الجزء 162 من الكوزينة كوزينة الفرح والهنا عليكم ان شاء الله

[ام لجين و فيصل]

المشاركة الأصلية كتبت بواسطة اسمهان79

أم سارة أم تاجو والأخت والله ما عرفت نقرى اسمك سامحيني راهي تالفتلي خلاص الف شكر حبيباتي
أم تاجو حبيبتي قلبي واللي هي السبب اني عرفت هاذ الكوزينة اللي مليانة بالطيبات امثالك
اعذري اختي راهي ما نحبش دور هنا بزاف هي راهي من أصحاب الفايسبوك راهي تجي غير كي تحب تدي كاش روسات حرامية تسرق وتهرب ههههه
حبيبت قلبي توحشتها

انا ام لجين يا اسمهان هههههه

[آسيا 27]

مسا الخير
جبتلكم صابلي كنت درتو اليامات اللي فاتو
[IMG][/IMG]

[IMG][/IMG]
اسمهان الحمد لله على سلامتك و وألف مرحباً توحشناك و الله يشفيك اختي وترجعي خير من اللي كنتي آمين
ام لجئت تارت التفاح و المقروظ امممممممممممم
ام هدول بصحتك الحلوة
ليزا الحلو يهبل حللي و ناقشي
ام ابراهيم وصفة البغريييير خرجلك 44444444444
ام جوجو بصحتك الطعام
جازيا التارت
الجمان ام سدرا و رزيقة بصحتكم كل شي حطيتوه و الله يبارك في رزقكم
زيكا حبيبة قلبي الحلوة الي حطيتيها عجبتني بزااااف الله يعطيك الصحة
ام تاجو عندي شحال ما تلاقيتكش وصلي موااااحاتي لمريومة

[lyzzabel]

يا عمرييييي شكون جاااااات اللهم لك الحمد و لك الشكر ياااااارب حبيبة قلبي اسمهاااان كي رااااكي يا الحبيييبة والله غي دروك دخلت لقيتك ما أمنننننتش قعدت نقرا في اسمك و نعاود ،، المهم الف حمد و شكر لله على سلاااامتك و ياااااارب ترجعلك صحتك أححححسن ملي كنتي و راكي نورتي دارك و الكوزينة و المنتدى يا الغاااالية و الحمد لله لي رفع البلااء ،، ماعليش زيدي اصبري و تشوفي رحمة ربي سبحانه شحال واسعة ربي يخليلك زوجك و بنياتك و يخليك ليهم و يحفظلك أختك و عائلتك اللهم آمييييين و إن شاااء الله كيما اليوم تولي تشاركي فالكوزينة و المنتدى و تحطي أحلى الوصفااات كيما عودتينا يا الحبيييبة ،، الحمد لله الحمد لله ربي سميع مجيب و راه استجاب لدعواتنا كاااامل ،، لا إله إلا الله وحده لا شريك له له الملك وله الحمد وهو على كل شيء قدير ،، اتهلي في روحك و ما يكون غير الخير بإذن الله تعالى


بصحتكم قاع شا طيبتو و حطيتو كل وحدة بإسمها و إن شاء الله تولي ام عبدو و تنور كوزينتهاا ،، شكراااا حبيبتي ام جووجوو

سكروووور والله وحشتي ليك أكككبرررر من بعد نراسلك سكروورة قلبي

حبيباتي انا راني في دارنا و عاودت درت لي بتي بيسكوي لي حطيتهم الصباح عجبوهم بزااااف درك نحاول نحمل الصور

[lyzzabel]

بسم الله

[lyzzabel]

و الخليط لي بقالي درته كيكة





و هادي طاولة القهوة من يدين زوجة بابا





و هدا فطوري اليوم برانية بلحم العجل درتلها صلصة حمرا ممممم و سلاد نسيت ما صورتهاش و الحمد لله على نعمه




