معلومات للسنة أولى طب أو جراحة الأسنان درقانة

[hopeful_girl]

المشاركة الأصلية كتبت بواسطة saalem

يوميا تقراو 8 ساعات..؟؟ ما عدا السبت والجمعة طبعا وواش هذي كوبي بزار وكوبي نات؟؟ والأساتذة كشما يشرحولنا مع اللول بالعربي والا والو

نعم برنامجنا نحن كما وضحت في الردود السابقة بالضبط
أنتم الله أعلم
حنا كل موديل نقراوه ساعة و نصف و ننتقل إلى موديل آخر
كوبي بزار و كوبي نت
عناوين مكتبتين
مخصصتين لطلاب المركز البيوطبي درقانة
تجد فيها ما تحتاجه من الدروس
و التمارين و مواضيع الأعوام الماضية
و تقدر دير فيها فوتو كوبي ..................
تلقا فيها أي وثيقة خرجت من عند لي بروف
les TD
يمدوهوملك في المركز البيوطبي
مي إذا غبت ولا ملحقتش
تلقاهم في هاتين المكتبتين
...................
الخ
الأساتذة ميشرحوش بالعربية كاين لي جامي في حياتك تسمعوا نطق بالعربية حتى كي يهدر فلبورتابل
كاين لي يقولوا كلمااااااااااااااااااااااااااااااااااااااات
مي في الأول يشرحولكم الكلمات غير المفهومة
و يقولوا للي فهم يقولها بلعربية
بويسك بيناتنا ميعرفوش العربية
يخربوها
هههههههههه
نتمسخر برك
متخلعكش حكاية لفرونسي و لعربية
راك راح توالف
................
بإذن الله

موفقين

[hopeful_girl]

[quote=
نرجس العطرة;11082125]شكرااا لكي اختي الطيبة والحمدلله كي لقيتك ولقيت الي يفيدني بهاد المعلومات

العفو أختي الطيبة أيضا لا شكر على واجب
مسرورة لإفادتك

انا سجلت في درقانة سنة اولي

مبروك عليك ......التحاقك بكلية الطب نعمة من عند الله

احمدي الله عليها
و أسأل الله لك النجاح و التفوق و السعادة في الدارين
لأن الإجتهاد بكآبة ما عندو حتى معنى

على بيها دعيتلك بالسعادة

مي درقانة كمدينو معجبتنيش

هي مدينة صغيرة جدا و متواضعة و نقولك الصح واحد متعجبلو مي أومبعد توالفي
و تعودي متشتيش عليها
هههههههه
شوفي نقولك الشي لي مصبرنا على درقانة
هدوء الإقامة كما سبق و ذكرت
كاين غير فروع كلية الطب الثلاثة
و نادرا و ين تلقاي لي يقراوا خارج هذه الفروع
نتمنى تكوني فهمتيني


قصدي حبيت نسقسيق منين كي تحبو تشريو قواميس كتابات

قواميس....كتب خارجية ننصحك تشريهم من مكاتب كبار في العاصمة و سط و لا من مكاتب العاصمة ..باب الزوار.....أو مكاتب لكبار في ولايتك
لأنو درقانة فيها مكتبتين صغيرتين تحدثت عنهما مسبقا
فيها غير دي بولي كوب و دي سيجي
يعني مكتبتين أقصد لي فيها حوايج تاع السنة الأولى منيش نحكي على المكاتب بصفة عامة
ولا حبيتو تخرجو تطبعو
كاين مكتبتين أو أكثر للطباعة و النسخ أمام الإقامة و أمام المركز البيوطبي أين تدروسون بالضبط

ووين تقاو بيع الكتب وهل صح غاليين هل درقانة فيهاا اماك مثل مكاتب يعني وش سحقيتي تلقاي

بيع الكتب تحدثت عن هذا في الرد السابق
أقراي الردود
لالا ماشي غاليين طول
ماشي حاجة
للسنة أولى يعني

والويكاند وش تقعدو ديرواا قصدي اللي يسكن بعيد ارجوكي افيدينا


نقراوا طلاب السنوات الأخرى مشارجية عليهم الحالة غير يقراوا
نرتحوا
نديروا حملات تنظيف للغرف و .....كل ما يحتاج للتنظيف

