اقتباس:
المشاركة الأصلية كتبت بواسطة cuisineshowdalatifa
أم سهام , لهنة , دائمة الحمد شكرا لكن
طريقتي ساهلة في المعجون و دائما هكذا لونه
نحضر الشاربات و لازم تولي عاقدة حتى تتلاصق بين الاصابع في معضم الاوقات ما نعبرش لكن هي لتر ماء على 500 غ سكر
من جهة ثانية نقي السفرجل و نقطعوا على 4 و نحكوا بالقارص
و نحطها في la cocotte مع الماء و نغلقها و نتركها مدة 10د تكون طابت (أي تولي طرية ) و معها نعصر شوية قارص
و من بعد نصفيه و نخليه يقطر
نحط السفرجل في الشاربات العاقدة على نار متوسطة و نخليه , في الاول راح يتلق الماء و تولي الشاربات خفيفة نتركوا حتى يعقد و أكيد كل وحدة تعرف
لازم يبرد مليح باش نقدموه
لهنة معجون التباسة هو الي نرحيوه و هذا معجون لطراف يبقى هكذا و تع الصح بنين و بالخص مع البريوش ممممم
دائمة الحمد إن شاء الله تكوني فهمتي طريقتي و هو يجي أبيض شباب على المعجون اللي جي أحمر |
يعطيك الصحة لطيفة ربي يبارك فيك كل صبع بصنعة
اقتباس:
المشاركة الأصلية كتبت بواسطة دائمة الحمد
|
رووووووعة عجبني لحميص بزاف بصحتكم ويعطيك الصحة
اقتباس:
المشاركة الأصلية كتبت بواسطة *عاشقة الجنة*
|
يعطيك الصحة عجبوني كل الوصفات يعطيهم الصحة كامل
اقتباس:
المشاركة الأصلية كتبت بواسطة أم ماجد
صباح الخير عليكم
خارجة الان في رحلة دعواتكم
واكيد ماننساكمش
استودعكم الله الذي لا تضيع ودائعه
اتهلاو في ارواحكم
تحياتي وحبي الكبير
|
طريق السلامة اختي حتى حنا مننساوكش
اقتباس:
المشاركة الأصلية كتبت بواسطة قمر 77
اصبحنا و اصبح الملك لله
السلام عليكم نشالله تكونو كامل لا باس يا قمرات انا صبحت دايخة من الكوابيس الله يستر كي شربت قهيوة استاذتي راني بديت نفطن استاذتي صباح الانوار و ام مجود رحلة سعيدة انا ثاني نشالله غدوة بربي نروح للبلاد توحشتهم مبصح ما نحبش السفر اليوم شغل لفوق راسي
نراجع و نرجع دخلت ديراكت للصفحة الاخيرة
|
صباح الانوار ان شاء الله يروح الشراختي مع الكوابيس
اقتباس:
المشاركة الأصلية كتبت بواسطة عازفة الناي
صباح الانوار و الاشراق للجميع
|
صباح الخير ياحلى عازفة
اقتباس:
المشاركة الأصلية كتبت بواسطة ام سهام 02
صباح الخيرات والمسرات على وجوه الخير
دائمة الحمد= قمر =عازفة الناي يومكن موفق
ام ماجد طريق السلامة ونتمنى لك رحلة ممتعة
|
صباح النور ام سهام
اقتباس:
المشاركة الأصلية كتبت بواسطة الأمنيات
السلام عليكم ويومكم مبارك
راني صايمه وغادي ندير لهم للغدا بركوكس ونهني راسي
اصبحنا على فطرة الاسلام ونعمة الاسلام وكفى بها نعمه
|
صح صيامك اختي متنسايش بالدعاء لينا ربي يتقبل منك
اقتباس:
المشاركة الأصلية كتبت بواسطة أم محمد تاج
صباح النور حبيباتي يا حلواة ونهاركم طيب ولذيذ
ام الجووود تروحي وترجعي بالف خير يارب
