تجهيزاتنا للشهر الفضيل

[نسمة صبح]

شكرا جهينة اليقييين، مبادرة طيبة من طرفك.. و أكيد انت جديرة بها، سنكون حاضرات و متألقات ان شاء الله

سلامي الى كل الفراشات احبكن

[جهينة اليقين]

المشاركة الأصلية كتبت بواسطة نسمة صبح

شكرا جهينة اليقييين، مبادرة طيبة من طرفك.. و أكيد انت جديرة بها، سنكون حاضرات و متألقات ان شاء الله

سلامي الى كل الفراشات احبكن

شكرا حبيبتي نسمة ربي يفرحك ياخي انت كنت من الاوائل تاع الدورات السابقة

[جهينة اليقين]

كرونو اولادي كلهم كبار الحمد لله لكن عندي التزامات اخرى والخياطة كذلك وشغل البيت ما يخلاصش
القمح صيرتيه وحدك لما تصيريه غسيلو يكون سااااهل برك كثري الماء وغسليه مليح فالحقيقة اعطيت لواحدة صيراتو وغسلاتو في الخريف وخلصتها طحنت 25 وبعد ايام ان شاء الله نزيد 25 الاخرى

[جهينة اليقين]

فالخقيقة انا كذلك نخاف من التجميد بصح كي تجي للصح قاع نجمدو هههه لان رمضان ماهوش شهر تاع الاكل واليوم كامل يروح غير فالكوزينة ولكن لازم نغتانمو هذا الشهر في العبادة لانه ايام معدودات كما قال تعالى وكذلك النسا الي يربو ا والنساء العاملات لازم يوجدو مسبقا كيم دارت كرونو لاصوص تومات ننقوالجلبانة نعصرو الليمون نوجدو بعض العصائر كذلك الي راهي متنوعة فالنت نوجدو الحميس بواقي الخبز ما نرموهمش نخبوهم حتى نديرو كمية مليحة نحمصوه فالفرن ونطحنوه وتغربلوه ونخبوه كذلك فالمجمد نستعملو بيه عدة وصفات

[arwa alaa]

اهلا فراشات شكرا كرونا على المعلومات
انا تاني قالي الزوج متديررش الاكل في المجمد المرة الأولى قتلوا معليش ومنبعد بدلت رايي قتلوا يخي غير شهر رمضان وعمبالي بلي تعقب الوقت في الكوزينة
اقتنع بكلامي
بالنسبة لرافيطايمة بديت نخبي وكل مرة حاجة حتى نكمل شريت سميد قلب اللوز لانو قبل رمضان ينقص وبسيف نلقاوه
اليوم فرزت ادراج الكوزينة مع الشغل نتاع كل يوم

[crono]

المشاركة الأصلية كتبت بواسطة جهينة اليقين

اروى المرمز يخدموه بالشعير كي يكون اخضر كيم الفريك يخدموه يالقمح كي يكون اخضر وراه قريب يحصدوه جوايهنا راه داير حالة لو كان جيتي قريبة نبعث لك لانو هذه السنة ما شاء الله بصح خدمتو صعيبة انا يعطوني واجد

والله خدمتو صعيبة راني جربت للقمح قوليلي كي ديرلو الفريك

[crono]

المشاركة الأصلية كتبت بواسطة جهينة اليقين

كرونو اولادي كلهم كبار الحمد لله لكن عندي التزامات اخرى والخياطة كذلك وشغل البيت ما يخلاصش
القمح صيرتيه وحدك لما تصيريه غسيلو يكون سااااهل برك كثري الماء وغسليه مليح فالحقيقة اعطيت لواحدة صيراتو وغسلاتو في الخريف وخلصتها طحنت 25 وبعد ايام ان شاء الله نزيد 25 الاخرى

الله يبار ك ربي يحفضهملك و الله كفكيف اه غسلتو مليح و صيراتو وحدي مزال 35الاخرى

[crono]

المشاركة الأصلية كتبت بواسطة جهينة اليقين

فالخقيقة انا كذلك نخاف من التجميد بصح كي تجي للصح قاع نجمدو هههه لان رمضان ماهوش شهر تاع الاكل واليوم كامل يروح غير فالكوزينة ولكن لازم نغتانمو هذا الشهر في العبادة لانه ايام معدودات كما قال تعالى وكذلك النسا الي يربو ا والنساء العاملات لازم يوجدو مسبقا كيم دارت كرونو لاصوص تومات ننقوالجلبانة نعصرو الليمون نوجدو بعض العصائر كذلك الي راهي متنوعة فالنت نوجدو الحميس بواقي الخبز ما نرموهمش نخبوهم حتى نديرو كمية مليحة نحمصوه فالفرن ونطحنوه وتغربلوه ونخبوه كذلك فالمجمد نستعملو بيه عدة وصفات

حتى انا مانحبش نكونجلي لي نجمد كالجلبانة والقرنن طمطيش والليمون والثوم لازم انقص عليا
شابلير تقدري ديري بيه صوااالح بزااااف
خبز تونس للتحلية في رمضاااان مقبلات كراااتان
نعملو تان قى للمطلوع باش يعطي لون جميل
لخشين حطيتو وحدو و رطب وحدو نقرص فيه الخبز
اه رمضان انتاع زمان راحت ريحتها وبنتها
كل الاخوات ان شاء الله يبلغنا بالصحة ولهنى والأهم النفسية طيبة وقلب شغوف للعبادة وكسب الأجر التنظيف له وقتو والعبادة لها وقتها المهم كل وحده اتنظم وقتها وتعيش بلا قلق

[crono]

دمتن بخير اخواتي في الله

[crono]

ما تنساوش سورة الملك قبل النوم...
...........و صدقوني يوما بعد يوم تتعودو و ما تناموش قبل قراءتها..............................

[omelbanin]

اصبحنا واصبح الملك لله ،
صباح الخير عليكم فراشات ،صباح الهمة والنشاط انا اليوم عندي خرجة ،راح نخدم شغلي العادي .
يومكن موفق

[جهينة اليقين]

صباح الخير فراشات ربي يوفقك ام هارون
كرونو شكرا شكرا على النشاط راكي منورة الصفحات ما تبخليش علينا بتدبيراتك

[arwa alaa]

صباح الخير فراشات

[جهينة اليقين]

[QUOTE=crono;3997463719]والله خدمتو صعيبة راني جربت للقمح قوليلي كي ديرلو الفريك [/QUOTE]

هيهيييييي القمح اضربيه في خمس مرات
انا ما نقدرش عليه عمري ما خدمتو لكن جارتي قالت لي رايحة نخدمو قلت لها نعاونك واعطيني حقي
شوفي ينحو الشعير قبل ما يصفار بالاك اواخر هذا الشهر يخلوه ييبس شوي ثم يخبطوه باش يتحتت تم يفوروه ثم ييبسوه ثم يقلوه يعني يحمصوه في طاجين الطين ومن بعد يطحنوه ويديرو الدشيشة تاع الحريرة ويديرو منو الدشيشة الغليظة تاع يايطيبوها ويديرولها الزبدة يا يفوروها ويسقوها كيم الطعام
اظن اسهل من هكذا ما فيهش

[جهينة اليقين]

اليوم ان شاء الله رايحة ندير لوبيا للفطور وندير الغسيل فالماشينة وننظم ايليمون فالكوزينة ونشوف اذا بقا لي الوقت نجبد دوزان الخياطة نفرزو لان مالصيف لميت كلش وخبيتو
يوم موفق للجميع سلالالالالالالالالالام