أريد نصائح من النساء : ماذا افعل لاُسعد زوجتي

[ريم الفلى]

مبروك خويا لعزيز الخطبة والعاقبة للزواج والذرية الطيبة الصالحة

اولا اريدك ان تفهم شيئا رغم اختلاف النساء في ماذا يحببن وماذا يكرهن من تصرفات في الزوج المستقبلي الا انهن يشتركن في شيء الا وهو الحب والحنان فالمرأة تفضل الرجل قوي الشخصية كي تكون معاه تحس صح باللي راهي مع راجل لكن بالمقابل يكون حونون ورمنسي
المراة تحب الرجل الذي يقدرها ويحترم والديها
تحب الرجل الذي يخشى الله واللي يكون فحل قدام الناس حاجة وقدامها هي حاجة اخرى
تحب الراجل اللي يعاونها يحس بها يسقسي عليها يخاف عليها ميفرضش رايو بصفتو هو الراجل بل يحاول كيفاش يقنعها بيه
تحب الراجل الفحشوش اللي يحب يقصر ويضحك يخرج يحوس يصرف يديرلها الكادوات ساعة على ساعة وتحب الي تحسو يخمم عليها كثر من روحو

على بالي بزاف راكم تقولو لكن تاكدو باللي المراة انسان عاطفي اكثر وكلما اعطيتها من وقتك هي راهي تعطيلك اكثر من واش قلت تلقائيا.

ومن ناحية واش تكره
تكره الراجل اللي معندوش كلمة اللي مقيمهاش الي ميحترم رايها ويكبرش بوالديها اللي ميهدرش معاها ميعاونها ميعطيلها شويا من وقتو من اللي يدخل للدار وهو يشنف ولا يتفرج ولا مع الميكرو ومنخليها هكذاك
تكره الراجل اللي يكون كلي هو الامر الناهي وهي لازم تطيعو كي العبد المأمور
وتكره باختصار الانسان اللي ميخافش ربي فيها ولا في دراو واللي فيه عكس الصفات اللي تحبهم

هذا بصفة عامة لكن من الاحسن والحاجة اللي تفضلها المرأة هي الحوار بدل الجدال والعياط
لذا من الاحسن انك تتكلم مباشرة مع الزوجة تاعك وتسالها وتكتشف مفاتيحها بنفسك
موفق ان شاء الله
:m h31:

[مريم الصابرة]

السلام عليكم اخي
روح يا محمد روح راك بديت هههههههه
اولا نقولك باللي خطيبتك جوهرة ثمينة الله يبارك وتتوالمو في كل شي ربي يكمللكم يا رب ويلاقيكم عن قريب ونجي ناكل الطعام والقاطو
بما إني إمرأة تقريبا يعني ههههههه
الحاجة اللي تفرحني من خطيبي إهتمامو بيه نصايحو ينصحني يخليني نكمل في طريق نعرف ربي لما نغلط يعاتبني لانو صلاتي وربي يقربنيم نهم بزاف
زيد نكره الرجال السطحي يعني لام يكون مهتم بكل شي بمعني مسؤول على اهلو ولما يتطمر نعرفو يجي نهار راح يتذمر مني ونعرفو عديم مسؤولية بمعني نتاستيه ونشوفو كانو كسول
الكلام بزاف يجيب الهدرة الزائدة عليها نحبو ما يكونش يحكي بزاف بنعنى منين ذاك تلفون نسقسو على بعضانا هذي تكفي اناو حدة مقلقة يكثر الهدرة نكسر التلفون هههههه
بالنسة لما يكون راجلي ثم حاجة اخرى اللي تفرحو راحا تفرحني وهناه هو هنايا لما انا نسعدو ونهنيه هذاك واجبي انا ث مراني مرتو في دارو المرأة تعكطي الحنان حتى تتلقى الحنان يعني لاومها اونفوايي حتى تاكسيبتي ههههههههه
ربي يوفقكم يا رب وبزاف نصائح نقولهملك فالتلفون هههههههههه موفق

