أختي تنظر إلى زوجي نظرات إغراء أو حب لست أدري

[ام سارة 285]

يا اختي بكل بساطة كاين نساء همها الوحيد في الدنيا هي الاغراء ما يهمها شكون ما يهمها وين المهم تبان مثيرة و مغرية في اعين الرجال و كيما يقولو ان لم تستحي فافعل ماشئت
اختي شقيقتك هذه للاسف ما تحشمش و جريئة و انت ما تقدريش توقفي ضد وحدة من النوع هذا لانها قادرة على كل شيء
لذلك احسن شيء تديريه تبعدي زوجك على طريقها و تخلي زيارتك لداركم في حدود
وبخصوص العشا قولي لامك راهو زوجك متضايق من تصرفات اختك و من الافضل تحطو للرجال وحدهم و للنسا وحدهم ولا ما تروحيش

[Assouma 93]

يا اختي و الله اول مرة نسمع بقصة كيما هاذي كيف تغازل زوجك لوكان غير ماشي زوج اختها محمولة المهم اختي كي تحبي تروحي تشوفي والديك روحي وحدك مكان لاه تجريه معاك و تسبي المشاكل ليك و لداركم و حتى و لو راح معاك لازم يجلس في مكان بعيد عنها حتى يتجنبها و انا يظهرلي اختك شوي مريضة نفسيا ننصحكم باش تعرضوها على طبيب نفساني و يشخص حالتها
المهم اختي ربي معاك ولازم تسايري يماك موفقة ان شاء الله

[ahlam_2013]

شكرا لك أختي أم سارة والله صدقت أختي لا يهمها إلا نفسها فقط.
amran6688 صحيح ما تقولين أنا مشتتة الفكر وأتأثر كثيرا حين أمي تدافع عن أختي رغم أنها تعلم أنها نخطئة وأصبحت أمي تنبذني ولا تريدني أن أزور البيت أحيانا تقول لي لا تأتي نحن مشغولون و و و....فأقنط كثيرا من معاملة أمي وأنا أعلم أنها تقنط مني لأني سعيدة مع زوجي أحسن من أختي.
Assouma 93 أحاول عدة مرات أن أطول ولا أذهب لكن عندما أطول لا أحتمل ذلك ولما أذهب أمرض من تصرفات أمي.
هذا هو حالي مع عائلتي كل هذا لأني كنت مطلقة وزوجت أعزب وأختي عزباء تزوجت من مطلق

[طاعة زوجي ..]

السلام عليكم أختي
بالنسبة للمشكلة نتاعك أنا ننصحك زوجك مايزيدش يروح لداركم حتى في المناسبات كي عاد الوضع هكدا يقول راني مشغول وخلاص ، أنا شخصيا راجل أختي ماشفتوش حتى بعد زواجهم بشهر وفي المستشفى كي عملت أختي عملية ورحت نطل عليها وعجوزتي هي اللي قالتلي هاداك هو تالمو جامي لاشفتو ، وللأن كل مانتلاقا سلام خاطف وبخماري وبحجابي
وزوجك راكي تقولي متدين نورمالمو كي شاف الوضع هكدا مايزيدش يدخل يحطك عند الباب ويروح وأنتي روحي تصلي رحمك وطلّي على والديك وخلاص ، واختك كي عادت هكدا لاه تروحي ليها لدارها وراجلك علاه يدخل معاك ، يعني الدعوة عندكم راهي مخلظة ، الله المستعان وربي يبعد عليكم الفتن ماظهر منها ومابطن
الإخوة الله يبارك أعطاوك حلول مليحة وأهمّ شيء هو التمسك بالدّين وتطبيقه حرفيّا واختك أنصحيها وساعديها في مشكلتها لعلّ وعسى يهديها ربي

[ahlam_2013]

