الجزء 152 من واش طيبتي اليوم

[om wassim]

شكرا حبيبتي توبة و اطباقك اروع
و لي عجبني كتر هو لب الرمان ههه
آسيا روووعة الكاب كيك تسلمي حبوبة

[سميحة 01]

السلام عليكم

مبروك الكوزينة

لبنات ما شاء الله راكم تبدعو الله يبارك\

[IMG][/IMG]

[IMG][/IMG]

زينب من فضلك اذا تقدري تعطيني وصفة معجون الرمان عندي رمان و حابة نديرو معجون

[om kamilia]

السلام عليكم ورحمة الله وبركاته
امسية سعيدة يا اهل الخير حبيت نحط لكم شوية منـ ارشيفي القديم في الوقت الحالي ماني نلبز والو












هاذو من احدى كتبي القديمة

[زينب 83]

اختي سميحة اطباقك تحفة ما شاء الله
و و صفة مربى الرمان راهي في قسم التحليات الصفحة الاولى
ام كاميليا حتى لو من الارشيف لكن يشهو امممممم
يخي راك لاباس حنونة
توبة شكرا غاليتي
اسيا و زهرة الريف شكرا على الافكار حبيباتي
تصبحون على خير

[om kamilia]

زينب شكرا وين نبان قدامكم انتم الشافات والحمد لله راني احسن شوية

[oum ibrahim]

صباح الخيرات يا الحراير كيف اصبحتو ان شاء الله لاباس
ام يسرى القاورية كوزينة مبروكة ان شاء الله تكون فال خير على الجميع نتمنى تقبلي باروكي و لو انو متاخر بصح حبيت نديرلك حاجة خص نص ليك تستاهلي كل خير حنونة
الكيكة الحلزونية محشية بكريمة الزبدة بالنوتيلا امممممممممممم رهيبة
بسم الله







وهذا عشايا البارح الكريب التركي لام ندى رااااائع بارك الله فيها




اللهم لك الحمد حتى ترضى و لك الحمد اذا رضيت و لك الحمد بعد الرضى
نراجع شوية و نولي باذن الله

[Oum yousra]

صباح الورد لاغلى الحبايب راني كنت نراجع يا سلام شهيتوني على الصباح كلشي هاااااااااايل و يسخف يسلمو و حبيبتي توبة شفتك كي طلبتي الوصفة كنت راح نكتبهالك ديشارجات التابلات اخخخخخخخخص اخخخخخص ههههههههها جيت نكتبها لقيت أختي ليزا حطت الوصفة و تقريبا نفس الطريقة مع اختلاف بسيط انا شويت الفلفل و نقيتو و غسلتو وقطرتو مليييح من بعد حشيتو و درت اللحم وحدو مادرتش الروز و زدت معاه البطاطا و القرعة courgette و الصوص كيف نتاع ليزا

[Oum yousra]

اتفضلوعندي تتقهواو .

[oum ibrahim]

يالهوييييييي يا ام يسرى قتلتيني بالبراج و انا ماعنديش الغرس وااااااع نقولك انا نديهم كامل مادام الخايبات مازالو راقدين هههههههه تسلم الايادي
وينكم يا الحراير و لا نجيبلكم البراح ينوضكم

[oum islem]

السلام عليكم ورحمة الله
صباح الصحة والسعادة على الجميع
كتبت ألف رد وما فاتوش ان شاء الله يفوت هذا
ما شاء الله على طياباتكم دون استثناء بكل صدق روائئع
جيادا شوفي الصفحة 83 من وصفات الحراير idron0 قامت بالواجب الله يحفظها أعتذر ما قدرتش نحمل الرابط ولا نبعثلك رسالة خاصة
شكرا كثيرا لتعليقاتكم المفرحة
غاليتي أم رويدة هدي طريقتي في تحضير التليتلي بسيطة وتقليدية
أولا نحمص التليتلي خفيف على مقلاة او طاجين بدون ما يأخذ لون
نغسله بالماء البارد ونقطره مليح ونحطه في جفنة نحله بشوية زيت وملح ونفوره نبرده بكاس كبير ماء ونخليه يتشرب الماء مليح ثم ندير شوية زيت ونفوره مرة ثانية ونخليه بجهة
اما المرق نقلي البصل والثوم والطماطم حبات مع اللحم او الدجاج
والملح والزيت والتوابل نقلي مليييييح ثم نمرق بالماء المغلي
ونضيف حبيبة جزر وحبيبة لفت والحمص طايب نص طياب وحبيبات زيتون وطماطم مصبرة وفلفل حار ونغلق حتى يطيب الدجاج والخضر
نصفي المرق في كسكاس ونحط التليتلي في كوكوت ونغمره بالمرق لما يغلي نحركه مليح ونغلق الكوكوت وندير الصفارة ونطفي على النار
نخليه يتشرب المرق بعد نصف ساعة افتحي عليه تلقاي الحبات تنفخو وشربو كامل المرق ديري شوية دهان او زبدة حارة أو مرغرين
زينيه بالبيض مغلي والخضر واحتفظي بشوية مرق من الأول باه تسخني بيه التليتلي لأفراد العائلة لي كانو غايبين وقت الغداء
وشهية طيبة
نكمل المراجعة ونرجع

[ام فضيلة]

صباح الخيرات دخلت على براج ام يسرى وتارت ام ابراهيم يعطيكم الصحة سخفتوني مع الصباح. ا
اختي توبة ترحب بيك الجنة فرحتيني بردك شكرا... اما الصور عندي الميكرو خاسر والتابلات منعرفش نحط منها وزيد متصور ش مليح

[ام رويدة]

سلاااام اخواتي الغاليات
طاب يومكم
دخلت على رواءع فنانتنا ام ابراهيم وفنانتنا ومضيفتنا ام يسرى
مممممممم روووووعة تسلم ايديكم حبيباتي

توووبة شكرا غاليتي اسعدني كلامك ومام انت الله يبااارك فنانة
وشاااطرة يعطيك الصحة على الوصفة
والتحريف كما قلت طبع فينا بصح انا كلي ثقة في وصفاتك غاليتي برك الزبدة كانت عندي شوية فلوريال مفتوحة قلت نتخلص منها وخلاص ما نحبهاش تقعد بزااف مفتوحة

[زهرة الريف*]

السلام عليكم ورحمة الله وبركاته
أخواتي المشرفات أين هو الحل الوسط كفاية تجاهل توحشت اللمة واخواتي 😢😢😢😢😢😢😢😢😢😢😢😢😢
عذرا أم ابراهيم. ....وأم يسرى. ...واش حطيتو روعة تاع الصح بصح وينهم أخواتي

[زينب 83]

صباح الخير غالياتي

ام يسرا كان بالي في بالي المقروط زدتي عليا بالبراج اممممممم تلفتيهالي
ام ابراهيم الفن يقطر من يديك الله يبارك ربي يخفظك
ام رويدة صباح الخير

حبيبلتي لي راكم واراء الكواليس صباح الورد و الفل

[اسمهان79]

يسعد صباحكم حبيباتي دون استثناء الحاضرات والغايبات ياولدي الدار داركم
راجعت وشفت الخيرات اللي حطيتوها ما شاء الله تسلم الأيادي
لبراج المحاشي الكسكسي البريوش التليتلي المشاوي الكيكة ووووو سامحوني الذاكرة راهي عاطلة شوية
يعطيكم العافية على كل شيء حطي تووووووب
راح نرجع اكيد
غدايا اذا كتب ربي بغرير طلبو بناتي