نديروا لاشان على الإستحمام

كلش
كاين لي ينظم وقتو و يخرج يديفولي يحوس
كاين لي ويكاندي عند لافامي
كاين لي يروح لسيبار الإقامة

المهم هذا في بداية السنة
لكن بمرور الوقت تحتاجي الويكاند باه تقراي
و تقراي
و متحسيش بيه
بالعكس تحبيه يطول
راكي تعرفي الوقت يمر كالسهم هاذ الأعوام
من علامات قيام الساعة واقيل
و نتي هاكي تروحي و تنظمي وقتك و ديري واش تحبي و توالفي بإذن الله
لأنو فترة ما قبل الإمتحانات الأولى طويلة بما فيه الكفاية
للتأقلم مع الدراسة
و الإقامة

و موفقة بإذن الله غاليتي
[/quote

[hopeful_girl]

لي عودة لأرد على البقية بإذن الله
أستسمحكم عذرا
لا تنسونا من صالح دعائكم
ولن أنساكم أنا بإذن الله
موفقين
صحا فطوووووووووووووووووركم

[♥ وآثقة الخطــــى ♥]

السلام عليكم ختي العزيزة صحا رمضانك

حبيت نسقسيك على هاد الفرع قالولي قرايتو ممتعة وشابة بزاف صح؟؟ اوصفيلي احساسك ونتي تقراي فيها طلعيلي امورال ههه...

حنا هاد العام ماحطوناش في اقامة درقانة للبنات مي في باب الزوار4 --باية حسين-- قالولي بعيدة 35 كم على وين نقراو

هل راح نلقاو مشكلة كبيرة في transport هذا سؤالي ولي عودة ان شاء الله

صحا فطورك...

[siphaxs93]

موضوع للاستفسار عن المركز البيوطبي بدرقانة برج الكيفان:

https://www.djelfa.info/vb/showthread.php?t=1054022

[bac2012]

https://www.********.com/FaculteDeMe...DeSetif?ref=hl

[bac2012]

slm pour les etudient de chir dent hada legroupe net3awno fih kamal https://www.********.com/FaculteDeMe...DeSetif?ref=hl

[immmi]

السلام عليكم
مشكورة اختي على الموضوع وجعله الله في ميزان حسناتك
انا اود ان اسألك عن الطلبة الذين يحق لهم دراسة الطب في العاصمة يعني من اي ولايات هم
وهل للطالبات القاطنات برغاية الحق في الاقامة الجامعية ام لا
لك كل التوفيق

[ousama kati doghma]

[quote=♥ وآثقة الخطــــى ♥;11143771]السلام عليكم ختي العزيزة

حبيت نسقسيك على هاد الفرع قالولي قرايتو ممتعة وشابة بزاف صح؟؟ اوصفيلي احساسك ونتي تقراي فيها طلعيلي امورال ههه...

.........................

[leo ilyes]

المشاركة الأصلية كتبت بواسطة hopeful_girl

سلام الله عليكم و رحمته و بركاته


أولا أهنئ كل من تحققت رغبته و وجه إلى الطب أو جراحة الأسنان ...
عقبال للمزيد من النجاح و التفوق في المشوار الجامعي و المهني ......
و هو مشوار صارم فيه تكون شخصية الفرد علميا و مهنيا و إحتماعيا و نفسيا .....
و الله ولي التوفيق


أنا طالبة جراحة أسنان درست سنة أولى في درقانة بالعاصمة ..و ددت أن أطرح بين أيديكم نبذة عن هذا العام المميز

هو كجذع مشترك بين الطب و جراحة الأسنان لا اختلاف بينهما إلا في مادة
أي علم التشريح
anatomie


المهم السنة الأولى تتم دراستها في المركز البيوطبي في درقانة و هي موجودة في ضواحي العاصمة و ليست في الوسط...منطقة متواضعة جدا ..
..و تكون الإقامة الجامعية للبنات في .............................
في درقانة بالضبط ليست بعيدة مسألة 10 دقائق فقط أما بالنسبة للذكورففي باب الزوار
بالنسبة لغير المقيمين فوسائل النقل الجامعي متوفرة و تقوم بالنقل إلى باب المركز البيوطبي بالضبط و مسألة وقت و يتعودون عليها


فتأكدوا أن النقل و الإقامة ستتعودون عليهما بمرور الوقت و لن يشكلوا عائقا أبدا في الأول صعب الأمر نوعا ما للتأقلم خاصة المقيمات لكن بمرور الوقت الكل يفكر كيف يدرس و يطلع عامو ...المهم يجيب العام و فرات و ينسى كلش نتمنى تتعودوا بسرعة
و متضيعوش الوقت في التذمر و الشوق للأهل و غير ذلك .


