ماهية قيمة المهر في عائلتك - الصفحة 4

الواثق · 2012-09-28, 23:34

اقتباس:

المشاركة الأصلية كتبت بواسطة z.abdo

إذا الآن فهمت من الاخت رجاء الخير ان التصديرة هي التي تكلف

أخي والواثق نظن قبل ما نديرو حملات مقاطعة اليوتيوب و قوقل

نديرو حملة مقاطعة التصديرة وماشابهها

تضييع مال بدون فائدة في الزوخ و تباهي النسوة أمام بعضهم بينما الشاب المسكين

ليس من عرق جبينه فقط بل دمه في رزقه سحقا لهذه العادات

اكيد المقاطعة وسيكون هذا في الشروط منذ البداية واقول لها بالحرف الواحد

اتق الله قدر المستطاع ولاتكلفي نفسك فلو وزعت المهر على الفقراء وجئتني بجلبابك فقط فلن احزن بل ساضحك وافرح واعلمي ان الواثق اذا ضحك في البيت فسيضحكون كلهم هههه

اسعى لرضى الله · 2012-09-28, 23:17

كون كان كل واحد يمشي على واش يخرج عليه هو دك مناش في الحالة هدي
--------------------
رجعنا كل واحد يحوس يرضي الناس ويدير اشهار لروحو ويعودو يديروه موضوع السهرة ويماها تقولهم ايه تشوفو بنتي مدولها كذا وكذا ودارت العرس كذا وكذا
__________

الزواج ساهل في دينا بصح العباد تاع دك فسدوه حتى انو رجع مافيهش البركة وكثرت المشاكل وكثرو المناكر

الله يهدينا برك

مريم الصابرة · 2012-09-28, 23:20

السلام عليكم
صح هي من جهة الغلاء ومن جهة الراجل ثاني بزاف عليه إحنا في دارنا 10 ملاين منهم كل شي الكبش والذهب وكل شي إلا خاتم الخطوبة هذاك وحدو والباقي لا مشكل يتفاهمو عليهم كان الراجل ما عندوش نورمال يتفاهمو يتقاسمو جهازها مع اهلها هذا ماكان المهم الهنا شكرا

اسعى لرضى الله · 2012-09-28, 23:20

مرة جات وحدة من عائلتنا تتسلف في الدراهم وحكات ليما قالتلها بلي ولدها راه في الديونات تاع العرس

مفهمتش انا هدا زوج باش يرتاح ولا يصبح في مشكل الدين؟؟؟

حتى الرجال ساعات نلومهم كيعاد يكلفو رواحهم فوق طاقتهم نورمالمون كي يروح يخطب يقولها شوفي ابنت الناس هاهو واش عندي بغيتي تزوجي مرحبا مبغيتيش الله لا زوجتي واش يديه يروح يسلف باش يدير عرس ؟؟؟

شيء من رجاء ! · 2012-09-28, 23:27

اقتباس:

المشاركة الأصلية كتبت بواسطة اسعى لرضى الله

مرة جات وحدة من عائلتنا تتسلف في الدراهم وحكات ليما قالتلها بلي ولدها راه في الديونات تاع العرس

مفهمتش انا هدا زوج باش يرتاح ولا يصبح في مشكل الدين؟؟؟

حتى الرجال ساعات نلومهم كيعاد يكلفو رواحهم فوق طاقتهم نورمالمون كي يروح يخطب يقولها شوفي ابنت الناس هاهو واش عندي بغيتي تزوجي مرحبا مبغيتيش الله لا زوجتي واش يديه يروح يسلف باش يدير عرس ؟؟؟

سواء الرجل أو المرأة كل الذين يكلفون أنفسهم فوق طاقتها ، تجديهم يهمهم الناس أكثر من جيوبهم
الله يهدينا ويهديهم
ذكرتيني بكرتون فلسطيني رأيته سابقا بخصوص الموضوع

خللها

اسعى لرضى الله · 2012-09-28, 23:44

والله يا اختي عندك الحق يروحو يخسرو المخلوق في دم فادو مسكين جا يلمهم بشق النفس غير باش ينعتو رواحهم وكما قلتي واالافان التعلاق والتمنشير

كيعاد فيها التمنشير والتعلاق مالا مدير والو خير وخليهم يهدرو ولا واش قلتي ؟

SOUSOU. DZ · 2012-09-29, 00:08

اقتباس:

المشاركة الأصلية كتبت بواسطة رجاء الخير

الله يسلمك ويحفظك يارب
هذه المحزمة لست مقتنعة بها ، نحس الوحدة تكون غبية أو ماشابه
أفكاري متطرفة نوعا ما

ماتخافيش ختيتو مام تفكيرنا هكدا يعني عندك الشبيه المحزمة ندير بيها حاجة اخرى اكيد في دهب

قتلهم ايماجيني راحت بروح كلشي ندير سلاسل ولا خواتم ماشي خير

شيء من رجاء ! · 2012-09-29, 00:12

نقاش ممتع و إن شاء الله يكون مثمرا في الواقع ، تصبحوا على خير وطاعة ، وتذكروا صلاة الفجر في وقتها تجلب الرزق ، وتذكروا أن رسول الله صلى الله عليه وسلم قال "بورك لامتي في بكورها "

في رعاية الله وحفظه

فتـ حييةـاة · 2012-09-29, 00:39

اقتباس:

المشاركة الأصلية كتبت بواسطة رجاء الخير

نقاش ممتع و إن شاء الله يكون مثمرا في الواقع ، تصبحوا على خير وطاعة ، وتذكروا صلاة الفجر في وقتها تجلب الرزق ، وتذكروا أن رسول الله صلى الله عليه وسلم قال "بورك لامتي في بكورها "

في رعاية الله وحفظه

جزاكـ الله خيرا

~~♥ المتفائل ♥~~ · 2012-09-29, 11:15

غير محدد
///==============

asma1s · 2012-09-29, 12:24

10 ملايين ..

hananazziza · 2012-09-29, 18:43

السلام عليكم
خندنا في ولايتنا يتراوح المهر من 15 مليزم الى 20 مليون

soussoudarine · 2012-09-30, 00:13

السلام عليكم المهر في المنطقة نتاعنا هو
اربعة ملايين او خمسة * مسايس او مقياس معاها سلسلة او خاتم* خاتم الحنة* قنطارين صوف* الكسوة تتراوح مابين سبعة ملايين حتى خمسة عشرة مليون وهي عبارة عن ملابس من قفطان و فرقاني وادوات تجميل وملابس مختلفة* كبش مع لوازم العشاء كلها على العريس

ناشدة السؤدد · 2012-09-30, 01:02

اقتباس:

المشاركة الأصلية كتبت بواسطة soussoudarine

السلام عليكم المهر في المنطقة نتاعنا هو
اربعة ملايين او خمسة * مسايس او مقياس معاها سلسلة او خاتم* خاتم الحنة* قنطارين صوف* الكسوة تتراوح مابين سبعة ملايين حتى خمسة عشرة مليون وهي عبارة عن ملابس من قفطان و فرقاني وادوات تجميل وملابس مختلفة* كبش مع لوازم العشاء كلها على العريس

الله أكبر

عليها مالا الرجالة هنا يظلو يهدرو على التصديرة ، صار هو اللي يجيب الفرقاني و القفطان ؟ مالا عندهم الحق
و زيد الصوف و الذهب,,,

ـــــــــــــــ
عنا العادي و المشهور ميش الغني أو الفقير

10 ملاين و الخاتم (تاع الخطوبة اللي ولى عادة)
و في العرس زوج كباش و يكري الروبة و يسلك المشطة