الجزء 150 من واش طيبتي اليوم..... نورتو غالياتي تفضلوا .....مرحبا بكن - الصفحة 39

الرجاء الاماني المجد · 2015-10-21, 16:31

مساء الفل ام وسيم ام سارة يعطيك الصحة على وش حطيتي قوللي كيفاه خدمتيه

om wassim · 2015-10-21, 16:40

شكرا حبيبتي أرزاق على الإجابة شحال و انا حابة نعرف أخبارها يا رب يكون المانع خير
ام سارة البغرير يهوس يعطيك الصحة و بصحتكم

ام سارة18 · 2015-10-21, 16:55

اهلا الرجاء الاماني هدا بغرير ادرارية برك زدتلو بيضة في الاخير وديرتو في الروبو اول مرة نخدمو
بالروبو وجاء خفيف يهبل علاش عليا نهار كامل وانا نتعافر معاه والله نحوسو غير على الساهل

الرجاء الاماني المجد · 2015-10-21, 17:15

اقتباس:

المشاركة الأصلية كتبت بواسطة ام سارة18

اهلا الرجاء الاماني هدا بغرير ادرارية برك زدتلو بيضة في الاخير وديرتو في الروبو اول مرة نخدمو
بالروبو وجاء خفيف يهبل علاش عليا نهار كامل وانا نتعافر معاه والله نحوسو غير على الساهل

ام سارة حطلي المقادير

Oum Habouba · 2015-10-21, 17:16

سلااااام الله عليكم حبيباتي
اولا اختي اسمهان عظم الله اجركم والهمكم وذويه الصبر والسلوان صدقيني الصباح كي قريت الخبر فشلت ما قدرت لانحط ردي ولا نشارك صدقيني حكمتني كي العبرة الله يصبر زوجته واولاده ويخلفهم في مصيبتهم اللهم امين

زينب 83 · 2015-10-21, 17:28

السلام عليكم و رحمة الله و بركاته

كيف الاحوال أخواتي

كنت غائبة عندي مدة كنت مريضة و زيد عندنا مشكلة في الهاتف ، المهم الحمد لله على كل حال

اسمهان يا غالية و الله ما لقيت مانقول ابتلاء صعيب بزاف ، تعرفي كنت سمعت بالحادثة قبل ، و بعد ماشفت صورته غاضني لأقصى الحدود و حتى أهله ربي يصبرهم يا رب ، لكن لا اعتراض على حكمة رب العالمين ، لكل اجل كتاب و هذا كان اجله انا لله و انا اليه راجعون ، حتى انا ابن خالي مات في حاثة مماثلة و عمرو 28 و و حيد والديه ، الحمد لله على كل حال

ام رحاب ربي يشفي اخوك يا رب و يسمع كم الأخبار الطيبة

ام جوجو الف سلامة على الوالدة ربي يطول في عمرها في طاعة رب العالمين و تبقى منورتكم يا رب

لهنة حبيبتي الف الف مبروك سيرين ان شاء الله تتربى في عزك و دلالك ، ربي ينبتها نبات حسن و يحفظها من كل شر

ليزا العسلاية ربي يشفيك و يعافيك يا رب

سلامي ليكم كامل وحدة وحدة ، و الاطباق طبعا في. غاية الروعة ربي يحفظكم يا رب

عايشة حسان ماشاء الله على بلاغتك و كلامك الجميل ربي يفتح عليك و يجعل الكوزينة فاتحة خير عليك و رغم الأخبار المحزنة ، الا انو الامل دايما موجود مادام عندنا رب رحيم ، الحمد لله

لا اله الا الله محمد رسول الله

omjoujou · 2015-10-21, 17:24

السلام عليكم
مساء الخير حبيباتي
هذوين روحت من دارنا ميمتي الغالية خرجت ليوم من المستشفى متتصوروش الدار كيفاه نورت وضوات بوجودها ربي ميحرمناش منها ويحفظهالنا
ام رحاب لعزيزة تاعي يسقسي عليك الخير ميمتي راهي مليحة وليوم لي خرجت من المستشفى ربي يشفي خوك زيرفع عليه ضرو
الرجا الاماني اذا حابة نحطلك الرابط تاع واحد الوصفة تاع البغرير تاع القرعةن ساهل وسريع ونتيجتو مضمونة جرباتو اختي وجا رووووووعة
كل الاخوات سلامي ليكم
زوجي طلب مني نديرلو مو رزايم لعشا نروح يا ربي نبدا