..المهم بالنسبة للدراسة
عندكم
..........
10modules..... ......
كل موديل فيه
cours et td
cours
يكون في قاعة المحاضرات
amphi
w td ye3ni traveaux dirigés
في أقسام صغيرة تحلوا فيهم التمارين و طبقوا واش درتوا في الدرس
يعني حضور الدرس و مراجعته واجب و إلا ما تفهم والو كي يحلوا التمارين
و حاولوا تحلوا التمارين قبل المهم تكون عندكم فكرة يعني ماشي شرط تحلوهم صحاح هكا باه تشوفوا مدى استيعابكم للدرس
و تهلاوا عاودوا لكور و تي دي باه كي يقربوا لإمتحانات تلقاوا رواحكم مستعدين غير تزيدوا تحلوا شوي سيجيات
المهم علابالي طولت بزاف لهدرة
لي موديل هوما :

cytologie
علم الخلايا
أكبر معامل ....3
يعني .....لموديل لوحيد لي معاملو 3
تشبه شوية للعلوم تاع الليسي
فيها 3 fascicules
سيعني 3 كتابات مي مش كبار ميخلعوكمش هوما برك حبوا ينظموهم و يحذفولكم منهم بزاف

تقراوا فيه على الخليه خصائصها مكوناتها و تدرسوا كل مكون وحدو مثلا
chapitre de la membrane plasmique .
chapitre de l appareil de golgi
..............................
.....باه تفهموا برك واش فيها

responsable de module: Dekkar

l amphi 3endha trés chargeés surtout pour médecine pour chir dent foukrache hiya l yrouhou 3endha bezef

فيها بروف دير ليكور
wa9ila benzine

المهم لازم تحضروا المحاضرات بويسك أصلا مافيهاش
td
;و تركزوا على
les tableaux et les schémas
بويسك هوما لي جيوا فلإمتحان.......المهم نباسي لموديل واحد باه منكثرش و كشما حبيتوا سقسيوا نتوما


anatomie
علم التشريح

responsable :Hammoudi
تاع لميدسين يقراوها في درقانة و مسموح لهم باه يروحوا للجامعة المركزية
la fac centrale
مي تاع جراحة الأسنان يقراوها في الجامعة المركزية ضروري و إجباري و ين كاين لي لابو و المتاحف ..ان صح التعبير
صح يبان متحف فيه الجماجم و الهياكل العظميةو الأسنان...
.المهم مادة مختلفة بين الفرعين
الطب يقراوا الجسم البشري
2 كتابات
جراحة الأسنان
tete et cou
برك
وكتاب واحد برك
كااين لي يحفظوها بير و يحفظو مام لي شيما و يجيبوا حتى 18 و 19
و كاين لي يقراها و يشفا على الأساسيات انطلاقا من واش شرح لبروف
و لا من واش فهم
و يجيبوا 13 و 14

المهم تاع جراحة الأسنان ساهلة إذا حضر للدرس خاصة و أنو يقرينا في معظم الأحيان حمودي و يقولنا الأهم و هو لي يجي فلإمتحان
إمتحاناتو عبارة عن
qcm
يعني تجاوبوا vrai ou faux
و ساهلين و شوية دي شيما باينين
هاذا لجراحة الأسنان


génétique
علم الجينات ..