سكرووور حبوبي والله غي فكرتيني بحبيبتنا الغالية كاوووكاا دعيتلها ربي كي قريت الخبر و نزيد ندعيلها بالشفاااء العاااجل و ربي يرجعها لدارها و وليداتها بألف صحة و سلاااامة يااااارب اللهم آميييين

اللهم اشف مرضانا و مرضى المسلمين جميعا و أنت أرحم الراحمين


آسيا يعطيك ااصحة كل حاجة تحطيها روووعة ماشاء الله عليك يا الفحلة و من عيووني دك نسكنلج الوصفة و نحطهاالك

نسيت نقول لحبييبتي ام روييدة يسلمليييييي الحلووو لي دار الحلو و ربي يحفظه ،، عجبتني الفكرة بزاااف بصح ما راهش عندي لا الجهد و لا الخاطر باش نجاهد معاهم فالكوزينة خخخخ

ام لجين النووية على سلاامتك حنووونة

ام لجين هيثم بصحتكم كيكة التفاح حبيبتي و المقروظ يميي يمييييي

رحمة أهلااا و سهلااا حنونة و بارك الله فيك على الدعااء ولك بالمثل

رزييقة و ام سدرة و ام جووجوو و جازيا و قااع لي دخلو للكوزينة بصحتكم و ربي يدوم عليكم النعم و على المسلمين ياارب


اللهم صل و سلم و بارك على سيدنا و نبينا محمد و على آله و صحبه أجمعين

[اسمهان79]

المشاركة الأصلية كتبت بواسطة lyzzabel

يا عمرييييي شكون جاااااات اللهم لك الحمد و لك الشكر ياااااارب حبيبة قلبي اسمهاااان كي رااااكي يا الحبيييبة والله غي دروك دخلت لقيتك ما أمنننننتش قعدت نقرا في اسمك و نعاود ،، المهم الف حمد و شكر لله على سلاااامتك و ياااااارب ترجعلك صحتك أححححسن ملي كنتي و راكي نورتي دارك و الكوزينة و المنتدى يا الغاااالية و الحمد لله لي رفع البلااء ،، ماعليش زيدي اصبري و تشوفي رحمة ربي سبحانه شحال واسعة ربي يخليلك زوجك و بنياتك و يخليك ليهم و يحفظلك أختك و عائلتك اللهم آمييييين و إن شاااء الله كيما اليوم تولي تشاركي فالكوزينة و المنتدى و تحطي أحلى الوصفااات كيما عودتينا يا الحبيييبة ،، الحمد لله الحمد لله ربي سميع مجيب و راه استجاب لدعواتنا كاااامل ،، لا إله إلا الله وحده لا شريك له له الملك وله الحمد وهو على كل شيء قدير ،، اتهلي في روحك و ما يكون غير الخير بإذن الله تعالى


بصحتكم قاع شا طيبتو و حطيتو كل وحدة بإسمها و إن شاء الله تولي ام عبدو و تنور كوزينتهاا ،، شكراااا حبيبتي ام جووجوو

سكروووور والله وحشتي ليك أكككبرررر من بعد نراسلك سكروورة قلبي

حبيباتي انا راني في دارنا و عاودت درت لي بتي بيسكوي لي حطيتهم الصباح عجبوهم بزااااف درك نحاول نحمل الصور

يا غالية النور نورك حبيبتي
ربي رؤوف رحيم والله اذا أحب عبدا ابتلاه هاذ الكلمة سمعتها كثيرا من الرقاة وربي جاب الشفاء
والفضل لربي ودعواتكم الف الف شكر

[اسمهان79]

المشاركة الأصلية كتبت بواسطة آسيا 27

مسا الخير
جبتلكم صابلي كنت درتو اليامات اللي فاتو
[img][/img]