المشاركة الأصلية كتبت بواسطة * أمّ محمّد يوسف *

السلام عليكم أختي
بالنسبة للمشكلة نتاعك أنا ننصحك زوجك مايزيدش يروح لداركم حتى في المناسبات كي عاد الوضع هكدا يقول راني مشغول وخلاص ، أنا شخصيا راجل أختي ماشفتوش حتى بعد زواجهم بشهر وفي المستشفى كي عملت أختي عملية ورحت نطل عليها وعجوزتي هي اللي قالتلي هاداك هو تالمو جامي لاشفتو ، وللأن كل مانتلاقا سلام خاطف وبخماري وبحجابي
وزوجك راكي تقولي متدين نورمالمو كي شاف الوضع هكدا مايزيدش يدخل يحطك عند الباب ويروح وأنتي روحي تصلي رحمك وطلّي على والديك وخلاص ، واختك كي عادت هكدا لاه تروحي ليها لدارها وراجلك علاه يدخل معاك ، يعني الدعوة عندكم راهي مخلظة ، الله المستعان وربي يبعد عليكم الفتن ماظهر منها ومابطن
الإخوة الله يبارك أعطاوك حلول مليحة وأهمّ شيء هو التمسك بالدّين وتطبيقه حرفيّا واختك أنصحيها وساعديها في مشكلتها لعلّ وعسى يهديها ربي

السلام عليك أختي الكريمة وشكرا على الرد
حبيت نسكسك أنت لا تذهبي لأختك مع زوجك لدارها أبدا؟؟حتى وإن كان يحطك عندها ويروح لما يأتي لأخذك لا يدخله زوج أختك؟؟
احنا في دارنا كنا بزاف محافظين ولكن لاحظت في هذي 10 سنوات الأخيرة لما كبرت أختي الصغرى من شدة أنه أمي تاخذ رأيها في كل شيء حتى يما مبادئها تبدلت ولات تشوف كلش نورمال حتى وليت نقول أنا مانيش نورمال

[طاعة زوجي ..]

المشاركة الأصلية كتبت بواسطة ahlam_2013

السلام عليك أختي الكريمة وشكرا على الرد
حبيت نسكسك أنت لا تذهبي لأختك مع زوجك لدارها أبدا؟؟حتى وإن كان يحطك عندها ويروح لما يأتي لأخذك لا يدخله زوج أختك؟؟
احنا في دارنا كنا بزاف محافظين ولكن لاحظت في هذي 10 سنوات الأخيرة لما كبرت أختي الصغرى من شدة أنه أمي تاخذ رأيها في كل شيء حتى يما مبادئها تبدلت ولات تشوف كلش نورمال حتى وليت نقول أنا مانيش نورمال

وعليكم السلام اختي
بالطبع نروح لدار اختي مع زوجي وخطرات مع عجوزتي وسلفي بصّح يحطني عند الباب ويروح يسلم على عجوزتها برك ، وكي يجي يديني يقولو راجل اختي ادخل تشرب القهوة يقولو صحّا راني مشغول عادي جدا
حتى راجل اختي كي يجيبها لعندي من الباب مايزيدش يستحي يدخل سيرتو كي راجلي مايكونش في الدار نقولو مساء الخير برك من الباب وطبعا لابسة لباس محتشم ودايرا خماري
حنا هدا هو العرف اللي ماشيين بيه وصراحة مليج ماكانش التخلاط كل واحد في حدو
ربي يثبتك اختي ويهدي اختك ويماك ، بصح نصيحة أدعيلهم بالهداية ماتدعيش عليهم مهما كان يظلو أهلك

[الأمنيات]

ربي يستر اللهم اني اسالك العفو والعافية هادا نتيجة الاختلاط
والبعد عن الدين
ضعي حد لاختك وابعدي زوجك عنها اعانك الله اختي

[بثينة 123]

لسلام عليكم
ذرك الااهل راهم يغيروا من اولادهم وخصوصا الاخوات ماراهمش يتعاونوا كيما كانوا بكري الله يسترنا من العباد تع ذرك