معلومات مرت علينا بكري و معلومات إضافية أيضا
موديل ساهل واحد ما يشكي منو
résponsable :belhoucine
عاودوا لي تي دي بعد ما تهزوا أفكار في الدرس و يفيدوكم بزاف نهار
l examen
ممكن حتى يتعاودوا
كاين qcm
qroc
يعني سؤال و تجاوبوا عليه كيشغل حفاظة مثلا واشي هي خصائص المرض الوراثي الفلاني ....المهم
qcs
كيما
qcm
مي إذا جاوبت صحيح تدي النقطة المعتبرة إذا خليتها تدي 0 إذا جاوبت غالط ناقص النقطة المعتبرة

المهم كما حب لبروف و إحتمال يديرهم كامل + تمرين كما تاع تي دي

biostatistique
إحصاء
responsable : yahi

لازم تحلوا و تعاودوا لي تيدي و التمارين تاع لي سيجي لي فاتوا و راهي ساهلة تتخلعاوا على لول يبالكم إحتمالات و مقريتوهمش فلباك و كذا مي تلقاوها ساهلة قانون و طبق تقدري تقولي حفظة تاع القانون و التمرين و كيفية حله

biophysique فيزياء حيوية:

و تقراوا فيها فيزياء عادي مثلا فلأول تقراوا الشحنات الكهربائية و القوانين تاعهم أومبعد تولي فيزيا حيوية تحكيوا على هاذ الشحنات في جسم الانسان مثلا في غشاء الخلية ...في القلب ....في
و هكذا مثلا تقراوا ثاني انعكاس الصورة في المرآة و كذا أومبعد تولي فيزيا حيوية كي تقراوها في العين نتمنى تكونوا فهمتوا واش حابة نقول

responsable:chéref
و لفيزياء الحيوية
موديل كامل تكلحنا فيه يهبطولكم المورال
و يقولولكم بيو زهر و واحد ما يقدر يجيب فيها

مي مكان والو تحضري لكور و تفهمي واش حاب يقول ...و تعاودي شوية لي تيدي و لي سيجي حوايج ساهلين برك متتعمقوش فيهم و تجيبوا فيها بإذن الله كاين حتى لي جاب 19 و 20
كما كاين لي جاب قل من 5
يعني نت و نظرتك عليها و قرايتك
و لإمتحان
qcm
و 5 و لا قل
qcs
يحاولوا يعطيوكم أسهل الحالات و في معظم الحالات تطبيق القوانين

chimie كيمياء

معندي واش نقول فيها تعرفوها كما تاع ليسي
بلعكس أسهل
قانون أحفظيه و طبقي و متحوسيش تفهمي في كامل لي موديل يعني
كاين بزاف لي يطلعوا بيها العام
résponsable:3mara

biochimie كيمياء حيوية

هذا هو الفرق بينها و بين الكيمياء
نحاول نعطيكم فكرة بطريقة مبسطة جدا
حيوية يعني متعلقة بالجسم
مثلا في الجسم كاين
protéines .....glucides...lipides.....
مالا تقراوا هاذ المواد الحيوية بشكل مفصل جدا من ناحية الخصائص ...الوظائف......و فيها بزاف تمارين طبقوا فيها القوانين و تستعملوا فيها الخصائص
و المعادلات التي تحفظ و تفهم
و من خلالها يعرف المركب المدروس في معطيات التمرين و هكذا

embryologie
علم الأجنة

responsable:bouaziz
تقراوا فيها مراحل تطور الجنين خاصة خلال الأسابيع الأربع الأولى
موديل يحتاج للفهم و الحفظ و لي شيما
و و لبروف يدير
les cours particuliers
و مشارجيين عندو قاعات المحاضرات يفهم مليح و يعطيكم نصائح للإمتحان

histologie
علم الأنسجة

résponsable:chebeb
تقراوا فيه أنواع الأنسجة في الجسم وو تركزوا بزاف على تصنيفهم و تسميتهم
و تعرفوا تحددوا رسوماتهم


و هاذوا 2 موديل لخرين بكري كانوا يقراوا في
1ère EMDفيembryo
et histo pour la 2 ème EMD
مي ذركا تقراوهم حصة بحصة
و متعلقين ببعضاهم يجيوا في نفس السيجي في ساعة و لا كل مرة كيفاه

