الى ام اسيد1 وكل وحدة حاصلة واش الطيب - الصفحة 389

ام حمزة22 · 2015-08-20, 18:34

اقتباس:

المشاركة الأصلية كتبت بواسطة omjoujou

حبيبتي الخضرة كي تكملي تحشيها راكي تقليها في شوي زيت و زبدة حتى تحمار مليح و امبعد تكمل طيابها مع لصوص في الفور راكي تالقايها طابت زبدة واذا مفهمتينيش مليح زيدي سقسيني راني هنا
فيما يخص غزالة راني نتمسخر برك كي عاد نعزها

يعطيك الصحة ام جوجو خلاص راني فهمت بارك الله فيك وربي يعزك حبيبتي

ام حمزة22 · 2015-08-20, 18:46

اقتباس:

المشاركة الأصلية كتبت بواسطة omjoujou

بصحتكم ابعثيلي شوية نشرب بيه حليب تاع الصباح
بلاك حبيبتي زودتي الفربنة بزاف يعني شيحتيه عليها تفتتلك و مقدرتيش تقطعيه وهو سخون ديجا صراتلي ليا مرة انا درت الوصفة العادية تاع الكروكي وشيحتو شوي عاى الزوم وبعثتو لبرا عند الخباز يطيبهولي و قطعهولي ساعة كي طاب مقدرش يقطعو ولا بعثهولي ليا بسيف مقدرت نقطعو من ثم عدت كلما نديرو نخلي لعجينة تاعو تلصق في اليد يعني طرية بزاف يجي رووووووعة

الله يسلمك حبيبتي لوكان حيتي قدامي ماشي خصارة فيك نبعتلك تشربي حليب العشية والصباح

اما تن العجينة خليتها طرية متل ما قلتي تلسق فاليد جابلي ربي الخميرة لازم ندير وحدة مش 2 مثل فالوصفة الا قدرت فالغد بادن الله نعاودها بباكي واحد خميرة وان شاء الله جيني مليحة باه كي نروح عند اهلي نحمر بيها وجهي اي ما نروحش بيدي فارغين

غزالة الصّحراء · 2015-08-20, 21:56

اقتباس:

المشاركة الأصلية كتبت بواسطة ام حمزة22

ام جوجو ما تزعفيش على غزالة اكييد كانت رايحة تردلك اما نقطعطلها الكهرباء او راحتلها النت راهي النت عندهم هاد نهارات تقيلة وتروح بزاف على هداك ما راهيش طل علينا

يعطيك ألف عافية ياحبوبتي الغالية . واللّه غير عندك الحقّ. وراني أسبق وقلت لكم دخولي مؤقت في انتظار تحسّن النت. ورغم ذلك راني أنصارع باش اندردش معاكم. واللّه غير راني خليت الماعن. قلت أنرد عليكم باش نفرحوا مع بعضنا.

omjoujou · 2015-08-20, 22:01

هذا عشايا

غزالة الصّحراء · 2015-08-20, 22:02

اقتباس:

المشاركة الأصلية كتبت بواسطة omjoujou

غزاااااااااااااااااالة وينك كامل درتيلهم اقتباس و رديتي عليهم غير انا راني زعفت

حنونتي أم جوجو راني اهنا غير ماتزعفيش عليّ . واللّه غير النت الي دارتها بيا. خلاص مرّة أخرى رايح أندير لك اقتباسات ماشي غير اقتباس رايحين ايضَوُا عليك كيما نجوم الليّل ورايح تدعيلي بالخير. لالا حبيت تسمحيلي برك. واللّه مادرتها عن قصدك. راكم كامل مثل خواتاتي. ربي ايخلينا لبعضانا ونستفادوا من وجهات نظر كلّ واحدة منا. اللّه لايحرمنا من مواضيعك المميّزة ونصائحك النيّرة. تحياتي الحّارة لك ولجميع الأخوات بدون استثناءقوليلي حنونتي أم جوجو بعد كل ّهذا الكلام أتنحالك الزعاف وإلاّ مازال. بعيد الشّر عليك من الزعاف ياربّ ماتشوفي منّا غير الخير إن شاء اللّه. .

غزالة الصّحراء · 2015-08-20, 22:09

اقتباس:

المشاركة الأصلية كتبت بواسطة omjoujou

تسلم الأيادي أختي أم جوجو. وفي خاطرك باش يتنحالك الزعاف راني اديت حقّي. يعطيك الف عافيّة. أنا انحبّ المطلوع وهو اسخون بزيت الزيتون. أنموت عليه. اليوم راني درت بيتزا. جاتني هايلة. وليدي لكبير بسلامتو هو الي اشتهاها. وطلب من بباه ايجيب اللّوازم وأنا درت العجينة. وزدت نقيت الدلاّع . وزدت اشويا عنب نحيتو من الجنينة أنتاعي. أحلى من السكّر. ليتكم أقراب منّي كنت أعطيتكم حقّكم.

omjoujou · 2015-08-20, 22:15

اقتباس:

المشاركة الأصلية كتبت بواسطة غزالة الصّحراء

تسلم الأيادي أختي أم جوجو. وفي خاطرك باش يتنحالك الزعاف راني اديت حقّي. يعطيك الف عافيّة. أنا انحبّ المطلوع وهو اسخون بزيت الزيتون. أنموت عليه. اليوم راني درت بيتزا. جاتني هايلة. وليدي لكبير بسلامتو هو الي اشتهاها. وطلب من بباه ايجيب اللّوازم وأنا درت العجينة. وزدت نقيت الدلاّع . وزدت اشويا عنب نحيتو من الجنينة أنتاعي. أحلى من السكّر. ليتكم أقراب منّي كنت أعطيتكم حقّكم.