[محمد جديدي التبسي]

وعليكم السلام ورحمة الله وبركاته
بارك الله لك أخي وربي يتم لك الزواج على خير فرحت لك كثيرا وكنتُ قد قرأت لك ردّا قبل هذا الموضوع قلت فيه أنك خطبت ووجدت في هذه الفتاة كثير مما كنت تريد وعلى حسب معلوماتي فهي ماكثة في البيت وتلبس حجاب شرعي وهذه من النعم في آخر الزمان
نصيحتي لك رغم أني لست أهلا لأنصح في هذا المقام هو التركيز على الجانب العاطفي كما قال الأخ نبراس لكن بعيدا عن ميوعة الرومنسيين المعاصرين
فالمرأة تحب الرجل صاحب المواقف المتخلق الذي يحترمها، الرجل الذي تشعر معه بالأمان وأنها محظوظة ، المهم أن تسمع للمرأة رغم انها تتكلم كثيرا في الغالب -ربي يصبرك - والأهم لا تسفّه رأيها ولا تقلل من شأنها وأغرقها بعبارات المدح ، وركز على نقطة أن تكون قدوة ولا تنهاها عن خلق وتأتي بمثله/ وأخيرا كبّر عقلك ووسّع بالك وربي يوفقك لما فيه الخير أخي العزيز فرحت لك كثيرا ...

[imane-2020]

المشاركة الأصلية كتبت بواسطة السي محمد

السلام عليكم ورحمة الله و بركاته

في البداية اخبركم اني قد خطبت فتاة و الحمد لله وجدتها كما اتمنى

ولكن لي سؤال اتمنى لو اجد تجاوبا من الاخوات بكامل آرائهن

فكلما كثرت الردود و اختلفت

فهمت اكثر كيف تفكر المراة

و ماذا تحتاج و هكذا اعرف كيف اعامل خطيبتي التي ستصبح زوجتي إن شاء الله


اريد منكن نصائح و توجيهات
كيف اتمكن من اسعادها ====>فتُسعدني هي ايضا

ماذا تحبين ان يقول لك او يفعل خطيبك او زوجك

ما هي الاشياء التي تحبينها في خطيبك او زوجك

ما هي الاشياء التي تريدين ان يتركها و يتجنبها لانها تزعجك

و بارك الله فيكن

بالبراكة عليك وربي يتمملك ويهنيك ويكمللكم ويجمع ما بيناتكم في القريب العاجل
الاشياء لي نحبها فيزوجي انو يخاف اولا ربي فيا يحترمني ويحترم اهلي يحبني يصارحني بكل صغيرة وكبيرة تخصه هو ماشي الماضي لا ؟لأنو الماضي ما يهمنيش لي يهمني اول ما بداء علاقته بيا او ما عرفني ماذابيا يحكيلي على كل حاجة قلقاتو فرحاتو ........يقولي واش حاب يلقى فيا يعني الحوايج لي يحب تكون في مرتو الحوايج لي يكرهم باه يسهل تعاملنا مع بعض واحترام الرجل لمرتو وصراحتو وثقته وحبو واحترامه لأهلها يكبروا في عينيها ويخليها تشد فيه اكثر
الاشياء لي تحبها المرأة ان يتفكرها ساعة على ساعة بهدية بكلمة طيبة بمساج يسأل عليها يخاف عليها يحاول كسبها يعني المرأة حساسة وعلى هذا ابسط شيء او جاست يأثر فيها ومحاولته كسب اهلها وتعاملو لمليح معاهم يخلوها تحبو اكثر يعني الاحترام والقدر هو كلش
كيما يقولو ناس زمان قدرني وكول سهمي انت قدرني قولي كلمة مليحة تفكرني بحاجة مليحة قالت وحدة لراجلها اكذب عليا قولي راني شريتلك هذي الحاجة ولا تمنيت نجيبلك هذيك الحاجة لكن نسيت ولا أي كلمة ولو بسيطة تاثر في المرأة
الاشياء لي نحب راجلي يخليها اذا كان مدخن ماذابيا يقلع عليه لأنو صحتو تهمني إذا كان لا مبالي ماذابيا يتخلى على اللامبالات ويولي جدي شوي عندو مواقف كان يتفكرني يتفكر كاش حاجة بيناتنا ماشي نقولو على حاجة يقولي ايه ونبعد خلاص ينساها يتفكر تاريخ ولا مناسبة تجمع بيناتنا يخلق مواقف تخلينا نتقربو من بعض اكثر عندو كلمة وراي كي يوعد ما يخلفش ......................
بإختصار المرأة تتأثر بشكل كبير فكلمة وحدة تخليها اسعد الناس ولا ترجعها اتعس الناس فما بالك بالمواقف ربي يسرلك امرك ويكون معاكم ويهنيكم ومبروووك اخي ربي يتمم بالخير

