موضوع مميز الجزء الـــ14 من واش طيبتي اليوم؟؟ - الصفحة 4

إلهام07 · 2013-07-01, 11:51

كي العادة تغديت في المطعم نتاع الخدمة :
شكشوكة + بيضة مقلية+بيضة مشرشمة+سلطة خضراء+سلطة ماسيدوان+اسكالوب مقلي+قازوز
وجبت معايا من الدار شوية عين بقرة

لمسة حنية · 2013-07-01, 12:03

اقتباس:

المشاركة الأصلية كتبت بواسطة إلهام07

سامحوني الماعن راهم كامل مفردين وماشي ملاح لاخاطر جاوسلفو علينا الماعن للعرضة داو كل شيء من المغارف حتى الصينيات ولي سارفيس

:

هذا طيابي نتاع القرن اللي فات هههههههههههه والله وليت كسولة جدا مانصورش واش طيبت وإذا صورت نتكاسل نحط الصور

:

عيش حاااااااااااار درنا الميناج وتعبنا درت حاجة ساهلة برك مع شوية هريسة من نتاع بروقة وعصير وخلاص :

تحلية بالفراز تهبل وصفة من كتاب لالة :

هذي الشخشوخة دارتها ماما م فلفل حار مقلي يم يم :

بريوش محشي بالشكلاطة

ماتتصوروش واش خفيف ( الوصفة راهي خبز الدار نتاع ماما بالسميد و الفرينة ماتتصوروش واش يجي خفيف

خير من نتاع الفرينة ) أكلت 4 والله مافقت بيهم :

بيتزا بالكاشير والشيدار والجبن الأبيض وحشيت الأطراف فرماج تكاسلت نروح للجزار نشري اللحم المفروم

:

هذي نسيت ماصورتش حتى قريب نخلصو بطاطا في الفرن بالبصل والزيتون والطماطم لذيذة جدا

وساهلة ماهلة خلاص واقتصادية جدا وسريعة خلاص

وصفة نتاع بكري تعلمتها كي كنت في الثانوي :

بوراك ( طبعا الديول أنا اللي درتهم وصفة أم كوثر ) والالحشو نتاع أم راضية جا بنين يهبل مع أنني ماحطيتش التونة ماشفتش باللي الوصفة فيها تونة حتى خلصت

:

حساء بالجبن نتاع فايزة للمرة 1000000000000000 :

كوكا هذي ماشي الوصفات نتاعكم وصفة أخرى لذيذة نتاع شميشة ماشفيتش هزيتها من الجريدة

لا أذكر لذيذة

وطعمها مختلف عن الوصفات اللي متعودين هي بالزبدة

والدليل على البنة ماجيت نصور هذا واش لقيت

:هههههههههه راهي محشية جبن ولحم مفروم وسلق

:

وهذي عرضة بسيطة :
هذو جاونا ضياف درنا روطي وحساء الجبن ماتو عليها ضيافنا الراجل قال لمرتو لو تبقاي 50 سنة ماديريش كيفو هه :

هذي كسرة نتاع الضياف ( حتى الطبق نتاع الخبز سلفوه علينا مالقينا فاش نحطو الخبز للضياف

)

سلطة نتاع الضياف :

فواكه + دلاع ماصوتوش :

هذي ثاني قهوينا بيها الضياف :

هذا القاطو درتو على 23.00 نتاع الليل راهي الوصفة نتاع فايزة نتاع قاطو المشماشة درتو بالقرينة بابا حب يديه معاه لصحابو

خرجتو قلوب:d رمدتو في لمعجون ثم النواد كوكو وخلاص خدمة ماشي نتاع النية هههه :

معجون المشماش مرحي :

ميلك شايك الخوخ نتاع لايدي ميليون بردت قلبي فيه هههههههههه :

همبرغر جا خفيف يهبببل درتو بالاسكالوب المرحي

والمايونيز تاع صفاء البحر باش مانرميهش :

هذا العشاء نتاع البارح حساء الجبن درتو 5 مرات في هذا الأسبوع

:d :

