صح عشاكم كامل وماشاء الله عليكم ربي يبارك شطرات من قببيل وانا نراجع منقدرش نذكر الاسماء خفت ننسى وحدة فيكم كنت عند خالتي راجلها كان في المستشفى وخرج رحت طليت عليه هذا وين جيت راجعت بالزربة
ام ياسو قاطو القطيفة نتاعي ندير فيه 500 غ زبدة + كاس زيت + كاس سكر ارطب + زوج بيضات + نص كاس نشاء + فاني + زوج مغارف كبار كاكاو + باكي خميرة القاطو ونلم لعجين بالفرينة تكون عجينة طرية الحشو ندير حلوة ترك او حلقوم او شيكولا مقطعة مكعبات التزين 300 غ نواد كوكو مخلط مع 5 مغارف كباركاكاو غامق وزوج مغارف كبار سكر ارطب وطبعا معجون مخلط مع ماء الزهر او تقدري تستغناي على ماء الزهر نوليو لطريقة التحضير باينة نشكل دوائر من لعجين ونفتحها في الوسط ونحط الحشو انا درت شيكولا بيضاء هيا لي كانت متوفرة عندي وغلقتها مليح وحطيتهم يطيبو كي طابو غطستهم في معجون مخلط مع ماء الزهر ورمدتهم في نواد كوكو لمخلط مع الكاكاو وسكر الارطب هذا اذا درتهم دوائر طبعا واذا حبيتي تشكليهم قلوب او مربعات او دوائر نفس مقادير العجين طبعا تستغناي على الحشو لي داخل ديري لكريمة نتاع الزبدة لي تعرفيها او ديري هاذي لي نستعملها انا في هاذي الوصفة ذوق نيسكافي تجي هايلة واذا حبيتيها بيضاء ديري لافاني في بلاصة نيسكافي ومقاديرها مع طريقة التحضير نتاعها 250 غ زبدة + كاس عسل + 2 باكي او 2 مغارف صغار نيسكافي محلل في شوي ماء نخلطو الزبدة مليح بالباتار ونزيد لعسل بشوي ونخلط ونزيد نحط النيسكافي ونخلط مليح هذي نتاع النيسكافي اذا حبيتيها عادي ديري لاروم نتاع لفراز او الموز او حطي لافاني غبرة برك الذوق يرجع ليك وفي الاخير طبعا تلصقي حبات القاطو ومبعد تغطسيهم في المعجون مخلط مع ماء الزهر وتغطسيهم في نواد كوكو لمخلط بالكاكاو وسكر الارطب طبعا كي تشكلي لعجين الشكل لي حبيتيه من الاحسن حلي لعجين في صاشي نيلو تجي ساهلة في الخدمة ومتعبش
( تقرير عن مشاركة سيئة )، و الموجودة أسفل كل مشاركة .
2015-10-30, 18:41
بصحتك البيتز
العرض العادي