مواد مشوقة لكن الكارثة هي في التصحيح تغلطي تسلكي تغلطي في حرف راح كلش عليها ميطلعوهاش بزاف
مي كاين لي يفهمها و يحفظها مليح و ميغلطش بتوفيق الله و يدي حتى 16
كما كاين لي يديوا 0
و يدخلوا فيها لسانتاز و راتراباج و كاين حتى لي يعاود في جرتها المهم منيش حابة نهبطلكم المورال حابة برك نبينلكم واش كان
متنساوش كاين لي يجيب فيها ثاني .....17

informatique
الإعلام الآلي

معاملها 1
تقراوها غير في
1ère EMD
ساهلة و طلعوا بيها المعدل
تقراوا فيها مخططات تعرفوا من خلالهم كيفاه يخدم الكمبيوتر في راسو
شغل تعتبر روحك نت الكمبيوتر و تحط الخطوات اللي ديرهم باه تحقق المطلوب
في مخطط organigrame
ولا
algorithme
المهم ساهلة
مام لبروف تاعها دير
les cours particuliers

في
2ème EMD
تقراوا في بلاصتها

déontologie
أخلاقيات المهنة

ثاني ساهلة تقراوها ليلة لإمتحان تجيبوا فيها 20 كي والو
و يبالي اسمها يعبر على واش فيها


يبالي ذكرت لي موديل كامل
كامل ساهلين
صح كاينة سياسة الدروس الخاصة و النقاط و ....
في كامل لي ميوديل
مي لي يقرا و ميضغطش على روحو و ما يطلقهاش طول
يقرا شوية الدرس و يعاود لي تيدي و يشوف لي سيجي قلتها و نعاود مرارا و تكرارا
ينجح بإذن الله
نتمنى نكون عظيتكم فكرة موضحة
و لي حاب يسقسي على أي حاجة يتفضل

بالنسبة لإقتناء الدروس متقلقوش رواحكم كل شيء سيوفر لكم أقراوا برك
إما كتب تشترونها فيها كل شيء ألفت من قبل مسؤول المادة
أو بولي كوب ثاني من قبل لي بروف
فيcopy bazzar
ولا copy net
و لي TD يعطيولكم هوما في المركز البيوطبي و لي فاتو اليوم و مداش يلقاها غدوا هذيك في
كوبي نت و لا كوبي بزار
هههههه
المهم يربحوا الدراهم متخمموش
كما كاين مواضيع إمتحانات الأعوام الماضية اشريوها من البداية باه تعرفوا كيفاه تقراوا و علاواه تركزوا
مش حتى لغدوا هذيك لإمتحان طلوا عليهم و تبداوا تشكيوا عيينا نحلوا malgré قرينا
و مرات يتعاودوا
راني وصيتكم تهلاوا
من تجربتي الخاصة لي داوا النقاط ملاح هوما لي حلوا لي سيجي بزاف و عرفوا علاواه يركزوا
و لي كانوا غير يقراوا كلش و يحفظوا ما جابوش مليح

بالنسبة للإقامة

أنا أقمت في الإقامة الجامعية للبنات درقانة
هناك غرف فردية .....غرف ذات 2 أو 3 أو 4
إقامة هادئة لأن جل و معظم المقيمين بها يدرسون أحد الفروع الطبية

pharmacie..médecine....chirurgie dentaire
نادرا ما تجد من يدرس خارج هذه الفروع

بالنسبة للنظافة ..عاملات النظافة متواجدات كل يوم و غيرهن من العمال
الماء متوفر نادرا ما ينقطع التيار الكهربائي

فيها مطعم ...بصراحة أكل غير صحي ....و الكل يشتكي منه ...أطباق ترد ...مرات يديروا ماكلة متتكلش و مرات يهديهم ربي و يديروا حاجة تصلح

مكتبة للمذاكرة ...نادي للرياضة نظم فيه فرق رياضية ...فيه أيضا مصلى نسيبة بنت كعب ينظم نشاطات ثقافية و دينية رائعة مرة بالمصلى و مرات في المطعم و مرات ينظمون حصص لتنمية البشرية و نصح السنة الأولى باعتبار أنهم جدد و يحتاجون النصح و التوجيه و الإرشاد ....كما ينظمها أيضا الإتحاد الطلابي الحر و غيره من المنظمات في المطعم...
فيه أيضا قاعة للأنترنيت لكل طالة أو لكل مقيمة الحق في ساعة هذا ان وجد إكتظاظ أما إن لم يكن هناك اكتظاظ فلها أن تبقى أكثر
wifi
في الغرف أحيانا و في معظم الأحيان غير متوفر