الله يسلمك حنونتي والله ماني زعفانة كنت نتمسخر برك لانك شخص عزيز علبا و تهميني عليها قلت هذاك لكلام
بصحتك البتزا و الدلاع
ربي يخليك لينا و ميحرمناش من طلتك يا طيبة

ام سوهيل · 2015-08-20, 22:18

ولله يا ام حمزة غير انا تاني جربت الوصفة تع الكروكي وخرجلي نفس المشكل الي قلتي عليه انا تاني شكيت في الخمارة بصح اتفنينت باش انعاوده ادا عاودتيه ونجحلك قوليلي بلك

اندير القلب ونجربه مرة اخرى

لبنات تصبحو على خير واحلام سعيدة

ام حمزة22 · 2015-08-20, 23:23

لبنات راني ميتة بنعاس ما قدرتء حتى ندير ردود كنت مع قسم طلبات الخياكة والاه غاطتني سكايفية وحبيت نرفد عليها سوية تقل على الطلبات
المهم انا نقوللكم تصبحو بالف خير

ام جوجو بصحتك العشاء

غزالتي يعكيك الصحة لي عكيتيلنا من وقتك وخليتي الماعن يستناو فيك روحي غسليهم وروحي ريحي راح الحال

ام سوهيل ان شاء الله فالغد نجربو بساشي واحد نتاع خميرة ونشوف النتيجة

غزالة الصّحراء · 2015-08-20, 23:53

مساء النور غزولة حنونة وش راكي ولله غير توحشناك وتوحشنا هدرتك الحلوة

وش راكي وش اخبارك وكيراهم وليداتك وزوج والعائلة الكريمة

اما عن سوهيل ايسال عليك الخير حنونة ربي يخليك للي عزيز عليك ولله غير تفرحيني كي تسقسى عليه وتدعيلو دعوة الخير ولكي بي المتل انتي

ووليداتك فلحقيقة جبته من عند خواله طول عليا بزاف ولات الدار خوية بلابيه رمضان جوزتو سامط

يخاااااااااااااااااه درب شهرين عند خواله بسيف مجبته ومزال مملش وان كدبتها عليه وقتله صايى البحر بلع وراهم يسيقو فيه على قولة خوى الصغير هههههههههههههه

وهو مقدب ولو مسكين ولى يقولي ماما كيفاش ايسيقو البحر وانا نقله مشفتهمش ههههههههههههه كي نشوفهم نقولك

اما بي النسب للمعجون غير جربيه راهو ميتشبعش[/quote]

أختي ام هدول انت الأحلى. يتوحشك الخير إن شاء اللّه. والحمد للّه الي سوهيل راه بخير. أتهلاي فيه لما يرجع للمدرسة راقبيه في دراستو. أما الآن خليه ايزيد يرتاح لما يكبر بسلامتو رايح يتفكر كلّ هذيك الأيام أما عن كذبتك البيضة رايح يضحك عليك لما يعرف الحقيقة.. ولما يكبر بسلامتو هو الي رايح ايخبرك كيفاش ايسيقوا البحر. ورايح تضحكي معاه. وتحسي بحبو ليك وتحسي بانّه كان يعيش الطفولة البريئة التي تصدّق كلّ مايقال لها فقط لأنّنا نخاف عليها من الأذى. ربي ايخليهولك. وينجحو في حياتو . ويطول في عمرك وتحضري لأفراحو آمين.

غزالة الصّحراء · 2015-08-20, 23:59

اقتباس:

المشاركة الأصلية كتبت بواسطة omjoujou

هذا عشايا

أختي ام جوجو بصحتكم العشاء راه ايشهي . ربّي يدوم نعمتو عليكم. أم جوجو راني فرحانة كيماكيش زعفانة. وراني عارف ماش رايح تزعفي منّي. اللّه لايحرمنا منك ومن لطافتك وحسن ردودك وسعة خاطرك. تسلمي حنونتي على تواضعك وعلى مواضعك المميّزة. تحياتي الخالصة لك ولجميع الأخوات.

غزالة الصّحراء · 2015-08-21, 00:02

اقتباس:

المشاركة الأصلية كتبت بواسطة omjoujou

الله يسلمك حنونتي والله ماني زعفانة كنت نتمسخر برك لانك شخص عزيز علبا و تهميني عليها قلت هذاك لكلام
بصحتك البتزا و الدلاع
ربي يخليك لينا و ميحرمناش من طلتك يا طيبة

اللّه ايعزّك حنونتي أم جوجو. وأنت ثاني بصحتكم العشاء . راه ماشاء اللّه. اللّه لايحرمنا منك أيضا ربي ايدوّم محبتنا.

holitchi · 2015-08-21, 03:29

بارك الله فيك با ام حمزة

ام حمزة22 · 2015-08-21, 07:28

اقتباس:

المشاركة الأصلية كتبت بواسطة holitchi

بارك الله فيك با ام حمزة

وفيك بركة الله اختي

نورتينا بوجودك اسعدني مرورك الطيب بارك الله فيك

ام حمزة22 · 2015-08-21, 07:29