[ام دعاء ومارية]

السلام عليكم أختي
مشكلتكـ صعبة بعض الشيئ ...أرجو أن تكون هذه مجرد وساوس و ستنتهي قريبا
أما إن كانت حقيقة فهي النتيجة الحتمية للبعد عن الدين و عدم تنفيذ أحكامه الشرعية
فزوجك شرعا لا يجوز له رؤية أخواتكـ ولا مجالستهن ....صراحة المرأة لا تستطيع مواجهة زوجها و القول له لا تتحدث مع أختي أو أي امرأة أخرى الأفضل أن تكون مبادرة منه و تطبيقا منه لشرع الله
وفقكـ الله أختاه و أصلح حالكـ و هدى أخواتك الى السراط المستقيم
و السلام عليكم

[ahlam_2013]

أخواتي بثية أم دعاء أم البنوتة أشكركم جزيل الشكر على ردودكم.
لقد عزمت أن لا أزور أختي إلا بالهاتف في أيام العيد
أدعو لي الله أن لا أقنط من والدتي وأن يهيها الله آمين يارب

[اغادير]

وا ش راح نقلك.............ربي يعينك حاولي تتكلمي مع أختك الصغرى بطريقة لبقة لعل وعسى ترجع للطريق ..وإذا استلزم الأم رتكلمي مع زوجها.........تجنبي الذهاب إلى بيت أمك عندما تكون هي هناك.........................ونزيد نقلك إذا كان زوجك ماهوش مهتم بيها وعلاة القلقة الزايدة! لا تظخمي الأمور

[loulou02]

لاحول ولا قوة إلا بالله

[achwak crazy girl]

ختي حكايتك صعيبة بالبزاااف والله غير نقلك الصح لانو ختك متزوجة علاه دير كيما هاااك نورمالمو تفرحلك ماشي دير اون + كون حكيتي لماماك وديجا ماماك علاه متهدرش معاها بالعفل ملقيت منقلك ولكن انشاء الله ربي يجيب لي فيه الخير واصبري بلاك يفرج ربي وربي معاااك ختي

[mokhto01]

كان عليك ان تلتزمى السكوة تتعاملى مع الموضوع بكل احترافية من دون مايشعر احد

1 كنت تطلبين من زوجك عدم الدخول الى بيتكم حين يصتحبك

2 تحديد الايام التى لم تكن اختك فى البيت لتزورى اهلكى
3 تخترعى اع>ار لكى لايلتقى زوجكى مع اختك

و لا تعطى اهمية لالامر حتى لا تتعبى نفسيا

و الشيء المحير فى الامر بما ان زجك متدين كيف يسمح لنفسه بهده المهزلة كان عليه ان يصتحبكو يدهب حتى يعود لاخدك

[بلسم غرام2018]

لسلام عليكم يا اختي الاحسن انو تحاولي تمنعي لقاء زوجك بأختك فمثلا في العيد روحي نهار متكونش اختك وحتى وانتي رايحة حاولي تعطي الموعد لزوجك باه يديك للبيتك بعدما تروح ولا قوليلوا انا نخرجلك واياكي واياكي اختي انوا تحكيلوا او تلفتيلو انتباهوا للموضوع والله يحفظكم لبعضاكم ويجمعكم ولا يفرقكم و من راي كون محكيتيش باه ما تطيحيش بقدرك معا اختك .
اما امك حاولي انك تتوديلها بكل الطرق ومتزيديش الفجوة هذي امك مش اختك وحاولي تكسبيها بالهدايا بالتليفون وزوريها يعني دقيقة ماتقطعيهاش مهما كان الام قلبها حنين وتلين انشاء الله اما اختك الصغيرة ثاني حاولي تكسبيها يعني حافظي على زوجك وفي نفس الوقت حافظي على اختك راها ممكن نفسها امارة بالسوء ربي يهديها