يعطيك الصحة اختي على المعلومة المفيدة بصح بغيت نزيد على كلامك القلاصاج انواع واشكال فيه نتاع السيرو والحليب والقهوة واللحظة بصح كان بغيتي القلاصاج يجيك يلمع وهش عليك وعلى سكر القلاصي نتاع المرجان روعة روعة روعة جربت القلاصاج في انواع من السكر القلاصي ويجي شباب بصح مع سكر المرجان والله يا اخواتي غير روعة انا نخدم القاطو للعراس والعرايس والقلاصاج نتاعي يسالوني بزاف عليه وعلى الطريقة نتاعو وسهلة وتقدر المبتداة لي حبت يطلعلها القلاصاج من اول مرة شباب الطريقة هي:
بياض البيض طازج على حساب كمية القاطو لعندك مع رشة ملح ضربيه بالباتور احسن مناليدوي باه يحافظ على la forme نتاعو وان معندكش الباتور استعملي الفرشاة كي يطلع بياض البيض زيديلو مغرف عشا زيت ونص كاس زبدة طرية وكاس تاي عصير ليمونةوضربي مليح حتى يندمجو مليح وزيدي سكر قلاصي المرجان بالتدريج مي مع كل متزيدي السكرضربي مليح باه يذوب السكر القلاصي حتى تتحصلي على قوام ثقيل وفي الاخير جيبي شوي ما الزهر وديري فيه اللون لي تبغيه وخلطي مليح باه يذوبو الحبيبات الصغار نتاع الملون وزديه للقلاصاج وفي الاخير باش تشوفي القوام لي تحوسي عليه جيبي حبة حلوى واغمسيها في القلاصاج ادا لقيتيه ينزل بسرعة زديلو السكر حتى تتحصلي على la formeثقيلة وزيني بالشيء لي تبغيه ونضيف على كلامي باش تجيك حبة القاطو لماعة في القلاصاج يوجد عند الحلواني قرعة صغيرة فيها فرشاة صغيرة من فوق مخصوصة لتلميع القلاصاج تحكيها علي الحبة وتجيك اكثر جاذبية وان شاء الله تعجبكم وجربو طريقتي وردولي بالخبر عيد مبااارك اخواتي
( تقرير عن مشاركة سيئة )، و الموجودة أسفل كل مشاركة .
2012-08-13, 21:55
العرض المتطور