[img][/img]
اسمهان الحمد لله على سلامتك و وألف مرحباً توحشناك و الله يشفيك اختي وترجعي خير من اللي كنتي آمين
ام لجئت تارت التفاح و المقروظ امممممممممممم
ام هدول بصحتك الحلوة
ليزا الحلو يهبل حللي و ناقشي
ام ابراهيم وصفة البغريييير خرجلك 44444444444
ام جوجو بصحتك الطعام
جازيا التارت
الجمان ام سدرا و رزيقة بصحتكم كل شي حطيتوه و الله يبارك في رزقكم
زيكا حبيبة قلبي الحلوة الي حطيتيها عجبتني بزااااف الله يعطيك الصحة
ام تاجو عندي شحال ما تلاقيتكش وصلي موااااحاتي لمريومة

آسيا حبيبت قلبي
الصابلي راح ينطق الله يبارك
فرحتي وانا بيناتكم اليوم ما نمدها لحتى حد

[أم محمد تاج]

يااااي عسل سل راني نستنى على احر من الجمر يااااااااي وطاولة مرت باباك والبيسكوي من يدييك تححححفة الله يسلمكم يارب
ام لجين النووية الفين مراحب حنووووووووونة
آسيا الفحلة مواحاتك وصلووو ومريووومة تبعثلك مواااحة مع عضة بالسنينات لي خرجوو ياخي تقبليها هههههه
حبيباتي من فرحتي بالغالية اسمهان ماعلقتش على طيابكم الله يعطيكم الصحة يا غالياااااات

[ناريمان2004]

السلام عليكم ان شاء الله تكونو كامل بخير الحمد لله على سلامتك اختي اسمهان والله فرحت كي شفت ردك وربي يعطيك الصحة ويشفيك

[اسمهان79]

أم لجين يا مراحب بالغالية
أحبكم في الله

[Oum Habouba]

السلام عليكم ورحمة الله وبركاته
الحمد لله على سلامتك يا اسمهان لبنات في الدردشة خبروني جيت نجري نطل عليك والله طاحو دموعي وخاصة كي قريت الرد نتاع ام تاجو والله تقول شيكولا هديك الموصيبة تبكي وتبكينا
يا سبحان الله تامني بالله غير اليوم مافارقتيش بالي كنت نسقسي عليك في عقلي ونقول يادرا كيراهي ونتخيل بنياتك الحمد لله اللي ربي رفد عليه الضر ورجعك لزوجك واهلك الحمد لله حمدا كثيييرا
ونتمنى لك المزيد من الشفاء والصحة والعافية المهم دخلتي وبشرتينا وطمنتينا عليك ربي يحفظك ويسترك وصح اللي بغاه ربي يتبلاه سبحانك ربي ما اكرمك
ليزا العالية واش هدا الخييييير يا الغالية نتي تاني الصباح بغيت نرسلك ونسقسي عليك حتى لقيتك دخلتي الحمد لله اللي راكي بخير واكيييد القاطو اللي حطيتيه فور بزاف ومن فضلك الوصفة ادا مافيهاش ازعاج
لبنات كاملين بارك الله فيكم على الخيرات اللي راكم تحطو فيهم الله يكثر خيركم وخميركم ويجعل بيوتكم عامرة ومباركة

[أم سدرة]

مساء الخير دخلت على رجوع الأخت اسمهان الحمد لله على سلامتك اختي والله فرحت من قلبي كي قريت الرد تاعك ربي يحفظك و يحفظلك عائلتك
جبتلكم عشايا غراتان بطاطا ولجميع مفهوم صح عشاكم
[IMG][/IMG]

[ام هدول]

سبحان الله حطيت قاطو الفلسطينية ودكرت الاخت اسمهان لقيت ردها من بعد ماحملت الصور وكان قلبي حس بيلي رايحة تدخلي
فرحتينا بعودتك معافاة ربي يتتم نعمتو عليك ان شالله وتريحي ويغدرد هاد السقم دون عودة .....ماعرفتش نعبر من الفرحة المهم شفنا ردك وفرحنا بعودتك ربي يدوم المحبة بيناتنا

[lyzzabel]