حبيباتي غدايا بواقي انا والاوﻻد زوجي ح صايم مانعرف واش راح نطيبلووووووو
|
صباح الخير يابنت الخال ربي يتقبل صيام زوجك
اقتباس:
المشاركة الأصلية كتبت بواسطة simassim
صباح الخير ونهاركم مبروك ان شاء الله
اليوم فطور مازال ماعرفت واش ندير بصح حاجة خفيفة السي سيد ماشي خدام نبروفيتي ندير ميناج كبير
واش فات عليكم بابا نويل. لول !؟؟؟
المنتدى راه تقيل وبيلوكي سيغتو من الايباد وانتوا ؟؟؟
|
صباح النور سماسم ليوم اكل فطورنا خفيف انا درت قلين ومطلوع
اقتباس:
المشاركة الأصلية كتبت بواسطة kaouka
اللهم ما اصبح بي من نعمة او بأحد من خلقك فمنك وحدك لا شريك لك فلك الحمد ولك الشكرصباح النفوس الراضيه ,,,اللهم اجعل القرءان , ربيع قلوبنا , ونور صدورنا ,,
|
امين اختي مليح كي نشوفو دعاء يشرح القلب كيما هكذا مع الصباح
اقتباس:
المشاركة الأصلية كتبت بواسطة nihale89
صبااحوووووو حبوبات
غدايا بطاطت ودجاج في الفور لام ماجد
|
بصحتك نهال اعرضني نجي عندك
اقتباس:
المشاركة الأصلية كتبت بواسطة طالبة الجامعة
|
صباح الانوار
اقتباس:
المشاركة الأصلية كتبت بواسطة أم ياسين الزهراء
صباح الانوار
غدايا روز في الفور وسوب الخضر والحمد لله
لبنات عيت ندخل لمدونة ام رامي ياريت اللي عندها وصفة المبرجة تحطلي المقادير وشكرا
|
بصحتك الروز مسبقا المدونة انا ثاني متتحليش بلاكش يكون كشما مشكل برك
اقتباس:
المشاركة الأصلية كتبت بواسطة om wassim
صباح النور و السعادة عليكم جميعا
ام ماجد طريق السلامة تروحي و ترجيلنا بخييير
لي رايحين يديرو ميناج ربي يعاونكم
انا اليوم نغسل الفريجيدار و كاش ما نقص كي زوجي بايت فالخدمة ربي يعيين
غدايا قعدتلي ماسيدوان تاع البارح و الحمد لله
|
صباح الخير ام وسيم تهنيتي من لغدا
اقتباس:
المشاركة الأصلية كتبت بواسطة ام نوردين
صباحكم فل وياسمين على كل الموجودات والغايبات
رانى حالتى بالسخانة ترعد فيا حتى خرجتلي فى شاربى ماحبتش نرقد نمل من الرقاد تم تم غدايا مااعينى ندير وال شكون تغدينى عيييييييييييش سخون
لبنات تعيشو شكون تعطينى الرابط تاع قشور الطماطم الي يرجعو صلصة عييت نحوس ومالقيتهاش
ثانى حاجة قولولى على قداها تقدم فلة فى سميرة تيفى واش من ركن تعيشو
البارح درت ليمادلان و الرخسيس بزيت الزيتون والحمد لله
اللهم صلى على محمد وعلى ال محمد والصحابة اجمعين
|
ام نوردين صباح الخير متقوليليش فلة لي معانا ان شاء الله يفيدونا لبنات ويقولولنا باش نشوفها انا ثاني
اقتباس:
المشاركة الأصلية كتبت بواسطة touta2010
صباح سعيد للجميع
غذايا قراتا بطاطا باللحم وسلاطة
ام ياسين مرحبا دي غيبة تطلي وتروحي
|
صباح النور يااحلى توتة
( تقرير عن مشاركة سيئة )، و الموجودة أسفل كل مشاركة .
2014-12-25, 09:32
العرض المتطور