درت ميلك شايك بالخوخ والمشمش عندنا كمية كبيرة رايحة تفسد أنقذتها البارح :

درت بوراك نتاع البانسو راني مجروحة من اصبعي مانقدرش ندير وصفة أم كوثر حتى درت الحشو باش تفكرت باللي مانقدرش ندير الديول وليت تفكرت ديول البانسو والله أنقذتني هذي الطريقة

ماااااشاء الله خموس عليك يااطرة
ربي يحفظك ويخليلك هدوك اليدين
نستعرف بيك شاااطره

لمسة حنية · 2013-07-01, 12:05

انا راني نطيب في الملوخية وااااو
ههههه ام ماجد اهربي متعجبكش نحن في دار نموت عليها
وراني عجنت الغرايف
وعملت شوي حلوة جيونا ضيوف العشية
العشية نحطلكم الصور وبصحتكم

إلهام07 · 2013-07-01, 12:11

شكرا لمسة

مممم راني نستنى نشوف الحنة نتاعك

اولادي حياتي · 2013-07-01, 12:13

مساء الفل لبنات.راني جيت
الهاااااااام طيابك يشهيييييي فحلة ونص .طيحي بالوصفة تاع بطاطا وبصل فالفرن وكوكا والبريوش
اه نسيت ميلك شايك تاني كثرت عليك ماعليش اتحمليني راه المورال طالع حبيت نجرب كلش
الهام راني زرت سطيف هاااايلة وتغدينا تما قدام عين الفوارة روووووعة العلمة ماشفتهاش رجعنا للجزائر على طريق تاجنانت قالونا اقصر طريق باش نخرجو للطريق السيار شرق غرب شابة هادي الطريق السيار

قوية بايماني · 2013-07-01, 12:16

بالبراكة عليكم الكوينة الجديدة
وكلشي يهبل الهام07 يعطيك الصحة ليك ولكامل الاخوات

اولادي حياتي · 2013-07-01, 12:24

غدايا اليوم بعثتهولي ماما حريرة وقراتان بطاطا وبصل بالبيشامال بنين .:rolle

touta2010 · 2013-07-01, 12:25

الهاااااااام شاطرة ونص وخمسة وعشرين
سعد ليتهنى بيك موووووووح

sissou nrdn · 2013-07-01, 12:36

صباح الخير و الربح على وردات المنتدى
لبنات اكلكم يشهي ماشاء الله , لهومة راكي فحلة و نص ربي يرزقك بولد الحلال اللي يستاهلك
اليوم راني درت محمصة مجمرة و سلطة و الديسير خوخ و برقوق و فقوس و الحمد لله

*رفيقة الدرب* · 2013-07-01, 12:37

اولادي حياتي بصحتكم التحويييسة
الهااااااااااام يا سلاااااااااااااااااااااااااااااااااااااااااااااااا اام
حطيتيهم ولا مزااااااااااال شوية و نولي نومهم ها خفي راني باغية نشوف الفراااااااشة هيااااااااااا
انا فطرت في الخدمة فريت و ماسيدوااااان

اولادي حياتي · 2013-07-01, 12:42

هادا مسمن شفتو فالنات طبفتو .

إلهام07 · 2013-07-01, 12:44

اقتباس:

المشاركة الأصلية كتبت بواسطة اولادي حياتي

مساء الفل لبنات.راني جيت

الهاااااااام طيابك يشهيييييي فحلة ونص .طيحي بالوصفة تاع بطاطا وبصل فالفرن وكوكا والبريوش

اه نسيت ميلك شايك تاني

كثرت عليك ماعليش اتحمليني راه المورال طالع حبيت نجرب كلش

الهام راني زرت سطيف هاااايلة وتغدينا تما قدام عين الفوارة روووووعة

العلمة ماشفتهاش رجعنا للجزائر على طريق تاجنانت قالونا اقصر طريق باش نخرجو للطريق السيار شرق غرب شابة هادي