[فتـ حييةـاة]

انا دخلت نبارك برك هدا وين قريت الموضوع
بارك الله لكما وبارك عليكما وجمع بينكما في خير عقبال الي مازالو يارب
ونصيحتي ليك هي كن انت لا اكثر بزاااف يبدا رومانسي في فترة الخطوبة ووووو ونهار يتزوج ينتهي من تمثيل الدور وتنصدم الزوجة تقول زوجي تبدل عليا

[maiar]

اخي الكريم اوافق الاخت ام معاذ ام معاذ قالتلك سقسي خطيبتك و تاني نظن لي كنت رايحة نكتبو هدروه الاخوات خاصة هدى ام ريماس
و انا علاه نقولك سقسي خطيبتك لانو البنات يختلفو كاين بنات في فاميلتي تقيس السعادة بالمظاهر و الهدايا الفخمة في كل وقت وتعبر هذاك هو كل شيء و انا نتمنى الله لا يبليك ولا يبلي حتى واحد بهن والله افة خلات على خطيبها يظل يشكي منها و نقولك بالبركة و ربي يتمملك و يهنيك معها ونقولك قليلون لي مثلك يحوس يبحث باه يسعد زوجتو ربي يعطيك على قد نيتك

[السيدة كرمين]

المشاركة الأصلية كتبت بواسطة السي محمد

السلام عليكم ورحمة الله و بركاته

في البداية اخبركم اني قد خطبت فتاة و الحمد لله وجدتها كما اتمنى

ولكن لي سؤال اتمنى لو اجد تجاوبا من الاخوات بكامل آرائهن

فكلما كثرت الردود و اختلفت

فهمت اكثر كيف تفكر المراة

و ماذا تحتاج و هكذا اعرف كيف اعامل خطيبتي التي ستصبح زوجتي إن شاء الله


اريد منكن نصائح و توجيهات
كيف اتمكن من اسعادها ====>فتُسعدني هي ايضا

ماذا تحبين ان يقول لك او يفعل خطيبك او زوجك

قبل أن يقدم على الزواج لابد أن يعي معنى هاته الكلمة جيدا


في فترة الخطبة هو مطالب أن يكون صادق في كل شئ
ولا يفعل من أجلئ فوق طاقته أو لايريده لأنه سيأتي يوم ويعود لطبعه
لذا الصراحة في كل شئ
- احترام كونها خطبة يعني ما يكثرش الزيارات و المحادثات الهاتفية
- يجيب معاه أخوه الصغير أو أخته هذا يجعله أكثر تقديرا من طرف أهل البنت
ويفهموا أنه لا يريد أن يختلي بها و يعرف حدود الرؤية الشرعية

زوجي

- مطالب باحترامي واحترام أهلي
- الكلمة الطيبة و التودد لا يغفل مظهره
- اسعادي بهدايا ولو رمزية
- الوقوف معي في مرضي وصحتي
- شهم و كريم
- الاجتهاد الظاهر لاسعادي
- يوقنن أننا جبهو واحدة ضد الظروف ولا يكون جبهة ضدي أواجهها
- احترام أهلي