Oum Habouba · 2015-10-21, 17:25

سلااام عزيزتي الرجاء كي راكي اختي وبصحتك الكروكي مارانيش قاع نتلاقاك يادرا راكي مليحة هادو ايام الفروض عندكم ولالا
ام سارة النحلة خبارك راكي دايرة حالة الله يبارك ربي يعطيك صحتك
ام سراااااج حبيبتي شكرااااا على الوصفات رائعة كروعتك بارك الله فيك على جهدك وعلى تخمامك فينا
ام الجوج حبيبتي يا عميرتي ادخلي طمنينا على الوالدة راكم معاها ربي معاكم
ام رحاب الحمد لله على سلامتك والله فرحت مين قلتي خوك حس بالتريسنتي تامني قلعتي عليا شوية غمة خاصة مع الاخبار اللي رانا نسمعوها ربي يسمعنا اخبار الخيرويديم الصحة على الجميع
ام وابنة بصحتك الكرواصون ايييييييييييه راكي النار تشعل ماشاءالله ربي يخليلك وليداتك
ام الاء بصحتك البراج
زهرة الريف راكي قاع قايستنا في التقيل ادخلي توحشناك

ام سهام 02 · 2015-10-21, 17:31

السلام عليكم غالياتي

طمينة الغالية سيرين

ام أمينة · 2015-10-21, 18:13

اقتباس:

المشاركة الأصلية كتبت بواسطة ام سهام 02

السلام عليكم غالياتي

طمينة الغالية سيرين

ممممممممممممممممممممم يييييييييييييييييييييييييييم طمينة تهبل لعقوبة لينا يارب العالمين
علبالك كنت قبيل راح ندخل ونقلك وراهي طمينة تاعك لقيتك درتيها ربي يفرحك باولادك يارب

أم فاطيمة · 2015-10-21, 17:32

[size="5"]اهلا اهلا زنوبة نورتيلباس عليك انشاء الله ريحتي
سارة يعطيك الصحة كلش 4444444444
ام رحاب ربي شفي خوك و يلبسو ثوب العافية
ام جوجو الحمد لله على سلامة الوالدة
اممممم سهام لوكان غبر ولدت و كثرتولي طمامين
راهي تسخف كل وحدة تقول لختها لزي لهيه
[/الله يخليكم لبنات شكون تعطيني وصفة نتاع السلق تكون بنينةsize]

الجمان · 2015-10-21, 17:33

مساء الخير عليك يا لحراير
ان شاء الله تكونوا بخير
راجعت حت دخت من اطايبكم وتذكرت
لوبيا ام سلجد والمطلوع والرخساس واو تسخف
غداء ام وابنة والكرواسون يهوس
ام سراج اف شكر على امنقولات
روائع ام الاء كلش امممممممممممممممممممم
ام وسيم شكرا على البربوشة اممم نموت عليه
حلويات فضيلة رائعة ومتقونة
غداء ام سارة يشهي
اهلا ام رحاب الاماني المجد روضة ارزاق
واللي نسيتها تسمحلي
وهادا غداياشوربة فريك

وهادا خبز الدار خدمتو لقهوة العشية

والعشاء راني مهنية بقالي من الغداء
استغفر الله الذي لا اله الا هو
ام تاج ولهنة الله يعينكم على التربية

الرجاء الاماني المجد · 2015-10-21, 17:37

ام جوجو على سلامة امك معلهيش حطهلي
ام حبوبة صح منش نتلقو وشراكي عزيزتي الاسبوع القادم ان شاء الله نبدا فيها وراني نقري في بناتي في الدار

omjoujou · 2015-10-21, 17:37

ام حبوبة عميرتي يسقسي عليك الخير ميمتي راهي مليحة والحمد لله
زينوبة اميييييييييييين وربي يحفظلك كل عزيز وغالي على قلبك وربي يشفيك افتقدناك
ام سهاااااااااااااااااااام سخفتيني في الطمينة واقيلا حتى نزيد نحمل وكي نزيد ديريلي الطمينة وتجيبهالي خخخخخخ
الرجا الاماني تفضلي هاذ الرابط تاع الغرايف كيما قوتلك ساهل وسريع وبنين والاهم الاهم الاهم مفيهش لماعن بزااااااااااااااااااااف
https://www.djelfa.info/vb/showthread.php?t=1877059

ام رويدة · 2015-10-21, 18:30

السلااام عليكم مرة ثانية

لانو في الصباح دخلت سلمت وحدة ماردت

المهم ........عائشة الف مبروك افتتاح هدا الجزء من المطبخ

حلوياتك روووعة وكلااامك اروووع اختي .....

زينب ربي يشفيك ويعافيك انت وليزا ووالدة ام جوجو واخو ام رحاب واخو ام تاجو وابن ام وابنة وامي واختي

وسااااااائر مرضى المسلمين ياااارب

الجمان ام الاء..ام ساجد..ام سارة ام وابنة...يعطيكم الصحة كاااامل وش حطيتو كلش رائع

وبصحتكم وربي يدوم عليكم نعمه يااارب

ام سهااااامو والله البارح درت طمينة تشبه لتاااعك دك كي شفتها قلت نحط لك تاعي

درتها فال لمرة لوسي زيدت في فرنسا

ا[SIZE="4"]م ماجد ام امينة ام فاطيمة ام وسيم[ الرجاء الاماني/SIZE] اسعد الله اوقاتكم بكل خير