الطريق السيار

ههههههههههههه واش هذا كامل دخت كي شفت الرد نتاعك

ههههههههههههههههه
1- بصحتكم التحويسة

كون قلتيلي لاقيتك ورحنا هجمنا على أم ماجد ماشي خير

2- البطاطا ساهلة ماهلية :
تقشري البطاطا وتقطعيها دوائر ثم في مول الفرن ماشي شرط تدهني ، تحطي دوائر من البصل والطماطم والجزر والفلفل الأخضر إذا تحبي والزيتون شرائح ومعدنوس مقطع وممكن تزيدي حبات زيتون أسود وتحطي ثوم شرائح ووريقات رند وتحطي من الفوق البطاطا نخليها من الفوق باش تتحمر
ثم في إناء تخلطي ماء +شوية زيت +ملح +فلفل أسود + 1 جومبو بقري مفتت وتخلطيهم مليح وتصبيهم فوق الخض وزيدي شوية ماء حتى تحت نص وحبسي وغطي المول بورق ألمنيوم أنا نحل كيس شواء على 2 ونغطي بيه
كي تشوفي البطاطا طابت طفي ونحي الغطاء وشعليلها من فوق باش تتحمر وخلاص

كي نديرها للعشاء يوجد قبل المغرب

لاخاطر غير خضر يطيبو ثم ثم

بنينة وساهلة وسريعة

2- البريوش هذاك راهوخبز الدار نتاع ماما كي تحب ديرو بريوش تخلطو نص نص مع الفرينة والله ماشفت أحسن من خبز الدار نتاع ماما ، شوفي هي علمتهولي عيني ميزاني ماعنديش مقادير المهم شوفي :
تحطي سميد قدار قرصة نتاع خبز دار وتحطي الخميرة ماما دير ملعقة كبيرة و 1م ك سكر +1 م ص ملح +سينوج + جلجلانية +بياض بيضة + فنجان صغير زيت ( حنا عندنا فناجل نتاع الشناوة صغار ) وتبل بماء دافي أو حليب كيما تحبي وماتعجنيهش لمي العجين فقط وخليه يخمر في راحتو
كي يخمر جيبي شوية زبدة ( حوالي 3 ملاعق ) تكون طرية وعجني بيها العجينة وزيدي خليها تخمر
كي تخمر أدهني الصينية نتاعك بالزبدة وقرصيها ودهنيها بصفار بيضة وذري الجلجلانية وخليها تخمر وطيبيها
والله روووعة يجي كي الاسفنج
هذا راهو خبز الدار وكي تحبي ديريه بريوش زيدي السكر في العجين وديريه كويرات واحشيه بالشكلاطة وذريلو من فوق سكر .

3- الكوكا كي نروح نعطيك الوصفة والله من كثرة الوصفات راني وليت ننسى

4- الميلك شايك نتاع الخوخ راهي وصفة الليدي ميليون دارتها موضوع ويجي ثقيييل ولذيذ وإذا تحبي نصيحتي راني نظل نجرب في العصائر ماكانش أحلى من ميلك شايك نتاع فايزة اللي بالمشمش

touta2010 · 2013-07-01, 12:46

جبتلكم قاطو عملته للقهوة

وهذا تطبيقي لصابلي ام اماني

وهذا قاطو ام اماني الصور النهائية هربت هذا ما بقالي هههههه

وهذي عملتها للعرس

اولادي حياتي · 2013-07-01, 12:47

دادو تعيشي حنونة .
توتة واشراكي حنونة حيرتينا عليك والتحاليل ان شاء الله يكونو ملاح دعينالك كامل باش ترجعينا بصحتك

touta2010 · 2013-07-01, 12:50

اقتباس:

المشاركة الأصلية كتبت بواسطة اولادي حياتي

دادو تعيشي حنونة .
توتة واشراكي حنونة حيرتينا عليك والتحاليل ان شاء الله يكونو ملاح

دعينالك كامل باش ترجعينا بصحتك

شكرا حنونة مووووووح متقوليش التحاليل قولي فلم رعب هههه الحمد لله انا بصحة جيدة حتى انني نقدر نتعارك للمرة الالف هه يكون في علم الهااام