·•●oO أدخل وأخبرنا بكم تزوجت (ي) لتعم فائدة المقبلين Oo●•·

[محمد جديدي التبسي]

لما أقرأ مثل هاته المواضيع يطيح المورال 00 نسأل الله العون والسداد
هذا واقع لكن علينا أن نسعى لتغييره ونبحث عن رجال لأن الرجل الحقيقي يعرف قيمة ابنته وسيعطيها للرجل الذي يستحقها

[sali-sali]

هدي لي قالك زواج ليلة تدباره عام

لكن والله مكا ش كيما البساطة في الاعراس

وتبقى المصاريف كل واحد وحسب مقدوره

[الأستـ كريم ــاذ]

المشاركة الأصلية كتبت بواسطة أحبك ربّي

الكثير منا يعمل .. الكثير منا يتعب .. والكثير منا يريد بناء أسرة
ولكن القليل منا فقط مقبل على هاذه الأخيرة ويعلم كم لا بد له أن يعمل ليكون أسرته وبناء الحياة السنية
التي أرادها الله التي قال عنها نصف الدين
هناك من تزوجوا
وهناك من مازال يجمع لكي يتزوج للإخوة والأخوات المتزوجين
كم كان الثمن الكلي لزواجك وماهي ولايتك ( إختياري إن كان هناك إحراج )

* موضوع لتعم الفائدة *

بسم الله الرحمن الرحيم

أنا من ولاية سعيدة وكتب لي ربي نتزوج مع معسكرية

المهم دفعت 08 ملايين صداق (مهر)

والعرس (تاع ناس على قدهم) ما لحقش هو ثاني 08 ملايين


والحمد لله اليوم راني نعيش في الهنا والستر
وعندي يوسف 2009 وعبد المعز 2011
وراها لا حقة بيهم اختهم ان شاء الله بعد رمضان




بارك الله فيك

لك مني السلام والاحترام

[msam3i2010]

من الجلفة
انا تقدمت لفتاة و تم قبولي و رحبوا بي ، لكن لما تطرقنا للامور المالية قررت نبطل كل شيء

راني مديتلها 30 مليون كل شيء (ذهب، دراهم، مصاريف عرسها ... ) و قلت لهم ان اثاث البيت كله علي و ما تجيب معاها والو .... و لكنها و اهلها رفضوا و طلبو مني ما مجموعه 50 مليون كأقل تقدير (قاعدين يبيعولي في بقرة ولا واش؟) .... بطبيعة الحال هذه امراة ما فيها بركة و راني شاد في ربي و الحمد لله لي ربي وعد الصابرين بحور العين ....

بصح عندي اقارب مدوا بناتهم غير بـ 10 و 20 مليون كل سيء و اعراس بسيطة ..... الخلاصة : لن اتزوج ابدا ببقرة حلوب و لكن سأتزوج بامرأة خلوق

[أم معاذ أم معاذ]

أنا عطاني زوجي 100 ألف مهر + 3 ملاين فاليزا تاع الحنة + مسايس قيمة 4 -5ملاين +خاتم قيمة أقل من مليون + 800 ألف العشا تاع العروسة (الكباش زعما و القضيان )

الحمد لله

[attia asma]

انا من برج بوعريريج خطبني واحد من العاصمة شرطو عليه دارنا 10 ملاين و parure بلا الخاتم تاع الخطوبة و القديان و الكباش فالعرس بصح هوما نخلعو قالولي في العاصمة ماشي هكدا

[مـلكـة آلآحـسـآسـ]

حنآ في الشرق( أم البواقي) الشرط 20 مليون تشري بيهم الجهاز + العريس يشريلها خاتم في الخطبة برك وإذآ حاب في العقد يعني اذا عندوا

كيما خويا دفع الشرط 16 مليون + خاتم و نهارالعرس نشريوا كبش

تكاليف العرس متفوتش 40 مليون شوية

[مـلكـة آلآحـسـآسـ]

+ مقياس نهآآر آلحنة

[GOFRANEKRABI]

ana medouni b8 mlayn wars ala kedna w makhlitch adyn lwaldiya min constantine

[zenou84]

بببببببب...... ياجماعة خافو ربي واحد يقول 15 مليون واحد يقول 20 . 40 50 رانا نطبعو في دراهم ياو علبالكم بلي كاين في الجزائر 11مليون مرأة (عانس) يعني بلا زواج كامل بسبت دراهم خالوهم يتزوجوا ونتوما طلعوا في الشربة ياخي راه كامل شباب لاخدمة لا طوبليري ولي ماعندوش مايزوجش بكري لمرأة حاشاكم كانو يجيبوها فوق حمار
أنا لحمد لله ماعنديش ومايخصنيش وراني خاطب ونشأ الله قريب نتزوج بصح مرتي ماطلبتش واش راني نسمع قالتلي شي لي تقدر عليه برك
حنا رانا طلبين لهنا برك وربي يوفق الجميع

[ام ملاك.]

موضوع هايل
انا راجلي عطاني قيس الطقم نتاع الذهب خاطرش من شروطنا
وهو فات ال 50 مليون للعرس اللي دارو في دارهم 3 اياو وهو يوكل في بلادهم

[melissa lola]

السلام عليكم انا اكبر أخواتي دفعلي زوجي عشرة ملايين وماشرطولوش العشا و الذهب اللي قدر عليها وكان في العيد هو يجيب واش يحب بمحض إرادته بالعكس أمي كانت نقوله جهز دارك والحمد لله تزوجنا ورزق ربي وشربت الذهب أختي الأصغر مني تسعة ملايين فقط وخاتم خطبة أختي الأصغر سبعة ملايين وخاتم خطبة إحنا مانشرطوش علا خاطر تروحي لراجلك ويديرلك الا قدرو ربي إحنا نشرطو إلهنا وباباك يجهزك باه قدر و الحمد لله انا نحير كاين مناطق الراجل مسكين يحصلوا فيه حتى الكبش ومستلزمات العشاء من خضر وكسكس وحتى ديسا ر وكانه باباها مايقدرش يدير عشا على بنته الله يهدينا شغل اللي خطب بنتهم بنك الناس تحوس على السترة وناس تحوس تحني على المقياس إنتاع الذهب الحمد لله الوسط الجزائري فيه الرحمة

[imenealg]

twsal 7ata 70 MILLION

[hassilakhdar]

سبحان الله,
من يسمعكم يظن أن الأعراس كل يوم والعنوسة مكانش
وعلاه هل نريد الزواج أو شراء مرأة,,,,,,,
أعرف من صرف في عرسه إلا عشرة ملايين و الحمد الله ,,,,,,, في الجلفة

[mouatez32]

عدوى المسلسلات التركية بدأت تظهر
حسبنا الله ونعم الوكيل