ميني بيسكوي بكريمة التووووت

هدي الوصفة من ابتكاري و الله على ما أقول شهيد ،، بغيت نسكنجلها و لقيت الصعاليك تاوعي نحاولي لابليكاسيون مالتابلات خخخخ
بسم الله
زوج حبات بيض دافيين نضربهم بالفرشيطة مع رشة صغيييرة ملح و نصف كاس سكر عادي و لافاني ،، من بعد نضيف نصف كاس زيت و نضرب و من بعد علبة باوورت طبيعي حلو ،، انا درت دانون ،، و نضرب مليح دايما بالفرشيطة و نزيد عصرة خفيييفة تاع ليمون و كيس خميرة كيميائية و الفرينة قدما نتحصل على خليط سائل شوية يعني شوية جاري على تاع الكيك
ندهن لي مول بالزيت و نرشهم بالفرينة و نحط قيس م ك مملووووءة من الخليط في كل واحد و نطيبهم على 180 درجة حتى نشوفهم أخذو اللون الذهبي الجمييييل ننحيهم و نديموليهم و نخليهم يبردو
من جهة أخرى نحضر الكريمة لي هي كمية من الفوندون و نفس الكمية من المارغرين نضربهم مليييح بالباتور حتى يتجانسو ولا فالبيتران و نضيفلهم super crème بذوق التوت و نزيد نخلط ملييييييييح و نقطع فيها حبات الحلوى تاع التوت قطع صغيييرة ،، لي ما عندهاش تنجم تستغنى عليها ،، و نخلط و نعمر الكريمة في لا بوش آدووي ،، نقلب لي ميني بيسكوي و ندهنهم من فوق فقط بالسوبر كريييم خخخ و نرمد فالنواد كوكو ،، و من بعد نعمر الفراغ لي فالوسط بالكريمة و نزين من فوق بحبة حلوى تاع التوت ،، و التزيين يرجع لذوق كل وحدة و نرش بالسكر قلاص

ملاحظة : تنجمي تديري الخليط في مول كبير تاع الجينواز لي ينتحل مالجوانب (un moule à charnière) و كي تبرد الكيكة تفتحيها فالوسط و تعمريها بالكريمة و تزينيها على ذوقك و لكن بشرط تضاعفي المقادير باش تجيك عالية ،، و حتى النكهة كل وحدة تدير لي توالمها

هادي المقادير دارتلي 10 حبات ميني بيسكوي و زوج حبات كبار طيبتهم فلي مول تاع لي تاغتولات ،، هادو لي حطيت صورتهم الصباح

أما لي حطيتهم العشية درت 3 حبات بيض و حرفت في بقية المقادير و ما درتش النواد كوكو خاطرش وليدات أختي الله يرحمها ما يبغوهااااش فقط رشيت السكر رطب من فوق و درت خطوط بالسوبر كريم ،، دارتلي 10 حبات ميني بيسكوي و كيكة متوسطة كيما لي شفتوها فالصور

للأمااانة الكريمة من ابتكار أختي الحبيييييبة ،، و ألف صحة و هنا يااارب


أم حبوووبة يسال عليك الخير يا الحبيبة نتمنى تكوني غايا نتي و بنياتك و الوصفة راني حطيتها حبيبتي

ام هدووول والله مام انا قلتها سبحاااان الله شفتي القاتو تاعها عيطلها تقول شمت ريحته هههه ربي يشفيها و يلبسها ثوب الصحة و العافية ياااارب و نتي تسلم ايديييك حبيبتي فعلااا يبان رااااائع

[سوسو المغتربة]

السلام عليكم ورحمة الله وبركاته
البنات صح قهوتكم وعشاواتكم
عندي مشكل مع الكوزينة دائما 3 صفحات الأخيرة مايتحلوش
المهم شفتكم عجبكم الكوكا شكرا على الإطراء حبيباتي وحبيت نحط لكم الوصفة اللي جربتها هزيتها من موضوع أم اسلام تاع الوصفات المصورة ربي يجازيها هي والبنات كل خير