أسعار الخياطة - الصفحة 4

نور المستقبل · 2013-06-01, 22:30

اقتباس:

المشاركة الأصلية كتبت بواسطة angel_girl

واش قلتو يا نسا موافقين ولا لا لا

راني موافقاتك في الرأي غير حطي ونحاولو نوحدو الاسعار المهم منيسوش ونخليو الموضوع يروح بوركتي

نور المستقبل · 2013-06-01, 22:44

اقتباس:

المشاركة الأصلية كتبت بواسطة rahille

يعطييك صحة اختي كلش غالي والخياطة جاتهم حرام كي تغلى وعلى العموم الخياطة راهي تفرق من خياطة للخياطة في الذوق والاتقان وكل شيء في الخياطة الراقية وفي الخياطة المهم فستان وخلاص وكي تقلبيه تلقايه مفي حت اتقان ...............وزيد على هذا كي نقارنو الخياطة مع الحلاقة نجد فرق كبيررر في الثمن
الحقيقة الحلاقات قيمو مهنتهم لكن الخياطات دائما يرخسو مهنتهم مع انها مهنة رائعة وفي ابداع كبير فنشاء لله نحاولو نعملو ونخ
يطو اشياء مليحة ومتقنة ومممميزة وهكذا نرفع قيمة الحياطة وسمعتهاااااااااااا والي تخيط تخيط ولي متخيطش تروح تشري واكيد انها ترجع للخياطة باه تنقصلها اما في الطول او العرض

الحلاقات وحدو الاسعار موش قيمو خدمتهم والخياطةلا انا واحدة من الحلاقات دايما واين نروح ندخل للحلاقات اللي في طريقيونسألهم عالسومة انتاع كلش ونشوف الفرق ونحط اسعاري ماوجهتش حتى مشكل بعكس الخياطة الناس في بيوتها تخيط وتحط الاسعار من تلقاء نفسها معضم الخياطاتمبتديئات
وتخيط باقل سومة بعكس اللي فاتحة محل تطلب الغالي والناس تخلص المهم تكوني تخيطي مليح وتتقني واطلبي حقك وراسك مرفوع

Naila10 · 2013-06-01, 23:03

اقتباس:

المشاركة الأصلية كتبت بواسطة نور المستقبل

الحلاقات وحدو الاسعار موش قيمو خدمتهم والخياطةلا انا واحدة من الحلاقات دايما واين نروح ندخل للحلاقات اللي في طريقيونسألهم عالسومة انتاع كلش ونشوف الفرق ونحط اسعاري ماوجهتش حتى مشكل بعكس الخياطة الناس في بيوتها تخيط وتحط الاسعار من تلقاء نفسها معضم الخياطاتمبتديئات
وتخيط باقل سومة بعكس اللي فاتحة محل تطلب الغالي والناس تخلص المهم تكوني تخيطي مليح وتتقني واطلبي حقك وراسك مرفوع

المشكلة با اختي انو كاين خياطات ما يتقنو ما والو غير خيط وطيش وتضرب على الراس بالغلاء ...

ايمان منوني · 2013-06-02, 00:22

السلام عليكم و رحمة الله حبيت نسال الاخت ريونة4 الاخت الي قالت نخيط خياطة سامبل ب60الف هل الخياطة فقط ام مع السلعة نتاعها اختي ؟ ولا السلعة تحسبيها وحدها ارجو تكوني فهمتي . وعجبني كلام اختي ام مريم واسراء الاخوات الي عندهم اتوليي حرمو علينا نخيطو قندورة عندهم من الغلاء يا عجابة احنا عندنا في منطقة باتنة قندورة نتاع ميكرو فيها وردات نتاع طرز خفيف ب600 700 ألف فما فوق والله عجب مكانش قد الاخت الي تتعلم تخيط لنفسها المهم كما يقال تملس من طينها الى ما جات برمة تجي كسكاس انا مرة خيطت روبة كي قالت لي السومة قريب تغاشيت وقلت نخيط وحدي ان شاء الله حتى يكون ذراع كان ذراع ما كانش

