف 250غ زبدة طرية بالتدريج حتى تصبح كريمة ونضيف لها معطر الليمون لزيادة النكهة

نقسم الجينواز في الوسط تشرب بسيرو خفيف وتوضع كمية من كريمة الزبدة وفوقها كمية قليلة من كريمة الليمون
يوضع القسم 2من الجينواز يشرب ثم تغطى كل التارتة بكريمة الزبدةوتوضع كريمة الليمون في الوسط
نتمنى نكون فهمتك مليح
وانتظر التطبيق