في ظاهر الإقامة قديمة لكنها نظيفة و هادئة و مرات نتظم فيها حفلات في المطعم لمناسبة ما

بالنسبة للإدارة ...مديرة إن لم تستبدل.....و الكثير من الموظفين


المهم من يريد أن يستفسر على أي شيء فليتفضل ان كان بمقدوري إجابته فلن أبخله بإذن الله

لا تنسونا من صالح دعواتكم
و أسأل الله لي و لكم النجاح و التوفيق في طلب العلم المقدس
و عذرا ان أطلت عليكم فقط كان قصدي التبسيط

merci khti baraka allah fiki rabi ywefa9&ywefa9na ajma3in

[leo ilyes]

المشاركة الأصلية كتبت بواسطة immmi

السلام عليكم
مشكورة اختي على الموضوع وجعله الله في ميزان حسناتك
انا اود ان اسألك عن الطلبة الذين يحق لهم دراسة الطب في العاصمة يعني من اي ولايات هم
وهل للطالبات القاطنات برغاية الحق في الاقامة الجامعية ام لا
لك كل التوفيق

slt!!pr la cité il faut que ta maison soit loin aumoin 50 Km pr que t'auras le droit d'avoir une chambre!!pr les wilaya sa depend chaque année!!comme cette année les etudiant de skikda vont etudier à Alger&non pas à Annaba!!alors chaque année est differente

[immmi]

المشاركة الأصلية كتبت بواسطة leo ilyes

slt!!pr la cité il faut que ta maison soit loin aumoin 50 Km pr que t'auras le droit d'avoir une chambre!!pr les wilaya sa depend chaque année!!comme cette année les etudiant de skikda vont etudier à Alger&non pas à Annaba!!alors chaque année est differente

mrc bcp pr la reponce
mé je sé ke pr les fill ...il faut ke leurs maisons soient loin au moin30 kmnn 50
et
si c possible quell sont les willaya qui ont le droit d'étudier la medecine cetet année a alger
et mrc encor

[leo ilyes]

المشاركة الأصلية كتبت بواسطة immmi

mrc bcp pr la reponce
mé je sé ke pr les fill ...il faut ke leurs maisons soient loin au moin30 kmnn 50
et
si c possible quell sont les willaya qui ont le droit d'étudier la medecine cetet année a alger
et mrc encor

pas de quoi t'as dis pr les filles c'est 30km!!alors surement 50 km c'est pour les garçon malgré je ne vois pas pourquoi cette difference.....l'essentiel tu dois voir le guide(si t'as passé ton bac cette année) mais je vais te dire que les wilaya sont:Alger-tamanrasset-illizi -ghardaia....c'est tout!le guide dit comme ça!!!mais par exemple les étudiants de Skikda ont été orienté vers Alger!!alors dans ce pays il y aura tjrs des surprises!!allah a3lem si j'ai pas trompé les étudiants de Batna ou Mila ont été aussi orienté vers Alger!!zidi sa9si khti tu n'as rien à perdre bone chance

[immmi]

المشاركة الأصلية كتبت بواسطة leo ilyes

pas de quoi t'as dis pr les filles c'est 30km!!alors surement 50 km c'est pour les garçon malgré je ne vois pas pourquoi cette difference.....l'essentiel tu dois voir le guide(si t'as passé ton bac cette année) mais je vais te dire que les wilaya sont:Alger-tamanrasset-illizi -ghardaia....c'est tout!le guide dit comme ça!!!mais par exemple les étudiants de Skikda ont été orienté vers Alger!!alors dans ce pays il y aura tjrs des surprises!!allah a3lem si j'ai pas trompé les étudiants de Batna ou Mila ont été aussi orienté vers Alger!!zidi sa9si khti tu n'as rien à perdre bone chance

merci bcp cher frére c trés gentill

[leo ilyes]

المشاركة الأصلية كتبت بواسطة immmi

merci bcp cher frére c trés gentill

derien chere soeur