- بالنسبة


ما هي الاشياء التي تحبينها في خطيبك او زوجك

ما هي الاشياء التي تريدين ان يتركها و يتجنبها لانها تزعجك

و بارك الله فيكن

هذه أمور شخصية
لكن بصفة عامة

النساء يكرهن الكذب و البخل و عدم الاحترام
لا ينسى أبدا أنه متزوج وعليه مسؤوليات فحريته صار عليها
بعض الحدود


الله يوفقك

[houda4]

موضوعك جدبني اصلا ما قلته وكتبته بحد ذاته سيجدب ويحبب خطيبتك فيك لان نحن النساء نحب الاهتمام واصلا الرجال غير مبالين بمشاعر زوجاتهم انا متزوجة ولما المح لزوجي بان يهتم بي مثال عيد ميلادي قرب والله معابالو بيا خلاص و وو فعلا موضوعك جدبني لانو بحد ذاتو هو اهتمام لاحاسيس خطيبتك وعجبني تفكيرك باموا اسعادها هو اسعاد لك انت فعلا انت على صواب اختصرت المسافات والطريق نصيحة مني صحيح ايام الخطوبة جميلة لكن بعد الزواج مع مشاكل الحياة حاول تحافظ على هذي المشاعر وتهتم بيها فقط وتحسسها بانها اغلى حاجة عندك وتحس يتعها والمها وتشاركها كل شيئ اظن هكذا تعيشوا سعداء ربي يهنيها بيك ماشاء الله

[RANIA32]

السلام عليكم أخي بارك الله فيك,الشيء الوحيد الذي تبحث عنه الزوجة في زوجها في نظري هو ان يكون يخاف الله فاذا كان يخاف الله فان الزوج سيخاف الله في زوجته...................

[nina love]

الحب ..الاحترام...الحنان...والرومانسيـــــــــه تصيب النساء في مقتل ...ألــــــف مبروووووووووك مقدماا

[السي محمد]

السلام عليكم و رحمة الله و بركاته

في البداية اشكر كل من شارك في الموضوع برايه

و بارك الله فيكم

في الحقيقة لقد قمت بكل ما هو تقدمتم به من نصائح

خصوصا الرومانسية بحدود طبعًا

قبل كتابة الموضوع أصلا

يعني الحمد لله انا في الطريق الصحيح
و لكن استفدت من بعض الامور التي كانت غائبة عني


بارك الله فيكم

[سعاذ]

السلام عليكم
اولا الف مبروك ان شاء الله انت تكون البداية باش تتنحى عقدة الزواج لي يعالي منها اغلب اعضاءالمنتدي
المراة تحب الرجل بمعنى الحقيقي لي يكون رمنسي في وقت مناسب و جاد و الحاسم في المواقف لي تحتاج هذا
اغلب نساء كي يزوجو تقلك كوغير متزوجتش و بقيت مخطوبة كي تسقسيها علاش تقلك كي كنت مخطوبة كل ساعة يسقسي عليا و بخلاف لكلام حلو لي كنت نسمعو ومناسبات الخاصة لي جامي نساها ولكلام خيالي لي كانت تسمعو على حياة المستقبل اما كي تزوجت تبدل كلش و كل ماتفكرو بلي فات يقلها رانا كبرنا على هذو لحوايج على جال هذا طبق المثل لي يقول مد رجليك على قد لحافك
ربي يهنيك ان شاء الله
دمتم في رعاية الله و حفظه

[انانيس]

اولا الف مبروك على الخطبة
اما فيما ترغبه اظن الزوج المتفهم الملتزم المتخلق الحازم الذي يحب المراة لذاتها ولروحها العاطفي نوعا ما لان المراة عاطفية بالدرجة الاولى الاهتمام بها اان تكون سندا لها في طاعة الله وفي الحياة باكملها اظن هذا ماترغب فيه الكثيرات

[zima2012zima]

ربي يفتح عليك

[ASKme]

لعقوبة لينا