رحيق الايمان · 2013-06-02, 12:20

مشكلة الخياطات هذه لقيتها كي زوجت هنا في الطارف توقفلك برك ب100الف وزيدي احسبيلها السلعة و السورفيلاج وكون غير جات الخياطة تستاهل انا خيطت قندورة سامبل خلاص حسبتهالي ب 160 الف من اول غسلة تقطعت و نفس المودال خيطاتوا ماما في تبسة ب80 الف
هنا في الطارف الاسعار تقريبا موحدة سواء لمبتداة او قديمة التوقيف بلا سورفيلاج 80 الف و الخياطة الشهورة 100 الف و السورفيلاج يحسبوه وحدو من 20 ل40 حسب المودال و زيدو السلعة
في تبسة التوقيف مع السورفيلاج ب60الف و كي تكون القندورة عادي سامبل و خاصة تاع مراة كبيرة يعني ما تطلبش تفصال ياسر 40الف
فقط حبيت نقول هناك موديلات يطلبوا خدمة و تركيز و تلقاي الخياطة الفينيسيو تاعها ماشاء الله هذه قد ما تخلصيها ماش خسارة فيها بالصح اخرى تكعور و زيد سومتها تشعل

زنجبيل11 · 2013-06-02, 12:41

الي يحب يخيط كراكو بنت صغيرة 8 سنين بالاخجار و السوتاج شحال السومة في رايكم

Abouali naima · 2013-06-02, 13:53

بالنسبة ليا انا كيما الاخت تعلمت الخياطة نخيط غير للدار ولافامي ندير روب تاع كروشي يهبلو 250 الف ونتعب فيهم نديرهم شارجي ستيل قنادر وماقدرتش نزيد في السومة لافمي والفو فيا وراجلي ميخلنيش نخيط نعقب في الوقت معى لخياطة ولي تكون سامبل نخيطها ب 150 ولا 160 الف

angel_girl · 2013-06-02, 20:33

السلام عليكم نبداو اليوم مع أول مجموعةراني خيرت موديلات سامبل و مدابينا كل وحدة تقلنا حق الخياطة وحدها بلا السلعة و كداش تستغرق فيها تقريبا

angel_girl · 2013-06-02, 20:35

بالنسبة ليا أنا نخدم طرز الميكرو و نيجيري و مانخيطش هادوما لكن راي سقسيت قالولي بلي التوقاف و حدو ب 60 ألف بلا سلعة و كيتكون خياطة تخدم في أتوليي تدي الثلث يعني 20 ألف و الباقي لمولات المحل و اش رايكم

OM RITA · 2013-06-02, 20:40

اقتباس:

المشاركة الأصلية كتبت بواسطة angel_girl

السلام عليكم نبداو اليوم مع أول مجموعةراني خيرت موديلات سامبل و مدابينا كل وحدة تقلنا حق الخياطة وحدها بلا السلعة و كداش تستغرق فيها تقريبا

salam alikom
hado hak elkhyata aw hak el yed ana ndirha b 50 alef li anhom sanpel kamel
w el baki hak el harej kol hanot wach hal yehseb fih
roba 2 hakeha 70alef
roba 3 hakeha 60 alef

dahby83 · 2013-06-02, 22:42

البنات واش رائكم في القندورة هذي قداش السومة انتاعها للعلم السلعة من عندي

نور المستقبل · 2013-06-02, 23:08

اقتباس:

المشاركة الأصلية كتبت بواسطة om rita

salam alikom
hado hak elkhyata aw hak el yed ana ndirha b 50 alef li anhom sanpel kamel
w el baki hak el harej kol hanot wach hal yehseb fih
roba 2 hakeha 70alef
roba 3 hakeha 60 alef

سوتهم معقولة يخي غير حق اليد ولقماش والسلعة من عندها